ꤗꤢ꤬ꤊꤢꤨ 13:9 - ลีเทส่อพ๊าอาเซ เร๊อ เห่ขุทวาลู๊

⁹ “ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

Eastern Kayah Shadaw Dialect

⁹ “ꤞꤤ꤭ ꤙꤢꤩ꤬ ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬꤯ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤕ꤫ꤢꤦ꤬ ꤞꤤ꤭ ꤕꤢ꤭, ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤞꤢꤨ꤭ꤓꤢꤧ꤬ ꤞꤤ꤭ ꤘꤣ ꤖꤚꤢꤩ꤬ꤡꤢꤧ꤬ꤒꤥ꤭ꤙꤢꤩ꤬ꤒꤢꤩ꤬ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭꤯ ꤢꤨ꤭ ꤊ꤫ꤢꤦ꤬ꤗꤢꤦ꤭ꤊ꤫ꤢꤦ꤬ꤕꤢꤪ꤬ ꤞꤤ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤕꤢ꤭꤯ ꤞꤤ꤭ ꤙꤢꤩ꤬ ꤊꤣꤧ꤬ꤓꤢꤪ꤬ꤥ꤬ ꤘꤣ ꤖꤚꤢꤩ꤬ꤕꤣꤒꤣꤧ꤬ꤚꤤ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤞꤤ꤭ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤔ꤫ꤤ꤬ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤕꤢ꤭꤯

ꤗꤢ꤬ꤊꤢꤨ 13:9 ပူးပေါင်းရင်းမြစ်များ

ꤛꤥ꤭ꤟꤢ꤬ 16:2

อู เก่ เหว่เถ่ แก ซี เด๊อ เตจ๊อเบโฮ เต๊เห่ อากลอ ปา. แกแย เด๊อ อา เมเซอ ซี เต๊เห่เนอ อา เตเน เกอเร๊อ อาเหน่ เน๊อ, ‘เป เม เฮ๊อ จอแปแหร่ อาเตเม เฮ๊อ,’ เบ๊อะฮู๊เออเนอ, อา เก่ แฮโต่ ปา.

ꤗꤢ꤬ꤊꤢꤨ 13:5

เหย่ซู่ เฮ๊ เหย่ซี เน๊อ, “รอหนิ แลแค ซีเหน่ เร๊อ แกแย เด๊อ อา เก่ แฮ อี๊ลอแลโฮ ซี ปา เนอเต๊เห่ นี๋.

เตเด๊อะโลแถ่ 2:13

เน โอ่โต เจ๊อ เร๊อ โลเน๊มู๊แหม่รีแจ่ กู่กล๊อ เหล่โอ่แน กู่แกล๊แถ่โล อาเหล่โอ่ เจ๊อ เนอหม่า แว ซิเง. เบ๊อะอู เมเซอ เจ๊อ คูอันที หม่าเฮ๊อ เพรข่าเฮ๊โล เด๊อ อาจ๊อ เร๊อ แวเออ เนอเตเพร เบ๊อะเน วีกู โลเน๊มู๊แหม่รีแจ่ กู่กล๊อ อาเหล่โอ่ เนอ เจ๊อ หม่าแน๊เรอ เน จ๊อ เร๊อ แว, เน วีแก เน เตหยื่อเตแหน่ โต่.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

เตเด๊อะโลแถ่ 1:9

แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.

เธสะโลนิกา เนอบ่า ต๊าบ่า 1:5

ล๋อ เตเออเต๊เห่ ข่าเฮ๊โล เร๊อ จอแปแหร่ เต เมจากาคยา เนอหม่า อาจ๊ออาเต แพ๊. ฮู๊เนอ อาขว่าอาคยา, จอแปแหร่ เก่ แด่โตแด่เบ่ เฮ๊อ ซี เร๊อ อาเทออาเก่กู ปา. ซี ข่า เบ่ เตจาเตจือ กู๊แหน่เออ เนอหม่า, เด๊อ จอแปแหร่ เทอเก่ อาเง แพ๊.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

เพรโด่แนพู๊ เต๊เห่ 21:11

อา แฮ เด๊อ เปโอ่ เร๊อ อา พย๊าเถ่ คูเปาโล ฮ๊อท๊อ เร๊อ อา จอกลอ เกอ เร๊อ คยาดื่อ เด๊อ อากู๊ขุ เร๊อ กู๊โด่ เร๊อ ฮ๊อท๊อ เออต๊าบ่า เร๊อ อา เฮ๊ เน๊อ, “แหย่โยบูโพ๊แบ่เจ่ เฮ๊ เน๊อ, ‘แกแยยิวพู๊ โอ่ เบ๊อะวีเยรูซาเล็ม อากู เนอเต๊เห่ เก่ จอกลอ ฮ๊อท๊อ แบ่เจ่ เออเตเพรเนอ ฮู๊เออ ปา เร๊อ อา เก่ เด๊อะตาแก ลู เด๊อ แกแยยิวพู๊ หม่าโต่ เต๊เห่ อา กู๊ยากู ปา.’”

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

เพรโด่แนพู๊ เต๊เห่ 7:54

เบ๊อะแกแย ทวา กู่กล๊อ เต๊เห่ หนิโฮ คูสเทเฟน อา เตเฮ๊เบ่เออ เบ๊อะเนอ, เหย่ซี ซิปล่อดุ เร๊อ อา อาซิอ่าตาจ๊า จว๊าโต แลแค เจ๊อ อากู่เคอ เด๊อ ลูโอ่.

ꤛꤥ꤭ꤟꤢ꤬ 15:20

ซิเงแถ่เบ่ แลแค โหง่ เด๊อ แว เฮ๊ เป่ ซี เน๊อ, ‘หลู่ ดุเล๊อ เร๊อ อาแบ่เจ่ เนอ อา โอ่ เตเพร่ว โต่,’ เออเนอ นี๋. เหย่ซี เมจาเมจือ โทเฮ๊อ ๒๔ แว อาขว่าอาคยา, อา เก่ เมจาเมจือ เกอ ลาติ ซี ปา. เหย่ซี เก่ จูเอ่ หนิดา โทเฮ๊อ แวโหง่ เฮ๊เนอ, อา เก่ จูเอ่ หนิดา เกอดื่อ ซีโหง่ ปา.

ꤜꤢꤨꤊꤢ꤬ 9:5

อู เก่ เอ๊โมฉื่อ ซี โตโพ๋ โต่ เฮ๊เนอ, โซตาแก เห่หมื่อ เด๊อ ซี กู๊โด่ลู เนอเต๊เห่ เร๊อ เถ่จว๊าแก เด๊อ เมอเนอ ตีวี อากู นี๋. ซี เก่ เมฮู๊เนอ เฮ๊หม่า อาแซ่เน๊อ ซี เฮ๊โฉ่โทเฮ๊อ เตม๊าเตแด เต๊อเจ่อ เด๊อ จอแปแหร่ เก่ เด๊อะจาเหย่ซี ปา เนอเฮ๊อ.”

ꤗꤢ꤬ꤊꤢꤨ 6:11

ดอ ตอดอดอ เด๊อ อา เก่ ซิหยื่อ เอ๊ฉื่อ ซี โต่, โทเรอ อา เก่ หนิดา ซีโหง่ โต่ เฮ๊เรอ เบ๊อะซี เถ่จว๊าแก เบ๊อะเนอ, โซตาแก เห่หมื่อ เด๊อ ซี กู๊โด่ลู เนอเต๊เห่. ซี เก่ เมฮู๊เนอ เฮ๊หม่า อาแซ่เน๊อ ซี ข่าเด๊อะโล แกเออ เร๊อ เตม๊าเตแด เต๊อเจ่อ จอแปแหร่ อา เก่ เมจากาคยา เหย่ซี ปา.”

ꤗꤢ꤬ꤊꤢꤨ 1:44

“แด๊โฉ่ เป่ แต่ อู เตเพร่ว แต่เหม่ นี๋. จว๊า ดุแม๊ เนเหน่ เออเนอ เด๊อ เพรหลู่แตเต เนอเตเพร อา โอ่ เนอ. โทเรอ แซ่ฮู๊ แกแย ลอปลี เก่ แม๊เถอะ เนอ, หลู่แตแถ่เต ฮู๊ คูโมเสส อา เตซว๊าเตแส่ โอ่เนอ นี๋,” อา เฮ๊ จว๊า หนิ ลู ฮู๊เนอ.

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

ꤗꤢ꤬ꤊꤢꤨ 13:8

เมเตเฮ๊เรอ แกแยเมวเจอะ เร๊อ เมวเจอะ, เทอเก่ เต๊เก่ เร๊อ เต๊เก่ช่ายปายเอ่ ลู ปา. เตเน่วท๊อดี เต๊เห่ อา โอ่แถ่โท โอ่แถ่แล ลอปลี เด๊อ เห่ขุเออ โต๊โผ่ โท โต๊โผ่ ปา. โอ่วีโอ่กอ อา โอ่แถ่ ปา. เตทวาแถ่ เออเต๊เห่ เนอหมา หม่าปาแพ๊ เตจาเตจือ อา แกช๊าแกแร เด๊อ อาแซ่เน๊อ เพรเหมาะ เตเร พู๊โอ่ อาเชฮ๊อเนอ อาตื๊อเช ปาแพ๊.

ยอห์น เนอบ่า ต๊าบ่า 1:8

ฮู๊เนอ อาขว่าอาคยา, แซ่ฮู๊ ซี พย๊าหนิ โทเฮ๊อ เตเนอเต๊เห่ เก่ โอ่เหม่แก เป่ แต่ ซี แต่เหม่. โท๊โต่ แซ่ฮู๊ ซี เก่ พย๊าหนิ เล๊อบา ลอ ซี เตเมหนิคว๊าเก่ อาเงเนอ, รอหนิ แลแค ซีเหน่ นี๋.