ฟีลิปปี 2:3 - ลีเทส่อพ๊าอาเซ เร๊อ เห่ขุทวาลู๊3 เบ๊อะซี เมเต เบ๊อะเนอ, แม๊ดุ เกอเร๊อดื่อ ตื๊อ ซี เตเพร อาเง แต่เหม่ นี๋, พย๊าดุพย๊าแถ่โล แต่ ซีเหน่ แต่เหม่, อู๊เตเต๋เบ่เบ่ แด่แลหนิ แลแค ซี ซิปล่อ เด๊อ เตเพร เร๊อ เตเพร อาเล นี๋, เร๊อ เตเนดุ เล๊อ อูโร เร๊อ ซีเหน่ เร๊อดื่อ นี๋. အခန်းကိုကြည့်ပါ။Eastern Kayah Shadaw Dialect3 ꤙꤣꤧ ꤞꤤ꤭ ꤗꤢꤩ꤬ꤒꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤗꤢꤧꤘꤢꤨ꤬ ꤚꤣꤧꤘꤢꤦ꤬ ꤒꤢꤦ ꤞꤤ꤭ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤒ꤫ꤢꤧ꤬ꤗꤢꤩ꤬ ꤔꤤ, ꤖꤛꤢꤘꤢꤨ꤬ꤖꤛꤢꤓꤢꤧ꤬ꤜꤥ꤭ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬, ꤗ꤫ꤢ꤬ꤟꤢꤩꤗꤢ꤬ ꤏꤢꤧ꤬ꤜꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤘꤣ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤢ꤬ꤜꤢꤩ꤭ ꤔꤤ꤮, ꤚꤣꤧ꤬ ꤒꤣꤧ꤬ꤔꤢꤩ꤬ꤘꤢꤨ꤬ ꤜꤣ ꤢꤨ꤭ꤚꤥ꤬ ꤔꤢꤧ ꤞꤤ꤭ꤔ꤫ꤢꤩ꤬ ꤚꤣꤧꤘꤢꤦ꤬ ꤔꤤ꤮꤯ အခန်းကိုကြည့်ပါ။ |
ฟีลิปปี 2:3
24 ပူးပေါင်းရင်းမြစ်များ
ฮู๊ แว เฮ๊ เป่ โทเฮ๊อ ซี เร๊อ เตแด่แลซิปล่อ อาหรี่อาแก เนอ เฮ๊อ, ซี เด๊อ อา หน่าเจ่เล๊อ เต๊เห่เนอ, ซี เบ่ แด่แล แลแค ซี ซิปล่อ เด๊อ โหมะพรูโหมะเผระ เต๊เห่ อาเล. ซี ปว๋า เตเพร โตเบ่ กือแซ๊แถ่ แลแค แด่แล ซิปล่อ เตเพร เร๊อ เตเพร แซ่เน๊อ ซี กือแซ๊แถ่ เห่อจาเนอ, เมเตเฮ๊เรอ, ลีเทส่อพ๊ากู เฮ๊ เนอ, “จอแปแหร่ เมตาตือแก แกแย เด๊อ อา แด่แถ่โล อาซิปล่อ เนอเต๊เห่ หม่าแน๊เรอ เตบุ๊ยเตเตอเรอ เออเนอ, อา เด๊อะ ตา เป่ เร๊อ แกแย เด๊อ อา แด่หยว่า อาซิปล่อ เนอเต๊เห่ แพ๊”
แซ่ฮู๊ ซี เก่ ทวาแถ่ แกแย อาโพ๊อาแปละ เร๊อ อู เหล่แด่ เตซื๊อ เด๊อ ซีลู เก่ โอ่ ปา แต่เหม่, โท๊โต่ แซ่ฮู๊ ซี เก่ ทวาดื่อ จอแปแหร่ อา พู๊เหมาะพู๊คู เด๊อ อาเตซื๊อ โอ่ โต่ เต๊เห่, เร๊อ เบ๊อะซี โอ่เซอเพร เด๊อ แกแย มู๊แหม่ จ๊อเตโต่ เออเต๊เห่ อาเกล เอออาเค, แซ่ฮู๊ ซี เก่ ลีเตเคแถ่ เป่ อู ฮู๊ เฉ่เต๊เห่ เด๊อ เห่ขุต๊าบ่า เอออาเงเนอ, ซี เมเต อิเตเต๋ เบ่เบ่, ตามวาเตเล เคร๊แขะ แต่ แลแค แต่เหม่ นี๋.
ฮู๊เนอเรอ แกแย เออเต๊เห่เนอ, อา แด่ดุ พย๊าแถ่โล ตาลว๊าซิลือ แลแค เจ๊อ อาซิปล่อ เร๊อ อา ซิเง แลแค เตอเจ๋อ โต่. เหย่ซี ซิปล่อฉว่า ตาลว๊าซิลือ เด๊อ อา เก่ เคร๊แขะ อู เร๊อ ลีปล่อ ตอปล๊อ เร๊อ ตอปล๊อ อาโหง่แลช๊า เต๊เห่ อาขว่าอาคยา, เตเออเต๊เห่เนอ, อา นอโอ่แถ่ เตซิค๊า ลู, เตกย๊าตางา, เตเป๊อเจ่ออิแช๊, เร๊อ เตเนซื๊อ เกอลู เต๊เห่ แพ๊.
เร๊อ เหย่ซู่ เฮ๊ เหย่ซี เน๊อ, “แว เฮ๊ ซี, แกแย เด๊อ อาจ๊ออาเต เด๊อ จอแปแหร่ อา เป๊เส่เง เนอหม่า ฟาริสี เออเตเพรเนอ หม่าโต่, เพรกุยอาหมู่อาร๊า เออเตเพรเนอ, เบ๊อะอา กา เด๊อ อาหี่ เบ๊อะเนอ, อาจ๊ออาเต เด๊อ จอแปแหร่ อา เป๊เส่เง เฮ๊อ, เมเตเฮ๊เรอ แกแย เด๊อ อา แด่แถ่โล อาเหน่ เตเพรเนอ, จอแปแหร่ แด่ หยว่า ลู ปา. เร๊อ แกแย เด๊อ ถู่แหล่เต๊เปล่กา อาซิปล่อ เตเพรเนอ, จอแปแหร่ เก่ แด่แถ่โล อา ปา.”
ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.
เมเตเฮ๊เรอ ซี โอ่เซอเพร แซ่ ปาแพ๊ เน๊อ แกแย เห่ขุพู๊ เด๊อ อา ครวาลือ เม ปาแพ๊ แลแค ฮู๊ อา เตซิหยื่อซิลอ โอ่ เนอเต๊เห่ แพ๊. ซี ซิเคว๊ เกอเร๊อ เกอลู เตเพร เร๊อ เตเพร, ซีกย๊าตางา เกอเร๊อ เกอลู เนอหม่า อา เด๊อะโลแถ่เฮ๊อ เร๊อ ซี แซ่ ปาแพ๊ เน๊อ แกแย เห่ขุพู๊ เนอเต๊เห่ แพ๊ แวเฮ๊โต่? ซี เมแซ่ ปาแพ๊ เน๊อ แกแย เด๊อ อา หยื่อเอ่ เกออู ครี๊ โต่ เนอเต๊เห่ แพ๊.
เด๊อ เพรโด่แนพู๊ เต๊เห่ ล๋อ ปลี อาเกลเนอ, แว หม่า แกแย เด๊อ อาต่าเจ๊อ เกออู ฮู๊ เพรโด่แนพู๊ เต๊เห่ เด๊อ อาโร เนอเต๊เห่ ตีกี๋ โต่ เตเพร เฮ๊อ, เมเตเฮ๊เรอ เบ๊อะแว หยื่อเอ่ แต่ลา เหย่ซู่ครี๊ โต่ เบ๊อะเนอ, แว เมจาเมจือ แกแย เด๊อ อา หยื่อเอ่ เหย่ซู่ครี๊ เต๊เห่ อาขว่าอาคยา, อู เก่ เอ๊ เกอ แว เร๊อ เพรโด่แนพู๊ เต๊เห่ เตเพรแพ๊เน๋อ อา ต่าเจ๊อ ตีกี๋ โต่.
เออโตโพ๊เรอ, เป โอ่เซอเพร แซแร เอ่โอ เกออู ฮู๊ แกแย เด๊อ อา โอ่เซอ เพร เด๊อ เหมาะเชเกล เนอเต๊เห่ โป๋. เม ตอปลอแลยอ ป่วย เบ่เบ่, เอ่มือโอแพร๊ เบ่เบ่, สุ่ยหย่าเทอ อา เตซิหยื่อ มู๊แหม่ เต๊เห่ เบ่เบ่, เตเตเน ปาต๊าเปอเตอ เต๊เห่ เบ่เบ่, เตเตกย๊าตางา ลู เต๊เห่ เบ่เบ่, เตเตเน ซิเคว๊ ลู เต๊เห่ เบ่เบ่, เป เมปาโต่ เฮ๊อ โป๋.
ကြော်ငြာတွေ