ฟีเลโมน 1:24 - ลีเทส่อพ๊าอาเซ เร๊อ เห่ขุทวาลู๊

²⁴ ฮู๊เนอเฮ๊อ เพรเมเต่อเต เร๊อ แว คูมาระโก, คูอาริสทารคัส, คูเดมาส เร๊อ คูลูกา ซีเต๊เห่ ซูแฮ เกอช๊าเหล่ อา เตเฮ๊โมเฮ๊แร๊ เต๊เห่ เด๊อ ซีโอ่.

Eastern Kayah Shadaw Dialect

²⁴ ꤟꤢꤨꤔꤣꤧ꤬ꤟꤣꤧ ꤖꤚꤢꤩ꤬ꤗꤢꤩ꤬ꤒ꤫ꤣ꤬ꤒꤢꤩ꤬ ꤔꤢꤧ ꤠꤢꤧ꤭ ꤋꤢꤨ꤭ꤗꤢ꤬ꤊꤢꤨ, ꤋꤢꤨ꤭ꤢ꤬ꤚꤤꤎꤢ꤬ꤒꤢ꤬ꤊꤢꤨ, ꤋꤢꤨ꤭ꤘꤢꤩ꤬ꤗꤢ ꤔꤢꤧ ꤋꤢꤨ꤭ꤜꤢꤨꤊꤢ꤬ ꤞꤤ꤭ꤒꤣꤧ꤬ꤟꤢꤩ꤬ ꤞꤢꤨ꤭ꤟꤢꤧ꤭ ꤊꤣꤧ꤭ꤏꤢꤜ꤫ꤢꤩ꤬ ꤢ꤬ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤒꤣꤧ꤬ꤟꤢꤩ꤬ ꤘꤣ ꤞꤤ꤭ꤥ꤬꤯

ฟีเลโมน 1:24 ပူးပေါင်းရင်းမြစ်များ

โคโลสี 4:14

เตขุซ๊าร๊า คูลูกา เด๊อ เป โม หนิเกอเร๊อ อา เออเตเพร เน๊อ คูเดมาส เออ, ซูแล หนิเกอดื่อ อา เตเฮ๊โมเฮ๊แร๊ เด๊อ ซี โอ่โอ๋.

โคโลสี 4:10

คูอาริสทารคัส เด๊อ อู ด๊อตา เต่อเกอ อา เร๊อ แว เออเตเพร ซูแฮ เป่เกอ ซี อาเตเฮ๊โมเฮ๊แร๊, โทเรอ คูบารนาบัส โต๊โป่บู คูมาระโก ซูแฮ เป่เกอ ซี อาเตเฮ๊โมเฮ๊แร๊ เด๊อ ซี โอ่โอ๋. (ซี พย๊าหนิ โทเฮ๊อ ลี เด๊อ อู ราโล เป่ ซี เน๊อ คูมาระโก อาหรี่อาแก เออเนอเฮ๊อ. อา เก่ แฮโตเกอ เด๊อ ซี โอ่ ปา เร๊อ เอ๊โมฉื่อแร๊ ลู นี๋.)

เพรโด่แนพู๊ เต๊เห่ 19:29

เตตอปลอตือซือ โอ่ทวาแถ่ เร๊อ อา จว๊าปีชี ลอ เจ๊อ ตีวีลอ เจ๊อ. แกแย เบ๊หมู่ ปื่อหม่า มาซิโดเนียพู๊ คูกายอัส เร๊อ คูอาริสทารคัส เด๊อ อา จว๊า หนิซว๊าหนิโค เกอแน๊ คูเปาโล เออซิเนอ. เร๊อ อู จุ่ยจว๊า เหย่ซี เด๊อ อู เหล่เด๊อะโล เตแลหวิแลวอ อาเหล่โอ่ เบ๊อะวีกูเนอ.

เพรโด่แนพู๊ เต๊เห่ 12:12

เบ๊อะอา ซิเงแฮเฮ๊อ เนอ เตเมทวาแถ่ อาเหน่เออ หม่า อา หม่าแหน่ เจ๊อ เฮ๊อ เบ๊อะเนอ, อา จว๊า เด๊อ คูยอห์น เด๊อ อู เอ๊โป๊ อามุย เนอ คูมาระโก เออเตเพร อาโหมะ มารีย์ อาหี่, เร๊อ เบ๊อะเนอเคเนอ, อา โตตื๊อ เร๊อ อู จว๊า โอ่ปล๊อโอ่ปลู กุยจ๊อเบ โหร่ลอ ลู เบ๊อะเนอ.

เพรโด่แนพู๊ เต๊เห่ 27:2

ส่อเกลอดุ เต๊เบ่ อา โอ่ เด๊อ วีอาดรามิททิยุม เร๊อ อา แฮ เร๊อ อา เตเร เถ่จว๊า เด๊อ วี เด๊อ อา โอ่รว๊า เทอดุซาวาทือ เด๊อ เอเชียเก่ เต๊เห่ เร๊อ เป แถ่ แถ่แด๊หนิ ลู. แกแย มุย เร๊อ คูอาริสทารคัส เด๊อ อา โอ่ เด๊อ วีเธสะโลนิกา, เด๊อ มาซิโดเนียเก่ อา เตเป๊ออาเล โอ่เตเพร เร๊อ อา จว๊า เต่อเกอ เร๊อ เป.

เพรโด่แนพู๊ เต๊เห่ 12:25

เร๊อ คูบารนาบัส เร๊อ คูเซาโล เมโท อาเตเม เบ๊อะวีเยรูซาเล็ม อากู เนอเรอ อา เอ๊หนิ คูยอห์น เด๊อ อู เอ๊โป๊ ลูมูย เร๊อ คูมาระโก เออเตเพร เร๊อ อา เถ่กาแก.

ยอห์น โซบ่า ต๊าบ่า 1:8

ฮู๊เนอ อาขว่าอาคยา, แซ่ฮู๊ เป เก่ เม เต่อเกอเต เร๊อ เหย่ซี เด๊อ อา เม แลแค เตหมะเตจ๊อ อาเตเม เออเต๊เห่ อาเงเนอ, เป ครี๊พู๊ เต๊เห่ โตเบ่ เมจว่า เป่ แกแย ฮู๊เนอ เต๊เห่ เฮ๊อ.

ฟีลิปปี 4:3

เน หม่า แกแย เด๊อ อา เมโหร่ เต เร๊อ แว เด๊อ อาจ๊อ เน๊อ อาโหง่ เตเพร เฮ๊อ. เร๊อ แว ซิหยื่อ กุยเกอ เน เตเมจว่า เต๊อเจ่อ, แซ่ฮู๊ เพรเหมาะเออ ซิเนอ เก่ โครเกล คยาลู อาเงเนอ, เมจว่า เหร่อเป่ เหย่ซี นี๋. เมเตเฮ๊เรอ เหย่ซี เออซิเนอ เนอหม่า อา แอ๊จื๊อ ท๊ออ๊าท๊อเหร่ เมโหร่เกอ เตเฮ๊ตา เตซิครือมีลา อาเตเม เนอ แว หนิ. เหย่ซี เมโหร่เกอ เร๊อ คูเคลเมนท์ เร๊อ แวโค เด๊อ เป เมโหร่ลู เต เด๊อ อาโร เนอเต๊เห่, เร๊อ ล๋อ เหย่ซี เนอเต๊เห่ อามุย หม่า อา โอ่ ลอเฮ๊อ เด๊อ แบ่เจ่ อา ลีเซอเพร อากู เนอเฮ๊อ.

ฟีลิปปี 2:25

แว โตเบ่ นอกาคยา เป่ ซี คูเอปาโฟรดิทัส เด๊อ ซี โอ่ แว เตเน ฮู๊เนอ. อา หม่า แว โป่แหว่ เตเพร, อา หม่า แกแย เด๊อ อา เมเต่อ โทเฮ๊อ เต เร๊อ แว เร๊อ อา ช๊า โหร่เต่อเกอ โทเฮ๊อ เต เร๊อ แว เฮ๊อ. อา หม่า แกแย เด๊อ อา ซู เป่ ซี ลี เนอเตเพร เฮ๊อ เร๊อ แซ่ฮู๊ อา เก่ เมจว่า เป่ แว เตโหล่ เต๊เห่เนอ เร๊อ ซี นอแฮ ลู เด๊อ แว โอ่ เนอเตเพร เฮ๊อ.

โครินธ์ เนอบ่า ต๊าบ่า 8:23

คูติตัส หม่า เพร เด๊อ อา เม เต่อเกอ เต เร๊อ แว เร๊อ อา เมจว่า ซี เตเพร. เป โป่แหว่ เด๊อ อา ครวาแฮเกอ ลู เนอ ซิเนอ หม่า, เพรหยื่อเอ่เต ตู๊หมู่ตอกล๊อ เบ๊อะเออ เต๊เห่ นอแฮ เหย่ซี แพ๊. เหย่ซี หม่า แกแย เต๊เห่ เด๊อ อา แด่ดุ แหน่เจ๊อ ครี๊ เต๊เห่ เจ๊อ.

เพรโด่แนพู๊ เต๊เห่ 13:13

คูเปาโล เร๊อ แกแย เด๊อ อา จว๊า เต่อเกอ เร๊อ ลู เต๊เห่ แถ่แด๊จว๊าหนิ ส่อเกลอดุ เบ๊อะวีปาโพส เนอเรอ เถ่จว๊า เด๊อ วีเปอร์กา เด๊อ อา โอ่ เด๊อ ปัมฟีเลีย เก่กูเนอ. จว๊าโต่ เบ๊อะเนอ เร๊อ คูยอห์นมาระโก เถ่จว๊า โค๊แก เร๊อ เหย่ซี เร๊อ อา กาคยา เด๊อ วีเยรูซาเล็ม

เปโตร อาเหร่อเล๊อ ต๊าบ่า 5:13

แวพู๊คู คูมาระโก เร๊อ ซี โป่แหว่ เพรหยื่อเอ่เต ตู๊หมู่ตอกล๊อ เด๊อ วีบาบิโลน อากู เด๊อ จอแปแหร่ นว๊าแถ่ เกอ อา แซ่เน๊อ ซี เออเนอเต๊เห่, ซู จว๊าเป่ เกอ ซี เตเฮ๊โมเฮ๊แร๊ เต๊เห่.