ꤗꤢ꤬ꤊꤢꤨ 9:50 - ลีเทส่อพ๊าอาเซ เร๊อ เห่ขุทวาลู๊

⁵⁰ “อี๊เส่ เนอหมา อาแร๊ แพ๊ หม่าแน๊เรอ อา เก่ ชือเฮ ปาโต่ เฮ๊เรอ เมชือเฮ กาคยา คยาแซ๊ อา เนอ อาหนิ ปาโต่ เฮ๊อ, ซี เบ่ โอ่ เกอเร๊อ แลแค อี๊เส่ หม่าดื่อ เตแบ๊ซว๊าแบ๊โค เกอ ลู เตเพร เร๊อ เตเพร, โท๊โต่ โอ่ปล๊อโอ่ปลู โครเคร เกอเร๊อ ลู เตเพรเพร เร๊อ เตเพรเพร เออเนอ นี๋.”

Eastern Kayah Shadaw Dialect

⁵⁰ “ꤤ꤬ꤞꤢꤩ꤬ ꤔꤣꤧ꤬ꤗꤢ꤬ ꤢ꤬ꤚꤢꤧ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤊꤢꤩ꤬ ꤏꤢꤦ꤭ꤟꤢꤩ꤭ ꤕꤢ꤬ꤒꤥ꤬ ꤟꤢꤩꤔꤣꤧ꤬ ꤗꤢꤩ꤬ꤏꤢꤦ꤭ꤟꤢꤩ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤔꤣꤧ꤬ ꤢ꤬ꤔ꤫ꤤ꤬ ꤕꤢ꤬ꤒꤥ꤬ ꤟꤣꤧ꤯ ꤞꤤ꤭ ꤙꤢꤩ꤬ ꤥ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤤ꤬ꤞꤢꤩ꤬ ꤗ꤫ꤢ꤬ꤘꤢꤦ꤬ ꤒꤢꤩ꤬ꤙꤢꤧꤞꤝꤢꤙꤢꤧꤜꤢ꤬ ꤚꤣꤧ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤥ꤬ꤕꤜꤢꤪꤥ꤬ꤡꤢꤦ꤭ ꤋꤚꤥ꤭ꤊꤜꤢꤩ꤭ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤔꤤ꤮꤯”

ꤗꤢ꤬ꤊꤢꤨ 9:50 ပူးပေါင်းရင်းမြစ်များ

โคโลสี 4:6

แซ่ฮู๊ ซี เก่ ซิเง เกอ แลแค เน๊อ ซี โต เฮ๊ฉื่อ กาคยาแจ่ เป่ อู ปว๋า เตเพร ฮู๊เตฮู๊เต อาเงเนอ, เฮ๊เบ่เจ่เฮ๊เบ่หนิ, เฮ๊เบ่ ท๊อหนิจุ่ยหนิ เกอ แลแค อู ซิปล่อ นี๋.

ꤚꤥꤗꤢꤩ꤬ 12:18

แอ๊จื๊อ โอ่เซอเพร โครเกล เกอ แลแค เร๊อ อู เบ๊อะเนแอ๊จื๊อเบ๊ ตื๊อดื่อ เนอ นี๋.

มัทธิว 5:13

“ซี เต๊เห่ หม่า อาแซ่เน๊อ เห่ขุ อี๊เส่ เนอ. หม่าแน๊เรอ อี๊เส่ เก่ ชือเฮ ปาโต่ เฮ๊เรอ จว๊าเม ชือเฮ กาคยา แจ่ปา อา ฮู๊เต? อู นอจ่อ แจ่ปาโต่. อู เก่ วีแก แก อา เด๊อ แกล๊เดกู เร๊อ อู หยิตา พร๊อ จว๊าแก ลอ แพ๊ อา.

ꤟꤤꤙꤚꤢꤨ 12:14

แอ๊จื๊อ โอ่โครโอ่เกล เกอ เน๊อ อู ปว๋า เตเพร นี๋. แอ๊จื๊อ โอ่เซอเพร บูโพ๊ แลแค นี๋. เมเตเฮ๊เรอ เตโอ่เซอเพร บูโพ๊ เก่ โอ่โต่ เฮ๊เนอ, อู แม๊เถอะแจ่ แบ่เจ่ เตเพร่ว โต่.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:13

เด๊อ เหย่ซี เม แลแค ฮู๊เออ อาขว่าอาคยา, แด่ดุหยื่อแหน่ ส่าเผร่ เหย่ซี เร๊อ โม เหย่ซี เร๊อ ซิปล่อซีเม นี๋. โอ่ โครเกล เกอเร๊อ ลู เตเพร เร๊อ เตเพร นี๋.

เอเฟซัส 4:29

โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.

เปโตร อาเหร่อเล๊อ ต๊าบ่า 3:8

แว ซิหยื่อ เฮ๊ โป่ ซี เด๊อคยาเล๊อ เนอ, ซี ปว๋า เตเพร โตเบ่ โอ่ลู เร๊อ เหล่เตเน เต๊อเจ่อโต, เตแด่ซิปล่อสู่เทอ เตอเจ๋อโต นี๋. โม เกอเร๊อ เกอลู เตเพร เร๊อ เตเพร ฮู๊ โป่แหว่ เนอ นี๋. ซิยอ เกอเร๊อ ลู เตเพร เร๊อ เตเพร เร๊อ แด่หยว่า แลแค ซี ซิปล่อ เตเพร เร๊อ เตเพร นี๋.

ꤡꤛꤢꤩ꤭ꤗꤢ꤬ꤎꤣ꤬ 1:20

เมเตเฮ๊เรอ, แกแย เด๊อ ซิปล่อดุ สู่เทอทู เต๊เห่เนอ, อา เด๊อะทวาแถ่ แจ่ เตโอ่เซอเพร อาจ๊ออาเต เด๊อ จอแปแหร่ ซิหยื่อ นอโอ่เซอเพร เออเนอ แตแค๋ โต่.

ทิโมธี เนอบ่า ต๊าบ่า 2:22

จว๊า ตาพาแก เน๊อ พู๊เส่ อา เตซิหยื่อซิลอ แร๊โต่ เนอเต๊เห่ นี๋, เร๊อ ลือ แลแค เตจ๊อเตเต, เตหยื่อเตแหน่, เตโม เน๊อ เตตู๊จุเตอเจ๊อ, เร๊อ โอ่เต่อเกอ เน๊อ แกแย เด๊อ อา เอ๊โทแถ่ แบ่เจ่เน๊อ อาซิปล่อ เด๊อ อา อาโพ๊อาแปละ เนอเต๊เห่ นี๋.

โคโลสี 3:12

ซี หม่า จอแปแหร่ อาแกแย เด๊อ อา โพ๊แปละอาโพ๊อาแปละ เร๊อ อา โม หนิเกอเร๊อ เต๊เห่, เร๊อ อา นว๊าแถ่ หนิเกอเร๊อ เฮ๊อ ซี เฮ๊อ. ฮู๊เนอเรอ กือแซ๊แถ่ แลแค เตซิยอกล่าเบ่, เตเมแร๊เต, เตแด่หยว่า ซีซิปล่อ, เตซิโด่ซิงา เร๊อ เตแด่ทูซิปล่อ ซีเนอ เต๊เห่ นี๋.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤗꤢ꤬ꤊꤢꤨ 9:34

เบ๊อะเหย่ซี จว๊า เด๊อ แกล๊ลู เบ๊อะเนอ, เหย่ซี ย๋อ เคร๊แขระ จว๊า เกอเร๊อลู เร๊อ เด๊อ เปเกล เออเนอ, อูเป เก๊ทวาดุเล๊อ อู เป อาหรี่อาแก อาคยา, เหย่ซี โซ่โซ่โอ่แลแค แพ๊, อา เฮ๊ กาคยาฉื่อ ลู เตอเจ๋อ โต่.

ꤗꤢ꤬ꤊꤢꤨ 9:49

แกแย ปว๋า เตเพร เบ่ เมโพ๊เมแปละ อา เร๊อ หมิ ปา.