มัทธิว 9:37 - ลีเทส่อพ๊าอาเซ เร๊อ เห่ขุทวาลู๊

³⁷ เบ๊อะเนอเค, อา เฮ๊ อา โคเจ่ เต๊เห่ เน๊อ, “โบ๊ เด๊อ เหล่เก๊ เนอ อามีเอ๊ลาเฮ๊อ, หม่าแน๊เรอ เพรเก๊โบ๊ โอ่ปีตี๋ แหน่เจ๊อ.

Eastern Kayah Shadaw Dialect

³⁷ ꤙꤣꤧꤔꤣꤧ꤬ꤢ꤬ꤋꤢꤩ꤭, ꤢ꤬ ꤟꤢꤩ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ, “ꤜ꤫ꤢꤩ꤬ꤊꤢꤩꤙꤥ ꤢ꤬ꤜ꤫ꤢꤩ꤬ꤥ꤬ ꤥ꤬ꤢꤩꤜꤥ꤬, ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤊꤢꤩꤙꤥ ꤥ꤬ꤕꤣꤧ꤬ꤒꤤ꤮ ꤔꤢꤧ꤬ꤡꤣꤧ꤯

มัทธิว 9:37 ပူးပေါင်းရင်းမြစ်များ

ꤜꤢꤨꤊꤢ꤬ 10:2

อา เฮ๊ เป่ เหย่ซี เน๊อ, “เหล่เก๊โบ๊ อาเหล่โอ่ โอ่เอ๊ลา, หม่าแน๊เรอ เพรเก๊โบ๊ โอ่ปีตี๋ แหน่เจ๊อ. เร๊อ กุย แลแค แหล่แบ่เจ่ เร๊อ อา เก่ นอแฮ เพรเก๊โบ๊ เต๊เห่ เด๊อ อาแหล่ขุ เออเนอ นี๋.

ꤗꤢ꤬ꤊꤢꤨ 16:15

เร๊อ อา เฮ๊ เหย่ซี เน๊อ, “จว๊าปีชีลอ เด๊อเห่ขุต๊าบ่าลอ เร๊อ จว๊าเล แด๊โฉ่โด่แน เป่ ลอ อู ปว๋า เตเพร เร๊อ เตซิครือซิลอมีลา เออเนอ นี๋.

โครินธ์ อาเหร่อเล๊อ ต๊าบ่า 3:9

เป หม่า เพรเมโหร่ลูเต เด๊อ จอแปแหร่ อาเง เต๊เห่ แพ๊. ซี หม่า อาแซ่เน๊อ จอแปแหร่ อา เกเร๊รา เด๊อ เป เหล่เมเอ่ อาเหล่โอ่. โท๊โต่ ซี หม่า อาแซ่เน๊อ หี่ เด๊อ จอแปแหร่ ช๊อแถ่ อา เตเม.

มัทธิว 28:19

เมฮู๊เนอเรอ, แว เฮ๊ซี๋ จว๊า แลแค เด๊อ แกแย เมว เจ่อ เต๊เห่ อาโอ่, เร๊อ จว๊า เมทวาแถ่ เหย่ซี เน๊อ แว โคเจ่ นี๋. จว๊า เจ เป่ แลแค เหย่ซี เทอ เร๊อ เพ อามุย, พู๊คู อามุย เร๊อ แหย่โยบูโพ๊แบ่เจ่ อามุย นี๋.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

เพรโด่แนพู๊ เต๊เห่ 16:9

เบ๊อะเนอเตเซ, คูเปาโล แม๊เถอะลว๊า เตเต๊อเจ่อ. เร๊อ อา แม๊เถอะลว๊า เน๊อ มาซิโดเนีย เก่พู๊ เตเพร แฮก๊อถ่อ กุยซิยอ ลู เน๊อ, “แฮโน เมจว่า เป่เกอเหย่ เร๊อ เป เด๊อ มาซิโดเนีย เก่กูเออ.”

ꤜꤢꤨꤊꤢ꤬ 24:47

โทเรอ เด๊อ อามุย อากู เร๊อ อู เก่ แด๊โฉ่โด่แน ถู่แหล่แต๊แกละกา ซิปล่อ อาหรี่อาแก เน๊อ เตปลวาแก เตซื๊อเตปล๊า เออเนอเต๊เห่ อาหรี่อาแก ปา. อู เก่ แด๊โฉ่โด่แน อา เด๊อ เก่โร ปวาเต๊อเจ่อ อาเง ปา, เร๊อ อู เก่ เป๊อแถ่ เฮ๊โฉ่เหร่อเล๊อ เด๊อ วีเยรูซาเล็ม อากู เนอปา.

ทิโมธี อาเหร่อเล๊อ ต๊าบ่า 5:17

โหมะพรูโหมะเผระ เด๊อ อา ทวา ทวาดุทวาเต เด๊อ อา เมแร๊เต เต๊เห่เนอ, ซี โตเบ่ แด่หยื่อแด่แหน่ เหย่ซี, โท๊โต่ เหย่ซี โตเบ่ พย๊าหนิ โป่เอ่โป่โอ เลคว๊าเลเก่. โหมะพรูโหมะเผระ เด๊อ อา ทวา ทวาดุทวาเต เด๊อ อา ครือเม จอแปแหร่ อาเตเม เต๊เห่, เร๊อ อา แด๊โฉ่โด่แน เป่ อู เน๊อ จอแปแหร่ อาลาอาโหง่ เร๊อ อา อิซว๊าอี๊แส่ เป่ อู เน๊อ จอแปแหร่ อาลาอาโหง่ เต๊เห่เนอ, ซี โตเบ่ แด่หยื่อแด่แหน่ เหย่ซี, เด๊อะโป่เอ่โป่โอ เป่ เหน่เจ๊อ เหย่ซี เลคว๊าเลเก่ เจ๊อ.

โคโลสี 4:11

คูเหย่ซู่ เด๊อ อู เอ๊ อา เร๊อ คูยุสทัส เออเตเพร ซูแลเกอ อา เตเฮ๊โมเฮ๊แร๊ เด๊อ ซี โอ่โอ่. แกแยยิวพู๊ เด๊อ อา หยื่อเอ่ ครี๊ เต๊เห่ อาเกลเนอ, เพร เด๊อ อา เมโหร่ เกอ เต เร๊อ แว เด๊อ จอแปแหร่ อาเทออาเก่ อาเงเนอ หม่า อา โอ่แพ๊ ซิโซโซ๋ แพ๊. เหย่ซี หม่า อา เมโม แหน่เจ๊อ แว ซิปล่อ.

เพรโด่แนพู๊ เต๊เห่ 18:10

เมเตเฮ๊เรอ เด๊อแว โอ่เกอดื่อ เร๊อ เน, เร๊อ อู เมแป่เมเช แจ่ เน เตเพร่ว โต่, เมเตเฮ๊เรอ แกแย โอ่เบ๊อะวี ตีวี อากู เนอเต๊เห่หม่า เพร เด๊อ อา หยื่อเอ่แหน่ แว เนอหม่า อา โอ่โหร่โอ่เอ๊ ลาเฮ๊อ.”

มัทธิว 9:38

เร๊อ กุย แลแค จอแปแหร่ เด๊อ อาทวา แหล่ แบ่เจ่ เนอ เร๊อ อา เก่ ซูจว๊า เพรเก๊โบ๊ เต๊เห่ เด๊อ อาแหล่ขุ เออเนอ นี๋.”

มัทธิว 20:1

“เมเตเฮ๊เรอ, ม๊อขุ เทอเลเก่กู หม่า อาแซ่เน๊อ เพร๊ แบ่เจ่ เตเพร เด๊อ อา เถ่จว๊า โรมื่อ เร๊อ อา จว๊า แด่เก่ แฮ อู เด๊อ อา แท๊ทือเผ่ขุ. เออเนอเฮ๊อ.

ꤡꤛꤢꤩ꤭ꤗꤢ꤬ꤎꤣ꤬ 5:4

อู เม เป่ ซีแหล่ เร๊อ ซี เด๊อ อู อาคว๊าอาเก่ โต่. หนิดา เมอ แลแค, เหย่ซี อาคว๊าอาเก่ เอ๊โทแถ่สฉื่อเฮ๊อ ซี เฮ๊อ. โทเรอ เพรเก๊ปล๊อดว๊า เป่ ซี โบ๊ เออเต๊เห่ ตามวาเตเล ซี เออเนอ อา โต่แถ่เฮ๊อ เด๊อ เตโพรเตเตอเรอ อา แบ่เจ่ จอแปแหร่ อา โอ่เฮ๊อ. เร๊อ อา หนิโฮ เฮ๊อ เหย่ซี อาเตตามวาเตเล เออเต๊เห่ เฮ๊อ.