ꤗꤢ꤬ꤊꤢꤨ 10:32 - ลีเทส่อพ๊าอาเซ เร๊อ เห่ขุทวาลู๊

³² เหย่ซู่ เร๊อ อา โคเจ่ เต๊เห่ แถ่ แลแค เด๊อ วีเยรูซาเล็ม เร๊อ เบ๊อะอา แถ่ เด๊อ แกล๊ลู เบ๊อะเนอ, เหย่ซู่ จว๊า เหร่อ เหย่ซี เด๊อ เง. เหย่ซู่ แถ่ เป่ เหย่ซี เด๊อ วีเยรูซาเล็ม อาคยา, อา โคเจ่ เต๊เห่ อาคย๊าอายื๊อ ลอปลี เจ๊อ ลู, เร๊อ แกแย เด๊อ อา ครวาแถ่ เต่อเกอ เร๊อ ลู เต๊เห่เนอ, อา ซิอิเช ลอ ปลีเจ๊อ. เร๊อ เหย่ซู่ เอ๊ปล๊อ คยาแซ๊ อา โคเจ่ เช๊อซิเนอ เร๊อ อา เป๊อแถ่ แด๊โฉ่โล เป เหย่ซี เร๊อ ช๋า เหย่ซี จว๊าโต่ เด๊อ วีเยรูซาเล็ม ปาเนอ, อา เก่ ทวาแถ่ แคร๋ อาเหน่ ฮู๊เต ปา เนอเต๊เห่ อาหรี่อาแก คยา.

Eastern Kayah Shadaw Dialect

³² ꤛꤢꤩ꤬ꤏꤛꤢꤨ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤓꤢꤧ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤚꤣꤧ꤬ ꤙꤣꤧ ꤢ꤬ ꤓꤢꤧ꤬ ꤘꤣ ꤊꤜꤢꤧꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨ ꤡꤝꤢ ꤚ꤫ꤣꤧ꤬ ꤛꤢꤩ꤬ꤞꤤ꤭ ꤘꤣ ꤑꤢꤩ꤭꤯ ꤛꤢꤩ꤬ꤏꤛꤢꤨ ꤓꤢꤧ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤋꤛꤢꤛꤢꤦ ꤜꤢꤪ꤭ꤕꤜꤤ꤭ ꤡꤣꤧ ꤜꤢꤨ꤭, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤚꤝꤢ꤭ꤓꤢꤧ꤬ ꤒ꤫ꤣ꤬ꤊꤣꤧ꤭ ꤔꤢꤧ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤤꤤ꤬ꤏꤢꤩ꤭ ꤜꤢꤪ꤭ ꤜꤢ꤭ꤋꤢꤧ꤭꤯ ꤚꤣꤧ꤬ ꤛꤢꤩ꤬ꤏꤛꤢꤨ ꤢꤩꤕꤜꤢꤪ ꤋꤛꤢ꤭ꤞꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤏꤣꤧꤞꤤꤔꤣꤧ꤭ ꤚꤣꤧ꤬ ꤢ꤬ ꤡꤢꤓꤢꤧ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤏꤢ꤮ ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤕꤢ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤋꤚꤢꤧ꤮ ꤢ꤬ꤔ꤫ꤢꤩ꤬ ꤟꤢꤨꤒꤢꤩ꤭ ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

ꤗꤢ꤬ꤊꤢꤨ 10:32 ပူးပေါင်းရင်းမြစ်များ

ꤜꤢꤨꤊꤢ꤬ 9:51

เบ๊อะม๊อเนอม๊อเซ ผื่อแฮเฮ๊อ เด๊อ อู เก่ เอ๊แถ่เฮ๊อ เหย่ซู่ เด๊อ ม๊อขุ เบ๊อะเนอ, อา แด่แล อาซิปล่อ เร๊อ อา เก่ จว๊า เด๊อ วีเยรูซาเล็ม.

ꤛꤥ꤭ꤟꤢ꤬ 11:16

คูโธมัส เด๊อ อู เอ๊โป่อามุย เร๊อ คูดิดุโมส. เออเตเพร เฮ๊ เหย่ซู่ อา โคเจ่ เต๊เห่ เน๊อ, “เป จว๊าเซอ เต่อเกอ เร๊อ เป แบ่เจ่ โป๊!” อา เฮ๊ ฮู๊เนอ.

ꤛꤥ꤭ꤟꤢ꤬ 11:8

หม่าแน๊เรอ อา โคเจ่ เต๊เห่ เฮ๊ ลู เน๊อ, “ซ๊าร๊า, เด๊อ ปื๊อหนื่อหนื่อ แพ๊ เร๊อ แกแยยิวพู๊ เต๊เห่ ซิหยื่อ แม๊ปู ต่า เน เร๊อ หล่อ เร๊อ เน เตเร กาคยาโต คยาแซ๊ เหย่ซี เบ๊อะเนอ แอ?”

ꤜꤢꤨꤊꤢ꤬ 10:23

โทเร๊อ เหย่ซู่ ตีรี๊ กาคยา เด๊อ อา โคเจ่ เต๊เห่ อา โอ่ เร๊อ อา เฮ๊โฉ่โห่ เป่ เหย่ซี เน๊อ, “ล๋อ แกแย เด๊อ อา แม๊เถอะ เฮ๊อ เตเด๊อ แม๊เถอะ เฮ๊อ เออเต๊เห่ เต๊เห่เนอ, เหย่ซี พย๊าหนิเฮ๊อ เตเด๊อะบุ๊ยเด๊อะเตอเรอ เฮ๊อ.

ꤗꤢ꤬ꤊꤢꤨ 4:34

เบ๊อะอา อิซว๊า เร๊อ แกแย โอ่โหร่ เบ๊อะเนอ, อา เฮ๊ เบ่ เป่ เหย่ซี เร๊อ โหง่ค๊าโข่ ปว๋า โตโพ๊เจ๊อ. หม่าแน๊เรอ เบ๊อะอา โอ่ ตื๊อดื่อ เร๊อ อา โคเจ่ เต๊เห่ เบ๊อะเนอ, อา แด๊โฉ่โล ปวา เป่ ลอ เหย่ซี ล๋อ โหง่ค๊าโข่ อาโหง่แลช๊า เนอ เต๊เห่.

มัทธิว 13:11

แบ่เจ่ เหย่ซู่ เฮ๊ฉื่อ เหย่ซี เน๊อ, “จอแปแหร่ เด๊อะซิเงโปล เป่เฮ๊อ ซี เร๊อ ม๊อขุ เทอเลเก่กู อา เตซิคว๊าซิเง เด๊อ อา ด๊อโอ๊ด๊อบี๊ เต๊เห่ ตื๊อดื่อเรอ อา เด๊อะซิเง โต่ เป่เกอ เหย่ซี โต่.

มัทธิว 11:25

เบ๊อะเนอโตโพ๊ แบ่เจ่ เหย่ซู่ เฮ๊ จอแปแหร่ เน๊อ, “เก๋อ ม๊อขุ แบ่เจ่, เห่ขุ แบ่เจ่, แวเพ จอแปแหร่, แว เฮ๊บุ๊ยเฮ๊เตอเรอ เน, เต เด๊อ เน แด่โอ๊ แด่บี๊ เป่ เพรลีแมลีเพ๊ เต๊เห่ เนอ เพรแม๊ ตูปลู ซิเงเตพู๊ เต๊เห่เนอ, เน เด๊อะโลแถ่ เป่เฮ๊อ เร๊อ แกแย เด๊อ อา เตเนปีตี๊ อาเหน่ แซ่เน๊อ เป๊เจ่พู๊ เนอเต๊เห่เฮ๊อ อาขว่าอาคยา, แว เฮ๊ บุ๊ย เฮ๊ เตอเรอ แถ่เน”

ꤗꤢ꤬ꤊꤢꤨ 1:27

ล๋อ แกแย โอ่เบ๊อะเตจ๊อเบโฮกู เนอเต๊เห่ อาคย๊าอายื๊อ ลอปลี เจ๊อ เร๊อ อา เฮ๊หนิเกอเร๊อ เป่ลู เน๊อ, “เออ หม่า อิเตเต? เออ หม่า เตอิซว๊าอี๊แส่ อาเซ แอ? อาแซ่เน๊อ อา โอ่ เจ๊อ เร๊อ อา เตอเรอฉว่าชอ เนอเจ๊อ. อา เฮ๊ตา แพ๊ อาโหง่ เร๊อ อา นอเถ่จว๊าแก โลเน๊ มู๊แหม่รีแจ่ เออเต๊เห่ แพ๊ เร๊อ อา หนิดา เจ๊อ ลูโหง่โหง่,” เหย่ซี เฮ๊ ฮู๊เนอ.

ꤜꤢꤨꤊꤢ꤬ 19:28

เหย่ซู่ เฮ๊โท ฮู๊เนอเรอ, อา แถ่ เด๊อ วีเยรูซาเล็ม เร๊อ อา เถ่จว๊า เหร่อ อา โคเจ่ เด๊อ เง.