ฟีเลโมน 1:14 - ลีเทส่อพ๊าอาเซ เร๊อ เห่ขุทวาลู๊

¹⁴ หม่าแน๊เรอ เน ย๋อ ซิเง แล๋ ลู อาหรี่อาแกโต่, โทเรอ เน ย๋อ อ๊อแล แล๋ แว เตอเจ๋อ โต่ อาขว่าอาคยา, แว ซิหยื่อ เมล๋ายโต่. แว ซิหยื่อ นอฉว่า เร๊อ เน โต่โต่. จู๋ ดื่อ เน ซิปล่อ ซิหยื่อ เมจว่า แว แพ๊.

Eastern Kayah Shadaw Dialect

¹⁴ ꤗꤢ꤬ꤔꤢꤧꤚꤣꤧ꤬ ꤔꤢꤧ꤬ ꤜꤢ꤭ ꤞꤤꤑꤢꤩ꤭ ꤜꤢ꤭ꤟꤤ ꤜꤢꤨ꤭ꤚꤤ꤬ꤊꤢꤧ꤭ ꤒꤥ꤬, ꤓꤥ꤭ꤚꤣꤧ꤬ ꤔꤢꤧ꤬ ꤜꤢ꤭ ꤢꤪꤜꤢꤧ꤬ ꤜꤢ꤭ꤟꤤ ꤠꤢꤧ꤭ ꤒꤣ꤬ꤡꤣ꤬꤮ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤩ꤬ꤜꤢ꤭ꤟꤤꤒꤥ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤏꤝꤢ꤬ ꤔꤢꤧ ꤔꤢꤧ꤬ ꤒꤥ꤬ꤒꤥ꤬꤯ ꤡꤢꤨ꤮ ꤘꤢꤦ꤬ ꤔꤢꤧ꤬ ꤞꤤꤕꤜꤢꤪ꤬ ꤞꤤꤛ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ ꤠꤢꤧ꤭ ꤖꤢꤧ꤯

ฟีเลโมน 1:14 ပူးပေါင်းရင်းမြစ်များ

โครินธ์ เนอบ่า ต๊าบ่า 9:7

ฮู๊เนอเรอ, อูเปเป๋ เบ่เบ่, อา โตเบ่ เด๊อะ ฮู๊ อา แด่แล โทเฮ๊อ อาซิปล่อ เด๊อ อา เตเร เด๊อะ บ๋า เต อาขุเนอ แพ๊. อา เบ่ ซิโล กาคยา เกอเร๊อ โต่. อา เบ่ แด่หนิ อาซิปล่อ เร๊อ อา ตาเบ่เฮ๊อ ลูขุ เร๊อ อา โตเบ่ เด๊อะเฮ๊อ ฮู๊เนอ หนิ โต่, เมเตเฮ๊เรอ จอแปแหร่ โมเร๊อ แกแย เด๊อ อา ซิครือซิลอ เด๊อะอู เนอเต๊เห่ แพ๊.

โครินธ์ เนอบ่า ต๊าบ่า 9:5

ฮู๊เนอเรอ, แว แด่แล เฮ๊อ แว ซิปล่อ เด๊อ แว โหล่ นอแฮ เหร่อ เป โป่แหว่ เต๊เห่ เด๊อ ซีโอ่ เร๊อ อา เก่ เมจว่า เตโถ่ปล๊อ เตหลู่แต เด๊อ ซี อ๊อแล เร๊อ ซี เก่ เมจว่า อู เนอเต๊เห่. เก่ เมฮู๊เนอ ตื๊อเรอ ช๋า แว แฮโต่ ปาเนอ, ซี เก่ ตี๊หรี่แตแร หนื่ออื่อ โทลอเฮ๊อ ซี เตหลู่แต เออเต๊เห่ เฮ๊อ. เป เก่ เมฮู๊เนอเรอ อู เก่ แม๊เถอะ เร๊อ อู นอฉว่า ซี เตเพร่ว หม่าโต่, ซี ซิปล่อฉว่า เม เกอเร๊อดื่อ แพ๊ ฮู๊เนอ ปา.

โครินธ์ เนอบ่า ต๊าบ่า 8:12

ซี เก่ ซิปล่อฉว่า เด๊อะ เกอเร๊อดื่อ หม่าแหน่แหน่ เฮ๊เรอ จอแปแหร่ ซิหยื่อ ฮู๊เนอ เฮ๊อ. ซี เด๊อะเบ๊ บ๋า เต บ๋า เต เนอ, อา โหล่ดุ ลา หม่าโต่. จอแปแหร่ ซิหยื่อ นอเด๊อะ ซี บ๊า ซี เด๊อะเบ๊ เนอแพ๊. เต เด๊อ ซี เด๊อะเบ๊โต่ เนอ อา กุย เร๊อ ซี ตีกี๋ โต่.

โครินธ์ เนอบ่า ต๊าบ่า 1:24

เป ซิหยื่อ เมตาตือ เร๊อ ซี เตหยื่อ โต่. ซี เตหยื่อเตแหน่ ชอเกอเด๊อ เจ๊อ เนอหม่า เป ซิเง เฮ๊อ. แซ่ฮู๊ ซี เก่ ซิครือซิลอ เอ๊แถ่โป่ อาเงเนอ, เป ซิหยื่อ แฮ เมจว่า เกอ ซี ฮู๊เนอ แพ๊.

โครินธ์ อาเหร่อเล๊อ ต๊าบ่า 9:17

เตเม เออเนอ แว เก่ นว๊าพย๊านว๊าเม เกอเร๊อดื่อ แพ๊ เก่เฮ๊เรอ, แว พย๊า อาคว๊าอาเก่ หม่า อา โต แพ๊. หม่าแน๊เรอ แว นว๊าพย๊านว๊าเม เกอเร๊อดื่อ หม่าโต่. จอแปแหร่ นว๊าแถ่ แว เร๊อ อา เด๊อะตาแก เตเมเออ เด๊อ แว กู๊ยากู อาขว่าอาคยา, แว เบ่ เม ฮู๊ อา เด๊อะตา แว, อา นอเม แว เนอแพ๊.

โครินธ์ อาเหร่อเล๊อ ต๊าบ่า 9:7

เฮ๊โก๊หลื่อ, เกลอฮู๊ เต๊เห่เนอ, อา เม เกลอ อาเตเม เร๊อ อา ลอแก เกอเร๊อดื่อ อารือ เนอหม่า อา โอ่น๊อ แหน่ แอ? เพรอิช๊อ แท๊ทือเหมาะ เตเพร เนอ, อา เอ่น๊อ เกอเร๊อ เกอ อา แท๊ทือเส่ โต่ เนอหม่า อา โอ่น๊อ แหน่ แอ? แกแย เด๊อ อา เก่ ปู่เป๊เหน่ เตเพร เนอ, อา โตเบ่ พย๊าหนิ แหน่ อาคว๊าอาเก่ โต่ แอ?