ꤗꤢ꤬ꤊꤢꤨ 12:36 - ลีเทส่อพ๊าอาเซ เร๊อ เห่ขุทวาลู๊

³⁶ เมเตเฮ๊เรอ คุ๊ยดาวิด อาเหน่แบ่เจ่ เร๊อดื่อ เนอ แหย่โยบูโพ๊ แบ่เจ่ อา นอเฮ๊ ลู เนอ, ‘แบ่เจ่ จอแปแหร่ เฮ๊ แว แบ่เจ่ เน๊อ, “โอ่แนโอ่ เด๊อ แว กู๊ขุ จ๊อทว๊า เออตากยา, โอ่แนโอ่ โต่ ช๋า, แว เมเป่ ลอปลี เฮ๊อ ล๋อ แกแย เด๊อ อา ซิเถ่ เน เนอเต๊เห่แฮโอ่ลอ เด๊อ เนเตเป๊ออาเล ปาเนอนี๋.”’

Eastern Kayah Shadaw Dialect

³⁶ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤋꤝꤤꤘꤢ꤬ꤠꤤ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤓꤢꤨ꤬ꤚꤢꤧ꤭ ꤜꤢꤨ꤭ꤞꤤꤕꤜꤢꤪ꤬ ꤚꤣꤧ꤬ ꤢ꤬ ꤔꤢꤪ꤭ꤟꤢꤩ ꤜꤢꤨ꤭ ꤔꤢꤧ, ‘ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤠꤢꤧ꤭ ꤙꤢꤧ꤬ꤡꤢꤩ꤬ ꤔꤢꤧ, “ꤥ꤬ꤔꤢꤧ꤭ꤥ꤬ ꤘꤣ ꤠꤢꤧ꤭ ꤊꤢꤨꤋꤢꤨ꤬ ꤡꤢꤓꤝꤢ ꤣꤧ꤭ꤒꤣ꤬ꤊꤛꤢ꤭, ꤥ꤬ꤔꤢꤧ꤭ꤥ꤬ ꤒ꤫ꤥ꤬ ꤏꤢ꤮ ꤠꤢꤧ꤭ ꤗꤢꤩ꤬ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤟꤣꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤢꤧ꤭ꤡꤢꤨ꤭ꤢꤩ꤬ ꤢꤪꤜꤢꤧ꤬ ꤜꤢꤪ꤭ꤟꤣꤧ ꤘꤣ ꤔꤢꤧ꤬ ꤥ꤬ ꤕꤢ꤭ ꤔꤣꤧ꤬ ꤔꤤ꤮꤯”’

ꤗꤢ꤬ꤊꤢꤨ 12:36 ပူးပေါင်းရင်းမြစ်များ

ꤟꤤꤙꤚꤢꤨ 1:13

“โอ่แนโอ่ เด๊อ แว กู๊ขุ จ๊อทว๊า เออตากยา, เร๊อ โอ่แน โต่เด๊อ แว นอเป๊อเฮ๊อ เน เร๊อ เพร เด๊อ อา ซิเถ่ เน เออเต๊เห่ แฮ จ๊อเบแถ่ โต่ เน เด๊อ เน กู๊โด่ แก่ช๊า ปา,” จอแปแหร่ เฮ๊น๊อ อาม๊อขุ เตเน่วพู๊ เต๊เห่ ฮู๊เออเนอ ตือมือ โต่.

โครินธ์ อาเหร่อเล๊อ ต๊าบ่า 15:25

เมเตเฮ๊เรอ ครี๊ เบ่ เป๊อ โต่ เต ช๋า จอแปแหร่ เมเป่ ลอหล่าตี๊กลิ โทลอเฮ๊อ เพร เด๊อ อา ซิเถ่ ครี๊ เออเต๊เห่เนอ, เร๊อ อา แด่ตา ลอ เฮ๊อ เหย่ซี เด๊อ ครี๊ อา กู๊โด่เล เฮ๊อ ปา.

เพรโด่แนพู๊ เต๊เห่ 1:16

เร๊อ คูเปโตร ก๊อถ่อเฮ๊ เน๊อ, “โป่แหว่ ซี๋, ลีเทส่อพ๊า เฮ๊หนื่ออื่อ โทเฮ๊อ คูยูดาส เด๊อ อา ยู เป่ อู แกล๊ เร๊อ อา นอปื่อ อู เร๊อ เหย่ซู่ เออ อาหรี่อาแก. เร๊อ แหย่โยบูโพ๊แบ่เจ่ นอเฮ๊เบ่ คุ๊ยดาวิด เร๊อ อาหรี่อาแก เออเต๊เห่ เนอหม่า อา โตเบ่ เล๊อแถ่บาแถ่ แหน่ แพ๊.

เปโตร เนอบ่า ต๊าบ่า 1:21

เมเตเฮ๊เรอ, เพรโพร อา เตแด๊โฉ่โด่แน เต๊เห่ เนอหม่า, อา แฮ ฮู๊ แกแย ซิหยื่อ นอแด๊โฉ่ เนอ หม่าโต่. เหย่ซี แด๊โฉ่โด่แน เป่ อู เตหรี่เตแก เออเนอหมา อา แด๊โฉ่โด่แน เป่ อู ฮู๊ แหย่โยบูโพ๊ แบ่เจ่ แด๊โฉ่ เป่ เหย่ซี เนอแพ๊. เร๊อ เตหรี่เตแก เออเนอหมา อา โอ่ เด๊อ จอแปแหร่ อา โอ่ แฮ.

เปโตร อาเหร่อเล๊อ ต๊าบ่า 1:11

ครี๊ อา แหย่โยบูโพ๊ โอ่ เด๊อ เพรโพร เต๊เห่ อา ซิปล่อกู เร๊อ อา เฮ๊หนื่ออื่อ เร๊อ ครี๊ อาหรี่อาแก เร๊อ อา เก่ ข่าเบ่เหร่อ เตจาเตจือ เต๊เห่ ปา. โทเร๊อ เตเตอเรอดุเตอเรอทู เต๊เห่ เก่ แฮเนอ เด๊อ คยา ปา, เหย่ซี แม๊ปู ซิเง แลแค เร๊อ ม๊อเนอ ตาโต ตาเบ่ เก่ เบ่ เบ๊อะเกเต ปา, โทเร๊อ อา เก่ เม อาเหน่ ฮู๊เต ปา ฮู๊เนอ.

ꤟꤤꤙꤚꤢꤨ 4:7

ฮู๊เนอเรอ ม๊อเนอ โต เด๊อ อู เก่ โน เด๊อ จอแปแหร่ เหล่โอ่โก๊ เตเบ๊ซิพร๊า เออเนอ, อา แด่ โอ่ข่อดื่อ ม๊อเนอ เด๊อ อาโร เตอเนอ. อา แด่ โอ่ข่อปา ม๊อเนอ เด๊อ อาโร เตอเนอ. เนอหม่า เออเตอเนอ เฮ๊อ. เด๊อคยา หน่างยาเลงยาเฮ๊อ เนอ, จอแปแหร่ เฮ๊โฉ่โล แฮเง เป่ อาโหง่เออ ตือมือ เร๊อ คูดาวิด ฮู๊ แว ราโอ่ โทเฮ๊อ เนอ เร๊อ อา เฮ๊ เนอ, “เออเตอเนอ ซี เก่ หนิโฮ จอแปแหร่ อาโหง่พราแถ่ เฮ๊เรอ กู่กล๊อเพรอ แลแค แต่เหม่ นี๋” อา เฮ๊ ฮู๊เนอ.

ทิโมธี เนอบ่า ต๊าบ่า 3:16

ลีเทส่อพ๊า ล๋อ ปลี เนอหม่า จอแปแหร่ อา แหย่โยบูโพ๊ เด๊อ เป, เร๊อ อา โอ่ เน๊อ อาบุ๊ยอาเตอเรอ เด๊อ อา อิซว๊า เตหมะเตจ๊อ เต๊เห่, อา อิซว๊าอี๊แส่ แร๊กาคยา เตหยื่อเอ่ซื๊อ เต๊เห่, อา เมแร๊ โตเบ่ กาคยา คยาแซ๊ เตเม เด๊อ อาซื๊อ เต๊เห่, เน๊อ เตอิซว๊า เด๊อ อา ซู แกแย เด๊อ เตโอ่เซอเพร อาจ๊ออาเต เต๊เห่ อาเง เฮ๊อ,

เพรโด่แนพู๊ เต๊เห่ 28:25

เบ๊อะเหย่ซี ซิปล่อ เตเนโค๊คยาลู เร๊อ เหย่ซี เถ่จว๊าแก เบ๊อะเนอ, คูเปาโล เฮ๊เบ่ โหง่ เด๊อคยาเล๊อ ตือมือ เน๊อ, “แหย่โยบูโพ๊แบ่เจ่ เฮ๊เบ่ แฮเง เน๊อ เพรโพร อิสยาห์ เร๊อ อา เฮ๊โฉ่แก เป โหมะเพเพอโพ เด๋อ งย๊าเค เต๊เห่ เนอหม่า อา โตตื๊อ เจ๊อ.

มัทธิว 5:35

เห่ขุ เบ่เบ่, จว๊าแบ แต่ ตีกี๋ เหม่, เมเตเฮ๊เรอ เห่ขุ หม่า จอแปแหร่ กู๊โด่ เหล่หยิ. วีเยรูซาเล็ม เบ่เบ่ จว๊าแบ แต่ ตีกี๋ เหม่เหม่, เมเตเฮ๊เรอ วีเยรูซาเล็ม หม่า คุ๊ยดุ จ๊อแพ๊ทู เหล่โอ่.