ฟีเลโมน 1:6 - ลีเทส่อพ๊าอาเซ เร๊อ เห่ขุทวาลู๊

⁶ แซ่ฮู๊ เน เตซว๊าแบ๊โค เร๊อ เพรหยื่อเอ่ เด๊อ อาโรเต๊เห่ เก่ เมจว่า แฮเงโต่ เน เด๊อ เน เก่ ซิเง เล๊อบาลอ เตแร๊ ปว๋า เต๊อเจ่อ เด๊อ เป พย๊าหนิ เด๊อ ครี๊ เออ เต๊เห่ อาเงเนอ, แว กุยจ๊อเบ เป่ เด๊อ เนเง.

Eastern Kayah Shadaw Dialect

⁶ ꤞꤢꤧꤟꤢꤨ ꤔꤢꤧ꤬ ꤒꤢꤩ꤬ꤙꤢꤧꤞꤝꤢꤙꤢꤧꤜꤢ꤬ ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤘꤤ꤭ꤒ꤫ꤢꤦ꤬ ꤔꤢꤧ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤞꤤꤑꤢꤩ꤭ ꤜꤣꤙꤢ꤭ꤜꤢꤪ꤭ ꤒꤢꤩ꤬ꤚꤢꤧ ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤘꤣ ꤋꤚꤤ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕꤢꤩ꤬ ꤘꤣ ꤔꤢꤧ꤬ꤑꤢꤩ꤭꤯

ฟีเลโมน 1:6 ပူးပေါင်းရင်းမြစ်များ

เปโตร เนอบ่า ต๊าบ่า 1:8

เตเออเต๊เห่ เก่ โอ่เอ๊แถ่ เร๊อ โอ่เอ๊แถ่ เฮ๊เรอ, อา ทวาบุ๊ย ทวาเตอเรอ เด๊อ ซีเง เร๊อ ซี เก่ ซิเงแฮ ตาเตแร๊โป่ แบ่เจ่ เหย่ซู่ครี๊ ปา.

โคโลสี 1:9

ฮู๊เนอเรอ, เป๊อแถ่ เบ๊อะเป หนิโฮเบ่ อาเมวกู เนอ เตอเนอเนอ, เป แด่โอ่โก๊แกน๊อ เป เตกุยจ๊อเบ เด๊อ ซีเง โตโพ๋ โต่. เป กุยจ๊อเบ จอแปแหร่ เด๊อ อา เก่ เด๊อะตา เล๊อบา ล๋อปลี ซี เตแจ่เตลีแม เด๊อ แหย่โย ตากยา เร๊อ เตซิคว๊าซิเง เด๊อ แหย่โย ตากยา เร๊อ เด๊อ เออเต๊เห่ อาขว่าอาคยา, เป กุยจ๊อเบ จอแปแหร่ เร๊อ อา เก่ เด๊อซิเง เล๊อเล๊อบาบา เป่ ซี เร๊อ ซี เก่ แรเต ฮู๊ อาโต ลูซิปล่อ เนอเต๊เห่.

มัทธิว 5:16

ฮู๊เนอเฮ๊อ, แซ่ฮู๊ อู เก่ ถู่เซ๊แถ่ เปเพ โอ่เด๊อ ม๊อขุ เออเตเพร อาเงเนอ, นอลีเตเค จว๊าโล เกอ ซี เตเมแร๊ เนอเต๊เห่ เด๊อ อู ปว๋า เตเพร อาแบ๊เง เนอ.”

เปโตร อาเหร่อเล๊อ ต๊าบ่า 2:12

เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.

ꤡꤛꤢꤩ꤭ꤗꤢ꤬ꤎꤣ꤬ 2:17

เตหยื่อเตแหน่ เนอหม่า อา แซ่ฮู๊ เนอเฮ๊อ. อา เก่ โอ่แพ๊ตื๊อ เตหยื่อ เต๊อเจ่อโต, เตเม เก่ โอ่โล เกอโต่ เฮ๊เนอหม่า หม่าแพ๊ เตหยื่อ เด๊อ อา เซอ แพ๊.

ꤡꤛꤢꤩ꤭ꤗꤢ꤬ꤎꤣ꤬ 2:14

แว โป่แหว่ ซี๋, แกแย เตเพร เพร เก่ เฮ๊ เน๊อ แว เตหยื่อเตแหน่ โอ่ อา เฮ๊ หม่าแน๊เรอ อา เก่ เด๊อะโล อา เตหยื่อเออ เร๊อ อา เม เตแร๊ เต๊เห่ โต่ เฮ๊เนอ, อาบุ๊ยอาเตอเรอ โอ่ เตอเจ๋อโต่. อา เตหยื่อเตแหน่ เออเนอ อา เมแลเปล๊แจ่ ลู โต่.

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

ꤒꤤꤒꤢꤨ 3:14

แซ่ฮู๊ เป ครีตกลื๊อขุครี๊พู๊ เออเต๊เห่ เก่ นอเอ่แจ่ เกออู ม๊อเนอม๊อเซ เด๊อ อา เก่ เม เตแร๊ เต๊เห่ อาเงเนอ, โตเบ่ อิซว๊า เป่เกอ เหย่ซี โทเรอ แซ่ฮู๊ อา เก่ เมจว่าเบ๊ เป่เกอ แกแย เด๊อ อา โหล่ แหน่ เนอเต๊เห่, โท๊โต่ แซ่ฮู๊ เหย่ซี เก่ โอ่เซอเพร แกเด ดื่อ เน๊อเต เด๊อ อาบุ๊ยเตอเรอ โอ่โต่ เนอเต๊เห่ อาเง แต่เหม่เนอ, โตเบ่ อิซว๊า เป่เกอ เหย่ซีซี.

โครินธ์ อาเหร่อเล๊อ ต๊าบ่า 14:25

เออโตโพ๊เรอ, เต เด๊อ เหย่ซี ซิเงทว๊าโต่ เด๊อ อา ซิปล่อกู เต๊เห่เนอ, อา เก่ เตเนโปลเถ่ ปา, เร๊อ อา เก่ แด๊งือแล จ๊อเบแถ่ จอแปแหร่ เร๊อ อา เก่ เฮ๊ เน๊อ, “จอแปแหร่ อา เตอเรอโพรลว๊า ฉว่าชอ โอ่หม่าเกอ ลาติ เร๊อ แกแย เออเต๊เห่ เฮ๊อ,” อา เก่ เฮ๊ แลแค ฮู๊เนอ ปา.

เปโตร อาเหร่อเล๊อ ต๊าบ่า 3:16

ซี ซิปล่อ เก่ เฮ๊แลหนิ ซี เร๊อ ซีเตซื๊อ โอ่โต่ เฮ๊เนอ, ตูรู๊ เม แฮเง ลา นี๋. ซี เก่ เมฮู๊เนอ เฮ๊เรอ แกแย เด๊อ อา เฮ๊บูเฮ๊บย่า, อา เฮ๊ มู๊แหม่รีแจ่ ซี เตโอ่แซแร แร๊ เด๊อ ครี๊ อากู เออเต๊เห่เนอ, อา เก่ ซิเตเร เกอเร๊อ คยาดื่อ เร๊อ อา เตเฮ๊เบ่เฮ๊โช อาคยา ปา.

เปโตร อาเหร่อเล๊อ ต๊าบ่า 3:1

ฮู๊เนอเฮ๊อ ซี เด๊อ อา ทวา เมเต๊เห่ เนอเบ่เบ่, แด่หยว่า แลแค ซีซิปล่อ เด๊อ ซีเว เต๊เห่ อาเล นี๋. เด๊อ เหย่ซี อาเกลเนอ, อา เก่ หยื่อเอ่ เกออู จอแปแหร่ อาลาอาโหง่ โต่ เก่โอ่ เตเพรเพร เฮ๊เรอ, ซี เฮ๊ เป่ เจ๊อ เหย่ซี โหง่ ตือมื๋อ โต่ เบ่เบ่, เด๊อ ซี เตโอ่ซาแรฉ่าเผร่ ซีเหน่ อาขว่าอาคยา, อา เก่ อี๊หล่าอี๊ลอหนิ คยา เหย่ซี ซิปล่อ เร๊อ อา เก่ หยื่อเอ่แหน่ เกอ ครี๊ ปา.

ฟีลิปปี 4:8

โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋.

โครินธ์ อาเหร่อเล๊อ ต๊าบ่า 16:9

แกแย เด๊อ อา ซิเถ่ซิฮา แว เต๊เห่เนอ อา โอ่ เอ๊แหน่เจ๊อ หม่าแน๊เรอ แว จว๊า โอ่ เบ๊อะวีเอเฟซัส อากู เออเนอ อา งูดุงูชอ แหน่เจ๊อ เด๊อ แวเง เจ๊อ, เมเตเฮ๊เรอ แกแย เด๊อ อา ซิหยื่อ หนิโฮ จอแปแหร่ อาลาอาโหง่ เต๊เห่เนอ อา โอ่ เอ๊ แหน่ปาเจ๊อ.

โคโลสี 3:10

เร๊อ ซี กือแซ๊แถ่เฮ๊อ เตโอ่เซอเพร อาเซ เด๊อ จอแปแหร่ แบ๊เต๊เปล่เซ เออเนอ เฮ๊อ. แซ่ฮู๊ ซี เก่ ซิเง ตาเตแร๊ อาเงเนอ, จอแปแหร่ เมทวาแถ่ แซ่แฮ เฮ๊อ ซี เน๊อ อาเหน่ เฮ๊อ.

มัทธิว 25:16

แกแย เด๊อ อา พย๊าหนิ เท แงโจ่ย เออเตเพรเนอ, อา พย๊าหนิ เฮ๊อเฮ๊อ เนอ อา เถ่จว๊า เมกื่อเมค๊า เร๊อ อา จว๊า เมหนิเถ่ เอ๊เล๊อโป่ เท เบ่แงโจ่ย.