ꤗꤢ꤬ꤊꤢꤨ 13:27 - ลีเทส่อพ๊าอาเซ เร๊อ เห่ขุทวาลู๊

²⁷ โทเรอ แกแยเห่ขุ อาพู๊คู หม่าเฮ๊อ แวเออ อา เก่ นอกาแล เตเน่ว เต๊เห่ ปา เร๊อ แว เก่ นอจว๊า เหย่ซี เด๊อ เห่ขุ ลุยเหนาะ เนอปา, เหย่ซี เก่ เป๊อแถ่ จว๊า เด๊อ ม๊อด๊า แก่ช๊า โต่เด๊อ ม๊อด๊า ทือตื๊อดื่อ เนอปา เร๊อ เหย่ซี อา จว๊าเอ๊ปล๊อ แกแย เด๊อ จอแปแหร่ นว๊าเถ่ โทเฮ๊อ เหย่ซี เนอเต๊เห่ ปา. เต เฮ๊เบ่ โหง่ค๊าโข่ ก่อดุ๊ยเหมาะ

Eastern Kayah Shadaw Dialect

²⁷ ꤓꤥ꤭ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤕꤢ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤡꤝꤢ ꤛꤢꤩ꤬ꤞꤤ꤭ ꤘꤣ ꤟꤢꤩ꤬ꤋꤢꤨ꤬ ꤜꤝꤤ꤭ꤔ꤫ꤢ꤬ ꤕꤢ꤭, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤡꤢꤓꤢꤧ꤬ ꤡꤝꤢ ꤘꤣ ꤗꤢꤪꤘꤢ ꤊꤢꤧ꤭ꤏꤢ ꤒ꤫ꤥ꤬ꤘꤣ ꤗꤢꤪꤘꤢ ꤒꤣꤧ꤬ꤘꤢꤦ꤬ ꤕꤢ꤭ ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤡꤝꤢꤢꤩꤕꤜꤢꤪ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ꤗꤢ꤬ꤊꤢꤨ 13:27 ပူးပေါင်းရင်းမြစ်များ

มัทธิว 24:31

จอแปแหร่ เก่ นอแฮแล เตเน่ว เต๊เห่ ปา เร๊อ อาเก่ โอ๊ พราฉว่า แถ่กวา ปา. เร๊อ อา เก่ เอ๊โอ่ปล๊อ เต่อลอ แกแย เด๊อ แบ่เจ่ นว๊าแถ่ โทเฮ๊อ เหย่ซี เร๊อ อา โอ่ แลแค เด๊อ เห่ขุ ลุยกยาลุยหน่อ เต๊เห่ปา.

เธสะโลนิกา เนอบ่า ต๊าบ่า 2:1

โป่แหว่ ครี๊พู๊ ซี๋, แว ซิหยื่อ แด๊โฉ่โล เป่ ซี เร๊อ ช๋า แบ่เจ่ เหย่ซู่ครี๊ แฮ เบ๊อะเนอ ปา อาหรี่อาแก เร๊อ เป เก่ กาโอ่ปล๊อ เต่อคยาลู เด๊อ อา โอ่ ปา อาหรี่อาแก เออเนอ แพ๊.

ꤜꤢꤨꤊꤢ꤬ 16:22

“เบ๊อะแกแย โซพ๊าโซแรพู๊ เออเตเพร อาเซอ เบ๊อะเนอ, เตเน่ว ม๊อขุพู๊ เต๊เห่ จอแถ่ อา เด๊อ เพอับราฮัม อาช๊า. แกแย ดุแหย่แถ่เซ เออเตเพรเนอ, อา เซอเกอลาติ เร๊อ อู จว๊า โล๊แก ลู.

ꤗꤢ꤬ꤊꤢꤨ 13:20

แบ่เจ่ อา เมโผ่ เตจาเตจือ อาม๊อเนอม๊อเซ โต่ เฮ๊เนอหม่า อู ซีแลเปล๊ เนอ อา โอ่ เตเพร่ว โต่. หม่าแน๊เรอ แกแย เด๊อ จอแปแหร่ นว๊าเถ่ หนื่ออื่อ โทเฮ๊อ ลู เต๊เห่ อาเงเนอ แบ่เจ่ อา เมโผ่ เป เหย่ซี อาม๊อเนอม๊อเซ ปา.

มัทธิว 13:41

ล๋อ เต เด๊อ อา ซูซื๊อ อูแกล๊ เต๊เห่เนอ, เร๊อ ล๋อ แกแย เด๊อ ปว๊า โพ๊โพ๊ อา เม เตมู๊แหม่รีแจ่ เต๊เห่เนอ, แกแย อาพู๊คู หม่า เฮ๊อ แว เออ, แว เก่ นอกา เตเน่ว ตอกล๊อ ปา เร๊อ อา เก่ แฮ เย๊เถ่ ตาพาแก เหย่ซี เด๊อ จอแปแหร่ อา เทอเลเก่กู เออเนอ ปา.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

ทิโมธี เนอบ่า ต๊าบ่า 2:10

ฮู๊เนอเรอ แซ่ฮู๊ แกแย เด๊อ จอแปแหร่ นว๊าแถ่ ลู เต๊เห่ เก่ พย๊าหนิเกอ เตเมแลเปล๊กา เน๊อ เตลีเตเค ตูจูเพร เด๊อ เหย่ซู่ครี๊ อากู เออเนอ เร๊อ, แว แด่ทูซิปล่อ เป่ เหย่ซี แพ๊.

โคโลสี 3:12

ซี หม่า จอแปแหร่ อาแกแย เด๊อ อา โพ๊แปละอาโพ๊อาแปละ เร๊อ อา โม หนิเกอเร๊อ เต๊เห่, เร๊อ อา นว๊าแถ่ หนิเกอเร๊อ เฮ๊อ ซี เฮ๊อ. ฮู๊เนอเรอ กือแซ๊แถ่ แลแค เตซิยอกล่าเบ่, เตเมแร๊เต, เตแด่หยว่า ซีซิปล่อ, เตซิโด่ซิงา เร๊อ เตแด่ทูซิปล่อ ซีเนอ เต๊เห่ นี๋.

ꤚꤥꤗꤢꤩ꤬ 8:33

หม่าอูเป เตเพร เตเร แฮ แด่แจ่ แกแย เด๊อ จอแปแหร่ นว๊าแถ่ เหย่ซี เออเต๊เห่ อาเตซื๊อ เป? เพร เด๊อ อา แด่จ๊อแด่เต เหย่ซี หม่า จอแปแหร่ เฮ๊อ.

ꤛꤥ꤭ꤟꤢ꤬ 11:52

โทเรอ อา เตเฮ๊โพร เออเนอ, อา โตแพ๊ตื่อ เหย่ซู่ เก่ เซอ เป่ เด๊อ แกแยยิวพู๊ เต๊เห่ อาเง เนอหม่าโต่, อา เก่ เซอโต่ เป่เกอ จอแปแหร่ อาพู๊อาเลอ โอ่ แลแค เด๊อ เทอเก่ อาโร เต๊เห่ อาเงเง. แซ่ฮู๊ อา เก่ เมทวาแถ่ แกแย เออเต๊เห่ ตู๊หมู่หมู๋ แพ๊ ปา อาเงเนอ, อู เบ่ เมเซอ ลู ปา.

ꤛꤥ꤭ꤟꤢ꤬ 10:16

แว ซิหมิ เด๊อ อาโร เด๊อ อา โอ่ เบ๊อะอาโปกู เออโต่เนอ อา โอ่ปา เต๊เห่. แว เบ่ เอ๊กา เกอ เหย่ซี ปา. เหย่ซี เก่ หนิดา เกอ แวโหง่ ปา, เร๊อ เหย่ซี เก่ กา ทวา เต่อ ลอ ลู ซิหมิ ตู๊หมู่จือแพ๊, เพรเกซิหมิ อา แบ่เจ่ เตเพรเพร่ว แพ๊ปา.

ꤜꤢꤨꤊꤢ꤬ 18:7

แกแย เด๊อ จอแปแหร่ นว๊าแถ่ อา เต๊เห่เนอ, เก่ อา กุย เตเมจว่า ปวาเนอปวาเซ เฮ๊เรอ, จอแปแหร่ เด๊อะโตเด๊อะเบ่ เป่ เหย่ซี โต่หม่า อา โอ่แจ่ แหน่ แอ? แซ่ฮู๊ อา เก่ เมจว่า เป่ อู อาเง เนอเร๊อ อา เก่ เมคอเมยอ ปา แอ?

ꤗꤢ꤬ꤊꤢꤨ 13:22

เมเตเฮ๊เรอ แกแย เด๊อ กลว่า อาแลโฮ อาเหน่ ฮู๊ ครี๊ เด๊อ อา เมแลเปล๊ กา อู เออเตเพร เต๊เห่เนอ เร๊อ แกแย เด๊อ อากลว่า แลโฮ อาเหน่ ฮู๊ เพรโพร เต๊เห่เนอ, อา โอ่โลแถ่ ปา. แซ่ฮู๊ เหย่ซี เก่ อี๊ลอแลโฮ หนิโต่ เกอ ดื่อ แกแย เด๊อ จอแปแหร่ นว๊าเถ่ โทเฮ๊อ ลู เออเนอเต๊เห่เนอ, เหย่ซี เก่ เมแจ่ เฮ๊เรอ, อา เก่ เมโลแถ่ อาเตเม อาโค๊ตีกลี๊ เต๊เห่ เร๊อ อาเตเม เมตาปา อาคย๊าอายื๊อ อู เนอเต๊เห่ ปา.

มัทธิว 24:24

เมเตเฮ๊เรอ เพรกลว่า แลโฮ ฮู๊ ครี๊เนอ เนอ เพรกลว่า แลโฮ ฮู๊ เพรโพร ซี เต๊เห่เนอ อา เก่ โอ่แถ่ เอ๊ลา ปา. เหย่ซี เก่ เมตาปา คย๊ายื๊อ ลออู เร๊อ อาเต เมโค๊ตีกลี๊ เป่อู เต๊เห่ ปา. อา เก่ เมแจ่ เฮ๊เนอหม่า อา ซิหยื่อ อิลออี๊โหล่ แลโฮ หนิ เจ๊อ แกแย เด๊อ จอแปแหร่ นว๊าพย๊า โทเฮ๊อ ลู เนอ เต๊เห่เจ๊อ.

มัทธิว 24:22

จอแปแหร่ เก่ เมโผ่ เป่ เตจาเตจือ เออ เบ๊อะโต่ เฮ๊เนอ, แกแย โอ่เซอเพรเบ๊ เตเพร่ว โต่. หม่าแน๊เรอ จอแปแหร่ ลอ แม๊ แกแย เด๊อ อา นว๊าแถ่ เออเต๊เห่ อาเป๊เส่ อาขว่าอาคยา, อา เก่ เมโผ่แฮ ม๊อเนอ ม๊อเซ เต๊เห่ ปา.

มัทธิว 13:49

ช๋า ม๊อเนอ ตื๊อดื่อ ปา เตอเนอเนอ, อาแซ่เน๊อ เนอเฮ๊อ, เตเน่ว เนอเต๊เห่ เก่ แฮ ปา เร๊อ อา เก่ แฮ โถ่ เถ่แก แกแยมู๊แหม่ เนอเต๊เห่ เด๊อ แกแยจ๊อแกแยเต เต๊เห่ อาเกล ปา.

มัทธิว 12:42

เบ๊อะเมจากาคยา อาม๊อเนอ ปา เตอเนอเนอ, เก่ เด๊อ ชิแล ตากยา อาคุ๊ยโหมะ เหมาะเชบา เก่ ก๊อถ่อ เต่อเกอ เร๊อ แกแย เด๊อ อา เซอเพร กู๊แหน่เออ ตือทือ เต๊เห่ ปา, เร๊อ เก่ แด่เตซื๊อ เด๊อ เหย่ซี เออเต๊เห่ อาเหน่ลู ปา, เมเตเฮ๊เร๊อ แซ่ฮู๊ คุ๊ยโหมะ เหมาะเชบา โอ่เด๊อ อายา อาแฮ ซิหยื่อหนิดา คุ๊ยซาโลมอน อา เตอิซว๊าอี๊แส่ เตลีแม เออเต๊เห่ อาเงเนอ, อา โอ่ เจ๊อ เด๊อ เก่ ยา เด๊อ อาโร เต๊เก่ ตื๊อดื่อเรอ อา แฮ เจ๊อ. เร๊อ แวเฮ๊ ซี, แกแย เด๊อ อาดุเล๊อ เจ๊อ เน๊อ คุ๊ยซาโลมอน เนอ อา อาโอ่ เบ๊อะเออ เตเพร, หม่าแน๊เรอ ซี หยื่อเอ่โต่.

เห่ขุทวาลู่ 49:10

อู เก่ พย๊าตาพาแก แจ่ปา คูยูดาห์ อาเตอเรอฉว่าชอแจ่ เตเพร่ว โต่. โท๊โต่ คุ๊ยอิแท๊โบ เนอ อา เก่ โอ่หม่าโอ่กลอ เด๊อ อากลุยอาลุ๊ย เต๊เห่ อากู๊ขู่กู ปา. เน เก่ เป๊อ โต่เด๊อ เมวเจ่อ เต๊เห่ พย๊าแฮ เป่ ลู เชหยู่ ปา. เร๊อ เมวเจ่อ เต๊เห่ เก่ แด่ดุหยื่อแหน่ ลอ เน ปา.

ꤗꤢ꤬ꤊꤢꤨ 13:28

“พย๊าหนิ แลแค เตอิซว๊า เด๊อ ก่อดุ๊ยเหมาะ โอ่เนอ. เบ๊อะอาแพ เต๊เห่ แด๊เจ่แถ่ เฮ๊อ เร๊อ อาเหล่ เต๊เห่ แด๊เจ่เถ่ เฮ๊อ เบ๊อะเนอ, เก๊กู่เค ผื่อแฮโต่เฮ๊อ, ซี ซิเง แลแค ฮู๊เนอ.