ฟีลิปปี 1:7 - ลีเทส่อพ๊าอาเซ เร๊อ เห่ขุทวาลู๊

⁷ แว ย๋อ โม แหน่เจ๊อ ซี อาขว่าอาคยา, แว เตเน ซีหรี่ซีแก ฮู๊เออเนอหม่า อาโต แพ๊. เบ๊อะแว โอ่ปา เด๊อ ทอกู อาเคเออเนอ เบ่เบ่, เบ๊อะแว โต เฮ๊เบ่ เตเก ตาตือ ฉื่อบี๊ เกอเร๊อ แว เตซิครือมีลา เร๊อ แว โต เฮ๊เบ่ หม่ากลอ ฉื่อ เกอเร๊อ แว เตซิครือมีลา อาเคเออเนอ เบ่เบ่, จอแปแหร่ เมแร๊ แหน่เจ๊อ เป เร๊อ อา เด๊อะตา โค๊ดื่อ เป เตเม เด๊อ เป เก่ เมโหร่ลู เต เร๊อ เล แด๊โฉ่โด่แน เป่ อู เร๊อ เตซิครือมีลา.

Eastern Kayah Shadaw Dialect

⁷ ꤠꤢꤧ꤭ ꤜꤢ꤭ ꤗꤥ꤬ ꤔꤢꤧ꤬ꤡꤣꤧ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤒꤣꤧ꤬ꤔꤢꤩ꤬ ꤞꤤ꤭ꤚꤤ꤬ꤞꤤ꤭ꤊꤢꤧ꤭ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤢ꤬ꤒꤥ꤭ ꤖꤢꤧ꤯ ꤙꤣꤧ ꤠꤢꤧ꤭ ꤥ꤬ꤕꤢ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ꤣꤧ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤙꤣꤧ ꤠꤢꤧ꤭ ꤒꤥ꤭ ꤟꤢꤩꤙꤢꤩ꤬ ꤒꤣꤧ꤬ꤊꤢꤩ꤬ ꤒꤢ꤭ꤒꤢꤦ꤭ ꤏꤢꤦ꤬ꤙꤤ ꤚꤣꤧꤘꤢꤦ꤬ ꤠꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤠꤢꤧ꤭ ꤒꤥ꤭ ꤟꤢꤩꤙꤢꤩ꤬ ꤊꤜꤢꤪ꤬ꤗꤢ꤬ ꤏꤢꤦ꤬ ꤚꤣꤧꤘꤢꤦ꤬ ꤠꤢꤧ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤣꤧ꤭ꤔꤣꤧ꤬ ꤙꤢꤩ꤬ꤙꤢꤩ꤬, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤚꤢꤧ ꤔꤢꤧ꤬ꤡꤣꤧ ꤕꤢꤩ꤬ ꤚꤣꤧ꤬ ꤢ꤬ ꤘꤣꤧꤒꤢ꤭ ꤋꤥꤘꤢꤦ꤬ ꤕꤢꤩ꤬ ꤒꤢꤩ꤬ꤗꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤚ꤫ꤥ꤬ꤜꤢꤨ꤭ ꤒꤢꤩ꤬ ꤚꤣꤧ꤬ ꤜꤢꤩ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬꤯

ฟีลิปปี 1:7 ပူးပေါင်းရင်းမြစ်များ

โครินธ์ เนอบ่า ต๊าบ่า 7:3

แว เฮ๊ ฮู๊เออ เร๊อ แว ซิหยื่อ แด่ ซี เตซื๊อ ฮู๊เนอ หม่าโต่. เมเตเฮ๊เรอ ฮู๊ แว เฮ๊โทเฮ๊อ ซี เนอ, ซี หม่า แกแย เด๊อ เป โม เกอเร๊อ อา เต๊เห่. ฮู๊เนอเรอ เป เซอ เจ๊อเบ่เบ่, เป เซอเพร เบ่เบ่, เป โมแฮลาตื๊อดื่อ แหน่ ซี แพ๊.

ฟีลิปปี 1:5

เมเตเฮ๊เนอ, แว เม เตซิครือมีลา เออเนอ, ซี ย๋อ เมเต่อเกอ เฮ๊อ เนอ แว เด๊อ กูลู่เค โต่กู๊แหน่ เจ๊อ เฮ๊อ.

ทิโมธี เนอบ่า ต๊าบ่า 2:9

แว ย๋อ แด๊โฉ่โด่แน เป่ อู เตซิครือมีลา อาขว่าอาคยาเร๊อ, แว ข่าเบ่เฮ๊อ เตจาเตจือ เร๊อ อู จอกลอหม่า เจ๊อ แว เน๊อ สู่เปลอต่อเท๊ แซ่เน๊อ แกแย เมซื๊อ เตซว๊าเตแส่ เตเพร เจ๊อ. หม่าแน๊เรอ จอแปแหร่ อาลาอาโหง่ เนอ อู จอกลอหม่าแจ่ อา โต่.

โคโลสี 4:18

แว หม่า คูเปาโล เร๊อ เตเฮ๊โมเฮ๊แร๊ เออเนอหมา, แว ราจว๊าเป่ ซี เน๊อ แว กู๊ขุ เร๊อดื่อ แพ๊. แว ย๋อ โอ่ เด๊อ ทอกูเออ อาขว่าอาคยา, โชตาปา แต่ แว แต่เหม่ นี๋. จอแปแหร่ อาบุ๊ยอาเตอเรอ เก่ โอ่เกอ ดื่อ เร๊อ ซี นี๋.

ฟีลิปปี 4:14

หม่าแน๊เรอ ซี เออเต๊เห่เนอ, ซี เมแร๊ แหน่เจ๊อ แว เจ๊อ. เบ๊อะแว แม๊เถอะ ป่อชิเต่อเบ่ เร๊อ เตแป่เตเช เบ๊อะเนอ, ซี เมจว่า แว.

เอเฟซัส 6:20

เด๊อ ครี๊ นว๊าเถ่ เฮ๊อ แว เร๊อ อา เพรเฮ๊โฉ่ เตหรี่เตแก เตเพร เด๊อ แว เก่ แด๊โฉ่โด่แน เป่ อู เร๊อ เตซิครือมีลา เออ อาขว่าอาคยา, กู๊แหน่เออ แว ตาเฮ๊อ เด๊อ ทอกู เฮ๊อ. เต เด๊อ แว โตเบ่ โด่แน เป่ อู เต๊เห่เนอ, แซ่ฮู๊ แว เก่ โด่แน ฮาฮา เป่ อู อาเงเนอเนอ, กุยจ๊อเบ เป่ เกอ เด๊อ แวเง นี๋.

เอเฟซัส 3:1

ฮู๊เนอเรอ, เด๊อ แว เม ครี๊ อา เตเอ่เตแร เร๊อ แว โด่แน เป่ แกแยยิวพู๊ หม่าโต่ เต๊เห่ เร๊อ เตซิครือมีลา เออ อาขว่าอาคยาเร๊อ, แว หม่าดื่อ เฮ๊อ คูเปาโล เออ, อู เบ่ ด๊อตาแก เฮ๊อ แว เด๊อ ทอกู.

เพรโด่แนพู๊ เต๊เห่ 20:23

แว ซิเง แพ๊ เต๊อเจ่อเจ๋อ แพ๊ เน๊อ, เด๊อ วี ปว๊าตีวี อากูเนอ, แหย่โยบูโพ๊แบ่เจ่ เด๊อะรอ แว เน๊อ อู เบ่ จอกลอ หม่า แว ปา. เร๊อ เพร เมแป่เมเชแว เต๊เห่เนอ, อา โอ่ป่อ หนื่ออื่อเฮ๊อ แวแกล๊ เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:14

เด๊อ เหร่อเคเนอ หม่า, เป แซ่เน๊อ แกแยเซอ เนอเต๊เห่ แพ๊. หม่าแน๊เรอ กู๊แหน่เออ, เด๊อ เป โมหนิ เฮ๊อ เป โป่แหว่ ครี๊พู๊ เต๊เห่ อาขว่าอาคยา, เป ซิเง เร๊อ เป ทวาแถ่เฮ๊อ แกแย เด๊อ อา เซอเพร เต๊เห่ เฮ๊อ. แกแย เด๊อ อา โมหนิเกอ อาโป่แหว่ ครี๊พู๊ โต่ เต๊เห่ เนอหม่า, อา โอ่หม่าโอ่กลอ ปาแพ๊ เด๊อ เตเซอ อากูแพ๊.

เปโตร เนอบ่า ต๊าบ่า 1:13

เบ๊อะแว โอ่เซอเพรปา เบ๊อะเนอ, แว ถู่แร ซิเหน่แถ่ คยาแซ๊ ซี เร๊อ เตหรี่เตแก เออเต๊เห่ หม่า แว เตเน เน๊อ อาโต แพ๊.

เปโตร อาเหร่อเล๊อ ต๊าบ่า 4:13

หม่าแน๊เรอ, ช๋า ครี๊ แฮแล โอ่โลแถ่ เฮ๊อ เร๊อ เตอเรอดุเตอเรอทู ปาเนอ, แซ่ฮู๊ ซี เก่ ซิครือซิลอ เอ๊โทเอ๊โม เกออู ปา อาเง เนอเรอ, เต เด๊อ ซี ข่าจาข่าจือ เต่อเกอ เร๊อ ครี๊ ฮู๊เออ เต๊เห่เนอ, ตูรู๊ ซิครือ แลแค นี๋.

ꤟꤤꤙꤚꤢꤨ 3:1

ฮู๊เนอ อาขว่าอาคยา, โป่แหว่ ครี๊พู๊ เด๊อ จอแปแหร่ เอ๊ ซี เออเต๊เห๋ เตเน แม๊มอ แลแค เหย่ซู่ เด๊อ จอแปแหร่ นอแฮ ทวา ลู เน๊อ เพรเฮ๊โฉ่โด่แหน่ จอแปแหร่ อาลาอาโหง่ เน๊อ เพรหลู่แต กู่กล๊อดุเล๊อ เออเตเพรเนอ.

ทิโมธี เนอบ่า ต๊าบ่า 1:8

ฮู๊เนอเร๊อ, เน เตเร ข่าเฮ๊โล เนเหน่ เด๊อ เป แบ่เจ่ อาเงเนอ ซิเตเร แต่เหม่, เด๊อ แบ่เจ่ อาขว่าอาคยาเร๊อ, อู ด๊อตา แว เด๊อ ทอกู เออเนอ เบ่เบ่, ซิเตเร แต่เหม่เหม่. โท๊โต่ ข่าโหร่เกอ เตโซพ๊าโซแร เน๊อ แว เด๊อ เตซิครือมีลา อาเง ฮู๊ จอแปแหร่ เด๊อะ เน เตอ๊าเหร่เตเหร่เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:5

ล๋อ ซีเออ เต๊เห่ เนอหม่า เตลี อาพู๊คู เร๊อ เหมาะเชเกล อาพู๊คู เต๊เห่. เป หม่า แกแย เหมาะคี๊เหมาะเนพู๊ หม่าโต่โต่, เตคี๊เตลอพู๊ หม่าโต่โต่.

โคโลสี 4:3

เด๊อ เนอเคหม่า แกแย เต๊เห่ ซิเง ครี๊ อาหรี่อาแก โต่. จอแปแหร่ ด๊อโอ๊ด๊อบี๊ เร๊อดื่อ ครี๊ อาหรี่อาแกเออ. หม่าแน๊เรอ กู๊แหน่เออ เตด๊อโอ๊ด๊อบี๊ เออเนอ อา โอ่โลแถ่ เฮ๊อ. แซ่ฮู๊ จอแปแหร่ เก่ บ๊อโม หนิเป่ เปแกล๊ เด๊อ เป เก่ แด๊โฉ่โด่แน หนิเป่ อู เร๊อ ครี๊ อาหรี่อาแก เออเนอเร๊อ, กุยจ๊อเบ เป่เกอ แลแค เด๊อ เปเง นี๋. มู๋ หนู่เคหม่า เตด๊อโอ๊ เออเนอ, อา โอ่โลแถ่ แต๋โต่, ตื๊อดื่อเรอ กู๊แหน่เออ อา โอ่โลแถ่ เฮ๊อ. เด๊อ แว โด่แน เป่ อู เน๊อ ครี๊ อาหรี่อาแก อาขว่าอาคยา, อู ด๊อตา แว เด๊อ ทอกู แพ๊.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

โครินธ์ เนอบ่า ต๊าบ่า 3:2

หม่าแน๊เรอ เป เออเต๊เห่เนอ, เป โหล่เกอ ฮู๊เนอ โต่. เป ซิเง เร๊อ ซี หม่า เป ลี ข่าเฮ๊โล เต๊เห่ เฮ๊อ เร๊อ เป ซิปล่อ จิจือเร๊อ ซี ปว๋า โตโพ๊ เจ๊อ. เด๊อ ซี ครวา เฮ๊อ ครี๊ อาคยา อาขว่าอาคยา, แกแย ปว๋า เตเพร เก่ ซิเง แฮเง เกอดื่อ เร๊อ เป เมเต เออเนอหมา อาแร๊ แพ๊ ฮู๊เนอ ปา.

โครินธ์ อาเหร่อเล๊อ ต๊าบ่า 13:7

เป เก่ โมเร๊อ อู เฮ๊เนอ, เป ซิปล่อ ปย๊า เป่ โตโพ๋ โต่. เป หยื่อเอ่ แฮเง ตื๊อดื่อ เร๊อ อู เก่ แร๊ แฮ ปา, เป แม๊ชือ แฮเง ตื๊อดื่อ เร๊อ จอแปแหร่ เก่ เมแร๊ แฮ อู ปา, โท๊โต่ เป แด่ทูซิปล่อเบ๊ เตปว๊าเต๊อเจ่อ.

โครินธ์ อาเหร่อเล๊อ ต๊าบ่า 9:23

แว เม เตอิเตเต๋ เบ่เบ่ เนอ, แว เม เด๊อ เตซิครือมีลา อาเง แพ๊. แซ่ฮู๊ แว เก่ พย๊าหนิ เกอ เตซิครือมีลา อา เตบุ๊ยเตเตอเรอ เต๊เห่เนอ, แว เม เฮ๊อ ฮู๊เนอ.

เพรโด่แนพู๊ เต๊เห่ 21:33

เกลอฮู๊ตีรี๊ อากู่กล๊อ เออเตเพร แฮโต เด๊อ คูเปาโล โอ่ เร๊อ อา แฮปื่อ คูเปาโล. เร๊อ อา เฮ๊ตา อา โคเจ่ เต๊เห่ เร๊อ อา นอปื่อ จอกลอ คูเปาโล เร๊อ สู่เปลอ ต่อเท๊ เนอโบ โทเรอ อา แด๊เฮอ อู เน๊อ, “อา หม่า อูเป? อา จว๊าเม แคร๋ อิเตเต?”

เปโตร อาเหร่อเล๊อ ต๊าบ่า 5:1

แว หม่า เพรหยื่อเอ่ตู๊หมู่ตอกล๊อ โหมะเผระ กู่กล๊อ เตเพร, โทเรอ แว หม่า เพรข่าเฮ๊โล เป่ ครี๊ อา เตข่าจาข่าจือ อาหรี่อาแก เตเพร. โท๊โต่ ช๋า จอแปแหร่ เด๊อะโล เฮ๊อ อู เร๊อ อา เตเตอเรอดุ เตอเรอทู เบ๊อะเนอปาเนอ, แว เบ่เบ่, แว เก่ โอ่เต่อเกอ เร๊อ อา เตเตอเรอดุ เตอเรอทู เออเนอ ปา. กู๊แหน่เรอ แว กุยซิยอ ซี เพรหยื่อเอ่ตู๊หมู่ตอกล๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เนอ,

ฟีลิปปี 1:12

แว โป่แหว่ ซี, ล๋อ เตเมทวาแถ่ อาเหน่ เร๊อ แว เออเต๊เห่ เนอหม่า หม่า แพ๊ อา เมจว่า เป่ เตซิครือมีลา เก่ ดุแถ่ ทูแถ่ อาเงแพ๊ เนอหม่า แว ซิหยื่อ นอซิเง เกอ ซี.

ฟีลิปปี 1:13

เด๊อ แว หยื่อเอ่ ครี๊ อาขว่าอาคยา, เร๊อ อู ด๊อโอ่ แว เด๊อ ทอกู แพ๊ เนอหม่า ล๋อ เกลอฮู๊ โอ่ป่อ คุ๊ยโฮเท เออเนอเต๊เห่ เบ่เบ่, ล๋อ แกแย เด๊อ อาโร เนอเต๊เห่ เบ่เบ่, อา ซิเง ลอ แพ๊.

ฟีลิปปี 1:14

เด๊อ อู ด๊อตา แว เด๊อ ทอกู อาขว่าอาคยาเร๊อ, โป่แหว่ ครี๊พู๊ โอ่โหร่โอ่เอ๊ อา เตหยื่อเอ่หนิ แบ่เจ่ เออเนอ อา ฉว่าแถ่ชอแถ่ โต่ แลแค เร๊อ อา แด๊โฉ่โด่แน ฮา แฮ เป่ เฮ๊อ อู เร๊อ จอแปแหร่ อาลาอาโหง่, เร๊อ เหย่ซี ชิอิเช ปา แลแค เตอ เจ๋อ โต่ เฮ๊อ.

ฟีลิปปี 2:22

ซี ซิเงดื่อเฮ๊อ, คูทิโมธี หม่า แกแย งูดุงูชอ เตเพร. อา เมเต่อเกอ เฮ๊อ เต เร๊อ แว เด๊อ เตซิครือมีลา เก่ ดุแถ่ทูแถ่ อาเง เออเนอหม่า อา แซ่เจ๊อเฮ๊อ เร๊อ พู๊ เร๊อ เพ เนอเฮ๊อ.

ฟีลิปปี 4:3

เน หม่า แกแย เด๊อ อา เมโหร่ เต เร๊อ แว เด๊อ อาจ๊อ เน๊อ อาโหง่ เตเพร เฮ๊อ. เร๊อ แว ซิหยื่อ กุยเกอ เน เตเมจว่า เต๊อเจ่อ, แซ่ฮู๊ เพรเหมาะเออ ซิเนอ เก่ โครเกล คยาลู อาเงเนอ, เมจว่า เหร่อเป่ เหย่ซี นี๋. เมเตเฮ๊เรอ เหย่ซี เออซิเนอ เนอหม่า อา แอ๊จื๊อ ท๊ออ๊าท๊อเหร่ เมโหร่เกอ เตเฮ๊ตา เตซิครือมีลา อาเตเม เนอ แว หนิ. เหย่ซี เมโหร่เกอ เร๊อ คูเคลเมนท์ เร๊อ แวโค เด๊อ เป เมโหร่ลู เต เด๊อ อาโร เนอเต๊เห่, เร๊อ ล๋อ เหย่ซี เนอเต๊เห่ อามุย หม่า อา โอ่ ลอเฮ๊อ เด๊อ แบ่เจ่ อา ลีเซอเพร อากู เนอเฮ๊อ.

ฟีลิปปี 4:15

วีฟีลิปปีพู๊ ซี. เบ๊อะแว จว๊า แด๊โฉ่โด่แน ลู่ เป่ ซี เตซิครือมีลา เร๊อ แว เถ่จว๊าแก เด๊อ มาซิโดเนีย เก่กู เบ๊อะเนอ, เพร เด๊อ อา เมจว่า แว เร๊อ รือ เนอหม่า ตื๊อแพ๊ ซี เพรหยื่อเอ่ตู๊หมู่ตอกล๊อ เออตู๊หมู่ แพ๊ เนอหม่า ซี ซิเง ตาเต ลอดื่อ เฮ๊อ.

ฟีเลโมน 1:13

เด๊อ เตซิครือซิลอมีลา อาขว่าอาคยาเร๊อ, อู ด๊อโอ่ปา แว เด๊อ ทอกู เออเบ๊อะเนอ, แซ่ฮู๊ อา เก่ เมจว่า แว เด๊อ เน เงเนอเรอ, แว ซิหยื่อ เอ๊ โอ่ ตื๊อดื่อปา อา เด๊อ แว ช๊า.