มัทธิว 9:28 - ลีเทส่อพ๊าอาเซ เร๊อ เห่ขุทวาลู๊

²⁸ เบ๊อะแบ่เจ่ จว๊าโน เด๊อ หี่ เตเมกู เบ๊อะเนอ, แกแย เออซิเนอ ครวาโน เกอ ลู เร๊อ แบ่เจ่ เหย่ซู่ แด๊เฮอ เหย่ซี เน๊อ, “แว เมลี แจ่ ซี เป๊เส่, หม่า ซี หยื่อเอ่ แอ?” เหย่ซี เฮ๊ฉื่อ เน๊อ, “อ่อ, เป หยื่อเอ่, แบ่เจ่”

Eastern Kayah Shadaw Dialect

²⁸ ꤙꤣꤧ ꤙꤢꤧ꤬ꤡꤢꤩ꤬ ꤡꤝꤢꤔꤥ꤭ ꤘꤣ ꤟꤤ꤬ ꤒꤣ꤬ꤗꤢꤩ꤭ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤣꤧ꤭ꤞꤤꤔꤣꤧ꤭ ꤋꤚꤝꤢ꤭ꤔꤥ꤭ ꤊꤣꤧ꤭ ꤜꤢꤨ꤭ ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤘꤣꤧꤟꤣꤧ꤭ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤗꤢꤩ꤬ꤜꤤ꤭ ꤡ꤫ꤢꤧ꤬ ꤞꤤ꤭ ꤕꤣꤧꤞꤢꤩ꤬ ꤔꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤟꤢꤧ꤭?” ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤔꤢꤧ, “ꤢꤪ꤬, ꤕꤢꤩ꤬ ꤛ꤫ꤢꤦ꤬ꤢꤩ꤬, ꤙꤢꤧ꤬ꤡꤢꤩ꤬꤯”

มัทธิว 9:28 ပူးပေါင်းရင်းမြစ်များ

มัทธิว 9:22

แบ่เจ่ เหย่ซู่ ตีรี๊ แม๊กาคยา เร๊อ แม๊เถอะ ลู เบ๊อะเนอ, อา เฮ๊ ลู เน๊อ, “พู๊เหมาะ, แด่ฉว่าแด่ชอ เน ซิปล่อ นี๋, เน เตหยื่อ เออเนอ, อา แหย่โอ่เหม่ แกเฮ๊อ เร๊อ เตเชเฮ๊อ.” เออโตโพ๊เรอ เพรเหมาะ เออเตเพร อา เตเชเนอ, อา โอ่เหม่ โตโพ๊ โอ่เหม่แก เจ๊อ.

มัทธิว 8:2

แกแย เตเชมู๊แหม่ เด๊อ พ๊าลู เตเพร แฮ แด๊งือแล เด๊อ ลูเป๊เส่เง เร๊อ อา เฮ๊ ลู เน๊อ, “แบ่เจ่, เน เก่ ซิปล่อโอ่ เฮ๊เรอ แหย่โอ่เหม่ เป่ แว เตเชเออ เฮ๊เนอหม่า, เน แหย่แจ่ แพ๊.”

ꤛꤥ꤭ꤟꤢ꤬ 11:40

“แว เฮ๊โทเฮ๊อ เน เนอ, เน เก่ หยื่อเอ่ เร๊อ เน เก่ แม๊เถอะ จอแปแหร่ อา เตลีเตเค ปา, แวเฮ๊โต่?” แบ่เจ่ เหย่ซู่ เฮ๊ เหย่ซี ฮู๊เนอ.

ꤛꤥ꤭ꤟꤢ꤬ 11:26

เมเตเฮ๊เรอ แกแย เด๊อ อา หยื่อเอ่ แว เต๊เห่เนอ, อา เก่ พย๊าหนิ ซิปล่อเซอเพร ตูจูเพร ปา, อา เซอปา โตโพ๋ โต่. เหมาะมารธา, แว เฮ๊เออ, เน หยื่อเอ่ แอ?”

มัทธิว 13:58

แกแย เบ๊อะเนอ เต๊เห่ ย๋อ หยื่อเอ่เกอ แบ่เจ่ เหย่ซู่ โต่ อาขว่าอาคยา, อา เด๊อะโลแพ๊ เตโค๊ตีกลี๊ เนอเต๊เห่ ตี๊กิ แพ๊.

มัทธิว 8:14

เบ๊อะแบ่เจ่ เหย่ซู่ จว๊าโน เด๊อ เปโตร อาหี่ เบ๊อะเนอ, อา แม๊เถอะ คูเปโตร อา เผระเพร เหมาะ อาชุ๊ยเหน่กู เร๊อ อา โอ่เมอแต่ แพ๊ เด๊อ อาเหล่เมอ แพ๊.

มัทธิว 13:36

เร๊อ อา เถ่จว๊าแก เด๊อ แกแย โอ่โหร่โอ่เอ๊ อาเกล เร๊อ อา จว๊าโน เด๊อ หี่กู, เร๊อ อา โคเจ่ เต๊เห่ แฮ เฮ๊ ลู เน๊อ, “เฮ๊โปล เป่ เป เร๊อ เน แด๊โฉ่ ค๊าโข่ โร๊ยเหมาะ โอ่ เด๊อ กู่เกลขุ เนอเต๊เห่ อาโหง่แลช๊า เนอแต๋.”

มัทธิว 9:27

เบ๊อะแบ่เจ่ เหย่ซู่ เถ่จว๊าแก เบ๊อะเนอ โต๊โผ่ เบ๊อะเนอ, แกแย เป๊เส่คี๊ ซิเนอ ครวา เอ๊โท เกอ ลู เน๊อ, “เก๋อ เพดาวิด อาพู๊, ซิยอ เร๊อ เมจว่า เกอ เป นี๋.”

มัทธิว 9:29

เร๊อ แบ่เจ่ เต่อแฮ เหย่ซี เป๊เส่ปล่อ เร๊อ อา เฮ๊ เน๊อ, “เด๊อ ซี หยื่อเอ่ อาขว่าอาคยา, แว แหย่โอ่เหม่ ซี.”

มัทธิว 13:1

เบ๊อะเนอ เตอเนอเฮ๊อ, แบ่เจ่ เหย่ซู่ เถ่จว๊าแก เบ๊อะหี่เนอ เตเม อากู เร๊อ อา จว๊า โอ่แนโอ่ เด๊อ เทอดุซาวาทือ.

เพรโด่แนพู๊ เต๊เห่ 14:9

อา โอ่แน หนิดา คูเปาโล แด๊โฉ่โด่แน เบ๊อะเนอ. คูเปาโล แม๊ตาต๊า ลู เร๊อ อา ซิเง เร๊อ อา โอ่ เร๊อ อา เตหยื่อเตแหน่ เด๊อ อา เมโอ่เหม่เบ๊ เป่ลู กู๊โด่ด๊าตือรือ อาขว่าอาคยา, อา เอ๊โทเฮ๊ ลู เน๊อ, “ก๊อถ่อมอ” เร๊อ แกแย กู๊โด่ด๊าตือรือ เออเตเพร ป่าก๊อถ่อ จว๊ากาจว๊าแฮ เบ๊อะเนอ.