ꤗꤢ꤬ꤊꤢꤨ 10:45 - ลีเทส่อพ๊าอาเซ เร๊อ เห่ขุทวาลู๊

⁴⁵ เมเตเฮ๊เรอ แกแยพู๊คู หม่าเฮ๊อ แวเออ, แว แฮ เด๊อ อู เก่ เม เป่ แวเง เนอ หม่าโต่. แว แฮ เด๊อ แว เก่ เม เป อูเง แพ๊. เร๊อ แซ่ฮู๊ แว เก่ เอ๊ถ่ากาหนิ เหย่ซี อาเงเนอเรอ, แว เด๊อะแลแก แว ซิปล่อ เซอเพร เด๊อ แกแย โอ่โร๊ลู อาเง.”

Eastern Kayah Shadaw Dialect

⁴⁵ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭, ꤠꤢꤧ꤭ ꤟꤢꤧ꤭ ꤘꤣ ꤢꤨ꤭ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤠꤢꤧ꤭ꤑꤢꤩ꤭ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤟꤢꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤢꤨ꤭ꤑꤢꤩ꤭ ꤖꤢꤧ꤯ ꤚꤣꤧ꤬ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤤ꤬ꤓꤢ꤬ꤊꤢ꤬ꤔ꤫ꤤ꤬ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ ꤞꤤꤕꤜꤢꤪ꤬ ꤞꤣꤧ꤭ꤖꤚꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤢꤩꤖꤚꤢꤩ꤬ ꤢ꤬ꤑꤢꤩ꤭꤯”

ꤗꤢ꤬ꤊꤢꤨ 10:45 ပူးပေါင်းရင်းမြစ်များ

มัทธิว 20:28

แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”

โครินธ์ เนอบ่า ต๊าบ่า 8:9

เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ꤛꤥ꤭ꤟꤢ꤬ 13:14

ฮู๊เนอเรอ กู๊แหน่เออ แว ทวา ซี แบ่เจ่ ซี ซ๊าร๊า เจ๊อ เร๊อ แว เก่ ซู๊ปลี เป่ ซี กู๊โด่ เก่เฮ๊เรอ ซี โต ซู๊ปลีเป่เกอ ลู กู๊โด่ เตเพร เร๊อ เตเพร นี๋.

ꤛꤥ꤭ꤟꤢ꤬ 10:15

อาแซ่เน๊อ เนอเฮ๊อ, แวเพ ซิเง แว เร๊อ แว ซิเง แวเพ, เร๊อ แว เด๊อะแลแก แว ซิปล่อ เด๊อ แว ซิหมิ เต๊เห่ อาเง.

ꤟꤤꤙꤚꤢꤨ 5:8

เหย่ซู่ ทวา เจ๊อ จอแปแหร่ อาพู๊คู เตเพร เจ๊อ หม่าแน๊เรอ เบ๊อะอา ข่าเบ่ เตจาเตจือ เบ๊อะเนอ, อา แม๊ปู พย๊าหนิ แฮเงปา เตหนิดา โหง่ เด๊อ จอแปแหร่ อา โอ่.

เปโตร อาเหร่อเล๊อ ต๊าบ่า 1:19

เด๊อ ครี๊ พรีกา เฮ๊อ ซี เร๊อ อาสุ่ย เด๊อ อางูดุงูชอ เออ อาขว่าอาคยา, ซี หนิ เฮ๊อ เตปาลา เฮ๊อ. ครี๊ หม่า อาแซ่เน๊อ ซิหมิพู๊ เด๊อ อู แม๊เถอะ อา เตมู๊แหม่ โอ่ เตอเจ๋อ โต่ โตโด เตเพร เฮ๊อ.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

ꤊꤢ꤬ꤜꤢ꤬ꤒꤤ 3:13

ล๋อ เตซว๊าเตแส่ เต๊เห่เนอ, อู ลือครวา เมเบ๊ เตเพร่ว โต่ อาขว่าอาคยา, จอแปแหร่ เก่ เมจากาคยา ลอ อูปว๋า เตเพร ปา, หม่าแน๊เรอ ครี๊ อี๊ถ่า เฮ๊อ เป เฮ๊อ. เด๊อ อา ข่าเป่ เป เตจา เด๊อ อี๊ถื่อดีเต่ลู เออ อาขว่าอาคยาเร๊อ, อา แฮโน ข่าเป่เฮ๊อ เป เตเมจากาคยา เด๊อ อา เก่ กาเบ่ เป ปา เออเนอ อาเง เฮ๊อ. เมเตเฮ๊เรอ ลีเทส่อพ๊ากู เฮ๊ เน๊อ, “แกแย เตเพรเพร เด๊อ อู มือเซอแถ่ อา เด๊อ อี๊ถื่อดีเต่ อาโอ่ เนอ, เตเมจากาคยา เบ่เฮ๊อ อา เฮ๊อ,” อา เฮ๊ ฮู๊เนอ.

ꤗꤢ꤬ꤊꤢꤨ 10:44

เด๊อ ซีเกลเนอ, แกแย เตเพรเพร อา ซิหยื่อ ทวา แกแย เด๊อ อู โหล่ดุเล๊อ ลู เก่เฮ๊เรอ อา โตเบ่ ทวา แกแย ล๋อ ปลี หลู่.