มัทธิว 9:36 - ลีเทส่อพ๊าอาเซ เร๊อ เห่ขุทวาลู๊

³⁶ เบ๊อะอา แม๊เถอะ แกแย เบ๊หมู่ เด๊อ อา เบ่แป่เบ่เช เร๊อ อาเหล่ ซิเล เกอเร๊อ อู โอ่ เตเพร่ว โต่ เร๊อ อา แซ่เน๊อ ซิหมิ ตู๊หมู่ เด๊อ อู เพรเก เหย่ซี โอ่โต่ เออ เต๊เห่ เบ๊อะเนอ, แบ่เจ่ เหย่ซู่ ซิยอ เกอเร๊อ แหน่เจ๊อ เหย่ซี.

Eastern Kayah Shadaw Dialect

³⁶ ꤙꤣꤧ ꤢ꤬ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤘꤣ ꤢ꤬ ꤙꤢꤩ꤬ꤕ꤫ꤢꤧ꤬ꤙꤢꤩ꤬ꤏꤢꤩ꤭ ꤚꤣꤧ꤬ ꤢ꤬ ꤜ꤫ꤢꤩ꤬ꤞꤤꤜꤢꤩ꤬ꤚꤣꤧ ꤢꤨ꤭ ꤢ꤬ ꤥ꤬ ꤊꤣꤧ꤭ꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬ ꤚꤣꤧ꤬ ꤢ꤬ꤞꤢꤧꤔꤢꤧ ꤞꤤꤗꤤ꤬ ꤒꤣ꤬ꤗꤢꤨ꤬ ꤘꤣ ꤢꤨ꤭ ꤖꤚꤢꤩ꤬ꤊꤢꤩ꤭ ꤛꤢꤩ꤬ꤞꤤ꤭ ꤥ꤬ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭꤯

มัทธิว 9:36 ပူးပေါင်းရင်းမြစ်များ

ꤗꤢ꤬ꤊꤢꤨ 6:34

เบ๊อะแบ่เจ่ เหย่ซู่ โอ่ เด๊อ ส่อเกลอกู เถ่ เบ๊อะเนอ, อา แม๊เถอะ แกแย ตู๊หมู่ดุ จว๊า โอ่ป่อ หนื่ออื่อ เหร่อ ลอเฮ๊อ เด๊อ เงเฮ๊อ. เร๊อ อา ซิยอ เกอเร๊อ แหน่ เจ๊อ เหย่ซี เจ๊อ, เมเตเฮ๊เรอ แกแย เออเนอเต๊เห่ อาแซ่เน๊อ ซิหมิ. เต๊เห่ เด๊อ เพรเก โอ่ ลู โต่ เนอ อาคยา อา เป๊อแถ่ อิซว๊า เอ๊เป่ แหน่เจ๊อ เหย่ซี.

มัทธิว 14:14

เบ๊อะแบ่เจ่ เหย่ซู่ เถ่โคขุเออ เบ๊อะเนอ, อา แม๊เถอะ แกแย เบ๊หมู่ดุ จว๊า โอ่ป่อ โอ่หนื่ออื่อ เหร่อ ลอเฮ๊อ เด๊อ เงเฮ๊อ. เบ๊อะอา แม๊เถอะ เหย่ซี เนอ อา ซิยอ เกอเร๊อ เหย่ซี เร๊อ อา แหย่โอ่เหม่ เป่ลอ แกแยชุ๊ย เด๊อ เหย่ซีเกล เนอเต๊เห่.

มัทธิว 15:32

แบ่เจ่ เหย่ซู่ เอ๊แฮ อา โคเจ่ เต๊เห่ เด๊อ อา โอ่ เร๊อ อา เฮ๊ เหย่ซี เน๊อ, “แว ซิยอ เกอเร๊อ แหน่เจ๊อ แกแย เออเต๊เห่, อา โอ่ เกอ แลแค เจ๊อ แว เบ๊อะเออ หม่า อา บา เฮ๊อ โซเนอ เฮ๊อ. เหย่ซี เหล่เอ่เหล่โอ โอ่ แลแค เตอเจ๋อ โต่. แว ซิหยื่อ เหย่ซี โอ่วี กา เด๊อ แกล๊ ลูโต่, ปาหม่า เหย่ซี แลแด๊เอ่แลแด๊โอ เร๊อ แลคื๊อแลปอ กาลอ เด๊อ แกล๊ลู เห่.”

มัทธิว 15:24

เร๊อ แบ่เจ่ เหย่ซู่ เฮ๊ฉื่อ เพรเหมาะ เออเตเพร เน๊อ, “จอแปแหร่ นอแฮ ตื้อแพ๊ แว เด๊อ อิสราเอลพู๊ เด๊อ อาแซ่เน๊อ ซิหมิ โอ่เหม่ เต๊เห่ อาเง แพ๊.”

ꤟꤤꤙꤚꤢꤨ 5:2

เหย่ซี ย๋อ ทวาแพ๊ แกแยเห่ขุพู๊ อาขว่าอาคยา, อา เมซื๊อเมปล๊า แลแค แพ๊. ฮู๊เนอเรอ แกแย เด๊อ อา ซิเง ตาเต เกอ อู เตหมะเตจ๊อ โต่ เร๊อ อา เมซื๊อเมปล๊า เต เต๊เห่ อาเงเนอ, เหย่ซี เตเน ซิยอแจ่ เป่เกออู โต่.

ꤟꤤꤙꤚꤢꤨ 4:15

เป เพรหลู่แต กู่กล๊อดุเล๊อ เออเตเพรเนอ, อา ซิเง เป เตอ๊าเจ่เหร่เจ่ เต๊เห่ เร๊อ อา ซิยอ เกอเร๊อ เป. เมเตเฮ๊เรอ อา แม๊เถอะ ป่อชิเต่อเบ่ น๊อเฮ๊อ เน๊อ เตอิลออี๊โหล่ ปว๋า เต๊อเจ่อ ฮู๊ เป แม๊เถอะ ป่อชิเต่อเบ่ เออเนอ หม่าแน๊เรอ อา เมซื๊อเกอ เต โต่.

มัทธิว 10:6

จว๊าตื๊อแพ๊ เด๊อ เปเมวเจอะ อิสราเอลพู๊ เด๊ออาเกล เด๊อ อาแซ่เน๊อ ซิหมิ โอ่เหม่ เนอเต๊เห่ อา โอ่ เนอแพ๊ นี๋.

ꤗꤢ꤬ꤊꤢꤨ 8:2

“แว ซิยอ เกอเร๊อ แหน่เจ๊อ แกแย เออเต๊เห่, อา โอ่ เต่อ เกอ แว เบ๊อะเออ หม่า อา บา เฮ๊อ โซเนอ เฮ๊อ. เหย่ซี เหล่เอ่เหล่โอ โอ่ แลแค เตอเจ๋อ โต่.