ꤗꤢ꤬ꤊꤢꤨ 5:13 - ลีเทส่อพ๊าอาเซ เร๊อ เห่ขุทวาลู๊

¹³ โทเรอ เหย่ซู่ นอเถ่จว๊า เหย่ซี, เร๊อ เหย่ซี เถ่จว๊าแก เด๊อ แกแยเพ เหน่เตเพร อาเหน่ลู. เร๊อ อา จว๊าโนโอ่แก เด๊อ แท๊ เนอตู๊หมู่ อาเหน่ลู. แท๊เนอตู๊หมู่ หม่า อา โอ่โดเนอรี๊. เร๊อ อา อี๊ฉ่าตา รว๊าหล่า แตแน๊ โล เร๊อ อา ตา แลจื๊อ เซอแก ลอ เด๊อ เทออ่อดุกู.

Eastern Kayah Shadaw Dialect

¹³ ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤔꤢꤪ꤭ꤓꤢꤩ꤬ꤡꤝꤢ ꤛꤢꤩ꤬ꤞꤤ꤭, ꤚꤣꤧ꤬ ꤛꤢꤩ꤬ꤞꤤ꤭ ꤓꤢꤩ꤬ꤡꤝꤢꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤊꤣꤧ꤬ꤛꤢꤧ꤭ꤖꤢꤩ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤡꤝꤢꤔꤥ꤭ꤥ꤬ꤊꤢꤧ꤭ ꤘꤣ ꤓꤢꤧ ꤔꤣꤧ꤬ꤒꤣ꤬ꤗꤢꤨ꤬ ꤢ꤬ꤊꤢꤨ꤭꤯ ꤓꤢꤧ ꤔꤣꤧ꤬ꤒꤣ꤬ꤗꤢꤨ꤬ ꤗꤢ꤬ ꤢ꤬ ꤥ꤬ ꤢ꤬ꤘꤥ꤭ꤔꤣꤧ꤭ꤚꤤ ꤚꤣꤧ꤬ ꤢ꤬ ꤤ꤬ꤏꤢ꤬ꤒꤢ꤭ ꤚꤝꤢ ꤜ꤫ꤢ꤬ꤒꤣꤧ꤬ꤔꤢꤧꤜꤥ꤬꤯ ꤚꤣꤧ꤬ ꤢ꤬ ꤜꤣꤧ꤬ꤒꤢ꤭ꤜꤣꤧ꤬ꤡꤢꤦ ꤞꤣꤧ꤭ꤊꤢꤧ꤭ ꤜꤢꤪ꤭ ꤘꤣ ꤓꤣꤧ꤭ꤢꤪ꤬ꤘꤢꤨ꤬ꤒꤣꤧ꤬ꤠꤢꤪ꤬ꤊꤢꤨ꤭꤯

ꤗꤢ꤬ꤊꤢꤨ 5:13 ပူးပေါင်းရင်းမြစ်များ

เตเด๊อะโลแถ่ 20:7

อาหน่าตีรี๊ บาแถ่ โทเฮ๊อ ปา เนอ, อู เก่ ปลวาเถ่ โลเน๊มู๊แหม่รีแจ่ กู่กล๊อ เด๊อ อาทอกู ปา.

เตเด๊อะโลแถ่ 9:11

จ๊อแผ่ เด๊อ อา เป๊อ เหย่ซีเนอ อา โอ่เตเพร. อา หม่าเตเน๊วพู๊ เตเพร เด๊อ อา เป๊อ ครอกูดุ ครอกูแย เออตูกู เนอเตเพร เฮ๊อ. ฮีบรู อาโหง่ เนอหม่า อามุย เร๊อ คูอาบัดโดน เร๊อ กรีก อาโหง่ เนอหม่า, อา เฮ๊ เร๊อ อปอลลิโยน.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

มัทธิว 8:32

แบ่เจ่ เฮ๊ฉื่อ เหย่ซี เน๊อ, “จว๊าโนโอ่มอ แลแค!” เด๊อ เหย่ซี เถ่จว๊า โน โอ่ลอ แลแค เด๊อ แท๊ เนอตู๊หมู่ อากู, เร๊อ แท๊ เต๊เห่ แกล่ ตาลวา ตา หล่า แตแน๊ เบ๊หมู่ ลอ เร๊อ แลจื๊อ ตาเซอ โนลอ เด๊อ เทออ่อดุกู.

มัทธิว 7:6

“เตบูโพ๊ เนอ เด๊อะ แต่ เร๊อ ถุ่ยเต๊เห่ แต่เหม่, โทปาเร๊อ อา เก่ อ่า กาคยา ซี ปา. วีตา เป่ แต่ หล่อเซ๊หล่อโพร เต๊เห่ เด๊อ แท๊ เต๊เห่ อาเป๊เส่เง เนอ แต่เหม่, ซี เก่ วีตา เป่ อา เฮ๊เนอหม่า อา เก่ หยิตาแก ลอ ปา, โทปาเรอ อา อ่า กาคยา ซีปา”

ꤗꤢ꤬ꤊꤢꤨ 5:12

โลเน๊ มู๊แหม่รีแจ่ เนอเต๊เห่ กุยซิยอ เหย่ซู่ เน๊อ, “นอจว๊าโนโอ่ เร๊อ เป เด๊อ แท๊ เนอเต๊เห่ อากู เร๊อ ปลวา โน เหร่อ เป เด๊อ แท๊ เนอเต๊เห่ อากู นี๋,” อา กุยซิยอ ลู ฮู๊เนอ.

ꤗꤢ꤬ꤊꤢꤨ 5:14

เพรเกแท๊ เต๊เห่ แกล่กา แด๊โฉโลปีชี เป่ลอ อู เด๊อ วีกู เร๊อ เด๊อดอเด๊อโฉ่ เต๊เห่ อากู อาเมฮู๊เนอเต๊เห่ ฮู๊เตเนอ อู แฮแม๊ แลแค เบ๊อะเนอ.