มัทธิว 9:9 - ลีเทส่อพ๊าอาเซ เร๊อ เห่ขุทวาลู๊

⁹ เบ๊อะแบ่เจ่ เหย่ซู่ เถ่จว๊าแก เบ๊อะเนอ, อา แม๊เถอะ แกแย เตเพร อามุย เร๊อ คูมัทธิว โอ่แนโอ่ แรเต เด๊อ เหล่กุย อาหมู่อาร๊า หี่กู. แบ่เจ่ เหย่ซู่ เฮ๊ ลู เน๊อ, “จว๋า, ครวาเกอ แวคยา เร๊อ ทวาเกอ แว โคเจ่.” เร๊อ คูมัทธิว ก๊อถ่อจว๊า เร๊อ ครวาเกอ ลูคยา.

Eastern Kayah Shadaw Dialect

⁹ ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤓꤢꤩ꤬ꤡꤝꤢꤊꤢꤧ꤭ ꤙꤣꤧꤔꤣꤧ꤬ꤢ꤬ꤋꤢꤩ꤭, ꤢ꤬ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤗꤢꤞꤢꤧ ꤥ꤬ꤔꤢꤧ꤭ꤥ꤬ ꤗꤢꤩ꤬ ꤒꤢꤩ꤬ꤗꤢꤩ꤬ ꤘꤣ ꤜ꤫ꤢꤩ꤬ꤊꤝꤤ꤭ ꤢ꤬ꤗꤢꤨ꤬ꤢ꤬ꤚꤢ ꤟꤤ꤬ꤊꤢꤨ꤭꤯ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤜꤢꤨ꤭ ꤔꤢꤧ, “ꤡꤝꤢ꤮, ꤋꤚꤝꤢ꤭ꤊꤣꤧ꤭ ꤠꤢꤧ꤭ꤋꤛꤢ꤭ ꤚꤣꤧ꤬ ꤓꤝꤢ꤭ꤊꤣꤧ꤭ ꤠꤢꤧ꤭ ꤋꤥ꤭ꤖꤢꤨꤡ꤫ꤢꤩ꤬꤯” ꤚꤣꤧ꤬ ꤋꤢꤨ꤭ꤗꤢꤞꤢꤧ ꤊꤣꤧ꤬ꤓꤢꤪ꤬ꤡꤝꤢ ꤚꤣꤧ꤬ ꤋꤚꤝꤢ꤭ꤊꤣꤧ꤭ ꤜꤢꤨ꤭ꤋꤛꤢ꤭꤯

มัทธิว 9:9 ပူးပေါင်းရင်းမြစ်များ

ꤗꤢ꤬ꤊꤢꤨ 3:18

คูอันดรูว์, เร๊อ คูฟีลิป, คูบารโธโลมิว, คูมัทธิว, คูโธมัส, เพอัลเฟอัส อาพู๊ คูยา กอบ, คูธัดเดอัส, คูซีโมน เด๊อ อา โม เกอเร๊อ อาเทออาเก่ เออเนอ เตเพร,

ꤊꤢ꤬ꤜꤢ꤬ꤒꤤ 1:16

แซ่ฮู๊ แว เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ ครี๊ อา เตซิครือมีลา อาเงเนอ, จอแปแหร่ ซิปล่อโอ่ เนอ อา เก่ เด๊อะโลแถ่ เป่ แว เร๊อ อาพู๊คู. เบ๊อะเนอเค, แว กุย เร๊อ แกแยเห่ขุพู๊ อา เตเด๊อะซิเง ยูแกล๊ยูโกล จว่า แว เตเพร่ว โต่.

เพรโด่แนพู๊ เต๊เห่ 1:13

เหย่ซี กาโต่ เด๊อ วีเยรูซาเล็ม อากู เร๊อ อา จว๊าแถ่โน เด๊อ หี่ เด๊อ เหย่ซี เหล่จว๊าโอ่โก๊ เกอเร๊อ แตแปล๊เตอเปลอ เออเนอเตเม เด๊อ อาขุเนอ โต๊โต่. เร๊อ เหย่ซี เออเต๊เห่หม่า แคร๋ อูเป เฮ๊เร๊อ คูเปโตร, คูยอห์น, คูยากอบ, คูอันดรูว์, เร๊อ คูฟีลิป, คูโธมัส, คูบารโธโลมิว, คูมัทธิว, คูอัลเฟอัส อาพู๊เพรคู คูยากอบ, คูซีโมน เด๊อ อา โม เกอเร๊อ อาเทออาเก่ เออเตเพร เน๊อ เพยากอบ อาพู๊เพรคู คูยูดาส ซีเต๊เห่ แพ๊.

ꤜꤢꤨꤊꤢ꤬ 6:15

คูมัทธิว เร๊อ คูโธมัส, เพอัลเฟ อาพู๊คู คูยา กอบ, เร๊อ คูซีโมน (อา ลา เมโมหนิ อาเทออาเก่ เร๊อ อา โอ่ เด๊อ แย๊หล่อ อาตู๊หมู่ตอกล๊อกู เร๊อ อู เอ๊ ลู เร๊อ แย๊หล่อพู๊.)

มัทธิว 10:3

โทเรอ คูฟีลิป เร๊อ คูบารโธโลมิว, คูโธมัส เร๊อ เพร กุยอาหมู่อาร๊า คูมัทธิว, โทเรอ เพอัลเฟอัส อาพู๊คู คูยากอบ โทเรอ คูธัดเดอัส,

มัทธิว 8:22

หม่าแน๊เรอ แบ่เจ่ เหย่ซู่ เฮ๊ฉื่อ ลู เน๊อ, “ครอครวา เจ๊อ เกอแว กู๊แหน่เออ, แกแย เด๊อ อา ครวาเกอ จอแปแหร่โต่ เต๊เห่ เนอหม่า อาแซ่ เร๊อ แกแยเซอ เออเนอเฮ๊อ. นอโล๊ เกอ เร๊อดื่อ แกแยเซอ เออเนอ เร๊อ เหย่ซีเนอ.”

มัทธิว 9:10

เบ๊อะแบ่เจ่ เหย่ซู่ เอ่ดี เหมาะเฮ๊ เด๊อ คูมัทธิว หี่ เบ๊อะเนอ, เพรกุยอาหมู่อาร๊า เต๊เห่ เร๊อ เพร เตซื๊อพู๊ เต๊เห่ แฮ เอ่เต่อปลู เอ่เต่อเผ่ เกอ ลอ เร๊อ เหย่ซู่ เร๊อ อา โคเจ่ เต๊เห่.

มัทธิว 20:4

เร๊อ อา เฮ๊ เหย่ซี เน๊อ, ‘แฮ แรเกอ แลแค เด๊อ แว แท๊ทือเผ่ขุ เนอ เร๊อ แว เก่ แม๊ เด๊อะโตเด๊อะเบ่ เป่ดื่อ ซี อาคว๊าอาเก่ ปา.’