ꤗꤢ꤬ꤊꤢꤨ 11:3 - ลีเทส่อพ๊าอาเซ เร๊อ เห่ขุทวาลู๊

³ แกแย เตเพรเพร เก่ แด๊เฮอ ซี เน๊อ, ‘ซี จว๊า ฉิโล๊ โต่ แมอ๊อแลพู๊เออ เมเต?’ เฮ๊เรอ, ‘แบ่เจ่ โหล่ นอ ลู เนอ, อา นอโท ลู ปา เร๊อ อา ซูกา คยาแซ๊ ดื่อ ปา,’ เฮ๊ฉื่อ ลู ฮู๊เนอ นี๋,” เหย่ซู่ เฮ๊ เหย่ซี ฮู๊เนอ.

Eastern Kayah Shadaw Dialect

³ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤘꤣꤧꤟꤣꤧ꤭ ꤞꤤ꤭ ꤔꤢꤧ, ‘ꤞꤤ꤭ ꤡꤝꤢ ꤏꤤ꤬ꤜꤥ ꤒ꤫ꤥ꤬ ꤗꤢꤧ꤬ꤢꤪꤜ꤫ꤢꤧ꤬ꤖꤢꤨꤣꤧ꤭ ꤗꤢꤩ꤬ꤒꤢꤩ꤭?’ ꤟꤢꤩꤚꤣꤧ꤬, ‘ꤙꤢꤧ꤬ꤡꤢꤩ꤬ ꤜ꤫ꤥ꤬ ꤔꤢꤪ꤭ ꤜꤢꤨ꤭ ꤔꤣꤧ꤭, ꤢ꤬ ꤔꤢꤪ꤭ꤓꤥ꤭ ꤜꤢꤨ꤭ ꤕꤢ꤭ ꤚꤣꤧ꤬ ꤢ꤬ ꤞꤢꤨ꤭ꤊꤢ꤬ꤖꤚꤢꤧ꤭ ꤋꤛꤢ꤭ꤞꤢꤧ ꤘꤢꤦ꤬ ꤕꤢ꤭,’ ꤟꤢꤩꤏꤢꤦ꤬ ꤜꤢꤨ꤭ ꤟꤢꤨꤔꤣꤧ꤬ ꤔꤤ꤮꤯” ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

ꤗꤢ꤬ꤊꤢꤨ 11:3 ပူးပေါင်းရင်းမြစ်များ

โครินธ์ เนอบ่า ต๊าบ่า 8:9

เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.

เพรโด่แนพู๊ เต๊เห่ 17:25

ฮู๊เนอ อาขว่าอาคยา, แกแย เก่ เมจว่าเกอ จอแปแหร่ อาเงเนอ อา โหล่ เร๊อ เตอเจ๋อ โต่, เมเตเฮ๊เรอ, อาแหน่ แบ่เจ่ เร๊อดื่อ เออเนอ, อา เด๊อ อู ปว๋า เตเพร ซิปล่อเซอเพร เร๊อ เตเซ๊โนเซ๊เถ่ เน๊อ เต เด๊อ อาโรเต๊เห่ ปว๋า เต๊อเจอะ เจ๊อ.

เพรโด่แนพู๊ เต๊เห่ 10:36

ซี ซิเง โทดื่อ เฮ๊อ เตหรี่เตแก เด๊อ จอแปแหร่ นอจว๊า เป่ เหย่ซู่ เด๊อ อิสราเอล อากลุยอาแล เต๊เห่ อาเง เร๊อ อา จว๊า แด๊โฉ่โล เป่ เหย่ซี เร๊อ เตซิครือซิลอมีลา อาหรี่อาแก เออเนอ เฮ๊อ. เด๊อ เหย่ซู่ครี๊ เด๊อ อา ทวา อู ปว๋า เตเพร อา แบ่เจ่ เออเตเพร อาขว่าอาคยาเร๊อ, เป พย๊าหนิเฮ๊อ เตเปเตดวา เฮ๊อ.

เพรโด่แนพู๊ เต๊เห่ 1:24

โทเร๊อ เหย่ซี กุยจ๊อเบ แลแค เน๊อ, “เก๋อ แบ่เจ๋, เน ซิเง ดื่อเฮ๊อ แกแย ซิปล่อ อา เตเตเน เต๊เห่ อาขว่าอาคยา, เด๊อ แกแย เออซิเนอ อาเกลเนอ เน นว๊าแถ่ โทเฮ๊อ อา เบ๊อะเตเพร,

ꤗꤢ꤬ꤊꤢꤨ 14:15

โทปาเรอ อา เก่ ยูโล ซี หี่ด๊อกู เหล่โอ่เนอ เด๊อ อาขุ เนอโต๊โต่ เด๊อ อา โอ่เล๊อโอ่บา เจ๊อ เร๊อ ตาหมื่อตาเต เด๊อ เป โหล่ เนอเต๊เห่ เจ๊อ ปา. เร๊อ โอ่แก แลแค เบ๊อะเนอ เร๊อ ตี๊หรี่แตแร เป่ แลแค เป เหล่เอ่เหล่โอ เบ๊อะเนอ นี๋.”

ꤗꤢ꤬ꤊꤢꤨ 11:2

เร๊อ อา เฮ๊ เหย่ซี เน๊อ, “แฮโน เหร่อ แลแค ดอ เด๊อ เงเนอ ตอดอ, ซี แฮ โนโน เร๊อ ซี เก่ แม๊เถอะ แมอ๊อแลพู๊ อาแปล โตโด เด๊อ อู แถ่แด๊น๊อ แต่ล๋าย ลู โตโพ๋ โต่ โตโด ปา, ซี เก่ แม๊เถอะ อูชอกล่อ แด่โอเอ่ อาเฉ่ เบ๊อะเนอ ปา เร๊อ ฉิโล๊ อา เร๊อ จุ่ยกา อา เบ๊อะเออ นี๋.

ꤗꤢ꤬ꤊꤢꤨ 11:4

เบ๊อะเนอ เหย่ซี จว๊าแม๊เถอะ แมอ๊อแลพู๊ โตโด, เร๊อ อู จอกลอ โอ่ผื่อ อา เด๊อ หี่กู่ดา ทือช๊า เร๊อ อา ก๊อถ่อโอ่ เด๊อ แกล๊ทือ. เร๊อ เหย่ซี จว๊าฉิโล๊ ลูเปลอ.