ꤗꤢ꤬ꤊꤢꤨ 9:7 - ลีเทส่อพ๊าอาเซ เร๊อ เห่ขุทวาลู๊

⁷ เร๊อ อ๊อโหล่ ตื๊อบื่อ แลปอ ตาบี๊แก เหย่ซี เร๊อ โหง่พราเถ่ เด๊อ อ๊อโหล่กู เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โม เกอเร๊อ อา เตเพร, เร๊อ หนิดา แลแค อาโหง่ นี๋.”

Eastern Kayah Shadaw Dialect

⁷ ꤚꤣꤧ꤬ ꤢꤪꤜ꤫ꤥ꤬ ꤒꤣ꤬ꤙꤢ꤬ ꤜꤣꤧ꤬ꤕꤢꤪ꤬ ꤒꤢ꤭ꤙꤤꤊꤢꤧ꤭ ꤛꤢꤩ꤬ꤞꤤ꤭ ꤚꤣꤧ꤬ ꤍ꤫ꤥ꤬ꤖꤚꤢ꤬ꤓꤢꤧ꤬ ꤘꤣ ꤢꤪꤜ꤫ꤥ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤠꤢꤧ꤭ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤢ꤬ ꤒꤣ꤬ꤖꤚꤢꤩ꤬, ꤚꤣꤧ꤬ ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤢ꤬ꤍ꤫ꤥ꤬ ꤔꤤ꤮꤯”

ꤗꤢ꤬ꤊꤢꤨ 9:7 ပူးပေါင်းရင်းမြစ်များ

เปโตร เนอบ่า ต๊าบ่า 1:17

เบ๊อะเพ จอแปแหร่ เด๊อะแล อา เตแด่หยื่อแด่แหน่ เร๊อ อา เตเตอเรอดุ เตอเรอทู เด๊อ เหย่ซู่โอ่ เบ๊อะเนอ, เป โอ่เกอ เจ๊อ เบ๊อะเนอ เจ๊อ. จอแปแหร่ เด๊อ อาโพรอาฉว่าอาชอ อาดุอาทูเล๊อ เร๊อ เตล๋อ ปลี เออเตเพรเนอ, อา เฮ๊ เน๊อ, “เออ หม่า แวพู๊คู เด๊อ แว โม เกอเร๊อ อา เร๊อ อาโต แว ซิปล่อ เตเพร.”

มัทธิว 3:17

โทเรอ โหง่พราเถ่ ตือมือ เด๊อ ม๊อขุเนอ เร๊อ อา เฮ๊ เน๊อ, “เออเตเพร หม่า แวพู๊คู เด๊อ แว โมหนิเกอเร๊อ อา โท๊โต่ แวพู๊ เด๊อ แว แม๊ดุ เกอเร๊อ อา เตเพร.”

ꤗꤢ꤬ꤊꤢꤨ 1:11

เร๊อ จอแปแหร่ โอ่ เด๊อะ ม๊อขุ, เร๊อ อา เฮ๊เบ่ตา ลู เน๊อ, “เน หม่า แวพู๊คู เด๊อ แว โมแหน่เกอ เร๊อเน เร๊อ เน เมโม แว ซิปล่อ เตเพร,” อา เฮ๊ ฮู๊เนอ.

เตเด๊อะโลแถ่ 1:7

แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน.

ꤟꤤꤙꤚꤢꤨ 2:1

เด๊อ เป ซิเงเฮ๊อ เร๊อ จอแปแหร่ อาพู๊คู หม่า อาดุอาแย ฮู๊เนอ อาขว่าอาคยา, แซ่ฮู๊ เป เก่ จว๊าโค๊แก เตหมะเตจ๊อ เด๊อ เป หนิโฮ โทเฮ๊อ เออเนอ แต่เหม่ อาเงเนอ, เป เบ่ แด่หยื่อเล๊อ อา.

ꤛꤥ꤭ꤟꤢ꤬ 20:31

หม่าแน๊เรอ อู ราโอ่ ลี เออต๊าบ่า หม่า แซ่ฮู๊ ซี เก่ หยื่อเอ่ เร๊อ เหย่ซู่ หม่า เพรเมแลเปล๊กา เมสิยาห์, อา หม่า จอแปแหร่ อาพู๊คู เตเพร, เร๊อ เด๊อ ซี หยื่อเอ่ ลู อาขว่าอาคยา, เร๊อ ซี เก่ พย๊าหนิ ซิปล่อเซอเพร อาเงเนอ, อู รา เป่ ซี แพ๊.

ꤛꤥ꤭ꤟꤢ꤬ 6:69

เป หยื่อเอ่ เร๊อ เป ซิเง เร๊อ เน หม่า จอแปแหร่ อา แกแยบูโพ๊พู๊ เตเพร, เร๊อ อา นอแฮแล เน เฮ๊อ.”

ꤛꤥ꤭ꤟꤢ꤬ 1:34

เตทวาแถ่ ฮู๊เออเนอ, แว แม๊เถอะ โทเฮ๊อ อาขว่าอาคยา, แว เฮ๊โฉ่จ๊อ เป่เฮ๊อ ซี เร๊อ อา หม่า จอแปแหร่ อาพู๊คู หม่าแหน่ เตเพร เฮ๊อ.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

ꤚꤥꤗꤢꤩ꤬ 1:4

เด๊อ แหย่โยบูโพ๊ แบ่เจ่ อาขว่าอาคยา, เร๊อ เบ๊อะจอแปแหร่ เมเซอเพร กาคยา เป แบ่เจ่ เหย่ซู่ครี๊ เด๊อ เตเซอ เร๊อ อา เตโพรเตเตอเรอ เบ๊อะเนอ, อา เด๊อะโล เฮ๊อ ลู เร๊อ อา หม่า จอแปแหร่ อาพู๊คู เตเพร หม่าแหน่ เฮ๊อ.

เพรโด่แนพู๊ เต๊เห่ 8:36

เร๊อ เบ๊อะเหย่ซี เออซิเนอ จว๊า เป่แฮ โป่ เด๊อ เง เบ๊อะเนอ, เหย่ซี จว๊าโต่ เด๊อ เทอเหล่โอ่ โต๊โผ่. เออโตโพ๊เรอ แกแย ทวา กู่กล๊อ เออเตเพรเนอ อา เฮ๊ ลู เน๊อ, “เทอ โอ่ เบ๊อะเออ ว๊า! แว เก่ ซิหยื่อ เจ แวเหน่ เร๊อ เทอ เฮ๊เนอหม๋า เตเมดี๊แด ตาตือ แวแกล๊ โอ่ เต๊อเจ่อเจ่อ แอ?”

เพรโด่แนพู๊ เต๊เห่ 7:37

“คูโมเสส หม่า แกแย เด๊อ อา แด๊โฉ่โล เป่ อิสราเอล อากลุยอาแล เต๊เห่ เน๊อ, ‘จอแปแหร่ เก่ นอแกแล เพรโพร เด๊อ ซีโอ่ ฮู๊ อา นอจว๊า แว เออเนอ ปา, เร๊อ อา หม่า ซี แกแยเมวเจอะ พู๊ เร๊อ ดื่อ แพ๊.’

เพรโด่แนพู๊ เต๊เห่ 1:9

เหย่ซู่ เฮ๊เบ่ โทเร๊อ เบ๊อะอา โคเจ่ เต๊เห่ แม๊ตู่แถ่ อา เบ๊อะเนอ, จอแปแหร่ เอ๊กา กาแถ่แก ลู เด๊อ ม๊อขุ. อ๊อโหล่ ต๊าบ่า โกบี๊แก ลู เร๊อ เหย่ซี แม๊เถอะ ปา ลู โต่.

ꤛꤥ꤭ꤟꤢ꤬ 19:7

แกแยยิวพู๊ เต๊เห่ เฮ๊ ตื๊อดื่อ แลแค เน๊อ, “เป เตซว๊าเตแส่โอ่ เร๊อ อา เบ่เซอ แพ๊, เมเตเฮ๊เรอ อา ดี๊กว๊า แล เกอเร๊อ อาเหน่ เร๊อ แว หม่า จอแปแหร่ อาพู๊คู, อา เฮ๊ เกอเร๊อ อาเหน่ ฮู๊เนอ.” อา เฮ๊แถ่ ตื้อดื่อ แลแค ฮู๊เนอ.

ꤛꤥ꤭ꤟꤢ꤬ 9:35

เบ๊อะเหย่ซู่ หนิโฮ เร๊อ อู เหว่เถ่แกเฮ๊อ แกแยเพ เป๊เส่คี๊ เออเตเพร เบ๊อะเนอ, แบ่เจ่ เหย่ซู่ จว๊าแม๊ปู แม๊เถอะ ลู เร๊อ อา เฮ๊ ลู เน๊อ, “เน หยื่อเอ่ แกแยพู๊คู แอ?”

ꤛꤥ꤭ꤟꤢ꤬ 5:37

เร๊อ เพ เด๊อ อา นอแฮ แว เออเตเพรเนอ, อา ข่าเฮ๊โล เด๊อ แวเง. ซี หนิโฮน๊อ เร๊อ อาตาลา โต่, โทเรอ ซี แม๊เถอะน๊อ เร๊อ อาเป๊เส่ โตโพ๋ โต่.

ꤛꤥ꤭ꤟꤢ꤬ 5:18

เด๊อ เหย่ซู่ เฮ๊เบ่ โหง่ ฮู๊เออ อาขว่าอาคยา, แกแยยิวพู๊ ทวาดุทวาเต เต๊เห่ เหล่ แอ๊จื๊อ แม๊ปูเมเซอ ฉว่าเล๊อ โป่ เร๊อ เด๊อ อาเหร่อเค เนอ. หม่า แพ๊ดื่อ อา เม ตาลว๊าตาแก โต โอ่โก๊ ม๊อเนอโด่ อา เตซว๊าเตแส่ ตื๊อดื่อ เออเนอ หม่าโต่, อา ย๋อ เฮ๊ โป่ เร๊อ จอแปแหร่ หม่าอาเพ เร๊อดื่อ เร๊อ อา เบ่ ครือแนหนิ อาเหน่ เร๊อ จอแปแหร่ อาขว่าอาคยา, เหย่ซี แม๊ปู เมเซอ ลู แพ๊.

ꤛꤥ꤭ꤟꤢ꤬ 1:49

คูนาธานาเอล เฮ๊ฉื่อ ลู เน๊อ, “รับบี เน หม่า จอแปแหร่ อาพู๊คู หม่าแหน่ เฮ๊อ, เน หม่า อิสราเอล อาคุ๊ยจ๊อแผ่ หม่าแหน่ เจ๊อ เฮ๊อ.”

มัทธิว 27:54

เบ๊อะโรมัน เกลอฮู๊เตเย กู่กล๊อ เออเตเพร เร๊อ แกแย เด๊อ อา โอ่ป่อแม๊เร๊อ เหย่ซู่โล เออเต๊เห่ แม๊เถอะ เตเน่วท๊อดี เร๊อ ล๋อ เตทวาแถ่ อาเหน่ เออเต๊เห่ เบ๊อะเนอ, เหย่ซี ซิอิเช เร๊อ อา เฮ๊ แลแค เน๊อ, “อา หม่า จอแปแหร่ อาพู๊ หม่าแหน่ แหน่ เฮ๊อ.”

มัทธิว 27:43

อา หยื่อเอ่ จอแปแหร่ แวเฮ๊. จอแปแหร่ เก่ซิปล่อ โอ่เร๊อลู เฮ๊เรอ นอเมแลเปล๊กา มอลู กู๊แหน่เออเนอ กอกอ? เมเตเฮ๊เร๊อ อา เฮ๊ เด๊อะ อาเหน่ เน๊อ, ‘แว หม่า จอแปแหร่ อาพู๊คู เม’”

ꤗꤢ꤬ꤊꤢꤨ 9:6

เหย่ซี ซิอิเช ตาลว๊า ซิลือ เร๊อ คูเปโตร อาโตเบ่ เฮ๊ ฮู๊เตเนอ อา ซิเง ปาโต่ อาคยา อา เฮ๊เถ่ แตแรแกฮู๊เนอ.

ꤗꤢ꤬ꤊꤢꤨ 9:8

โอ่ เตอเปลอฮู๊ เร๊อ เหย่ซี แม๊ตีวี๊ตาวา เร๊อ แม๊เถอะ แพ๊ตื๊อ เหย่ซู่เนอ เตเพร่ว แพ๊, เด๊อ อาโร ซิเนอเนอ แม๊เถอะ ปาโต่ เฮ๊อ.

ꤜꤢꤨꤊꤢ꤬ 3:22

โทเร๊อ แหย่โยบูโพ๊แบ่เจ่ กลว่าอาเหน่ ฮู๊ ถู่หลุ่ย เร๊อ อา แฮ ตาโอ่ เด๊อ เหย่ซู่ ลู เบ๊อะเนออาเค โหง่พรา ตา เด๊อ ม๊อขุ เร๊อ อา เฮ๊ เน๊อ, “เน หม่า แวพู๊คู เด๊อ แว โม เกอเร๊อ เร๊อ อาโตอาเบ่ เร๊อ แว ซิปล่อสู่เทอ เตเพร.”

ꤛꤥ꤭ꤟꤢ꤬ 12:28

เก๋อ เพ๋, เน เตอเรอดุทู เจ๊อ บ๋า เต เนอ, เด๊อะโล เป่ อู นี๋.” เออโตโพ๊เรอ โหง่ โอ่ เด๊อ ม๊อขุ เฮ๊ตา เน๊อ, “แว เด๊อะโล โทเฮ๊อ แว เตเตอเรอดุ เตอเรอทู เฮ๊อ, แว เก่ เด๊อะโล คยาแซ๊ ปา.”