ฟีลิปปี 2:14 - ลีเทส่อพ๊าอาเซ เร๊อ เห่ขุทวาลู๊

^14-15 แซ่ฮู๊ ซี เก่ ทวาแถ่ แกแย อาโพ๊อาแปละ เร๊อ อู เหล่แด่ เตซื๊อ เด๊อ ซีลู เก่ โอ่ ปา แต่เหม่, โท๊โต่ แซ่ฮู๊ ซี เก่ ทวาดื่อ จอแปแหร่ อา พู๊เหมาะพู๊คู เด๊อ อาเตซื๊อ โอ่ โต่ เต๊เห่, เร๊อ เบ๊อะซี โอ่เซอเพร เด๊อ แกแย มู๊แหม่ จ๊อเตโต่ เออเต๊เห่ อาเกล เอออาเค, แซ่ฮู๊ ซี เก่ ลีเตเคแถ่ เป่ อู ฮู๊ เฉ่เต๊เห่ เด๊อ เห่ขุต๊าบ่า เอออาเงเนอ, ซี เมเต อิเตเต๋ เบ่เบ่, ตามวาเตเล เคร๊แขะ แต่ แลแค แต่เหม่ นี๋.

Eastern Kayah Shadaw Dialect

^14-15 ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤕꤜꤤ꤭ꤖꤥ ꤚꤣꤧ꤬ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤒꤢꤩ꤬ꤞꤢꤦ ꤘꤣ ꤞꤤ꤭ꤜꤥ꤬ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ꤒꤢꤩ꤬ꤞꤢꤦ ꤥ꤬ ꤒꤥ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤙꤣꤧ ꤞꤤ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤗꤢꤨꤗ꤫ꤢꤧ꤬ ꤡꤢꤪꤒꤢꤩ꤬ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤣꤧ꤭ꤢ꤬ꤋꤢꤩ꤭, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤜꤤ꤭ꤒꤣꤧ꤬ꤋꤢꤩ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤟꤢꤨ ꤏꤢꤩ꤬ꤒꤣꤧ꤬ꤟꤢꤩ꤬ ꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤣꤧ꤭ꤢ꤬ꤑꤢꤩ꤭ꤔꤣꤧ꤬, ꤞꤤ꤭ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤒꤣꤧ꤬ꤗꤝꤢ꤭ꤒꤣꤧ꤬ꤜꤢꤩ꤭ ꤋꤚꤢꤩꤋꤚ꤫ꤢꤧ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ฟีลิปปี 2:14 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:9

เอ๊โมฉื่อ แลแค ซิเผระซิแม เด๊อ ซีหี่ด๊อ หี่แพกู นี๋, ตามวาเตเล แต่ แลแค เหม่ นี๋.

โครินธ์ อาเหร่อเล๊อ ต๊าบ่า 10:10

เป เบ่ ตามวาเตเลหนิ ฮู๊ เหย่ซี เต๊เห่เห่ ตามวาเตเล เนอ โต่. เปเพอเปโพ เด๊อ เหร่อเคเนอ เต๊เห่ ตามวาเตเล แลแค อาขว่าอาคยา, ม๊อขุ เตเน่วพู๊ เมเซอแก เหย่ซี.

ฟีลิปปี 2:3

เบ๊อะซี เมเต เบ๊อะเนอ, แม๊ดุ เกอเร๊อดื่อ ตื๊อ ซี เตเพร อาเง แต่เหม่ นี๋, พย๊าดุพย๊าแถ่โล แต่ ซีเหน่ แต่เหม่, อู๊เตเต๋เบ่เบ่ แด่แลหนิ แลแค ซี ซิปล่อ เด๊อ เตเพร เร๊อ เตเพร อาเล นี๋, เร๊อ เตเนดุ เล๊อ อูโร เร๊อ ซีเหน่ เร๊อดื่อ นี๋.

ꤡꤛꤢꤩ꤭ꤗꤢ꤬ꤎꤣ꤬ 5:9

โป่แหว่ ซี๋, แซ่ฮู๊ ซี เก่ ข่าเบ่ แต่ เตเมจากาคยา แต่เหม่เนอ, ตามวาเตเล แต่ ลู เตเพร เร๊อ เตเพร แต่เหม่. เพรเฮ๊เบ่เมโตเต เออเตเพร แฮโอ่เต่อผื่อ ต๊อต่อเฮ๊อ เด๊อ กู่ดาทือ เฮ๊อ.

ꤚꤥꤗꤢꤩ꤬ 12:18

แอ๊จื๊อ โอ่เซอเพร โครเกล เกอ แลแค เร๊อ อู เบ๊อะเนแอ๊จื๊อเบ๊ ตื๊อดื่อ เนอ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:15

จว๊าเมเลอ กาคยาฉื่อ แต่ แกแย เด๊อ อู เมซื๊อ ลู เนอเต๊เห่ แต่เหม่ นี๋. หม่าแน๊เรอ, แอ๊จื๊อ เมแร๊ เกอเร๊อ ลู เตเพร เร๊อ เตเพร ปว๋า โตโพ๊ เร๊อ แอ๊จื๊อ เมแร๊ หนิเป่เกอ แกแย เด๊อ อาโร เต๊เห่ นี๋.

ꤡꤛꤢꤩ꤭ꤗꤢ꤬ꤎꤣ꤬ 1:20

เมเตเฮ๊เรอ, แกแย เด๊อ ซิปล่อดุ สู่เทอทู เต๊เห่เนอ, อา เด๊อะทวาแถ่ แจ่ เตโอ่เซอเพร อาจ๊ออาเต เด๊อ จอแปแหร่ ซิหยื่อ นอโอ่เซอเพร เออเนอ แตแค๋ โต่.

ꤊꤢ꤬ꤜꤢ꤬ꤒꤤ 5:26

เป เบ่ พย๊าแด่ดุหนิ เปเหน่ โต่. เมซิปล่อดุ เกอเร๊อ แต่ ลู เตเพร เร๊อ เตเพร แต่เหม่. ซิเคว๊ เกอเร๊อ คยาลู เตเพร เร๊อ เตเพร แต่เหม่ นี๋.

ꤊꤢ꤬ꤜꤢ꤬ꤒꤤ 5:15

หม่าแน๊เรอ ซี เก่ แอ๊ ซีเหน่ ฮู๊ เตมีเตแหม่ เร๊อ ซี เก่ เอ่เกอเร๊อ คยาลู เตเพร เร๊อ เตเพร เฮ๊เนอหม่า รอหนิ แลแค ซีเหน่ นี๋, เมเตเฮ๊เรอ ปาหม่า ซี เมปย๊าเมหลู่ เกอเร๊อ ลอคยา ซีเหน่ เตเพร เร๊อ เตเพร เห่.

ꤡꤛꤢꤩ꤭ꤗꤢ꤬ꤎꤣ꤬ 3:14

หม่าแน๊เรอ เด๊อ ซี ซิปล่อกูเนอ, ซี เก่ ซิค๊าซิเถ่ แหน่เจ๊อ ลู, ซี โมแล เกอเร๊อ ซีเหน่ เร๊อ ซี แม๊ดุแล เกอเร๊อ ซีเหน่ เออเต๊เห่ เก่ โอ่ เฮ๊เนอ, เฮ๊เบ่ ถู่เซ๊ เกอเร๊อ แต่ ซีเหน่ เร๊อ ซี โอ่ เร๊อ เตเตเนแจ่ ฮู๊เนอ แต่เหม่. เร๊อ เมเต๊แก่ฉื่อ แต่ เตหมะเตจ๊อ เออเนอ แต่เหม่.

ꤚꤥꤗꤢꤩ꤬ 14:1

เอ๊โมฉื่อ เป่ ครี๊พู๊ เด๊อ อาเตหยื่อ ปีตี๊ปา ดื่อเง เนอเต๊เห่ นี๋. เหย่ซี อาเตเตเน เต๊เห่เนอ, อา โค๊ เร๊อ เน เบ่เบ่, เคร๊ฉื่อ แต่ เหย่ซี แต่เหม่ นี๋.

ꤛꤢꤨꤘꤢ꤬ 1:16

แกแย เออเต๊เห่ เนอหม่า แกแย เด๊อ อา ตามวาเตเล ฉว่า เร๊อ อา แด่ ดื่อเง เตซื๊อ เด๊อ อูโร อาโอ่ ปว๋า โตโพ๊ เจ๊อ. เหย่ซี ครวาลือเม หนิเกอดื่อ อาเหน่กล่อ อา เตซิหยื่อซิลอ มู๊แหม่รีแจ่ เนอเต๊เห่ อาคยา แพ๊. เหย่ซี เฮ๊เบ่ ถู่เซ๊ เกอเร๊อ แลแค อาเหน่, โท๊โต่ แซ่ฮู๊ เหย่ซี เก่ พย๊าหนิ เต เด๊อ อา ซิหยื่อ เนอเต๊เห่ เนอ, อา เฮ๊เบ่ ถู่เซ๊หนิ แลแค อู.

เปโตร อาเหร่อเล๊อ ต๊าบ่า 3:11

อา โตเบ่ ตีรี๊ก๊อแก อาเหน่ เร๊อ เตมู๊แหม่รีแจ่ เร๊อ อา โตเบ่ เมเต เด๊อ อาแร๊ เต๊เห่. อา โตเบ่ จ่าเพรอ แอ๊จื๊อ โอ่เพรโอ่ดือ ตื๊อดื่อ เกอ เร๊อ อู.

ꤟꤤꤙꤚꤢꤨ 12:14

แอ๊จื๊อ โอ่โครโอ่เกล เกอ เน๊อ อู ปว๋า เตเพร นี๋. แอ๊จื๊อ โอ่เซอเพร บูโพ๊ แลแค นี๋. เมเตเฮ๊เรอ เตโอ่เซอเพร บูโพ๊ เก่ โอ่โต่ เฮ๊เนอ, อู แม๊เถอะแจ่ แบ่เจ่ เตเพร่ว โต่.

ꤚꤥꤗꤢꤩ꤬ 16:17

โป่แหว่ ซี, แว ซิหยื่อ แฉ่ครวา หนิ ซีคยา เน๊อ, รอ แลแค ซีเหน่ เร๊อ แกแย เด๊อ อา แฮโนเม ลูโพร๊ลูแพร เต เนอเต๊เห่ นี๋. เหย่ซี เตอิซว๊าอี๊แส่ เต๊เห่เนอ, อา อี๊หล่า จว๊า ตาพาแก แกแย เด๊อ ซีเกล เต๊เห่เห่ เร๊อ ครี๊ ปา. เหย่ซี เตอิซว๊า เต๊เห่เนอ, อา ลู โค๊ดื่อ เร๊อ ครี๊ อาหรี่อาแก เด๊อ อู อิซว๊า โทเฮ๊อ ซี เนอเต๊เห่. โอ่ตาพาแก เร๊อ เหย่ซี นี๋.

เพรโด่แนพู๊ เต๊เห่ 15:2

คูเปาโล เร๊อ คูบารนาบัส เคร๊แขะ ชอฉื่อ แหน่เจ๊อ แกแย เออเต๊เห่ เน๊อ เตหรี่เตแก เออเต๊อเจ่อ. ฮู๊เนอเรอ เด๊อ เตหรี่เตแก เออ อาขว่าอาคยา, อู นว๊าแถ่ คูเปาโล เร๊อ คูบารนาบัส เร๊อ แกแย โอ่ เด๊อ วีอันทิโอก อากู เต๊เห่, เร๊อ เหย่ซี โตเบ่ จว๊า แม๊เถอะฉื่อ เร๊อ เพรโด่แนพู๊ เต๊เห่ เร๊อ เพรหยื่อเอ่ตู๊หมู่ตอกล๊อ โหมะพรูโหมะเผร่ อา ทวาดุทวาเต เด๊อ วีเยรูซาเล็ม อากู เนอเต๊เห่.

เพรโด่แนพู๊ เต๊เห่ 6:1

เบ๊อะเนอ เค, เพรหยื่อเอ่ เต๊เห่ โอ่โหร่แถ่ เร๊อ โอ่โหร่แถ่ เร๊อ แกแยยิวพู๊ เด๊อ อา เฮ๊เบ่ กรีกโหง่ เต๊เห่ เร๊อ แกแยยิวพู๊ เด๊อ อา เฮ๊เบ่ หนิเร๊อดื่อ อาโหง่ เต๊เห่ เคร๊แขระคยาลู. แกแยยิวพู๊ เด๊อ อา เฮ๊เบ่ กรีกโหง่ เต๊เห่ เฮ๊ เร๊อ แกแย เด๊อ อา เบเอ่เบโอ เหล่เอ่เหล่โอ เตอเนอ เร๊อ เตอเนอ เต๊เห่เนอ อา แม๊ตาโผ่ เบ๊ขุแก เหย่ซี เพรเหมาะโอ่แคร๊ เต๊เห่, อา เฮ๊ แลแค ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เด๊อ เหย่ซี เม แลแค ฮู๊เออ อาขว่าอาคยา, แด่ดุหยื่อแหน่ ส่าเผร่ เหย่ซี เร๊อ โม เหย่ซี เร๊อ ซิปล่อซีเม นี๋. โอ่ โครเกล เกอเร๊อ ลู เตเพร เร๊อ เตเพร นี๋.

โครินธ์ เนอบ่า ต๊าบ่า 12:20

ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.

เพรโด่แนพู๊ เต๊เห่ 15:39

คูเปาโล เร๊อ คูบารนาบัส เคร๊แขะ แคลู เน๊อ คูมาระโก คยา เออเนอหมา โก๊โน๋ โต่ อาขว่าอาคยา, เหย่ซี จว๊าโค๊จว๊าเปแก ลู. คูบารนาบัส เอ๊หนิ คูมาระโก เร๊อ เหย่ซี จว๊าแด๊หนิ ส่อเกลอดุ เร๊อ เถ่จว๊า แลแค เด๊อ ไซปรัสกลื๊อ.

เพรโด่แนพู๊ เต๊เห่ 15:7

เหย่ซี เฮ๊เบ่โด่แน แคลู เร๊อ อางยา กู๊ลาเฮ๊อ เนอ คูเปโตร ก๊อถ่อ เฮ๊ เหย่ซี เน๊อ, “แว โป่แหว่ ซี๋, แซ่ฮู๊ แว เก่ แด๊โฉ่โด่แน เป่เกอ แกแยยิวพู๊ หม่าโต่ เต๊เห่ เร๊อ เตซิครือมีลา, โท๊โต่ แซ่ฮู๊ เหย่ซี เก่ หนิโฮ เกอ เร๊อ หยื่อเอ่แลแค เหย่ซู่ อาเงเนอ, จอแปแหร่ นว๊าแถ่ อางยาลาเฮ๊อ แว เด๊อ ซีเกล เนอหม่า ซี ซิเง ดื่อ เฮ๊อ.

ꤗꤢ꤬ꤊꤢꤨ 14:5

เทอโนมื๊อ เออแตแปเนอ อางู โอ่ เจ๊อ รือหย่า เดนาริอัน โซโจ่ย เล๊อ เจ๊อ เนอ, อิเชแก อา เร๊อ จว๊าเด๊อ เร๊อ แกแย โซพ๊าโซแรฮู๊ เนอหมา อาแร๊เล๊อ,” เหย่ซี เฮ๊โท ฮู๊เนอ เร๊อ เหย่ซี แด่ แลแค เพรเหมาะ เนอเตเพร อา เตซื๊อ.

มัทธิว 20:11

เบ๊อะเหย่ซี พย๊าหนิ คว๊าเก่เออ เนอ อา ตามวาเตเล เพร๊ แบ่เจ่ แหย่โย.

ꤗꤢ꤬ꤊꤢꤨ 9:14

เบ๊อะเหย่ซู่ เร๊อ อา โคเจ่ ซิโซ จว๊าโต่ เด๊อ อา โคเจ่ อาโร เต๊เห่ อา โอ่ เบ๊อะเนอ, อา แม๊เถอะ แกแย ตู๊หมู่ดุ แฮโอ่ปล๊อโอ่ปลู ตาวา ลอ เหย่ซี เร๊อ เพรอิซว๊า เตซว๊าเตแส่ อาซ๊าร๊า เต๊เห่ แฮเคร๊แขระ แลแค เร๊อ เหย่ซี.

ꤜꤢꤨꤊꤢ꤬ 5:30

ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เด๊อ เหย่ซี อาตู๊หมู่ตอกล๊อกู เต๊เห่ แด่ ลอ เตซื๊อ เด๊อ แบ่เจ่ แบ่เจ่เหย่ซู่ อา โคเจ่ เต๊เห่ อาขุ เร๊อ อา เฮ๊ เน๊อ, “ซี จว๊า เอ่เต่อโอเต่อเกอ เร๊อ เพรกวาอาหมู่อาร๊า เต๊เห่ เร๊อ เพรโอ่หร่าพู๊ เนอเต๊เห่ เมเต?” เหย่ซี แด๊เฮอ แลแค ฮู๊เนอ.