ฟีเลโมน 1:1 - ลีเทส่อพ๊าอาเซ เร๊อ เห่ขุทวาลู๊

^1-2 แว หม่า คูเปาโล. แว เร๊อ คูทิโมธี หม่า เด๊อ ครี๊อาขว่าอาคยา, เป โป่แหว่ ลู. เร๊อ ราจว๊าเป่ ฟีเลโมน ลีเออต๊าบ่า. เด๊อ แว เม เป่ เหย่ซู่ครี๊ อาเตเม อาขว่าอาคยา, อู ด๊อตา แว เด๊อ ทอกู. เป ราจว๊าเป่ ลีเออ เด๊อ เป โคแบ๊ซว๊า คูฟีเลโมน เด๊อ อา เม เต่อเกอเต เร๊อ เป เออเตเพร อา โอ่, เร๊อ เป โป่แหว่ ครี๊พู๊ เพรเหมาะ เหมาะอัปเฟีย, เร๊อ เป โป่แหว่ ครี๊พู๊ คูอารคิปปัส เด๊อ อาแซ่เน๊อ เกลอฮู๊ เตเพร เออเต๊เห่ อา โอ่, เร๊อ เพรหยื่อเอ่เต ตู๊หมู่ตอกล๊อ โอ่ เด๊อ คูฟีเลโมน อาหี่กู เนอเต๊เห่ อา โอ่.

Eastern Kayah Shadaw Dialect

^1-2 ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤪꤜꤢꤨ꤯ ꤠꤢꤧ꤭ ꤔꤢꤧ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤘꤣ ꤋꤚꤤ ꤢ꤬ꤊꤢꤨ꤭ ꤋꤢꤨ꤭ꤒꤤ꤬ꤗꤢ꤬ꤞꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤚꤢ꤭ꤡꤝꤢꤕ꤫ꤢꤩ꤬ ꤋꤢꤨ꤭ꤖꤤꤜꤢ꤬ꤗꤥ꤬ ꤜꤤ꤬ꤣꤧ꤭ꤒꤣ꤬ꤙꤢ꤬꤯ ꤘꤣ ꤠꤢꤧ꤭ ꤗꤢꤩ꤬ ꤕ꤫ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤒꤢꤩ꤬ꤗꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤘꤢꤪꤒꤢ꤭ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭꤯ ꤕꤢꤩ꤬ ꤚꤢ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤕꤢꤩ꤬ ꤋꤥ꤭ꤙꤢꤧꤞꤝꤢ ꤋꤢꤨ꤭ꤖꤤꤜꤢ꤬ꤗꤥ꤬ ꤘꤣ ꤢ꤬ ꤗꤢꤩ꤬ ꤒ꤫ꤣ꤬ꤊꤣꤧ꤭ꤒꤢꤩ꤬ ꤔꤢꤧ ꤕꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤥ꤬, ꤔꤢꤧ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤖꤚꤢꤩ꤬ꤗꤢꤪ꤬ ꤗꤢꤪ꤬ꤢ꤬ꤖꤤ, ꤔꤢꤧ ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤋꤢꤨ꤭ꤢ꤬ꤊꤤ꤬ꤕꤢꤨ ꤘꤣ ꤢ꤬ꤞꤢꤧꤔꤢꤧ ꤊꤜꤣꤧ꤭ꤟꤢꤨ ꤒꤣ꤬ꤖꤚꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬, ꤔꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤥ꤬ ꤘꤣ ꤋꤢꤨ꤭ꤖꤤꤜꤢ꤬ꤗꤥ꤬ ꤢ꤬ꤟꤤ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯

ฟีเลโมน 1:1 ပူးပေါင်းရင်းမြစ်များ

เอเฟซัส 3:1

ฮู๊เนอเรอ, เด๊อ แว เม ครี๊ อา เตเอ่เตแร เร๊อ แว โด่แน เป่ แกแยยิวพู๊ หม่าโต่ เต๊เห่ เร๊อ เตซิครือมีลา เออ อาขว่าอาคยาเร๊อ, แว หม่าดื่อ เฮ๊อ คูเปาโล เออ, อู เบ่ ด๊อตาแก เฮ๊อ แว เด๊อ ทอกู.

ฟีเลโมน 1:9

เป ย๋อ โม หนิเกอเร๊อ คยาแซ๊ลู เตเพร เร๊อ เตเพร อาขว่าอาคยา, แว กุยซิยอแพ๊ เน แพ๊. กู๊แหน่เร๊อ แว หม่าเฮ๊อ คูเปาโล เออ, แว โหมะเผระเฮ๊อ, โท๊โต่ เด๊อ เหย่ซู่ครี๊ อาขว่าอาคยาเร๊อ, อู ล๋อ ด๊อตาปา แว เด๊อ ทอกู เร๊อ แว กุยซิยอ เน แพ๊.

โคโลสี 1:1

แว หม่า คูเปาโล, แว เร๊อ เป โป่แหว่ ครี๊พู๊ คูทิโมธี รา เป่ ซี ลี เออต๊าบ่า. จอแปแหร่ ซิปล่อโอ่หนิเกอ แว เร๊อ แว เก่ ทวาแถ่ เหย่ซู่ครี๊ อา เพรโด่แนพู๊ เต๊เห่ เตเพร.

ฟีลิปปี 2:25

แว โตเบ่ นอกาคยา เป่ ซี คูเอปาโฟรดิทัส เด๊อ ซี โอ่ แว เตเน ฮู๊เนอ. อา หม่า แว โป่แหว่ เตเพร, อา หม่า แกแย เด๊อ อา เมเต่อ โทเฮ๊อ เต เร๊อ แว เร๊อ อา ช๊า โหร่เต่อเกอ โทเฮ๊อ เต เร๊อ แว เฮ๊อ. อา หม่า แกแย เด๊อ อา ซู เป่ ซี ลี เนอเตเพร เฮ๊อ เร๊อ แซ่ฮู๊ อา เก่ เมจว่า เป่ แว เตโหล่ เต๊เห่เนอ เร๊อ ซี นอแฮ ลู เด๊อ แว โอ่ เนอเตเพร เฮ๊อ.

โครินธ์ อาเหร่อเล๊อ ต๊าบ่า 3:9

เป หม่า เพรเมโหร่ลูเต เด๊อ จอแปแหร่ อาเง เต๊เห่ แพ๊. ซี หม่า อาแซ่เน๊อ จอแปแหร่ อา เกเร๊รา เด๊อ เป เหล่เมเอ่ อาเหล่โอ่. โท๊โต่ ซี หม่า อาแซ่เน๊อ หี่ เด๊อ จอแปแหร่ ช๊อแถ่ อา เตเม.

ทิโมธี เนอบ่า ต๊าบ่า 1:8

ฮู๊เนอเร๊อ, เน เตเร ข่าเฮ๊โล เนเหน่ เด๊อ เป แบ่เจ่ อาเงเนอ ซิเตเร แต่เหม่, เด๊อ แบ่เจ่ อาขว่าอาคยาเร๊อ, อู ด๊อตา แว เด๊อ ทอกู เออเนอ เบ่เบ่, ซิเตเร แต่เหม่เหม่. โท๊โต่ ข่าโหร่เกอ เตโซพ๊าโซแร เน๊อ แว เด๊อ เตซิครือมีลา อาเง ฮู๊ จอแปแหร่ เด๊อะ เน เตอ๊าเหร่เตเหร่เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

เร๊อ เป ซูแล คูทิโมธี เด๊อ ซีโอ่, อา หม่า เป โป่แหว่ เตเพร เร๊อ อา ทวา จอแปแหร่ เพรแรเต เตเพร. อา เมเต่อเกอเต เร๊อ เป, เร๊อ อา แด๊โฉ่โด่แน เป่ อู เร๊อ ครี๊ อา เตซิครือมีลา อาหรี่อาแก. แซ่ฮู๊ อา เก่ เด๊อะอ๊า เด๊อะเหร่หนิ ซี เร๊อ อา เก่ ครอครวาเกอ ซี เตหยื่อเตแหน่ อาคยา เนอเรอ, เป ซูแล อา เด๊อ ซีโอ่.

โคโลสี 4:11

คูเหย่ซู่ เด๊อ อู เอ๊ อา เร๊อ คูยุสทัส เออเตเพร ซูแลเกอ อา เตเฮ๊โมเฮ๊แร๊ เด๊อ ซี โอ่โอ่. แกแยยิวพู๊ เด๊อ อา หยื่อเอ่ ครี๊ เต๊เห่ อาเกลเนอ, เพร เด๊อ อา เมโหร่ เกอ เต เร๊อ แว เด๊อ จอแปแหร่ อาเทออาเก่ อาเงเนอ หม่า อา โอ่แพ๊ ซิโซโซ๋ แพ๊. เหย่ซี หม่า อา เมโม แหน่เจ๊อ แว ซิปล่อ.

ฟีลิปปี 4:3

เน หม่า แกแย เด๊อ อา เมโหร่ เต เร๊อ แว เด๊อ อาจ๊อ เน๊อ อาโหง่ เตเพร เฮ๊อ. เร๊อ แว ซิหยื่อ กุยเกอ เน เตเมจว่า เต๊อเจ่อ, แซ่ฮู๊ เพรเหมาะเออ ซิเนอ เก่ โครเกล คยาลู อาเงเนอ, เมจว่า เหร่อเป่ เหย่ซี นี๋. เมเตเฮ๊เรอ เหย่ซี เออซิเนอ เนอหม่า อา แอ๊จื๊อ ท๊ออ๊าท๊อเหร่ เมโหร่เกอ เตเฮ๊ตา เตซิครือมีลา อาเตเม เนอ แว หนิ. เหย่ซี เมโหร่เกอ เร๊อ คูเคลเมนท์ เร๊อ แวโค เด๊อ เป เมโหร่ลู เต เด๊อ อาโร เนอเต๊เห่, เร๊อ ล๋อ เหย่ซี เนอเต๊เห่ อามุย หม่า อา โอ่ ลอเฮ๊อ เด๊อ แบ่เจ่ อา ลีเซอเพร อากู เนอเฮ๊อ.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

โครินธ์ เนอบ่า ต๊าบ่า 1:1

แว หม่า คูเปาโล. จอแปแหร่ ซิปล่อ โตดื่อเฮ๊อ เด๊อ อา เก่ นว๊าแถ่เฮ๊อ แว เร๊อ แบ่เจ่ เหย่ซู่ครี๊ อา เพรโด่แนพู๊ เต๊เห่ เตเพร เฮ๊อ. แว เร๊อ เป โป่แหว่ คูทิโมธี ราจว๊าเป่ ลีเออ เด๊อ ซี วีโครินธ์พู๊ เด๊อ อา หยื่อเอ่ จอแปแหร่ เต๊เห่ อาโอ่. โท๊โต่ เป ราจว๊าเต่อ เป่เกอดื่อ แกแย เด๊อ อา หยื่อเอ่ จอแปแหร่ เด๊อ อา โอ่ เด๊อ อาคายา เก่กู เนอเต๊เห่ อาโอ่.

ฟีเลโมน 1:24

ฮู๊เนอเฮ๊อ เพรเมเต่อเต เร๊อ แว คูมาระโก, คูอาริสทารคัส, คูเดมาส เร๊อ คูลูกา ซีเต๊เห่ ซูแฮ เกอช๊าเหล่ อา เตเฮ๊โมเฮ๊แร๊ เต๊เห่ เด๊อ ซีโอ่.

เธสะโลนิกา เนอบ่า ต๊าบ่า 1:1

เป หม่า คูเปาโล, คูสิลาส, เร๊อ คูทิโมธี. เป ราจว๊า โหร่ลู ลีเออต๊าบ่า เด๊อ ซี วีเธสะโลนิกา เพรหยื่อเอ่เต ตู๊หมู่ตอกล๊อ เต๊เห่ อา โอ่. ซี หม่า เปเพ จอแปแหร่ เร๊อ แบ่เจ่ เหย่ซู่ครี๊ อาแกแย เต๊เห่.

เอเฟซัส 6:20

เด๊อ ครี๊ นว๊าเถ่ เฮ๊อ แว เร๊อ อา เพรเฮ๊โฉ่ เตหรี่เตแก เตเพร เด๊อ แว เก่ แด๊โฉ่โด่แน เป่ อู เร๊อ เตซิครือมีลา เออ อาขว่าอาคยา, กู๊แหน่เออ แว ตาเฮ๊อ เด๊อ ทอกู เฮ๊อ. เต เด๊อ แว โตเบ่ โด่แน เป่ อู เต๊เห่เนอ, แซ่ฮู๊ แว เก่ โด่แน ฮาฮา เป่ อู อาเงเนอเนอ, กุยจ๊อเบ เป่ เกอ เด๊อ แวเง นี๋.

เพรโด่แนพู๊ เต๊เห่ 16:1

คูเปาโล จว๊า เป่แฮ โป่ เด๊อ เง เร๊อ อา จว๊าโต่ เด๊อ วีเตอร์บี เร๊อ วีลิสตรา. เบ๊อะวีลิสตรา อากูเนอ, แกแย หยื่อเอ่ โอ่เตเพร เด๊อ อามุย เร๊อ คูทิโมธี. เร๊อ อาโหมะ หม่า แกแยยิวพู๊ เด๊อ อา หยื่อเอ่แหน่หยื่อรี เตเพร, หม่าแน๊เรอ อาเพ หม่า แกแยกรีกเมวเจอะพู๊ เตเพร.

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

ฟีลิปปี 1:1

เป หม่า คูเปาโล เร๊อ คูทิโมธี. เป หม่า เหย่ซู่ครี๊ อาหลู่ เต๊เห่. เป ราจว๊า เป่ ลี เออต๊าบ่า เนอ จอแปแหร่ อาแกแย เด๊อ อา ทวาแถ่ เฮ๊อ เตเตอเจ๋อ โต เร๊อ เหย่ซู่ครี๊ เร๊อ อา โอ่ แลแค เด๊อ วีฟีลิปปี อากู เนอเต๊เห่ อา โอ่. เป ราจว๊าป่าเต่อ เป่เกอ เร๊อ เพรหยื่อเอ่ตู๊หมู่ตอกล๊อ ทวาดุ ทวาเต เต๊เห่ เร๊อ เพรเมจว่า เพรหยื่อเอ่เต ตู๊หมู่ตอกล๊อพู๊ เต๊เห่.

ฟีเลโมน 1:23

เด๊อ เหย่ซู่ครี๊ อาขว่าอาคยาเร๊อ, คูเอปาฟรัส ตาเต่อเกอ ทอกู เร๊อ แว, เร๊อ อา ซูแฮ เตเฮ๊โมเฮ๊แร๊ เด๊อ ซีโอ่.