ฟีลิปปี 2:5 - ลีเทส่อพ๊าอาเซ เร๊อ เห่ขุทวาลู๊

⁵ ซี โต แด่ แซ่ แลแค ซี ซิปล่อ ฮู๊ ครี๊เนอ.

Eastern Kayah Shadaw Dialect

⁵ ꤞꤤ꤭ ꤒꤥ꤭ ꤘꤢꤧ꤬ ꤞꤢꤧ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤟꤢꤨ ꤋꤚꤤꤔꤣꤧ꤬꤯

ฟีลิปปี 2:5 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

อูเป เตเพร เบ่เบ่, อา เก่ เฮ๊แถ่โล เฮ๊อ อาเหน่ เร๊อ อา ทวาแถ่เฮ๊อ เตเตอเจ๋อ โต เฮ๊อ เร๊อ จอแปแหร่ เฮ๊อ เฮ๊เนอ, อา โตเบ่ ครวาเค หยิเกอ เหย่ซู่ครี๊ อากู๊โด่ เหล่โกล.

มัทธิว 11:29

แย๊ แลแค แว อิแย๊ เออ เร๊อ อิซว๊าซิเง เกอ เต เด๊อ แวโอ่เออ, เมเตเฮ๊เรอ แว ซิโดซิงา เร๊อ แว แด่แล แวซิปล่อ อาขว่าอาคยา, เน เก่ แม๊เถอะ เน ซิปล่อ อา เหล่โอ่โก๊ เตเบ๊ซิพร๊า ปา.

เปโตร อาเหร่อเล๊อ ต๊าบ่า 2:21

แซ่ฮู๊ ซี เบ่ แด่ทูซิปล่อเบ๊ เตจาเตจือ เออ อาเงเนอเรอ, จอแปแหร่ เอ๊เถ่ เฮ๊อ ซี เฮ๊อ, เมเตเฮ๊เรอ ครี๊ อาเหน่แบ่เจ่ เร๊อดื่อ จ่าเพรอ โทเฮ๊อ เตจาเตจือ เด๊อ ซีเง เฮ๊อ. เร๊อ แซ่ฮู๊ ซี เก่ ครวา หยิเกอ อากู๊โด่เค อาเงเนอ, อา แด่แก เป่ เฮ๊อ ซี เหล่แม๊บือ เฮ๊อ.

เปโตร อาเหร่อเล๊อ ต๊าบ่า 4:1

ครี๊ อาเหน่กล่อ ข่าจาข่าจือ อาขว่าอาคยา, ซี โตเบ่ แด่แซ่เกอ ซี ซิปล่อ ฮู๊ แบ่เจ่ เนอ, เร๊อ ซี โตเบ่ แด่ทูซิปล่อ เกอ เตจาเตจือ เต๊เห่, เมเตเฮ๊เรอ, แกแย เด๊อ อา ข่าจาข่าจือ เด๊อ เหน่กล่อ พ๊าหย่า ตากยา เต๊เห่เนอ, อา เม ปา เตซื๊อเตปล๊า โต่.

โครินธ์ อาเหร่อเล๊อ ต๊าบ่า 10:33

เมเกอ แลแค ฮู๊ แว เม เนอ. แซ่ฮู๊ อู เก่ พย๊าหนิ เตเมแลเปล๊กา อาเงเนอ, แว เม อิเตเต๋ เบ่เบ่, แว แอ๊จื๊อ ลือเมโต เป่ อู ซิปล่อ อา เตซิหยื่อ เต๊เห่. แว เตเน เม แพ๊ เต เด๊อ แว ซิหยื่อ เม เนอเต๊เห่ เร๊อ เต เด๊อ อาแร๊ เด๊อ แว เตเพร อาเง เร๊อดื่อ เนอเต๊เห่ หม่าโต่. แว แม๊ปู เม เป่ เต เด๊อ อาแร๊ เด๊อ แกแย ปว๋า เตเพร อาเง เนอเต๊เห่ แพ๊.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤚꤥꤗꤢꤩ꤬ 15:5

แว กุยจ๊อเบ เร๊อ จอแปแหร่ เด๊อ อา เด๊อะ ซี เตแด่ทูซิปล่อ เออ เร๊อ เตเหร่เตแบ เออเตเพรเนอ, อา เก่ เมจว่า เร๊อดื่อ ซี แซ่ฮู๊ ซี เตเพร เร๊อ เตเพร เก่ โอ่เต่อ ลู เร๊อ ซิปล่อ เตเม่วโต ฮู๊ ซี แม๊บือเกอ เหย่ซู่ครี๊ อา เตโอ่เซอเพร เนอเต๊เห่ นี๋.

เพรโด่แนพู๊ เต๊เห่ 20:35

แซ่ฮู๊ เป เก่ เมจว่า เบ๊เกอ แกแย เด๊อ อ๊าเจ่เหร่เจ่ เต๊เห่เนอเรอ, แว เม แบ๊บือ ลอ โทเฮ๊อ ซี ปว๋า เต๊อเจ่อ เน๊อ เป โตเบ่ เอครือแรครือ เต, ฮู๊เนอ. เร๊อ ซิเงแถ่เบ่ แลแค แบ่เจ่ เหย่ซู่ อา เตเฮ๊เบ่ เด๊อ อา เฮ๊ เน๊อ, ‘เด๊อะเต เน๊อ อูเนอ พย๊าหนิ เอ๊เล๊อ ปา เจ๊อ เตบุ๊ยเตเตอเรอ เน๊อ อู เด๊อะ เน เนอเจ๊อ,’” คูเปาโล เฮ๊ เป่ เหย่ซี ฮู๊เนอ.

ꤚꤥꤗꤢꤩ꤬ 15:3

เมเตเฮ๊เรอ, ครี๊ อาเหน่แบ่เจ่ เร๊อดื่อ เจ๊อ เรอ อา ลือเมโม เกอเร๊อ อาเหน่ โต่. โท๊โต่ ลีเทส่อพ๊ากู เฮ๊ เน๊อ, “เต เด๊อ อู เป๊อเจ่ออิแช๊ เน เต๊เห่เนอ, อา แฮเบ่ เกอเฮ๊อ แว เฮ๊อ.”

ꤜꤢꤨꤊꤢ꤬ 22:27

แกแย เห่ขุพู๊ เต๊เห่ เตเน เร๊อ แกแย โอ่แนโอ่ อาเอ่อาโอ เด๊อ ดีเหร่ช๊า เนอหม่า อา ทวา ดุเล๊ออู เฮ๊อ. เร๊อ เพร เมเตพู๊ เด๊อ อา โบ่เอ่ แกแย เด๊อ อา โอ่แน เอ่เฉ่ เนอเต๊เห่ หม่า อา ทวา แกแย เด๊อ อา ปีตี๊เล๊ออู เฮ๊อ อา เตเน แลแค ฮู๊เนอ. หม่าแน๊เรอ, แวเร๊อ แว โอ่ เด๊อ ซีเกล ฮู๊ หลู่เล๊ เด๊อ อา เล๊เอ่เล๊โอ อู เตเพร เนอแพ๊.

ꤚꤥꤗꤢꤩ꤬ 14:15

เด๊อ เน เอ่ เตเต๊อเจ่อเจ่อ อาขว่าอาคยาเร๊อ, เน โป่แหว่ เตเนโม ตีกี๋ โต่ เก่เฮ๊เรอ, เน เม เตเออเนอ เด๊อ เตโม อากู หม่าโต่. เด๊อ เน เอ่เฉ่ อาขว่าอาคยาเร๊อ, จว๊าเมปย๊าแก แต่ เน โป่แหว่ เด๊อ ครี๊ ข่าเซอ เป่ โทเฮ๊อ เด๊อ อาเง เออเนอ เตเพร แต่เหม่.

เพรโด่แนพู๊ เต๊เห่ 10:38

โทเรอ จอแปแหร่ นว๊าแถ่ วีนาซาเร็ธพู๊ เหย่ซู่ เร๊อ อา เด๊อะ ลู แหย่โยบูโพ๊แบ่เจ่ เร๊อ อา เตโพรเตเตอเรออาฉว่าชอ ฮู๊เต เนอ, ซี ซิเง โทดื่อเฮ๊อ. เหย่ซู่ เลจว๊า เด๊อ เหล่โอ่ ปว๋า โต๊โผ่ เร๊อ จว๊า เมบุ๊ยเมเตอเรอ เป่ อู, แหย่โอ่เหม่ลอ แกแย โอ่ เด๊อ โลเน๊โลหน่า กู่กล๊อ เมนือเมจ๊า ลู เต๊เห่, เมเตเฮ๊เรอ จอแปแหร่ โอ่เกอ เน๊อ อา อาขว่าอาคยา, อา เมเฮ๊อ เต ฮู๊เนอ เฮ๊อ.

ฟีลิปปี 1:1

เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.