ฟีลิปปี 2:26 - ลีเทส่อพ๊าอาเซ เร๊อ เห่ขุทวาลู๊

²⁶ หม่าเมเตเร๊อ ซี หนิโฮ เร๊อ คูเอปาโฟรดิทัส โอ่โมโอ่แร๊ โต่ อาขว่าอาคยา, อา ซิหนิโส่ แม๊เถอะ แหน่เจ๊อ ซี ปว๋า เตเพร เจ๊อ. เร๊อ อา เตเนกู่ เตเนแก เป่ แหน่เจ๊อ เด๊อ ซีเง เจ๊อ. ฮู๊เนอเร๊อ แว นอกาคยา คยาแซ๊ อา เด๊อ ซี โอ่.

Eastern Kayah Shadaw Dialect

²⁶ ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤞꤤ꤭ ꤔ꤫ꤤ꤬ꤟꤥ꤭ ꤔꤢꤧ ꤋꤢꤨ꤭ꤢꤩꤕꤢ꤬ꤖꤚꤢꤪꤘꤤꤒꤢꤨ ꤥ꤬ꤗꤥ꤬ꤥ꤬ꤚꤢꤧ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤞꤤꤔꤢꤩ꤬ꤞꤥ꤬ ꤗꤢꤧꤓ꤫ꤣꤧ꤬ ꤔꤢꤧ꤬ꤡꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ, ꤚꤣꤧ꤬ ꤢ꤬ ꤒꤣꤧ꤬ꤔꤢꤩ꤬ꤊ꤫ꤢꤨ꤬ ꤒꤣꤧ꤬ꤔꤢꤩ꤬ꤊꤢꤧ꤭ ꤕ꤫ꤢꤩ꤬ ꤔꤢꤧ꤬ꤡꤣꤧ ꤘꤣ ꤞꤤ꤭ꤑꤢꤩ꤭ ꤡꤣꤧ, ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤔꤢꤪ꤭ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤘꤣ ꤞꤤ꤭ ꤥ꤬꤯

ฟีลิปปี 2:26 ပူးပေါင်းရင်းမြစ်များ

ฟีลิปปี 1:8

แว ซิหนิโส่ แม๊เถอะ แหน่เจ๊อ ซี เร๊อ แว โม เกอเร๊อ ซี ปว๋า เตเพร เร๊อ เตโม เด๊อ เหย่ซู่ครี๊ เด๊อ แว เออเนอหม่า จอแปแหร่ ซิเง แพ๊.

เอเฟซัส 3:13

เมฮู๊เนอเรอ, แว กุยซิยอ ซี๋, เด๊อ แว ข่าเบ่ เตจาเตจือ เด๊อ ซิเง เออเนอ, ซิปล่อปย๊า แต่ แลแค แต่เหม่ นี๋. แว ข่าเบ่ ฮู๊เออ เนอหม่า ซี เหล่หนิบุ๊ย หนิเตอเรอ อาเงแพ๊.

ꤚꤥꤗꤢꤩ꤬ 12:15

ซิครือซิลอ โหร่เกอ เร๊อ แกแย เด๊อ อา ซิครือซิลอ เนอเต๊เห่ นี๋. ซิเปลซิหย่อ โหร่เกอ เร๊อ แกแย เด๊อ อา ซิเปลซิหย่อ เนอเต๊เห่ นี๋.

ฟีลิปปี 4:1

ฮู๊เนอ อาขว่าอาคยา, แว โป่แหว่ ซี๋, ซี หม่า แกแย เด๊อ แว โม เกอเร๊อ เต๊เห่ เร๊อ แว ซิหนิโส่ เกอเร๊อ แหน่เจ๊อ เต๊เห่, ซี หม่า เพร เด๊อ อา เม ซิครือซิลอ แหน่เจ๊อ แว เร๊อ แว พย๊าแถ่โล่โม เกอเร๊อ แหน่เจ๊อ แวเหน่ เร๊อ ซีคยา เจ๊อ. โคแบ๊ซว๊าโม ซี๋ เออ หม่า หม่าเฮ๊อ ซี โต โอ่หม่าโอ่กลอ แลแค เด๊อ แบ่เจ่ อากู ฮู๊เตเนอ เฮ๊อ.

ꤚꤥꤗꤢꤩ꤬ 9:2

แว ซิเปลซิหย่อ โกโน๋ โต่. อาเช แว ซิปล่อเออ, อา โอ่เหม่ เป่ปา เจ๊อโต่ เฮ๊อ.

มัทธิว 26:37

อา เอ๊ครวาจว๊าหนิ คูเปโตร เร๊อ เพเศเบดี อาพู๊เพรคู ซิเนอ จว๊าเต่อ เกออา เร๊อ อา ซิเปลซิหย่อ แฮ เร๊อ อา ซิปล่อกู่ ซิปล่อแก แฮแหน่เจ๊อ.

มัทธิว 11:28

“ล๋อ แกแย เด๊อ อา วี๊โถ่แย๊โถ่ เร๊อ อา ซิพร๊า แลแด๊ ซี เต๊เห่เนอ, แฮ เด๊อ แวโอ่เออ, เร๊อ แว เก่ เด๊อะโอ่โก๊ เตเบ๊ซิพร๊า ซี.

เปโตร อาเหร่อเล๊อ ต๊าบ่า 1:6

ฮู๊เนอเร๊อ ซิครือซิลอ แลแค เน๊อ ล๋อ เตเออเต๊เห่ นี๋, หม่าแน๊เรอ กู๊แหน่เออ แตแปล๊เตอเปล๊อ อากูเนอ เตแป่เตเช ปว๊าเต๊อเจ่อ เมกู่เมแก ซี.

ฟีลิปปี 1:3

แว ซิเหน่แถ่เบ่ โต่ ซี เบ๊อะเคเต๋ เบ่เบ่ เนอ, แว เฮ๊บุ๊ยเฮ๊เตอเรอ แว จอแปแหร่.

ꤊꤢ꤬ꤜꤢ꤬ꤒꤤ 6:2

วี๊แย๊ โหร่ลู เตเพร เร๊อ เตเพร อา เตวี๊เตแย๊ เต๊เห่ นี๋. ซี เก่ เมฮู๊เนอ เฮ๊เนอหม่า ซี เม เฮ๊อ ฮู๊ เหย่ซู่ครี๊ อิซว๊าอี๊แส่แก เนอเฮ๊อ.

โครินธ์ เนอบ่า ต๊าบ่า 9:14

ฮู๊เนอเรอ จอแปแหร่ เตบุ๊ยเตเตอเรอ เด๊อ อา โค๊ตีกลี๊ดื่อ เออเนอ, อา เด๊อะโล เป่ ซี เร๊อ ซี เด๊อะโล แฮเง เป่ เหย่ซี อาขว่าอาคยา, เหย่ซี เก่ กุยจ๊อเบ เป่ เด๊อ ซีเง ปา, โท๊โต่ เหย่ซี เก่ ซิหนิโส่ แม๊เถอะ แหน่ เจ๊อ ซี ปา.

โครินธ์ อาเหร่อเล๊อ ต๊าบ่า 12:26

อาครืออาขรว่า เต๊อเจ่อ เก่ ข่าเบ่ เตแป่เตเช เฮ๊เรอ อาครืออาขรว่า ล๋อ ปลี เก่ ข่า เต่อเกอ เร๊อ ลู. อู เก่ ถู่เซ๊หนิ อาครืออาขรว่า เต๊อเจ่อ เฮ๊เรอ, อาครืออาขรว่า ล๋อ ปลี เก่ ซิครือ โหร่เกอ ลอ ลู.

ꤚꤥꤗꤢꤩ꤬ 1:11

เมเตเฮ๊เรอ แซ่ฮู๊ แว เก่ แฮ เด๊อะ เป่เกอ ซี จอแปแหร่ อา แหย่โยบูโพ๊ อาเชหยู่ เออเนอเรอ, แว ซิหยื่อ แฮ โอ่เล เกอ ลา ซี. จอแปแหร่ อา แหย่โยบูโพ๊ อาเชหยู่ เก่ เด๊อะฉว่าเด๊อะชอแถ่ ดื่อ ซี ซิปล่อ นี๋.

เพรโด่แนพู๊ เต๊เห่ 21:13

หม่าแน๊เรอ คูเปาโล เฮ๊ฉื่อ เป เน๊อ, “ซีโหง่ซีเห่ เร๊อ ซี เม ซิเปลซิหย่อ แว เมเต? แว โอ่ตี๊หรี่แตแร หนื่ออื่อ เฮ๊อ แวเหน่ เด๊อ อู เก่ปื่อเก่จอ แว เบ๊อะวีเยรูซาเล็ม เออเนอ ปา ตื๊อดื่อ หม่าโต่, แว ตี๊หรี่แตแร หนื่ออื่อ โป่ เจ๊อเฮ๊อ เด๊อ แว เก่ เซอ เด๊อ แบ่เจ่ เหย่ซู่ อาเง เจ๊อ.”

ฟีลิปปี 2:25

แว โตเบ่ นอกาคยา เป่ ซี คูเอปาโฟรดิทัส เด๊อ ซี โอ่ แว เตเน ฮู๊เนอ. อา หม่า แว โป่แหว่ เตเพร, อา หม่า แกแย เด๊อ อา เมเต่อ โทเฮ๊อ เต เร๊อ แว เร๊อ อา ช๊า โหร่เต่อเกอ โทเฮ๊อ เต เร๊อ แว เฮ๊อ. อา หม่า แกแย เด๊อ อา ซู เป่ ซี ลี เนอเตเพร เฮ๊อ เร๊อ แซ่ฮู๊ อา เก่ เมจว่า เป่ แว เตโหล่ เต๊เห่เนอ เร๊อ ซี นอแฮ ลู เด๊อ แว โอ่ เนอเตเพร เฮ๊อ.

ฟีลิปปี 2:27

อา ซิชุ๊ย หม่าแหน่ เจ๊อ หนิ, อา เตเรผื่อเซอ ตีลี๊ เจ๊อ เฮ๊อ. หม่าแน๊เร๊อ จอแปแหร่ ซิยอเร๊อ ปา อา, เร๊อ อา ซิยอเร๊อ ตื๊อ อา หม่าโต่, อา ซิยอเร๊อ เกอ ปา แว. เมเตเฮ๊เร๊อ อา เก่ เซอบย่า เฮ๊เนอหม่า, แว เก่ ซิเปล เล๊อ โป่ เจ๊อ แหน่ เร๊อ เออ เฮ๊อ.