ꤗꤢ꤬ꤊꤢꤨ 9:33 - ลีเทส่อพ๊าอาเซ เร๊อ เห่ขุทวาลู๊

³³ เหย่ซี จว๊าโต่ เด๊อ วีคาเปอรนาอูม เร๊อ เบ๊อะอา โอ่ เด๊อ อาหี่ เบ๊อะเนอ, อา แด๊เฮอ อา โคเจ่ เต๊เห่ เน๊อ, “เบ๊อะซี จว๊า เด๊อ แกล๊ลู เบ๊อะเนอ, ซี เฮ๊เบ่ จว๊า แคร๋ ลู อิเต?”

Eastern Kayah Shadaw Dialect

³³ ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤠꤤ꤭ꤊꤢ꤬ꤕꤢꤩ꤬ꤚꤢ꤬ꤔꤢꤪ꤬ ꤚꤣꤧ꤬ ꤙꤣꤧ ꤢ꤬ ꤥ꤬ ꤘꤣ ꤟꤤ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤟꤣꤧ꤭ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ, “ꤙꤣꤧ ꤞꤤ꤭ ꤡꤝꤢ ꤘꤣ ꤊꤜꤢꤧꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤟꤢꤩꤙꤢꤩ꤬ ꤡꤝꤢ ꤋꤚꤢꤧ꤮ ꤜꤢꤨ꤭ ꤤ꤬ꤒꤢꤩ꤭?”

ꤗꤢ꤬ꤊꤢꤨ 9:33 ပူးပေါင်းရင်းမြစ်များ

ꤟꤤꤙꤚꤢꤨ 4:13

ล๋อ เตทวาแถ่ เต๊เห่เนอ, อา โอ่ว๊าโอ๊บี๊ แจ่ แน๊ จอแปแหร่ โต่. เด๊อ อาเบ๊เงเนอ, อาแซ่เน๊อ เป โอ่กาโกล ลอปลี ปว๋า เตเพร แพ๊. เป เมโทเฮ๊อ เตเต๊เห่เน๊อ, เร๊อ เป เตเน โทเฮ๊อ เตเต๊เห่เนอ, อา แม๊เถอะ ซิเง ล๋อ ปลี เจ๊อ. เป เบ่ แฮ แด๊โฉ่ แถ่โล ลอ อา ปว๊า เต๊อเจ่อ ปา.

เตเด๊อะโลแถ่ 2:23

แว เก่ เมเซอแก เต่อเกอ อา โคเจ่ เต๊เห่ ปาปา. ฮู๊เนอเรอ เพรหยื่อเอ่ตู๊หมู่ตอกล๊อ ปวาตู๊หมู่ เก่ ซิเง เร๊อ แว หม่า เพร เด๊อ อา ซิเง อู ปว๋า เตเพร อา เหล่เตเน เร๊อ อา เตซิหยื่อซิลอ เต๊เห่ เนอ ปา. ซี เตเพร เน๊อ เตเพร เมโท ลอแคร๊เฮ๊อ ฮู๊เต เนอ, แว เก่ เด๊อะเลอ กาคยาฉื่อ ซี ฮู๊ ซี เมโท เนอเต๊เห่ ปา.

ꤛꤥ꤭ꤟꤢ꤬ 21:17

โทเรอ อา แด๊เฮอ โป่ ลู โซโพ๊โตโพ๊ เน๊อ, “เพยอห์น อาพู๊คู คูซีโมน, เน โม แว แอ?” แบ่เจ่ เหย่ซู่ ย๋อ แด๊เฮอ ลู เน๊อ, “เน โม แว แอ?” เนอ โซโพ๊เฮ๊อ อาขว่าอาคยา, อา โม ลูซิปล่อ โต่. เร๊อ อา เฮ๊ฉื่อ ลู เน๊อ, “แบ่เจ่, เน ซิเง ลอ เตปว๊าเต๊อเจ่อ, แว โม เน เนอหม่า เน ซิเง เฮ๊อ,” อา เฮ๊ ลู ฮู๊เนอ, เร๊อ แบ่เจ่ เหย่ซู่ เฮ๊ ลู เน๊อ, “แม๊ โบ่เอ่โบ่โอหนิ แว ซิหมิ เนอเต๊เห่ นี๋.

ꤛꤥ꤭ꤟꤢ꤬ 2:25

อู โหล่ แด๊โฉ่โล เป่ เร๊อ เหย่ซู่ เร๊อ แกแย ปว๋า เตเพร อาหรี่อาแก โต่, เมเตเฮ๊เรอ เหย่ซู่ ซิเง โทดื่อเฮ๊อ อู ปว๋า เตเพร อาซิปล่อ เฮ๊อ.

ꤗꤢ꤬ꤊꤢꤨ 2:8

โตโพ๊โต เหย่ซู่ ซิเง เหย่ซี เหล่เตเน เด๊อ ซิปล่อกู เร๊อ อา เฮ๊ เหย่ซี เน๊อ, “ซี จว๊าเตเนโต่ แลแค เด๊อ ซี ซิปล่อกู ฮู๊เนอ เมเต?

มัทธิว 17:24

เบ๊อะแบ่เจ่ เหย่ซู่ เร๊อ อา โคเจ่ เต๊เห่ จว๊าโต่ เด๊อ วีคาเปอรนาอูม เบ๊อะเนอ, เพรโถ่ปล๊อ เตหลู่เตโฮ อาหมู่อาร๊า เต๊เห่ แฮ เด๊อ คูเปโตร อาโอ่, เร๊อ อา แด๊เฮอ คูเปโตร เน๊อ, “ซีซ๊าร๊า เด๊อะเกอ เตหลู่เแตโฮ อาหมู่อาร๊า โต่ แอ?”

ꤗꤢ꤬ꤊꤢꤨ 3:19

เร๊อ คูยูดาส อิสคาริโอท เด๊อ อา อิเชตาแก เหย่ซู่ เนอเตเพร.