ꤗꤢ꤬ꤊꤢꤨ 7:26 - ลีเทส่อพ๊าอาเซ เร๊อ เห่ขุทวาลู๊

²⁶ เพรเหมาะ เออเตเพร หม่า แกแยยิวพู๊ หม่าโต่, อา โอ่ เด๊อ ซีเรีย เก่โหมะ อาเล ฟีนิเซีย เก่กู, เร๊อ อา โอ่ เกอเร๊อ เร๊อ อา พู๊เพรเหมาะ เตเพร. เร๊อ อา แฮ กุยซิยอ ตื๊อดื่อ เหย่ซู่ เร๊อ อา เก่ เหว่เถ่แก เป่ โลเน๊ เด๊อ อา พู๊เพรเหมาะ เออเนอ อาเหน่ ลู.

Eastern Kayah Shadaw Dialect

²⁶ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬, ꤢ꤬ ꤥ꤬ ꤘꤣ ꤎꤢꤨ꤬ꤚꤤ ꤊ꤫ꤢꤩ꤬ꤗ꤫ꤥ꤬ ꤢ꤬ꤜꤢꤩ꤭ ꤠꤥ꤬ꤔꤤꤊꤢꤩ꤬ ꤊ꤫ꤢꤩ꤬ꤊꤢꤨ꤭, ꤚꤣꤧ꤬ ꤢ꤬ ꤥ꤬ ꤚꤣꤧꤘꤢꤦ꤬ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬꤯ ꤚꤣꤧ꤬ ꤢ꤬ ꤟꤢꤧ꤭ ꤊꤝꤤ꤭ꤞꤤꤛꤢꤪ꤬ ꤒꤣꤧ꤬ꤘꤢꤦ꤬ ꤛꤢꤩ꤬ꤏꤛꤢꤨ ꤔꤢꤧ ꤢ꤬ ꤊ꤫ꤢꤦ꤬ ꤠ꤫ꤢꤩ꤬ꤓꤢꤩ꤬ ꤒꤣꤧ꤬ꤖꤢ꤭ꤊꤢꤧ꤭ ꤕ꤫ꤢꤩ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ ꤣꤧ꤭ꤔꤣꤧ꤬꤯

ꤗꤢ꤬ꤊꤢꤨ 7:26 ပူးပေါင်းရင်းမြစ်များ

มัทธิว 15:22

เร๊อ คานาอัน เมวเจอะโหมะ เด๊อ อา โอ่ เด๊อ เก่เบ๊อะเนอ เตเพร แฮ เด๊อ แบ่เจ่ เหย่ซู่ อา โอ่ เร๊อ อา แฮ เอ๊โท กุย ซิยอ แถ่ ลู เน๊อ, “เก๋อ แบ่เจ่, คุ๊ยดาวิด อาพู๊คู๋, ซิยอ เร๊อ แว นี๋, โลเน๊ เมเบ่ แวพู๊เหมาะ เร๊อ อา เมหน่า แหน่เจ๊อ.”

โคโลสี 3:11

เด๊อ เตโอ่เซอเพร อาเซกู เนอ, แกแยยิวพู๊ เต๊เห่ เร๊อ แกแยยิวพู๊ หม่าโต่ เต๊เห่เนอ เบ่เบ่, แกแย ดื๊อตีลี๊พ๊า เร๊อ ดื๊อตีลี๊พ๊าโต่ เต๊เห่เนอ เบ่เบ่, เทอเก่โรพู๊ เต๊เห่ เบ่เบ่, แกแย มี เต๊เห่ เบ่เบ่, หลู่ เร๊อ แกแย ปาลา เต๊เห่เนอ เบ่เบ่, เป โตเบ่ เตเน ปา เน๊อ อา โค๊ลู ตีกี๋ โต่. แกแย เด๊อ อา หยื่อเอ่ ครี๊ ปว๋า เตเพร เนอ, ครี๊ โอ่เซอเพร เฮ๊อ เด๊อ ลูเหน่กู เฮ๊อ. ฮู๊เนอ อาขว่าอาคยา, ครี๊ หม่า เต เด๊อ อา โหล่ดุเล๊อ อู เฮ๊อ.

ꤊꤢ꤬ꤜꤢ꤬ꤒꤤ 3:28

แกแยยิวพู๊ เร๊อ แกแย เมว เจ่อโร กรีกพู๊ เต๊เห่, หลู่ เร๊อ เพร พย๊าหนิ เตปาลาพู๊ เต๊เห่, เพรคู เร๊อ เพรเหมาะ, ล๋อ เต เออเต๊เห่ เนอหม่า อากลว่าโค๊ เร๊อ ลู โต่, เมเตเฮ๊เรอ ล๋อ ซี เออเต๊เห่ เนอหม่า ซี ทวาแถ่ ลอ เฮ๊อ เตเตอเจ๋อโต เร๊อ ครี๊ เฮ๊อ.

มัทธิว 4:24

แบ่เจ่ อามุย โลปีชี จว๊าลอ ซีเรียเก่ เต๊เก๋เล อาขว่าอาคยา, อู เอ๊แฮ แกแย เด๊อ อา เบ่ เตชุ๊ยเตเช ปว๊าเต๊อเจ่อ เด๊อ ลูโอ่. เร๊อ อู เอ๊แฮ แกแย เด๊อ อา เชจาเชจือ ลูเหน่ เต๊เห่, โลเน๊โลหน่า เมเบ่ ลู เต๊เห่, อา ตีมุยแท๊ ซี เต๊เห่, เร๊อ อา เซอชิกยา ซี เต๊เห่ เด๊อ อา โอ่ เร๊อ อา แหย่โอ่เหม่ ลอเป่ อู ปว๋า เตเพร.

ꤗꤢ꤬ꤊꤢꤨ 7:25

เพรเหมาะ เตเพร หนิโฮ เหย่ซู่ อา คยา โตโพ๊โต อา แฮ แด๊งือจ๊อเบแล เด๊อ เหย่ซู่ กู๊โด่ช๊า. เร๊อ เพรเหมาะ เออเนอเตเพรเนอ อา พู๊เพรเหมาะ ปีตี๊ โอ่ เตเพร เร๊อ โลเน๊ เมเบ่ ลู พู๊.

ꤗꤢ꤬ꤊꤢꤨ 7:27

โทเรอ เหย่ซู่ เฮ๊ อา เน๊อ, “พู๊ เต๊เห่เนอ อา โตเบ่ เอ่ก๊อโอบา เหร่อ, เป พย๊า ฮู๊ เออเต๊เห่ อาเหล่เอ่ เร๊อ โบ่เอ่แก เร๊อ ถุ่ย เต๊เห่ เนอหม่า อา ต่าโต่” (เหย่ซู่ เฮ๊ เร๊อ ฮู๊ เนอ หม่า อาโหง่แลช๊า เร๊อ แกแยยิวพู๊, เร๊อ ถุ่ย อาโหง่แลช๊า เนอหม่า แกแยยิวพู๊ หม่าโต่ เต๊เห่.)