ꤗꤢ꤬ꤊꤢꤨ 4:15 - ลีเทส่อพ๊าอาเซ เร๊อ เห่ขุทวาลู๊

¹⁵ แกแย เต๊เห่เห่เนอ, อาแซ่เร๊อ เตกลุย ตาโต เด๊อ แกล๊เดกู เนอเต๊เห่. เหย่ซี หนิโฮ จอแปแหร่ อาลาอาโหง่ เร๊อ โตโพ๊โต โลเน๊ กู่กล๊อ แฮพย๊า ตาพาเผ่แก จอแปแหร่ อาลาอาโหง่ เด๊อ เหย่ซี ซิปล่อกู เนอเต๊เห่.

Eastern Kayah Shadaw Dialect

¹⁵ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ꤞꤢꤧꤔꤢꤧ ꤒꤢꤩ꤬ꤊꤜꤝꤤ꤭ ꤜꤣꤧ꤬ꤒꤢ꤭ ꤘꤣ ꤊꤜꤢꤧꤘꤢꤩ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤛꤢꤩ꤬ꤞꤤ꤭ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤔꤢꤧ ꤒꤣ꤬ꤖꤥꤒꤥ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤟꤢꤧ꤭ꤖꤛꤢ ꤒꤣꤧ꤬ꤖꤢ꤭ꤖꤢꤩ꤬ꤊꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

ꤗꤢ꤬ꤊꤢꤨ 4:15 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

มัทธิว 13:19

เบ๊อะแกแย เตเพรเพร หนิโฮโปล จอแปแหร่ อาเทออาเก่ เตหรี่เตแก เร๊อ อา ซิเงโปล โต่ เนอหม่า, อาแซ่เน๊อ เตกลุย ลูตา เด๊อ แกล๊เดกู เร๊อ โลเน๊มู๊แหม่รีแจ่ กู่กล๊อ แฮพย๊า ตาพาแก เตกลุย เด๊อ อู เว๊อตา เด๊อ เหย่ซี ซิปล่อกู เนอเต๊เห่.

โครินธ์ เนอบ่า ต๊าบ่า 2:11

แซ่ฮู๊ โลเน๊มู๊แหม่รีแจ่ กู่กล๊อ เก่ เมเป่แก แต่ เป แต่เหม่เนอ, เป เบ่ ปลวาแก อู เตซื๊อ ฮู๊เนอ. เมเตเฮ๊เรอ โลเน๊มู๊แหม่รีแจ่ กู่กล๊อ อา เตเตเนหนื่ออื่อ เต๊เห่เนอ เป ซิเง ลอปลี ดื่อ เฮ๊อ.

ꤜꤢꤨꤊꤢ꤬ 8:12

เตกลุย เด๊อ อา เว๊อตาแก จว๊ารว๊า แกล๊ลู อาโหง่แลช๊า หม่า หม่าเฮ๊อ แกแย เด๊อ อา หนิโฮ แลแค จอแปแหร่ อาลาอาโหง่ ตื๊อดื่อเรอ โลเน๊ กู่กล๊อ แฮพย๊า ตาพาเผ่แก จอแปแหร่ อาลาอาโหง่ เด๊อ เหย่ซี ซิปล่อกู. โท๊โต่ แซ่ฮู๊ เหย่ซี ซิปล่อ อา ดี๊ดู๊ดี๊แด เด๊อ เตหยื่อเตแหน่ อากู เร๊อ อา พย๊าหนิ ดื่อ เตเมแลเปล๊กา แต่เหม่เนอ เร๊อ โลเน๊ กู่กล๊อ แฮเม ฮู๊เนอ แพ๊.

ꤗꤢ꤬ꤊꤢꤨ 4:4

เบ๊อะอา เว๊อตา เบ๊อะเนอ, เตกลุย เต๊เห่เห่เนอ, อาแล ตาโต เด๊อ แกล๊เดกู เร๊อ ถู แฮ อิโพเอ่ แก ลอ แพ๊,

เพรโด่แนพู๊ เต๊เห่ 5:3

เร๊อ คูเปโตร เฮ๊ ลู เน๊อ, “เพอานาเนี๋ย เน จว๊า นอเป๊อเต่อ เนเหน่ เร๊อ โลเน๊ มู๊แหม่ กู่กล๊อ เมเต? เน แลโฮแกเฮ๊อ แหย่โยบูโพ๊ แบ่เจ่ เฮ๊อ. เน จว๊า เบ่ดว๊า โอ๊แก โต่ เห่ขุ งู เด๊อ เน อิเช หนิ เออ เนอเต๊เห่ เมเต?

เตเด๊อะโลแถ่ 20:10

โลเน๊มู๊แหม่รีแจ่ กู่กล๊อ เด๊อ อา อิลออี๊โหล่ แลโฮ เหย่ซี เออโตโดเนอ, อู วีตาแก ลู เด๊อ หมิเผ่ เด๊อ อู ชื๊ออือ เร๊อ หย่าซู๊แบ เออเนอ เต๊เผ่อากู. หมิเออ เต๊เผ่ เนอหม่า หม่าเฮ๊อ อู เหล่วีตา เตมีเตแหม่ เนอโตโด เร๊อ เพรโพร แลโฮ เนอเต๊เห่ อาเหล่โอ่ เนอ เฮ๊อ. เร๊อ เหย่ซี เก่ ข่าเบ่ เตจาเตจือ เหมาะคี๊คี๊ เหมาะเชเกลเกล ตูจูเพร แตแลเคร๊ เจ๊อ ปา.

เตเด๊อะโลแถ่ 20:7

อาหน่าตีรี๊ บาแถ่ โทเฮ๊อ ปา เนอ, อู เก่ ปลวาเถ่ โลเน๊มู๊แหม่รีแจ่ กู่กล๊อ เด๊อ อาทอกู ปา.

ꤟꤤꤙꤚꤢꤨ 2:1

เด๊อ เป ซิเงเฮ๊อ เร๊อ จอแปแหร่ อาพู๊คู หม่า อาดุอาแย ฮู๊เนอ อาขว่าอาคยา, แซ่ฮู๊ เป เก่ จว๊าโค๊แก เตหมะเตจ๊อ เด๊อ เป หนิโฮ โทเฮ๊อ เออเนอ แต่เหม่ อาเงเนอ, เป เบ่ แด่หยื่อเล๊อ อา.

เธสะโลนิกา เนอบ่า ต๊าบ่า 2:9

แกแย จามู๊แหม่ เออเตเพรเนอ อา เก่ พย๊าหนิ โลเน๊มู๊แหม่รีแจ่ กู่กล๊อ อา เตโพรเตเตอเรอ เร๊อ อา เก่ เด๊อะโล แลโฮแลแห่ เป่ ลอ อู เร๊อ เตโค๊ตีกลี๊ ปว๋าเต๊อเจ่อ, เต เมม๊าเมแด ปว๊า เต๊อเจ่อ เร๊อ เตตาปา คย๊ายื๊อ เต๊เห่ ปว๋า เต๊อเจ่อ ปา.

มัทธิว 22:5

“หม่าแน๊เรอ แกแย เด๊อ คุ๊ย เอ๊แฮ ลู เต๊เห่เนอ อา เบ่หยื่อเบ่ แหน่ เตอเจ๋อ โต่. อา เถ่จว๊า โค๊แก ลอ. เตเพรเร๊อ อา แฮ เด๊อ เพร๊ขุ, เตเพรเร๊อ อา จว๊า เมเก่เมค๊า เต.

เตเด๊อะโลแถ่ 12:9

แปล่ดุ มู๊หนู่มู๊ส่าเค โตโบ เด๊อ อู เอ๊ ลูมูย เร๊อ โลเน๊มู๊แหม่รีแจ่ กู่กล๊อ หม่าโต่เรอ ลูซีเฟอร เด๊อ อา จว๊า อิลออี๊โหล่ ลอ อู เห่ขุต๊าบ่า เออโตโบ เนอ, อู วีตาแก ลอ อา เร๊อ อา เตเน่วพู๊ เต๊เห่ เด๊อ เห่ขุ.

มัทธิว 4:10

โทเรอ เหย่ซู่ เฮ๊ ลู เน๊อ, “โลเน๊มู๊แหม่ กู่กล๋อ! จว๊า ตาพายาแก ลีเทส่อพ๊า เฮ๊ เน๊อ, ‘จ๊อเบแถ่ ตื้อแพ๊ เน แบ่เจ่ จอแปแหร่ เร๊อ เมแพ๊ตื้อ อาเตเม แพ๊ นี๋,’” อา เฮ๊ ฮู๊เนอ.

เห่ขุทวาลู่ 19:14

ฮู๊เนอเร๊อ เพโลท เถ่จว๊า แด๊โฉ่โล เป่ อาเมเพรคูซี เด๊อ อา แฮเด๊อะม๊า โทเฮ๊อ เน๊อ อาพู๊เหมาะซี เออเต๊เห่ เน๊อ, “จอแปแหร่ ตูจูเพร เตเร เมจากาคยา ปย๊าแก ลอเฮ๊อ วี เออตีวี เฮ๊อ อาขว่าอาคยา, เมแพรมอ, เถ่ จว๊าตาพาแพรแกมอ เน๊อ วีเออ ตีวี.” หม่าแน๊เรอ อาเมเพรคูซี เต๊เห่ เตเนแพ๊ เน๊อ อา ฉู่เบ๊แลวอ เหย่ซี แพ๊.

ꤟꤤꤙꤚꤢꤨ 12:16

นอทวาแถ่ แต่ แลแค ซี เหน่กล่อ เออเนอ เน๊อ แกแย เด๊อ อา จว๊าซื๊อ เพรเหมาะเพรคู เนอเต๊เห่ แต่เหม่ นี๋. ทวาแถ่ แซ่ แลแค แต่ ฮู๊ คูเอซาว เด๊อ อา เบ่ หยื่อ เกออู จอแปแหร่ อาโหง่ โต่ เร๊อ อา อิเชเอ่ เกอเร๊อแก อาแหม่แหว่เพร่ว อู่เจเต๊เหย่ เน๊อ อิซุ๊ย เตเบ เนอเตเพร๋ แต่เหม่ นี๋.

เพรโด่แนพู๊ เต๊เห่ 17:32

เบ๊อะเหย่ซี หนิโฮ คูเปาโล แด๊โฉ่โด่แน เป่ เหย่ซี เร๊อ เตเซอ ก๊อถ่อกาคยา อาคยา เบ๊อะเนอ, เต๊เห่เรอ อา งยาโคร ลู, เต๊เห่เห่ ลาติเร๊อ อา เฮ๊ เน๊อ, “เป ซิหยื่อ หนิโฮ คยาแซ๊โป่ เน เฮ๊ เป่ เป เตหรี่เตแก เออเนอ.”

ꤗꤢ꤬ꤊꤢꤨ 4:14

แกแย เด๊อ อา เว๊อตา เตกลุย อาโหง่แลช๊า หม่าเฮ๊อ แกแย เด๊อ อา เว๊อตา จอแปแหร่ อาลาอาโหง่ เนอ เฮ๊อ.

ꤗꤢ꤬ꤊꤢꤨ 4:16

เด๊อ อาโร เต๊เห่เห่ เกอลาติ เร๊อ อาแซ่เน๊อ อู เว๊อตา เตกลุย เด๊อ หล่อเกล เห่พ๊าบือขุ เนอเต๊เห่เฮ๊อ. เหย่ซี หนิโฮ โตโพ๊โต อา ซิครือซิลอ พย๊าฉื่อ เจ๊อ.