ꤗꤢ꤬ꤊꤢꤨ 10:47 - ลีเทส่อพ๊าอาเซ เร๊อ เห่ขุทวาลู๊

⁴⁷ เบ๊อะอา หนิโฮ เร๊อ แกแยนาซาเร็ธพู๊ เหย่ซู่ แฮ เด๊อ แกล๊ลู เบ๊อะเนอ, อา เป๊อแถ่ เอ๊โท เน๊อ, “เก๋อ เพดาวิด อาพู๊คู เหย่ซู๋ ซิยอหนิ เกอ เร๊อ แว.”

Eastern Kayah Shadaw Dialect

⁴⁷ ꤙꤣꤧ ꤢ꤬ ꤔ꤫ꤤ꤬ꤟꤥ꤭ ꤔꤢꤧ ꤠꤤ꤭ꤔꤢ꤬ꤎꤢ꤬ꤚꤢꤧꤖꤢꤨ ꤛꤢꤩ꤬ꤏꤛꤢꤨ ꤟꤢꤧ꤭ ꤘꤣ ꤊꤜꤢꤧꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡꤢꤓꤢꤧ꤬ ꤢꤩꤓꤥ꤭ ꤔꤢꤧ, “ꤊꤣ꤮ ꤖꤢꤩ꤭ꤘꤢ꤬ꤠꤤ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨ꤮ ꤞꤤꤛꤢꤪ꤬ꤚꤣꤧ ꤊꤣꤧ꤭ ꤠꤢꤧ꤭꤯”

ꤗꤢ꤬ꤊꤢꤨ 10:47 ပူးပေါင်းရင်းမြစ်များ

ꤗꤢ꤬ꤊꤢꤨ 1:24

เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

เตเด๊อะโลแถ่ 22:16

“แว หม่า เหย่ซู่. แซ่ฮู๊ แว เก่ แด๊โฉ่ โลเป่ เพรหยื่อเอ่ตู๊หมู่ตอกล๊อ เต๊เห่ เร๊อ เตหรี่เตแก เออเต๊เห่ อาเงเนอ, แว ซูแล เป่ ซี แว เตเน่วพู๊ เฮ๊อ. แว โป่แว กลุยแล หม่า หม่าเฮ๊อ คูดาวิด อากลุยอาแล กาแล เนอ โต๊โหมะเต๊อเจ่อเฮ๊อ. แว หม่า เฉ่ต่อโหร่ เด๊อ อา ลีเตเคโรโซ เนอเตเม เฮ๊อ.”

มัทธิว 9:27

เบ๊อะแบ่เจ่ เหย่ซู่ เถ่จว๊าแก เบ๊อะเนอ โต๊โผ่ เบ๊อะเนอ, แกแย เป๊เส่คี๊ ซิเนอ ครวา เอ๊โท เกอ ลู เน๊อ, “เก๋อ เพดาวิด อาพู๊, ซิยอ เร๊อ เมจว่า เกอ เป นี๋.”

ꤛꤥ꤭ꤟꤢ꤬ 7:52

เหย่ซี เฮ๊ฉื่อ ลู เน๊อ, “เน หม่า กาลิลี เก่พู๊ แพ๊แพ๊. แม๊ปู จว๊ารว๊า กาคยา คยาแซ๊ มอ ลีเทส่อพ๊า, เน เก่ แม๊เถอะ ซิเง เร๊อ เพรโพร เนอเตเพร โอ่แถ่ เด๊อ กาลิลีเก่ กูปา หม่าโต่.”

มัทธิว 26:71

โทเรอ อา เถ่จว๊า เด๊อ กู่ดาดุทือ เร๊อ เพรแรเต เพรเหมาะ เด๊อ อาโรเตเพร แม๊เถอะ ลู เร๊อ อา เฮ๊ เป่ อู เบ๊อะเนอ เต๊เห่ เน๊อ, “เออเตเพร หม่า อา ครวาเกอ เร๊อ วีนาซาเร็ธอาพู๊ เหย่ซู่ ครี๊ เนอ เตเพร ว๊า”

มัทธิว 15:22

เร๊อ คานาอัน เมวเจอะโหมะ เด๊อ อา โอ่ เด๊อ เก่เบ๊อะเนอ เตเพร แฮ เด๊อ แบ่เจ่ เหย่ซู่ อา โอ่ เร๊อ อา แฮ เอ๊โท กุย ซิยอ แถ่ ลู เน๊อ, “เก๋อ แบ่เจ่, คุ๊ยดาวิด อาพู๊คู๋, ซิยอ เร๊อ แว นี๋, โลเน๊ เมเบ่ แวพู๊เหมาะ เร๊อ อา เมหน่า แหน่เจ๊อ.”

เพรโด่แนพู๊ เต๊เห่ 6:14

เป หนิโฮ อา เฮ๊ เร๊อ วีนาซาเร็ธ แบ่เจ่เหย่ซู่ เออ เก่ เมตาพรอแก เตหลู่เเตโฮ เออเนอ ปา เร๊อ อา เก่ ถู่แหล่ เต๊เปล่แก เป เหล่โกลเหล่แบ่ เด๊อ คูโมเสส เด๊อะโอ่แก โทเฮ๊อ เป เออเนอเต๊เห่ ปา,” อา เฮ๊ ฮู๊เนอ.

ꤛꤥ꤭ꤟꤢ꤬ 19:19

คุ๊ยปีลาต นอรา อู เตม๊าเตแด อาลีปล่อ เร๊อ อา นอมือเซอแถ่ อู เด๊อ อี๊ถื่อดีเต่ลู. เหย่ซี รา ราลีปล่อเออ เน๊อ, “แกแยยิวพู๊ เต๊เห่ อาคุ๊ย, วีนาซาเร็ธพู๊ เหย่ซู่,” ฮู๊เนอ.

ꤛꤥ꤭ꤟꤢ꤬ 7:41

เต๊เห่เห่ เร๊อ อา เฮ๊ เน๊อ, “เมสิยาห์ หม่าเฮ๊อ เพรเมแลเปล๊กา หม่าแหน่ เฮ๊อ,” หม่าแน๊เรอ เต๊เห่เห่เนอ อา เฮ๊ เน๊อ, “เมสิยาห์ หม่าเฮ๊อ เพรเมแลเปล๊กา โอ่ เด๊อ กาลิลีเก่ เร๊อ อา เก่ แฮ ปา หม่าโต่.

ꤛꤥ꤭ꤟꤢ꤬ 1:46

เร๊อ คูนาธานาเอล แด๊เฮอ คูฟีลิป เน๊อ, “เตตว่าเตแร๊ เต๊อเจ่อเจ่อ โอ่แถ่ แจ่ ช๊าเหล่แหน่ เด๊อ วีนาซาเร็ธ อากู แอ?” เร๊อ คูฟีลิป เฮ๊ฉื่อ ลู เน๊อ, “จว๋า, แว จว๊ายู เน.”

ꤜꤢꤨꤊꤢ꤬ 4:16

แบ่เจ่ เหย่ซู่ กาคยา เด๊อ วีนาซาเร็ธ เบ๊อะอา อาหน่าดุแถ่เฮ๊อ เกอเร๊อ เนอตีวี. เบ๊อะแกแยยิวพู๊ ม๊อเนอโด่ เบ๊อะเนอ, ฮู๊ อาเหล่โกล โอ่เนอ, อา จว๊าโน เด๊อ เตจ๊อเบโฮกู. เบ๊อะอา เตเร ก๊อถ่อแด๊ จอแปแหร่ อาลาอาโหง่ เบ๊อะเนอ,

มัทธิว 21:11

แกแย เบ๊หมู่เออ เฮ๊ฉื่อ เน๊อ, “อา หม่า เหย่ซู่. อา หม่า เพรโพรโอ่ เด๊อ วีนาซาเร็ธ, กาลิลีเก่ เตเพร.”

มัทธิว 21:9

แกแย จว๊า เหร่อ เด๊อ แบ่เจ่ อาเป๊เส่เง ตูปลูเต๊เผ่, อา ครวาเกอ เด๊อคยา ตูปลูเต๊เผ่ เร๊อ อา เอ๊โท แลแค เนอ, “โฮซันนา, ถู่เซ๊แถ่ แลแค คุ๊ยดาวิด อาพู๊คู.” “แบ่เจ่ เด๊อ อา แฮ เด๊อ จอแปแหร่ อามุยเออ เตเพรเนอ, เตเด๊อะบุ๊ยเด๊อะเตอเรอ เก่ แลเบ่ดื่อ อา นี๋.” “โฮซันนา, ถู่เซ๊แถ่ แลแค จอแปแหร่ เด๊อ อา โอ่ เด๊อ ม๊อขุ เหล่ โอ่ แถ่โลเล๊อ เออเตเพร.”

มัทธิว 20:30

แกแย เป๊เส่คี๊ ซิเนอ โอ่แนโอ่ เด๊อ แกล๊ทือ เร๊อ เบ๊อะอา หนิโฮ อู เฮ๊ เร๊อ แบ่เจ่ เหย่ซู่ แฮเฮ๊อ เด๊อ เหย่ซี อาช๊า เบ๊อะเนอ, อา เอ๊โท เร๊อ อา เฮ๊ เน๊อ, “เก๋อ เพคุ๊ยดาวิด อาพู๊คู๋, แบ่เจ๋ ซิยอ เกอ เร๊อ เป นี๋.”

มัทธิว 12:23

แกแย เบ๊หมู่ เต๊เห่ คย๊าอายื๊อ แหน่เจ๊อ, เร๊อ อา เฮ๊ แลแค เน๊อ, “แกแย เออเตเพร หม่า คุ๊ยดาวิด อาพู๊ เจ๊อกอ?”

มัทธิว 2:23

เหย่ซี กาโอ่ เกอเร๊อ วีเนอ เตอวี หม่า อู เอ๊ เร๊อ วีนาซาเร็ธ. เออ หม่า อา เมเล๊อเมบาแถ่ เฮ๊อ เพรโพร เต๊เห่ เฮ๊หนื่ออื่อ เน๊อ, “อู เก่ เอ๊ ลู เน๊อ วีนาซาเร็ธพู๊ ปา,” เนอเฮ๊อ.

มัทธิว 1:1

ลีเออหม่า อา ราม๊าราแด เหย่ซู่ครี๊ อากลุยอาแล เด๊อ อา จิจือตา แฮเง ลู เต๊เห่ อาหรี่อาแก. อา หม่า อากลุยอาแล จิจือตาแล เด๊อ คุ๊ยดาวิด เร๊อ เพอับราฮัม.