ꤗꤢ꤬ꤊꤢꤨ 6:34 - ลีเทส่อพ๊าอาเซ เร๊อ เห่ขุทวาลู๊

³⁴ เบ๊อะแบ่เจ่ เหย่ซู่ โอ่ เด๊อ ส่อเกลอกู เถ่ เบ๊อะเนอ, อา แม๊เถอะ แกแย ตู๊หมู่ดุ จว๊า โอ่ป่อ หนื่ออื่อ เหร่อ ลอเฮ๊อ เด๊อ เงเฮ๊อ. เร๊อ อา ซิยอ เกอเร๊อ แหน่ เจ๊อ เหย่ซี เจ๊อ, เมเตเฮ๊เรอ แกแย เออเนอเต๊เห่ อาแซ่เน๊อ ซิหมิ. เต๊เห่ เด๊อ เพรเก โอ่ ลู โต่ เนอ อาคยา อา เป๊อแถ่ อิซว๊า เอ๊เป่ แหน่เจ๊อ เหย่ซี.

Eastern Kayah Shadaw Dialect

³⁴ ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤥ꤬ ꤘꤣ ꤞꤢꤪ꤬ꤊꤜꤣꤧ꤭ꤊꤢꤨ꤭ ꤓꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ꤘꤢꤨ꤬ ꤡꤝꤢ ꤥ꤬ꤕ꤫ꤢꤪ꤬ ꤥ꤬ꤔꤢꤩ꤬ ꤚ꤫ꤣꤧ꤬ ꤜꤢꤪ꤭ꤟꤣꤧ ꤘꤣ ꤑꤢꤩ꤭ꤟꤣꤧ ꤚꤣꤧ꤬ ꤢ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤞꤢꤧꤔꤢꤧ ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤘꤣ ꤖꤚꤢꤩ꤬ꤊꤢꤩ꤭ ꤥ꤬ ꤜꤢꤨ꤭ ꤒꤥ꤬ ꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤡꤢꤓꤢꤧ꤬ ꤤ꤬ꤞꤝꤢ ꤢꤩ ꤔꤢꤧ꤬ꤡꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭꤯

ꤗꤢ꤬ꤊꤢꤨ 6:34 ပူးပေါင်းရင်းမြစ်များ

มัทธิว 9:36

เบ๊อะอา แม๊เถอะ แกแย เบ๊หมู่ เด๊อ อา เบ่แป่เบ่เช เร๊อ อาเหล่ ซิเล เกอเร๊อ อู โอ่ เตเพร่ว โต่ เร๊อ อา แซ่เน๊อ ซิหมิ ตู๊หมู่ เด๊อ อู เพรเก เหย่ซี โอ่โต่ เออ เต๊เห่ เบ๊อะเนอ, แบ่เจ่ เหย่ซู่ ซิยอ เกอเร๊อ แหน่เจ๊อ เหย่ซี.

ꤜꤢꤨꤊꤢ꤬ 9:11

เบ๊อะแกแย เบ๊หมู่ หนิโฮ เร๊อ แบ่เจ่ เหย่ซู่ เร๊อ อา โคเจ่ เต๊เห่ จว๊าเฮ๊อ เด๊อ เมอ เนอตีวี เบ๊อะเนอ, เหย่ซี ครวาจว๊าเกอ แลแค เบ๊อะเนอ เหย่ซู่ เอ๊โมฉื่อ เหย่ซี เร๊อ แด๊โฉ่โด่แน เป่ เหย่ซี เร๊อ จอแปแหร่ อาเทออาเก่ อาหรี่อาแก เร๊อ อา แหย่โอ่เหม่ เป่ แกแย เต๊เห่ อา เตชุ๊ยเตเช.

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

มัทธิว 14:14

เบ๊อะแบ่เจ่ เหย่ซู่ เถ่โคขุเออ เบ๊อะเนอ, อา แม๊เถอะ แกแย เบ๊หมู่ดุ จว๊า โอ่ป่อ โอ่หนื่ออื่อ เหร่อ ลอเฮ๊อ เด๊อ เงเฮ๊อ. เบ๊อะอา แม๊เถอะ เหย่ซี เนอ อา ซิยอ เกอเร๊อ เหย่ซี เร๊อ อา แหย่โอ่เหม่ เป่ลอ แกแยชุ๊ย เด๊อ เหย่ซีเกล เนอเต๊เห่.

ꤟꤤꤙꤚꤢꤨ 2:17

ฮู๊เนอ อาขว่าอาคยา แซ่ฮู๊ แบ่เจ่ เหย่ซู่ เก่ ทวาดื่อ เพร เด๊อ อา เม จอแปแหร่ อา เตเอ่เตแร ฮู๊ เพรหลู่แต กู่กล๊อดุเล๊อ เด๊อ อาจ๊อ เร๊อ อาโหง่ เร๊อ อา ซิยอแจ่ อู เตเพร. โท๊โต่ แซ่ฮู๊ อา เก่ ข่าเซอเป่ เด๊อ แกแย เต๊เห่ อา เตเมซื๊อ เต๊เห่ เก่ ปลวาแก อาเงเนอ, อา แฮแล พย๊า แกแยเห่ขุพู๊ อาเหล่โกล แซ่เน๊อ อาโป่อาแหม่ เออเนอเต๊เห่ เฮ๊อ.

มัทธิว 15:32

แบ่เจ่ เหย่ซู่ เอ๊แฮ อา โคเจ่ เต๊เห่ เด๊อ อา โอ่ เร๊อ อา เฮ๊ เหย่ซี เน๊อ, “แว ซิยอ เกอเร๊อ แหน่เจ๊อ แกแย เออเต๊เห่, อา โอ่ เกอ แลแค เจ๊อ แว เบ๊อะเออ หม่า อา บา เฮ๊อ โซเนอ เฮ๊อ. เหย่ซี เหล่เอ่เหล่โอ โอ่ แลแค เตอเจ๋อ โต่. แว ซิหยื่อ เหย่ซี โอ่วี กา เด๊อ แกล๊ ลูโต่, ปาหม่า เหย่ซี แลแด๊เอ่แลแด๊โอ เร๊อ แลคื๊อแลปอ กาลอ เด๊อ แกล๊ลู เห่.”

ꤗꤢ꤬ꤊꤢꤨ 6:33

หม่าแน๊เรอ แกแย โอ่โร๊ลู เด๊อ อา แม๊เถอะ เหย่ซี จว๊า เออเนอเต๊เห่, อา ซิเง ตาเต แลแค เฮ๊อ เนอ เหย่ซู่ เร๊อ อา โคเจ่ เต๊เห่ หม่าแหน่เฮ๊อ อาคยา, เด๊อวีกูเนอ ปว๊าวี แกล่จว๊า กู๊โด่ เด๊อ โคขุ เร๊อ แกล่จว๊าโต่ เหร่อ เด๊อ เหย่ซู่ เร๊อ อา โคเจ่ เต๊เห่ อาเบ๊เง.

ꤗꤢ꤬ꤊꤢꤨ 6:35

เบ๊อะเนอ โตโพ๊ เหมาะเฮ๊ลา เฮ๊อ เร๊อ เหย่ซู่ อา โคเจ่ เต๊เห่ กาโน เด๊อ ลูโอ่ เร๊อ อา แฮเฮ๊ ลู เน๊อ, “เหล่โอ่ เบ๊อะเออโต๊โผ่ หม่า ดอ โอ่ผื่อ ตอด๋อ โต่, โท๊โต่ เหมาะเฮ๊ลา เฮ๊อ.

ꤗꤢ꤬ꤊꤢꤨ 8:1

เบ๊อะอางยา แต๋โต่ เนอ แกแย ตู๊หมู่ดุ เด๊อ อาโร ตู๊หมู่ แฮโอ่ปล๊อโอ่ปลู ลอ เกอ ลาติ ลู เร๊อ เหย่ซี เหล่เอ่เหล่โอ อาลอ เฮ๊อ เร๊อ เหย่ซู่ เอ๊แฮ อา โคเจ่ เต๊เห่ เด๊อ อา โอ่ เร๊อ อา เฮ๊ เหย่ซี เนอ,

ꤗꤢ꤬ꤊꤢꤨ 8:2

“แว ซิยอ เกอเร๊อ แหน่เจ๊อ แกแย เออเต๊เห่, อา โอ่ เต่อ เกอ แว เบ๊อะเออ หม่า อา บา เฮ๊อ โซเนอ เฮ๊อ. เหย่ซี เหล่เอ่เหล่โอ โอ่ แลแค เตอเจ๋อ โต่.