ꤗꤢ꤬ꤊꤢꤨ 10:2 - ลีเทส่อพ๊าอาเซ เร๊อ เห่ขุทวาลู๊

² ฟาริสี เต๊เห่เห่เนอ อา แฮ เต่อเกอ เด๊อ เหย่ซู่ อา โอ่ เร๊อ เหย่ซี ซิหยื่อ แฮ แม๊ปู ปื่อ แบ่เจ่ เหย่ซู่ อาเตซื๊อ เร๊อ อา แฮ แด๊เฮอ จู๊แก่ ลู เน๊อ, “แกแย เตเพรเพร โอ่แก อาเม หม่า อาหนิ แพ๊ เป เตซว๊าเตแส่ เฮ๊เนอ ฮู๊เนอ แอ?”

Eastern Kayah Shadaw Dialect

² ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤧ꤭ ꤒ꤫ꤥ꤬ꤊꤣꤧ꤭ ꤘꤣ ꤛꤢꤩ꤬ꤏꤛꤢꤨ ꤢ꤬ ꤥ꤬ ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤟꤢꤧ꤭ ꤗꤢꤧꤕꤢꤨ꤭ ꤕ꤫ꤢꤦ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤒꤢꤩ꤬ꤞꤢꤦ ꤚꤣꤧ꤬ ꤢ꤬ ꤟꤢꤧ꤭ ꤘꤣꤧꤟꤣꤧ꤭ ꤒꤣꤧ꤬ꤊꤢꤩ꤬ ꤜꤢꤨ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤥ꤬ꤊꤢꤧ꤭ ꤢ꤬ꤗꤢꤩ꤭ ꤗꤢ꤬ ꤢ꤬ꤔ꤫ꤤ꤬ ꤖꤢꤧ ꤕꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩꤔꤢꤧ꤭ ꤟꤢꤨꤔꤣꤧ꤬ ꤟꤢꤧ꤭?”

ꤗꤢ꤬ꤊꤢꤨ 10:2 ပူးပေါင်းရင်းမြစ်များ

ꤛꤥ꤭ꤟꤢ꤬ 8:6

แซ่ฮู๊ เหย่ซี ปื่อหนิ แบ่เจ่ เหย่ซู่ อา เตเฮ๊เบ่ซื๊อ โหง่ เต๊เห่ อาเงเนอ, อา แฮแม๊ปู แด๊เฮอ โข่บย่าแพ๊ แลแค เหย่ซู่. หม่าแน๊เรอ แบ่เจ่ เหย่ซู่ โอ่แน โรโจตา เร๊อ อา งอแล รา เร๊อ อากู๊นอ เด๊อ เห่หมื่อเกล.

มัทธิว 23:13

“แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. ซี เมบี๊ เผ่ แก ลอ ล๋อ แกแย เด๊อ อา แม๊ปูโน เด๊อ ม๊อขุ เทอเลเก่กู เนอเต๊ เห่ กู่ดา ซีแหน่ เบ่เจ่ เกอเร๊อดื่อ เจ๊อ เร๋อ ซีโน หนิโต่ ตื๊อดื่อ เรอ ซี เม ตาตือบี๊ แกลอ แกแย เด๊อ อา แม๊ปูโน เนอ เต๊เห่ อากู่ดา.

โครินธ์ อาเหร่อเล๊อ ต๊าบ่า 10:9

แบ่เจ่ โตโก๋ เร๊อ หม่า อาจ๊อ เร๊อ อา เตอ๊อแล แอ, หม่า อาจ๊อ โต่ แอ, ฮู๊เนอหม่า เป เบ่ เฮ๊แม๊เมแม๊ หนิ แบ่เจ่ ฮู๊ เหย่ซี เต๊เห่ เฮ๊แม๊เมแม๊ เนอ โต่. เปเพอเปโพ เต๊เห่เนอ อา ทื๊อแม๊ แลแค ฮู๊เนอ อาขว่าอาคยา, หรู่ เต๊เห่ อิโพ เซอแก เอ๊ลู เหย่ซี.

ꤛꤥ꤭ꤟꤢ꤬ 11:57

เบ๊อะเนอเค เพรหลู่แต กู่กล๊อ เต๊เห่ เร๊อ ฟาริสี เต๊เห่เนอ อา เฮ๊ตา แลแค อาโหง่ เนอ, แซ่ฮู๊ เป เก่ ปื่อหนิ เหย่ซู่ เนอ เนอ, แกแย เด๊อ อา แม๊เถอะ ลู เตเพรเพร เนอ, อา โตเบ่ แด๊โฉ่โล เป่ เป.

ꤛꤥ꤭ꤟꤢ꤬ 11:47

ฮู๊เนอเรอ เพรหลู่แต ทวาดุทวาเต เต๊เห่ เร๊อ ฟาริสี เต๊เห่ เอ๊ปล๊อ แกแยยิวพู๊ ทวาดุทวาเต เด๊อ อาโร เต๊เห่ เร๊อ โอ่กู๊โอ่แก๊ เกอเร๊อลู. เร๊อ เหย่ซี เฮ๊ เน๊อ, “เป เก่ เมฮู๊เต เออ? แกแย เออเตเพร เมโล เป่ อู เตโค๊ตีกลี๊คยา โร๊ลู เฮ๊อ.

ꤛꤥ꤭ꤟꤢ꤬ 7:48

เป เด๊อ อา ทวา เตจ๊อบู่จ๊อเบ อา ทวาดุทวาเต อาเกล เออเต๊เห่เนอ เบ่เบ่, ฟาริสี อาเกล เออเต๊เห่ เนอเบ่เบ่, อา หยื่อเอ่ เกอ ลู เนอหม่า อา โอ่ แหน่ เตเพรเพร แอ?

ꤛꤥ꤭ꤟꤢ꤬ 7:32

เหย่ซี เฮ๊เบ่โห่ เฮ๊เบ่เซ๊ เกอเร๊อลู เร๊อ แบ่เจ่ เหย่ซู่ครี๊ อาหรี่อาแก คยา ฮู๊เออ เบ๊อะเนอ, ฟาริสี เต๊เห่ หนิโฮ เร๊อ เหย่ซี เน๊อ เพรหลู่แต ทวาดุทวาเต เต๊เห่ นอจว๊าปื่อ แบ่เจ่ เหย่ซู่ เร๊อ เกลอฮู๊ เด๊อ อา โอ่ป่อ เตหลู่แตโฮ เนอเต๊เห่.

ꤜꤢꤨꤊꤢ꤬ 16:14

ฟาริสี เด๊อ อา โมแหน่เร๊อ รือเท เนอเต๊เห่ หนิโฮ โหง่เออ เบ๊อะเนอ, อา งยาโคร แลแค เหย่ซู่.

ꤜꤢꤨꤊꤢ꤬ 11:39

ฮู๊เนอ อาขว่าอาคยา, แบ่เจ่ เหย่ซู่ เฮ๊ฉื่อ ลู เน๊อ, “ฟาริสี ซี, ซี ซู๊ปลี แร๊ แหน่เจ๊อ เบหล่อ เร๊อ ดีเบ เด๊อ อากลอ เนอตากยา เจ๊อ. หม่าแน๊เรอ เด๊อ ซี ซิปล่อกูเนอ, อา เล๊อบา เจ๊อ เร๊อ เตกู๊หว่ากู๊เว เอ่ หนิเร๊อดื่อเง เร๊อ เตมู๊แหม่รีแจ่ ซีเต๊เห่ เจ๊อ.

ꤜꤢꤨꤊꤢ꤬ 7:30

หม่าแน๊เรอ จอแปแหร่ ตี๊หรี่หนื่ออื่อ เป่ ฟาริสี เร๊อ เพรอิซว๊า เตซว๊าเตแส่ อาซ๊าร๊า เต๊เห่ อาเง เออเนอ, เหย่ซี จูเอ่ เกออู โต่ เมเตเฮ๊เรอ เหย่ซี เจ เกอ แลแค อาเหน่ เร๊อ เทอ เด๊อ คูยอห์น อา กู่ยากู โต่.

ꤜꤢꤨꤊꤢ꤬ 6:7

เพรอิซว๊า เตซว๊าเตแส่ อาซ๊าร๊า เต๊เห่ เร๊อ ฟาริสี เต๊เห่ แม๊ปู แลแค เตหรี่เตแก เต๊อเจ่อเจ่อ เด๊อ อา เก่ ปื่อหนิ แลแค แบ่เจ่ เหย่ซู่ อา เตซื๊อ. ฮู๊เนอ อาขว่าอาคยา เหย่ซี โอ่ป่อแม๊ แลแค เด๊อ แกแยยิวพู๊ อา ม๊อเนอโด่ เออเนอหม่า อา แหย่โอ่เหม่ เป่ อูเตชุ๊ย ปา แอ? หม่า โต่ แอ? ฮู๊เนอ.

ꤜꤢꤨꤊꤢ꤬ 5:30

ฟาริสี เต๊เห่ เร๊อ เพรอิซว๊า เตซว๊าเตแส่ อาซ๊าร๊า เด๊อ เหย่ซี อาตู๊หมู่ตอกล๊อกู เต๊เห่ แด่ ลอ เตซื๊อ เด๊อ แบ่เจ่ แบ่เจ่เหย่ซู่ อา โคเจ่ เต๊เห่ อาขุ เร๊อ อา เฮ๊ เน๊อ, “ซี จว๊า เอ่เต่อโอเต่อเกอ เร๊อ เพรกวาอาหมู่อาร๊า เต๊เห่ เร๊อ เพรโอ่หร่าพู๊ เนอเต๊เห่ เมเต?” เหย่ซี แด๊เฮอ แลแค ฮู๊เนอ.

ꤗꤢ꤬ꤊꤢꤨ 8:15

เหย่ซู่ เฮ๊แก ตาเต อา โคเจ่ เต๊เห่ เน๊อ, “เบ่รอเบ่เร แลแค ซีเหน่ เร๊อ ฟาริสี เต๊เห่ อาโฮหมื่อกลุย เร๊อ คุ๊ยเฮโรด อากลุย เออเนอ นี๋.”

ꤗꤢ꤬ꤊꤢꤨ 8:11

ฟาริสี เต๊เห่ แฮ เด๊อ เหย่ซู่ อา โอ่ เร๊อ อา แฮ เป๊อแถ่ เคร๊แขระ เหย่ซู่. เร๊อ เหย่ซู่ เออเนอหม่า อา โอ่ เด๊อ จอแปแหร่ อา โอ่ กา หม่า แอ? หม่าโต่ แอ? เนอ, เหย่ซี แฮกุย ค๊าโข่แม๊บย่าแพ๊ ลู เร๊อ อา เก่ เด๊อะโล เป เหย่ซี เตโค๊ตีกลี๊ เต๊อเจ่อ.

มัทธิว 22:35

เด๊อ เหย่ซี อาเกลเนอ, อา ซิเง เล๊อ บากลอ แกแยยิวพู๊ อา เตซว๊าเตแส่ อา โอ่เตเพร เร๊อ อา แฮ แด๊เฮอ ทื๊อแม๊ แบ่เจ่ เหย่ซู่ เนอ,

มัทธิว 19:3

เร๊อ ฟาริสีพู๊ เต๊เห่ เนอ, แฮ โต่เด๊อเหย่ซู่อาโอ่ เร๊อ อา แฮ ทื๊อ แม๊ แบ่ เจ่ เหย่ซู่ เตซื๊อ เร๊อ แด๊เฮอ ลู เน๊อ, “แกแย เตเพรเพร เก่ โอ่ แก อาเม เฮ๊ หม่า อาหนิแพ๊ เป เตซว๊าเตแส่ เฮ๊แหน่ ฮู๊เนอ แอ?”

มัทธิว 16:1

ฟาริสีพู๊ เร๊อ สะดูสีพู๊ เต๊เห่ แฮ เด๊อ แบ่เจ่ เหย่ซู่ อา โอ่ เร๊อ อา แฮ กุยแม๊แต๊แก่ เหย่ซู่ เด๊อ อา เก่ เด๊อะโลเตโค๊ ตีกลี๊ เด๊อ อาโอ่ เด๊อ ม๊อขุ แฮเต๊อเจ่อ.

มัทธิว 15:12

เบ๊อะเนออาเค อา โคเจ่ เต๊เห่ แฮ เด๊อ ลูโอ่ เร๊อ อา เฮ๊ ลู เน๊อ, “เน เฮ๊เบ่ โหง่ เนอเต๊เห่เนอ, ฟาริสี พู๊ เต๊เห่, ซิปล่อเช ลอปลี เน เนอหม่า เน ซิเง เกอเร๊อ เนเหน่ แอ?”

มัทธิว 9:34

หม่าแน๊เรอ, ฟาริสี เต๊เห่ เฮ๊ เน๊อ, “อา เหว่เถ่แก แจ่ โลเน๊ เต๊เห่ ฮู๊เออ เนอหม่า หม่าแพ๊ โลเน๊ กู่กล๊อดุ เนอเต๊เห่ ย๋อ เด๊อะ ลู เตอเรอฉว่าชอ เนอ ขว่าคยา แพ๊.”

ꤗꤢ꤬ꤊꤢꤨ 10:1

โทเร๊อ เหย่ซู่ โอ่ เบ๊อะเนอ เร๊อ อา เถ่จว๊าแก เด๊อ ยูดาห์เก่ เร๊อ อา จว๊า เด๊อจอร์แดน เทอแลโหมะเบ๊เรตากยา. แกแย ตู๊หมู่ดุ แฮโอ่ปล๊อตาวา เกอลอคยาแซ๊ลู ตอกล๊อตูปลู เร๊อ อา อิซว๊าตา เป่ อู ฮู๊ อาเหล่โกล อิซว๊า เป่ อู ปว๋า โพ๊ เนอ.

ꤗꤢ꤬ꤊꤢꤨ 10:3

เร๊อ เหย่ซู่ แด๊เฮอ เหย่ซี เน๊อ, “คูโมเสส เฮ๊แก ซี โหง่ ฮู๊เต?”