ฟีลิปปี 1:22 - ลีเทส่อพ๊าอาเซ เร๊อ เห่ขุทวาลู๊

²² แว เก่ โอ่เซอเพร แฮเงหนิโป่ เฮ๊เรอ, แว เก่ เม เต เด๊อ อาบุ๊ยอาเตอเรอ โอ่ เนอเต๊เห่ ปา. หม่าแน๊เรอ แว เก่ นว๊าพย๊า เบ๊อะเต๊อเจ่อเต เนอ, แว ซิเง ตาเต แล๋ โต่.

Eastern Kayah Shadaw Dialect

²² ꤠꤢꤧ꤭ ꤊꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤧ꤭ꤑꤢꤩ꤭ꤔ꤫ꤤ꤬ꤕ꤫ꤥ꤬ ꤟꤢꤩꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ ꤒꤢꤩ꤬ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤔꤝꤢꤖꤛꤢ ꤙꤣꤧꤒꤢꤩ꤭ ꤒꤣ꤬ꤡꤣ꤬ꤒꤢꤩ꤭ ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤜꤢ꤭ꤟꤤ ꤒꤥ꤬꤯

ฟีลิปปี 1:22 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:2

ฮู๊เนอเรอ เป๊อแถ่ กู๊แหน่เออ ตาแฮเง เนอ, ซี ม๊อเนอม๊อเซ เด๊อ อา โอ่แกปา เด๊อ เห่ขุเออ เต๊เห่เนอ ซี เบ่ โอ่เซอเพร ฮู๊ จอแปแหร่ อา เตซิหยื่อ เนอ. ซี เบ่ โอ่เซอเพร หนิ ปา ฮู๊ แกแย อา เตซิหยื่อ มู๊แหม่ เนอเต๊เห่ โต่เฮ๊อ.

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.

ฟีลิปปี 1:24

หม่าแน๊เรอ, เต เด๊อ อา โหล่ดุเล๊อ เต๊อเจ่อหม่า แว โตเบ่ โอ่เซอเพร เป่ เกอปา เด๊อ ซีเง เออเนอเฮ๊อ.

เพรโด่แนพู๊ เต๊เห่ 3:17

“โป่แหว่ ซี๋, กู๊แหน่เร๊อ, ซี เร๊อ ซี ทวาดุทวาเต เมเซอ เหย่ซู่ เนอหม่า, ซี ย๊อ ซิเง อาโหง่แลช๊า โต่ อาขว่าอาคยาเร๊อ ซี เม อา แพ๊.

โครินธ์ เนอบ่า ต๊าบ่า 10:3

เป หม่า แกแย เห่ขุพู๊ เต๊เห่ แพ๊ เนอหม่า หม่าแหน่ว๊า, หม่าแน๊เรอ เป ช๊าฉื่อ เต เออเนอ, เป ช๊า ฮู๊ แกแย เห่ขุพู๊ เต๊เห่ ช๊าเนอ หม่าโต่.

โคโลสี 2:1

แว ซิหยื่อ เด๊อซิเง เป่ ซี เน๊อ แว แอ๊จื๊อ แอ๊เหร่ เม เป่ แหน่เจ๊อ เด๊อ ซีเง, เน๊อ แกแย โอ่เด๊อ วีเลาดีเซีย อากู เนอเต๊เห่ อาเง, เน๊อ แกแย เด๊อ อา ซิเง แม๊เถอะ แต่ล๋าย แวโต่ เนอเต๊เห่ อาเง บ๋า เต เนอแพ๊.

ꤚꤥꤗꤢꤩ꤬ 11:2

จอแปแหร่ วีแก เร๊อ อาแกแย เด๊อ อา นว๊าแถ่ โทเฮ๊อ เหย่ซี เด๊อ กูลู่เค เนอเต๊เห่ โต่. ลีเทส่อพ๊า เฮ๊ เพรโพร เอลียาห์ อาหรี่อาแก เนอหม่า ซี ซิเง แหน่ โต่ แอ? อา โปโอเปเชแถ่ จอแปแหร่ เร๊อ อาเมวเจอะ อิสราเอลพู๊ เต๊เห่ อาหรี่อาแก เร๊อ อา เฮ๊ เน๊อ,

เห่ขุทวาลู่ 39:8

หม่าแน๊เรอ คูโยเซฟ เท๊ฉื่อ แก ลู เร๊อ อา เฮ๊ ลู เน๊อ, “เตเนแม๊ มอ, ตาเต ล๋อ ปลี เด๊อ หี่ด๊อกู เออ, แวแบ่เจ่ โหล่ ตี๊หรี่แม๊กาคยา ปา เจ๊อ เน๊อ อาเหน่ เตอเจ๋อ โต่ เฮ๊อ. อา นอ เป๊อตี๊หรี่ ลอปลี เจ๊อ เฮ๊อ แว เน๊อ อาตาเต ล๋อ ปลี เจ๊อ.

เห่ขุทวาลู่ 21:26

เร๊อ คุ๊ยอาบีเมเลค เฮ๊ฉื่อ ลู เน๊อ, “เก๋อ! อูเป จว๊าพย๊าเผ่แก ซี เป เนอ แว ซิเง น๊อ โต่. เน เฮ๊โฉ่โล เป่ แว โต่โต่! แว ตื๋อหนิโฮ ปา กู๊แหน่เออ แพ๊.”

ꤚꤥꤗꤢꤩ꤬ 1:13

โป่แหว่ ซี๋, แว ซิหยื่อ นอซิเง เกอ ซี เร๊อ แว เต เตเนหนื่ออื่อ เด๊อ แว เก่ แฮ โอ่เล เกอ ซี ปา อาหรี่อาแก เออเนอหมา บ๊าโพ๊เต๊ ลาเฮ๊อ. หม่าแน๊เรอ เตเม ดู๊ดี๊ดู๊แด แว เนอ อาโอ่ โต่ปา เจ๊อ กู๊แหน่ เออเนอ เจ๊อ. ฮู๊ แว เมโทเฮ๊อ เด๊อ แกแยยิวพู๊ หม่าโต่ เต๊เห่ อาเกลเนอ, แซ่ฮู๊ แกแย โอ่ เด๊อ ซีเกล เนอเต๊เห่ เก่ ทวาแถ่เกอ เพรหยื่อเอ่เตพู๊ เออ อาเงเนอเรอ, แว ซิหยื่อ แฮ โอ่เล เมจว่า เป่ เกอ แกแย เนอเต๊เห่ แพ๊.

ฟีลิปปี 1:23

แว โต นว๊าพย๊า เบ๊อะเต๊อเจอะเต เนอ แว ซิเง โต่, อาแหย่ แหน่เจ๊อ เด๊อ แวเง เจ๊อ. แว ซิหยื่อ แด่แก แว เตเซอเพร เออตือทือ เร๊อ แว ซิหยื่อ กาโอ่ เต่อเกอ เฮ๊อ เร๊อ ครี๊ เฮ๊อ, ฮู๊เออเนอหม่า เตเด๊อ อาแร๊เล๊อเฮ๊อ เด๊อ แวเง เฮ๊อ.