ꤗꤢ꤬ꤊꤢꤨ 10:17 - ลีเทส่อพ๊าอาเซ เร๊อ เห่ขุทวาลู๊

¹⁷ เบ๊อะเหย่ซู่ เป๊อแถ่ เถ่จว๊าแกเฮ๊อ เบ๊อะเนอ, แกแย เตเพร แกล่แฮ เด๊อ ลูโอ่ เร๊อ อา แฮ แด๊งือแล เด๊อ ลู เป๊เส่เง เร๊อ อา แด๊เฮอ เหย่ซู่ เน๊อ, “เก๋อ ซ๊าร๊าแร๋ แซ่ฮู๊ แว เก่ พย๊าหนิ เกออู ซิปล่อเซอเพร ตูจูเพร ตาแลเคเร๊อาเง เนอเรอ, แว โตเบ่ เมแคร๋ หม่าอิเต?”

Eastern Kayah Shadaw Dialect

¹⁷ ꤙꤣꤧ ꤛꤢꤩ꤬ꤏꤛꤢꤨ ꤡꤢꤓꤢꤧ꤬ ꤓꤢꤩ꤬ꤡꤝꤢꤊꤢꤧ꤭ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤊꤜꤢꤧ꤬ꤟꤢꤧ꤭ ꤘꤣ ꤜꤢꤨ꤭ꤥ꤬ ꤚꤣꤧ꤬ ꤢ꤬ ꤟꤢꤧ꤭ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤜꤢꤨ꤭ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤘꤣꤧꤟꤣꤧ꤭ ꤛꤢꤩ꤬ꤏꤛꤢꤨ ꤔꤢꤧ, “ꤊꤣ꤮ ꤞꤢꤚꤢꤚꤢꤧ꤮ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤔꤣꤧ꤬ꤚꤣꤧ꤬, ꤠꤢꤧ꤭ ꤒꤥ꤭ꤙꤢꤩ꤬ ꤗꤢꤩ꤬ꤋꤚꤢꤧ꤮ ꤗꤢ꤬ꤤ꤭ꤒꤢꤩ꤭?”

ꤗꤢ꤬ꤊꤢꤨ 10:17 ပူးပေါင်းရင်းမြစ်များ

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

ꤜꤢꤨꤊꤢ꤬ 10:25

เพรอิซว๊า เตซว๊าเตแส่ อาซ๊าร๊า เตเพร ก๊อถ่อ เร๊อ อา ซิหยื่อ เจแม๊ ทื๊อแม๊ เหย่ซู่ อา ลีแมลีเพ๊ เต๊เห่ เร๊อ อา แด๊เฮอ เหย่ซู่ เน๊อ, “ซ๊าร๋า, แซ่ฮู๊ แว เก่ พย๊าหนิ ซิปล่อเซอเพร ตูจูเพร เนอ, แว โตเบ่ เม ฮู๊เต?”

เพรโด่แนพู๊ เต๊เห่ 16:30

อา เมฮู๊เนอ โทเร๊อ อา เอ๊เถ่ คูเปาโล เร๊อ คูสิลาส เด๊อ อากลอ เร๊อ อา แด๊เฮอ เหย่ซี เน๊อ, “โป่แหว่ ซี๋, แซ่ฮู๊ แว เก่ พย๊าหนิเกอ เตแลเปล๊กา อาเงเนอ, แว โตเบ่ เมฮู๊เต?”

เพรโด่แนพู๊ เต๊เห่ 2:37

เบ๊อะแกแย เออเต๊เห่ หนิโฮ คูเปโตร แด๊โฉ่ เป่ เหย่ซี ฮู๊เออ เบ๊อะเนอ, เหย่ซี ซิปล่อเช แหน่เจ๊อ เร๊อ อา เฮ๊กาคยาฉื่อ คูเปโตร เน๊อ เพรโด่แนพู๊ เต๊เห่ เด๊อ อาโรเต๊เห่ เน๊อ, “โป่แหว่ ซี๋, เก่เฮ๊ฮู๊เนอเร๊อ เป โตเบ่ เมฮู๊เต?”

เพรโด่แนพู๊ เต๊เห่ 20:32

“กู๊แหน่เออ, แว เด๊อะตาแก ซี เด๊อ จอแปแหร่ อา เตแม๊เตตู่ อากู เร๊อ อาบุ๊ยดุอาเตอเรอทู อา เตหรี่เตแก เออเนอ อากู เฮ๊อ. อา เตหรี่เตแก เออเนอ อา เมดุแถ่ทูแถ่ แจ่ ซี เร๊อ อา เก่ เด๊อะ ซี อู่เจเต๊เหย่ เด๊อ อา เบ่ดว๊า หนื่ออื่อ เป่ เร๊อ อา แกแยหยื่อเอ่ ล๋อ ปลี เออเต๊เห่ อาเง เนอ ปา.

เพรโด่แนพู๊ เต๊เห่ 9:6

หม่าแน๊เรอ ก๊อถ่อมอ เร๊อ จว๊าโน เด๊อ วีกู เนอ. เน โต เมแคร๋ ฮู๊เตเนอ, อู เก่ เฮ๊โฉ่ดื่อ เน ปา.”

มัทธิว 25:34

“เบ๊อะเนอปาเนอ, คุ๊ย เออเตเพร เก่ เฮ๊ แกแย เด๊อ อากู๊ขุ จ๊อทว๊า เออเต๊เห่ ปา เน๊อ, ‘แฮมอ แลแค, ซี หม่า แกแย เด๊อ อา พย๊าหนิ แวเพ จอแปแหร่ อา เตเด๊อะบุ๊ยเด๊อะเตอเรอ เต๊เห่, แฮโน พย๊าดว้า แลแค ม๊อขุ เทอเลเก่กู อาอู่เจ เต๊เหย่ เด๊อ อู ตี๊หรี่แตแร โอ่หนื่ออื่อ เป่ ซี เด๊อ เห่ขุทวาลู่ ม๊อขุทวาเซปา เนอ.

มัทธิว 17:14

เบ๊อะเหย่ซี กี๊ตาแล แม๊เถอะ แกแย เบ๊หมู่ เด๊อ โฉ่เล เบ๊อะเนอ, แกแยเพ เตเพร แฮ แด๊งือแล เด๊อ อาเป๊เส่เง เร๊อ อา เฮ๊ ลู เน๊อ,

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

ꤛꤥ꤭ꤟꤢ꤬ 5:39

ซี แม๊ปูซิเง แลแค ลีเทส่อพ๊า เต๊เห่ เมเตเฮ๊เรอ ซี เตเน เร๊อ ซี เก่ แม๊เถอะ ซิปล่อเซอเพร ตูจูเพร เบ๊อะลี เออเนอเต๊เห่ อากู ปา. ลีเทส่อพ๊า เออเต๊เห่ เนอหม่า อา ข่าเฮ๊โล เป่เฮ๊อ ซิปล่อ เร๊อ แวหรี่แวแก เฮ๊อ.

ꤛꤥ꤭ꤟꤢ꤬ 3:2

เตเซเคเนอ คูนิโคเดมัส แฮ เด๊อ เหย่ซู่ โอ่ เร๊อ อา เฮ๊ ลู เน๊อ, “ซ๊าร๊า, เป ซิเง เร๊อ เน หม่า หม่า ซ๊าร๊า เด๊อ อา โอ่ เด๊อ จอแปแหร่ อา โอ่แฮแล เตเพร. เป ซิเง เร๊อ จอแปแหร่ เก่ โอ่เกอ เร๊อ แกแย เตเพรเพร โต่ เฮ๊เนอหม่า อา เมแจ่ เตโค๊ตีกลี๊ ฮู๊ เน เม เออเนอ เตเพร่ว โต่.”

ꤗꤢ꤬ꤊꤢꤨ 12:14

เหย่ซี จว๊า เด๊อ เหย่ซู่ อา โอ่ เร๊อ อา เฮ๊ แลแค ลู เน๊อ, “ซ๊าร๊าดู๋ เป ซิเง เร๊อ เน หม่า แกแยจ๊อแกแยเตเร๊อ อา เฮ๊เบ่จ๊อแพ๊ โหง่ เตเพร. เน ซิอิเช เกออูเหล่ เตเพร่ว โต่, เน แม๊ดุแม๊ปีตี๊ เกออู เตเพร่ว โต่โต่. เน เก่ อิซว๊าอี๊แส่เฮ๊อ อู เตหมะเตจ๊อ เฮ๊เนอหม่า, เน อิซว๊า เป เจ๊อ อู ฮู๊ จอแปแหร่ ซิหยื่อ นออิซว๊า เน เนอ เจ๊อ. ฮู๊เนอเรอ เป เด๊อ อาหมู่อาร๊า เด๊อ คุ๊ยซีซาร์ อา โอ่ เนอหมา อาโต แอ? หม่า อาซื๊อ แอ?

ꤗꤢ꤬ꤊꤢꤨ 9:25

เบ๊อะเหย่ซู่ แม๊เถอะ เร๊อ แกแย ตู๊หมู่ดุ ตอกล๊อแกล่แฮโตผื่อ เด๊อลูโอ่ เบ๊อะเนอ, อา ซิพรวา โลเน๊ เออเนอ เน๊อ, “เก๋อ โลเน๊ เด๊อ อา เมกอออ แกแย อากู๊หลิโกะ เร๊อ อา เมเป๊ แกแย เออเตเพร, แว นอเถ่จว๊า ตาพาแก เน เด๊อ เป๊เจ่เพรคูฮู๊ เออเตเพร อาเหน่ เฮ๊อ, เน เบ่ กาคยา โนหนิ ปา โตโพ๋ โต่ นี๋,” อา เฮ๊โท ฮู๊เนอ เนอ,

ꤗꤢ꤬ꤊꤢꤨ 1:40

โทเรอ แกแย เด๊อ จุ มู๊แหม่ โอ่ เตเพร. เร๊อ อา แฮ แด๊งือแล เด๊อ เหย่ซู่ แข่ช๊า เร๊อ อา กุยซิยอแถ่ ลู เน๊อ, “เน เก่ ซิปล่อโอ่ แหย่โอ่เหม่ เป่ แว เตเชเออ เฮ๊เนอหม่า เน แหย่ แจ่ แพ๊,” อา เฮ๊ ลู ฮู๊เนอ.

มัทธิว 28:8

ฮู๊เนอเรอ เพรเหมาะ เออซิเนอ โอ่ เบ๊อะโลกู เนอ เร๊อ อา โต๊โปล่ตาปยา เถ่กา แลแค. เหย่ซี ซิอิเชเช, ซิครือครือ เจ๊อ เร๊อ อา แกล่กา แด๊โฉ่ เป่ แลแค อา โคเจ่ เต๊เห่.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:25

โทเร๊อ ครี๊ อาแหน่แบ่เจ่ เร๊อดื่อ อา อ๊อแล เร๊อ อา เก่ เด๊อ เป ปาเนอหม่า หม่าเฮ๊อ เตเซอเพร ตูจูเพร แตแลเคร๊ เออเนอเฮ๊อ.

ꤚꤥꤗꤢꤩ꤬ 6:23

เมเตเฮ๊เรอ, เตซื๊อ อาคว๊าอาเก่ หม่า เตเซอ. หม่าแน๊เรอ เตบุ๊ยเตเตอเรอ อาเชหยู่ เด๊อ จอแปแหร่ เด๊อะตาครา เป เออเนอหมา หม่าเฮ๊อ ซิปล่อเซอเพร ตูจูเพร เด๊อ เป แบ่เจ่ เหย่ซู่ครี๊ อากู เออเนอเฮ๊อ.

ꤗꤢ꤬ꤊꤢꤨ 10:18

เหย่ซู่ แด๊เฮอ ลู เน๊อ, “เน จว๊าเอ๊ โต่ แว เร๊อ ซ๊าร๊าแร๊ เมเต? แกแยแร๊ โอ่ เตเพร่ว โต่, อา โอ่ แพ๊ตื๊อ จอแปแหร่ เตเพรแพ๊.

เอเฟซัส 1:18

แซ่ฮู๊ ซี เก่ ซิเงโปลแร๊ เกออู เตเม อาโค๊ตีกลี๊ เด๊อ อา อ๊อแล เป่โท เฮ๊อ อาแกแย เด๊อ อา เอ๊ เร๊อดื่อ ลู เนอเต๊เห่ อาเงเนอ, แว กุยจ๊อเบ เด๊อ อา เก่ เด๊อะซิเงโปล เป่ ซี แพ๊. จอแปแหร่ เด๊อะ แคร๊ เฮ๊อ อาแกแย เออเต๊เห่ อู่เจเต๊เหย่ เด๊อ อางูดุงูชอ, อาตว่าอาแร๊ เต๊เห่ แคร๊ อิเตเฮ๊อเนอ, แว ซิหยื่อ นอซิเง ตาเต เกอ ซี.

ꤒꤤꤒꤢꤨ 3:7

จอแปแหร่ แด่จ๊อแด่เต เป เนอ อาบุ๊ยดุอาเตอเรอทู ขว่าคยา เฮ๊อ. ฮู๊เนอเรอ กู๊แหน่เออ เป พย๊าหนิเฮ๊อ เป เตแม๊ชือ เด๊อ อา หม่าดื่อ ซิปล่อเซอเพร อู่เจเต๊เหย่ ตูจูเพร ตาเลเคร๊ เออเนอ เฮ๊อ.

ꤟꤤꤙꤚꤢꤨ 1:14

เก่เฮ๊ฮู๊เนอเรอ, ม๊อขุ เตเน่วพู๊ เต๊เห่ หม่า อูเป? เหย่ซี หม่า ซิปล่อเซอเพร เด๊อ อา เม เป่ จอแปแหร่ อาเตเม เต๊เห่. จอแปแหร่ นอเมจว่า เป่ เหย่ซี เร๊อ แกแย เด๊อ อา เก่ พย๊าหนิ เตเมแลเปล๊กา ปา เต๊เห่ อาเง แพ๊.

เปโตร อาเหร่อเล๊อ ต๊าบ่า 1:4

เด๊อ อา เด๊อะตา เฮ๊อ เป เตเซอเพร อาเซ อาขว่าอาคยา, จอแปแหร่ แด่ หนื่ออื่อ เป่ ซี อู่เจเต๊เหย่ เด๊อ อา ปย๊าแจ่โต่, อา ซอแจ่โต่, อาโน๊อากา แจโต่ เออเต๊เห่ เด๊อ ม๊อขุ เนอ เฮ๊อ.