มัทธิว 9:13 - ลีเทส่อพ๊าอาเซ เร๊อ เห่ขุทวาลู๊

¹³ หม่าแน๊เรอ แม๊ปูซิเง แลแค จอแปแหร่ ซิหยื่อ เฮ๊ อาโหง่แลช๊า เต๊เห่ เด๊อ อา เฮ๊ เน๊อ, ‘แว ซิหยื่อ เตหลู่เตแต โต่, แว ซิหยื่อแพ๊ เตซิยอกล่าเบ่ เกอเร๊อ ลู เตเพร เน๊อ เตเพร เนอแพ๊.’ เมเตเฮ๊เรอ, แว แฮ เอ๊ กา แกแย เด๊อ อาจ๊ออาเต เนอเต๊เห่ หม่าโต่. แว แฮ เอ๊ กา แพ๊ แกแย เด๊อ อา เตซื๊อเตปล๊าโอ่ดื่อ เง เนอเต๊เห่ แพ๊.”

Eastern Kayah Shadaw Dialect

¹³ ꤗꤢ꤬ꤔꤢꤧꤚꤣꤧ꤬ ꤗꤢꤧꤕꤢꤨ꤭ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤞꤤꤛ꤫ꤢꤦ꤬ ꤟꤢꤩ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤟꤢꤩ ꤔꤢꤧ, ‘ꤠꤢꤧ꤭ ꤞꤤꤛ꤫ꤢꤦ꤬ ꤒꤢꤩ꤬ꤜꤢꤨ꤭ꤒꤢꤩ꤬ꤒꤢꤧ꤭ ꤒꤥ꤬, ꤠꤢꤧ꤭ ꤞꤤꤛ꤫ꤢꤦ꤬ꤖꤢꤧ ꤒꤢꤩ꤬ꤞꤤꤛꤢꤪ꤬ꤊꤜꤢ꤬ꤙꤢꤩ꤬ ꤚꤣꤧ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬ꤖꤢꤧ꤯’ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤟꤢꤧ꤭ ꤢꤩꤊꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤡꤢꤪꤢ꤬ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤟꤢꤧ꤭ ꤢꤩꤊꤢ꤬ꤖꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤥ꤬ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯”

มัทธิว 9:13 ပူးပေါင်းရင်းမြစ်များ

ꤗꤢ꤬ꤊꤢꤨ 2:17

เบ๊อะเหย่ซู่ หนิโฮ เหย่ซี แด๊เฮอ ฮู๊เออ เบ๊อะเนอ, อา เฮ๊กาคยาฉื่อ เหย่ซี เน๊อ, “แกแย เด๊อ อา โอ่โมโอ่รี เต๊เห่เนอ, อา โหล่ เร๊อ เตขุ ซ๊าร๊าดุ โต่. แกแย เด๊อ อาชุ๊ยอาเช เต๊เห่เนอ ตื๊อหม่า อา โหล่ แพ๊ เตขุ ซ๊าร๊าดุเนอ แพ๊. แว จว๊า เอ๊กา แกแย เด๊อ อาจ๊ออาเต เนอเต๊เห่ หม่าโต่ แว จว๊า เอ๊กาแพ๊ แกแย เด๊อ อา เตซื๊อเต่ปล๊า อาโอ่ เนอเต๊เห่ แพ๊.”

ꤜꤢꤨꤊꤢ꤬ 19:10

เมเตเฮ๊เรอ แกแย อาพู๊ หม่าเฮ๊อ แวเออ, แว แฮ แม๊ปู เตเมแลเปล๊กา แกแย เด๊อ อา โอ่เหม่ เต๊เห่.”

ꤜꤢꤨꤊꤢ꤬ 5:32

แว แฮ เอ๊กา แกแย เด๊อ อาจ๊ออาเต เนอเต๊เห่ หม่าโต่. แซ่ฮู๊ เพรเตเหล่ซื๊อพู๊ เต๊เห่ เก่ ถู่แหล่แต๊แกละกา แลแค อาซิปล่อ เนอเรอ, แว แฮ เอ๊กา เหย่ซี แพ๊.”

มัทธิว 12:7

‘แว ซิหยื่อ เตหลู่เตแต โต่, แว ซิหยื่อ แพ๊ เตซิยอ กล่าเบ่ หนิ ลู เตเพร๊ เน๊อ เตเพร แพ๊,’ จอแปแหร่ เฮ๊ โหง่ เออตือมือเนอ, ซี เก่ ซิเง บย่า อาโหง่แลช๊า เฮ๊เนอหม่า, แกแย เด๊อ อาเตซื๊อ โอ่โต่ เต๊เห่เนอ, ซี แด่ เน๊อ เหย่ซี เตซื๊อ แตแค๋ โต่.

เปโตร เนอบ่า ต๊าบ่า 3:9

ฮู๊เนอเรอ แกแย เต๊เห่เห่ เตเน เร๊อ ม๊อเนอ ม๊อเซยอ หม่าแน๊เรอ, แบ่เจ่ อ๊อแล เด๊อ อา เก่ แฮ คยาแซ๊ ปาเนอ, อา เมยอ เน๊อ โต่. จอแปแหร่ ซิหยื่อ นอจว๊าโต่ อู เด๊อ เตปย๊าเตแก เตเพร่ว โต่, โทเรอ อา ซิหยื่อ นอ ซิปล่อ แต๊แกละกา ลอ อู ปว๋า เตเพร อาขว่าอาคยา, อา แด่ทูซิปล่อ เป่ เด๊อ ซีเง แพ.

เพรโด่แนพู๊ เต๊เห่ 3:19

แซ่ฮู๊ จอแปแหร่ เก่ ปลวาแก ซีเตซื๊อ เนอเร๊อ, ถู่แหล่แต๊แกละกา แลแค ซี ซิปล่อ เร๊อ กี่กย๊า กาคยา คยาแซ๊ แลแค เด๊อ จอแปแหร่ อา โอ่. ซี เก่ เมฮู๊เนอ เฮ๊เรอ ช๋า ม๊อเนอโตม๊อเนอเบ่ เฮ๊อ ปาเนอ แบ่เจ่ จอแปแหร่ อา เด๊อะอ๊าเด๊อะเหร่ คยา ซี ปา.

เพรโด่แนพู๊ เต๊เห่ 11:18

เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”

มัทธิว 3:2

เร๊อ อา เฮ๊ เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทออาเก่ ผื่อแถ่เฮ๊อ.”

เพรโด่แนพู๊ เต๊เห่ 5:31

แซ่ฮู๊ จอแปแหร่ เก่ เด๊อ เป่ อิสราเอล เต๊เห่ เตถู่แหล่แต๊แกละกา อา ซิปล่อ เน๊อ ปลวาแก เตซื๊อ เต๊เห่ อาเงเนอ, อา แด่โอ่เฮ๊อ เหย่ซู่ เด๊อ อากู๊ขุ จ๊อทว๊า ตากยา ฮู๊ แกแย ทวาดุทวาทู เตเพร เร๊อ เพรเมแลเปล๊กา อู เตเพรเนอ เฮ๊อ.

ꤜꤢꤨꤊꤢ꤬ 24:47

โทเรอ เด๊อ อามุย อากู เร๊อ อู เก่ แด๊โฉ่โด่แน ถู่แหล่แต๊แกละกา ซิปล่อ อาหรี่อาแก เน๊อ เตปลวาแก เตซื๊อเตปล๊า เออเนอเต๊เห่ อาหรี่อาแก ปา. อู เก่ แด๊โฉ่โด่แน อา เด๊อ เก่โร ปวาเต๊อเจ่อ อาเง ปา, เร๊อ อู เก่ เป๊อแถ่ เฮ๊โฉ่เหร่อเล๊อ เด๊อ วีเยรูซาเล็ม อากู เนอปา.

มัทธิว 4:17

ตาเป่แฮ เบ๊อะเนอเรอ เหย่ซู่ เป๊อแถ่ แด๊โฉ่โด่แน เป่ อู เน๊อ, “ถู่แหล่แต๊แกละ แลแค ซีซิปล่อ, เมเตเฮ๊เรอ ม๊อขุ อาเทอ อาเก่ ผื่อแถ่เฮ๊อ.”

เพรโด่แนพู๊ เต๊เห่ 2:38

คูเปโตร เฮ๊ เป่ เหย่ซี เน๊อ, “แซ่ฮู๊ จอแปแหร่ เก่ ปลวาแก ซี เตซื๊อ เต๊เห่เนอ, ถู่แหล่แต๊แกละกา แลแค ซิปล่อ ปว๋า เตเพร เร๊อ เจ แลแค ซีเหน่ เร๊อ เทอ เด๊อ เหย่ซู่ครี๊ อามุย อากูเนอ, ตื๊อหม่า จอแปแหร่ เก่ เด๊อะ ซี เชหยู่ หม่าเฮ๊อ แหย่โยบูโพ๊แบ่เจ่ เออเนอ ปา.

มัทธิว 3:8

ซี เก่ ถู่แหล่แต๊แกละ หม่าแหน่ เฮ๊อ ซี ซิปล่อเฮ๊อ เก่เฮ๊เรอ เด๊อะโล แลแค ซี เตโอ่เซอเพร เต๊เห่ เนอ ซี เตแด่ ซี ซิปล่อสู่เทอ เต๊เห่.

เพรโด่แนพู๊ เต๊เห่ 20:21

แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, แว เฮ๊ตาชอ แหน่เจ๊อ เหย่ซี เนอหมู่ลอ เน๊อ, ถู่แหล่ เต๊เปล่ แลแค ซี ซิปล่อ เร๊อ หยื่อเอ่แหน่ เกอ แลแค แบ่เจ่ เหย่ซู่, แว เฮ๊ เป่ เหย่ซี ฮู๊เนอ เนอ.

มัทธิว 21:42

แบ่เจ่ เฮ๊ เหย่ซี เน๊อ, “ลีเทส่อพ๊ากู ราม๊า เนอ, ‘แกแย เมแถ่ หี่ เร๊อ หล่อ เด๊อ เหย่ซี วีแก ลู เนอเตเมเนอ อา ทวาแถ่ หล่อ เด๊อ อา ตาทว๊าหม่า ลอ เจ๊อ หี่เตเม เจ๊อ เออเนอหมา แบ่เจ่ จอแปแหร่ เมเต แพ๊, เร๊อ อา เมเต เออเนอหมา อา โคตีกลี๊ แหน่เจ๊อ’ ลีเทส่อพ๊ากู ราม๊า เออเนอหม่า ซี แด๊น๊อ เกออู โตโพ๋ โต่ แอ? ซี เกล๊ แด๊ น๊อ แหน่ แพ๊.”

มัทธิว 12:3

แบ่เจ่ เหย่ซู่ เฮ๊ฉื่อ เหย่ซี เน๊อ, “เบ๊อะคุ๊ยดาวิด เร๊อ อา โคแบ๊ซว๊า เต๊เห่ แลแด๊เอ่แลแด๊โอ เบ๊อะเนอ, อา เมแคร๋ อิเตเต เนอหม่า ซี แด๊น๊อ เกอแหน่ อู โต่ แอ?

ꤗꤢ꤬ꤊꤢꤨ 12:26

คูโมเสส ราม๊าแก เตเซอเพร กาคยา อาหรี่อาแก คยา เด๊อ อา ลีอู๊กู เบ๊อะหมิอือ แจ๊โจ่ เตแด๊แก เนอโต๊โต่ อากูเนอ, แว เตเน เร๊อ ซี แด๊น๊อ เฮ๊อ. เบ๊อะลีกูเนอ, จอแปแหร่ เฮ๊ คูโมเสส ฮู๊เต เฮ๊เรอ, ‘แว หม่า เพอับราฮัม อา จอแปแหร่, เพอิสอัด อา จอแปแหร่, เร๊อ เพยาโคบ อา จอแปแหร่,’ คูโมเสส ราแก ฮู๊เนอ.

ꤛꤥ꤭ꤟꤢ꤬ 10:34

เร๊อ แบ่เจ่ เหย่ซู่ เฮ๊ฉื่อ เหย่ซี เน๊อ, “เด๊อ ซี เตซว๊าเตแส่ อากู เนอ, อา ราโอ่ ตามา เน๊อ, ‘แว เฮ๊ เร๊อ ซี หม่า จอแปแหร่ เต๊เห่,’ อา เฮ๊ ฮู๊เนอ แวเฮ๊โต่?

มัทธิว 19:4

แบ่เจ่ เฮ๊ฉื่อ เหย่ซี เน๊อ, “เด๊อ เห่ขุทวาลู่ ม๊อขุทวาเซ เบ๊อะเนอ, ‘จอแปแหร่ แบ๊แล ตื้อ แพ๊ เพรคู เตเพร เร๊อ เพรเหมาะเตเพร แพ๊’ เนอหม่า ซี แด๊น๊อ เกออู โต่ แอ?

มัทธิว 12:5

โท๊โต่ เพรลูแตเต เด๊อ จอแปแหร่ อาหี่กู เต๊เห่เนอ, เบ๊อะม๊อเนอโด่ เบ๊อะเนอ, เหย่ซี จว๊าตาลว๊า เคตาแก ม๊อเนอโด่ อา เตซว๊าเตแส่, หม่าแน๊เรอ อาเตซื๊อโอ่โต่เฮ๊เนอ หม่า ซี แด๊น๊อ แตแค๋ โต่ แอ?

ꤜꤢꤨꤊꤢ꤬ 10:26

เหย่ซู่ เฮ๊ฉื่อ อา เน๊อ, “ลีเทส่อพ๊า อา เตซว๊าเตแส่ เฮ๊ ฮู๊เต? เน แด๊เบ่น๊อ เร๊อ เน ซิเง ฮู๊เต?”

ꤗꤢ꤬ꤊꤢꤨ 12:33

เป เบ่ลอซิปลอสู่เทอ เป จอแปแหร่ เร๊อ เป ซิปล่อ เตเมลอ, เร๊อ เป เหล่เตเน ล๋อ ปลี, เปอ๊าเปเหร่ ล๋อ ปลี, โท๊โต่ เป เบ่ โมหนิ แกแย เด๊อ อาโรเต๊เห่ แซ่เน๊อ เป โม เกอเร๊อ เปเหน่ เนอหมา อาแร๊เล๊อ ปา เจ๊อ เร๊อ ล๋อ, เป ซื๊ออือ หลู่แถ่ เตมีเตดอ ชีโด เร๊อ หมิ เร๊อ ล๋อ, เป เมหลู่แถ่ เตเด๊อ อาโร เต๊เห่ เจ๊อ เนอหมา แว ซิเง,” อา เฮ๊ฉื่อ ลู ฮู๊เนอ.

ꤜꤢꤨꤊꤢ꤬ 5:31

เหย่ซู่ เฮ๊ฉื่อ เหย่ซี เน๊อ, “แกแย เด๊อ อาโอ่โมโอ่รี โอ่ฉว่าโอ่ชอ เต๊เห่เนอ อา โหล่ เร๊อ เตขุซ๊าร๊าดุ โต่ แกแย เด๊อ อาชุ๊ยอาเช เต๊เห่เนอ ตื๊อหม่า อา โหล่ แพ๊เตขุซ๊าร๊าดุ แพ๊.