ꤗꤢ꤬ꤊꤢꤨ 1:24 - ลีเทส่อพ๊าอาเซ เร๊อ เห่ขุทวาลู๊

²⁴ เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

Eastern Kayah Shadaw Dialect

²⁴ ꤚꤣꤧ꤬ ꤢ꤬ ꤢꤩꤓꤥ꤭ꤓꤢꤧ꤬ ꤔꤢꤧ, “ꤊꤣ꤮ ꤠꤤ꤭ꤔꤢ꤬ꤎꤢ꤬ꤚꤢꤧꤖꤢꤨ ꤛꤢꤩ꤬ꤏꤛꤢꤨ꤮, ꤔꤢꤧ꤬ ꤞꤤꤛ꤫ꤢꤦ꤬ ꤗꤢꤩ꤬ ꤕꤢꤩ꤬ ꤟꤢꤨꤒꤢꤩ꤭? ꤔꤢꤧ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤗꤢꤩ꤬ꤞꤣꤧ꤭ꤗꤢꤩ꤬ꤗ꤫ꤢꤩ꤬ ꤊꤢꤧ꤭ꤜꤢꤪ꤭ꤟꤣꤧ ꤕꤢꤩ꤬ ꤕꤢ꤭ꤟꤢꤧ꤭? ꤔꤢꤧ꤬ ꤗꤢ꤬ ꤢꤨ꤭ꤕꤢꤩ꤭ ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤑꤢꤩ꤭ ꤖꤢꤧ, ꤔꤢꤧ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ ꤜꤢꤨ꤭ ꤔꤣꤧ꤬ ꤒꤣ꤬ꤖꤚꤢꤩ꤬꤯”

ꤗꤢ꤬ꤊꤢꤨ 1:24 ပူးပေါင်းရင်းမြစ်များ

มัทธิว 2:23

เหย่ซี กาโอ่ เกอเร๊อ วีเนอ เตอวี หม่า อู เอ๊ เร๊อ วีนาซาเร็ธ. เออ หม่า อา เมเล๊อเมบาแถ่ เฮ๊อ เพรโพร เต๊เห่ เฮ๊หนื่ออื่อ เน๊อ, “อู เก่ เอ๊ ลู เน๊อ วีนาซาเร็ธพู๊ ปา,” เนอเฮ๊อ.

มัทธิว 8:29

เหย่ซี เอ๊โท เน๊อ, “จอแปแหร่ อาพู๊คู, เร๊อ ซิหยื่อ เม เป ฮู๊เต? จอแปแหร่ อาม๊อเนอ เมจากาคยา อู เออ โต่ แต่ล๋ายโต่ เบ๊อะเนอ, เน เตเร แฮเม แคร๋ เป อิเต?”

ꤗꤢ꤬ꤊꤢꤨ 1:23

เบ๊อะเนอเค แกแยเพ เด๊อ โลเน๊ เมเบ่ ลู เออเนอเตเพรเนอ, อา โอ่ เบ๊อะเตจ๊อเบโฮกูเนอ.

ꤗꤢ꤬ꤊꤢꤨ 1:25

หม่าแน๊เรอ เหย่ซู่ ซิพรวา ฉื่อ โลเน๊ เน๊อ, “โส่โส โอ่ แลแค, เถ่จว๊าแกมอ เด๊อ แกแยเพ เออเตเพร อาเหน่ลูเนอ”

ꤗꤢ꤬ꤊꤢꤨ 10:47

เบ๊อะอา หนิโฮ เร๊อ แกแยนาซาเร็ธพู๊ เหย่ซู่ แฮ เด๊อ แกล๊ลู เบ๊อะเนอ, อา เป๊อแถ่ เอ๊โท เน๊อ, “เก๋อ เพดาวิด อาพู๊คู เหย่ซู๋ ซิยอหนิ เกอ เร๊อ แว.”

ꤗꤢ꤬ꤊꤢꤨ 14:67

เบ๊อะอา แม๊เถอะ คูเปโตร อิชุ๊ยหมิ เบ๊อะเนอ, อา แม๊ตาเต๊า ลู เร๊อ อา เฮ๊ ลู เน๊อ, “เน หม่า ตู๊หมู่ แพ๊ อา เร๊อ นาซาเร็ธพู๊ เหย่ซู่ เนอเตเพร แพ๊ วา.”

ꤗꤢ꤬ꤊꤢꤨ 16:6

เร๊อ อา เฮ๊ เหย่ซี เน๊อ, “คย๊าอายื๊อ แลแค เตเม๋, ซี แม๊ปู นาซาเร็ธพู๊ เหย่ซู่ เด๊อ อู มือเซอแถ่ ลู เด๊อ อี๊ถื่อดีเต่ลู เนอเตเพร แพ๊ เนอหมา แว ซิเง. อา ก๊อถ่อเซอเพร กาคยา โทเฮ๊อ. อา โอ่ปา เบ๊อะเออ โต่. แฮแม๊มอ แลแค, เออ หม่า อาเหล่โอ่ เด๊อ อู ฉู่โน ลู เนอเฮ๊อ.

ꤗꤢ꤬ꤊꤢꤨ 5:7

เร๊อ อา เอ๊โทแถ่ เร๊อ อา เฮ๊ เน๊อ, “เตดุเตทู ตื๊อดื่อ จอแปแหร่ อาพู๊ เหย่ซู๋, เน เตเร แฮเม แคร๋ แว อิเต? แว กุยซิยอ เจ๊อ เน เด๊อ จอแปแหร่ อา เป๊เส่เง เนอ, เมจาเมจือ แต่ แว แต่เหม่ นี๋.”

ꤜꤢꤨꤊꤢ꤬ 1:35

เร๊อ เตเน่วม๊อขุ เฮ๊ฉื่อ อา เน๊อ, “แหย่โยบูโพ๊แบ่เจ่ เก่ แฮแล ดื่อ เด๊อ เนลู ปา. เร๊อ เตดุเตทู ตื๊อดื่อ จอแปแหร่ อา เตโพรเตเตอเรอ เก่โอ่เกอดื่อเนปา. เร๊อ เป๊เจ่พู๊เด๊ออาเกเรโอ่ เป๊เจ่ ปา เออเตเพรเนอ อาโพ๊แปละบูโพ๊ปา. เร๊อ อู เก่ เอ๊ ลู เร๊อ จอแปแหร่ อาพู๊คู ปา.

ꤜꤢꤨꤊꤢ꤬ 24:19

เร๊อ เหย่ซู่ เแด๊เฮอ ลู เน๊อ, “อู เมแคร๋ อิเตเออ?” เร๊อ เหย่ซี เฮ๊ฉื่อ ลู เน๊อ, “หม่าแหน่เฮ๊อ วีนาซาเร็ธอาพู๊ เหย่ซู่ อาหรี่อาแก เนอ กอก๋อ. อา หม่า เพรโพร เตเพร. อา เตเฮ๊เบ่เฮ๊โช เร๊อ อา เตเอ่เตแร เด๊อ จอแปแหร่ เร๊อ แกแย ล๋อ ปลี อาเป๊เส่เง เนอ, อา โอ่ เร๊อ เตโพรเตเตอเรอ เจ๊อ.

ꤜꤢꤨꤊꤢ꤬ 4:34

“เก๋อวีนาซาเร็ธ อาพู๊ เหย่ซู๋, เน ซิหยื่อ เม เป ฮู๊เต? เน เซเร แฮ เมปย๊าเมหลู่แก เมเซอเมเหม่ แกลอเฮ๊อ เป ปาแอ? เน หม่า อูเป เนอหม่า แว ซิเง แพ๊, เน หม่า จอแปแหร่ อาพู๊คู โพ๊แปละบูโพ๊ เตเพร.”

ꤜꤢꤨꤊꤢ꤬ 8:28

เบ๊อะอา แม๊เถอะ เหย่ซู่ เบ๊อะเนอ, อา จ่าเพรอ เอ๊โท เร๊อ อา จว๊า แด๊งือแล เด๊อ เหย่ซู่ แบ๊เส่เง เร๊อ อา จ่าเพรอ เอ๊โทเฮ๊เบ่ เน๊อ, “เตดุเตทู ตื๊อดื่อ จอแปแหร่ อาพู๊คู เหย่ซู่, เน เตเร แฮเม แคร๋ แว อิเต? แว กุยซิยอ เน, เมจาเมจือ แต่ แว แต่เหม่ นี๋.”

ꤜꤢꤨꤊꤢ꤬ 8:37

เตเมโทอาเหน่ ฮู๊เนอเรอ, ล๋อ แกแย เด๊อ อา โอ่ ตีวี๊ตาวา เบ๊อะเกราชาเก่ ทือ เนอเต๊เห่ ซิอิเช ตาลว๊าซิลือ อาขว่าอาคยา, เหย่ซี กุยซิยอ เหย่ซู่ เร๊อ อา นอจว๊า ตาพาแก เร๊อ เหย่ซี เบ๊อะเนอ. เร๊อ เหย่ซู่ เถ่จว๊า แถ่โน เด๊อ ส่อเกลอกู เร๊อ อา กาเด๊อกาลิลีเก่.

ꤛꤥ꤭ꤟꤢ꤬ 6:69

เป หยื่อเอ่ เร๊อ เป ซิเง เร๊อ เน หม่า จอแปแหร่ อา แกแยบูโพ๊พู๊ เตเพร, เร๊อ อา นอแฮแล เน เฮ๊อ.”

เพรโด่แนพู๊ เต๊เห่ 2:27

แว ซิครือซิลอ แหน่เจ๊อ, เมเตเฮ๊เร๊อ เน วีตาแก แว ซิปล่อเซอเพร เด๊อ โลเก่เน๊ดอโต่. เน นอซอนอหล่อแก เน แกแย บูโพ๊ เออเตเพร เด๊อ โลกู โต่.

เพรโด่แนพู๊ เต๊เห่ 24:5

“เป ซิเง เร๊อ แกแย เออเตเพร หม่า แกแย เด๊อ อา แม๊ปู เมดี๊แด อู. แกแย เด๊อ อา เมโอ่แถ่ลอ เตตอปลอตือซือ เด๊อ แกแยยิวพู๊ เต๊เห่ อาเกล จว๊าโต่ลอ เด๊อ เห่ขุต๊าบ่า เออเนอหมา อาเฮ๊อ. อา หม่า นาซาเร็ธพู๊ อาตู๊หมู่ตอกล๊อ อากู่กล๊อ เตเพร.

เพรโด่แนพู๊ เต๊เห่ 3:14

อา หม่า แกแยบูโพ๊, แกแยจ๊อแกแยเต เตเพร ตื๊อดื่อเร๊อ ซี วีแก อา. ซี กุย คุ๊ยปีลาต เน๊อ, ‘แด่ทูซิปล่อ เร๊อ ปลวาเถ่ เป่ เป แกแย เด๊อ อา เมเซอ อู เนอเตเพร.’

เพรโด่แนพู๊ เต๊เห่ 4:27

กู๊แหน่เร๊อ เด๊อ วีกู เออเนอ อา ทวาแถ่เฮ๊อ อาเหน่ ฮู๊เนอ เฮ๊อ! เมเตเฮ๊เร๊อ คุ๊ยเฮโรด เร๊อ ปอนทัสปีลาต โอ่กู๊โอ่แก๊ ตาฉื่อ เร๊อ แกแยยิวพู๊ หม่าโต่ เต๊เห่ เร๊อ แกแยยิวพู๊ เต๊เห่ เบ๊อะวีกูเออ. เร๊อ อา เตเน เมเซอ โหร่ลู เหย่ซู่ หม่าดื่อ เน หลู่เล๊บูโพ๊ เด๊อ เน เด๊อะทวา อา เร๊อ ครี๊ เออเนอ เตเพร.

ꤡꤛꤢꤩ꤭ꤗꤢ꤬ꤎꤣ꤬ 2:19

เน หยื่อเอ่ เน๊อ แบ่เจ่ จอแปแหร่ โอ่ตื๊อ เตเพรเพร่ว แพ๊. อาแร๊เฮ๊อ. โลเน๊มู๊แหม่รีแจ่ เต๊เห่ เจ๊อเนอ อา หยื่อเอ่ แซ่เกอ ดื่อ ฮู๊เนอเนอ, โท๊โต่ เหย่ซี หยื่อเอ่ เร๊อ อา ซิอิเช แตแนตากยา เจ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:20

หม่าแน๊เรอ เหย่ซู่ครี๊ เด๊อะแล แหย่โยบูโพ๊ แบ่เจ่ เด๊อ ซีโหล่ อาขว่าอาคยา, ล๋อ ซี เออเต๊เห่ เนอหม่า ซีซิเงเฮ๊อ เตหมะเตจ๊อ เฮ๊อ.

เตเด๊อะโลแถ่ 3:7

“ราจว๊า ลีเออ เด๊อ วีฟีลาเดลเฟีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อาบูโพ๊ อาจ๊ออาเต เออเตเพร อาโอ่. อา ปื่อหม่าโอ่ หนิ คุ๊ยดาวิด อาชอถิ. เบ๊อะอา บ๊าโม กู่ดา เบ๊อะเนอ, อู เมบี๊แจ่ เตเพร่ว โต่. เร๊อ เบ๊อะอา เมบี๊ เบ๊อะเนอ, อู บ๊าโมแจ่ เตเพร่ว โต่.