มัทธิว 8:9 - ลีเทส่อพ๊าอาเซ เร๊อ เห่ขุทวาลู๊

⁹ หม่าเมเตเร๊อ แว เฮ๊ ฮู๊เออ เฮ๊เนอเรอ แว แหน่แบ่เจ่ แว เบ่ หนิดา แกแย เด๊อ อาดุเล๊อ เน๊อ แว เต๊เห่ อาโหง่. ฮู๊เนอ เกลอฮู๊ เด๊อ อาโอ่ เด๊อ แวเล เต๊เห่เนอ อา เบ่ หนิดา เกอดื่อ แวโหง่ ฮู๊เนอเนอ. เก่ แว เฮ๊ เกลอฮู๊ เตเพร เพร เน๊อ, ‘จว๊ามอ,’ เฮ๊เนอหม่า อา เบ่จว๊า แพ๊, เก่ แว เฮ๊ ลาติ เด๊อ อาโรเตเพร เน๊อ, ‘แฮมอ,’ เฮ๊เนอหม่า อา เบ่ แฮ แพ๊. โท๊โต่ แว เก่ เฮ๊ แวหลู่ เน๊อ, ‘เมมอเออ,’ เฮ๊เนอหม่า อา เบ่ เม แพ๊.”

Eastern Kayah Shadaw Dialect

⁹ ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤟꤢꤩꤔꤣꤧ꤬ꤚꤣꤧ꤬ ꤠꤢꤧ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤠꤢꤧ꤭ ꤙꤢꤩ꤬ ꤔ꤫ꤤ꤬ꤘꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤘꤢꤨ꤬ꤜꤣ ꤔꤢꤧ ꤠꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬꤯ ꤟꤢꤨꤔꤣꤧ꤬ꤟꤣꤧ ꤊꤜꤣꤧ꤭ꤟꤢꤨ ꤘꤣ ꤢ꤬ ꤥ꤬ ꤘꤣ ꤠꤢꤧ꤭ꤜꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤙꤢꤩ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤘꤢꤦ꤬ ꤠꤢꤧ꤭ꤍ꤫ꤥ꤬ ꤟꤢꤨꤔꤣꤧ꤬ꤔꤣꤧ꤬꤯ ꤊꤢꤩ꤬ ꤠꤢꤧ꤭ ꤟꤢꤩ ꤊꤜꤣꤧ꤭ꤟꤢꤨ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤢꤧ, ‘ꤡꤝꤢꤗꤣꤧ꤭,’ ꤟꤢꤩꤔꤣꤧ꤬ꤗꤢ꤬ ꤢ꤬ ꤙꤢꤩ꤬ꤡꤝꤢ ꤖꤢꤧ, ꤊꤢꤩ꤬ ꤠꤢꤧ꤭ ꤟꤢꤩ ꤜꤢ꤭ꤒꤢꤩ꤬ ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤔꤢꤧ, ‘ꤟꤢꤧ꤭ꤗꤣꤧ꤭,’ ꤟꤢꤩꤔꤣꤧ꤬ꤗꤢ꤬ ꤢ꤬ ꤙꤢꤩ꤬ ꤟꤢꤧ꤭ ꤖꤢꤧ꤯ ꤓꤥ꤭ꤒꤥ꤬ ꤠꤢꤧ꤭ ꤊꤢꤩ꤬ ꤟꤢꤩ ꤠꤢꤧ꤭ꤡ꤫ꤢꤦ꤬ ꤔꤢꤧ, ‘ꤗꤢꤩ꤬ꤗꤣꤧ꤭ꤣꤧ꤭,’ ꤟꤢꤩꤔꤣꤧ꤬ꤗꤢ꤬ ꤢ꤬ ꤙꤢꤩ꤬ ꤗꤢꤩ꤬ ꤖꤢꤧ꤯”

มัทธิว 8:9 ပူးပေါင်းရင်းမြစ်များ

ꤒꤤꤒꤢꤨ 2:9

แกแย เด๊อ อา ทวา หลู่เล๊ เต๊เห่เนอ, อา เม อิเตเต๋ เบ่เบ่, อา โตเบ่ เด๊อะเป๊อ อาเหน่ เร๊อ อาแหน่แบ่เจ่ เร๊อ เหย่ซี เบ่ เมโต อาแหน่แบ่เจ่ เต๊เห่ อาซิปล่อ. เหย่ซี เบ่ กย๊าฉื่อ เท๊ฉื่อหนิ อาแหน่แบ่เจ่ โต่.

โคโลสี 3:22

หลู่ ซี๋ หนิดา แลแค ซีแบ่เจ่ เต๊เห่ อาโหง่ เด๊อ เตล๋อ ปลี อากู นี๋. ซี ซิหยื่อ พย๊าหนิ อา เตถู่เซ๊ ซี เร๊อ ซี เมแร๊ แลแค แพ๊ตื๊อ เบ๊อะอา เป๊เส่เง แพ๊. เม แลแค ฮู๊เนอ แต่เหม่ นี๋. เมแร๊ แลแค ปว๋า โตโพ๊ เด๊อ เตซิปล่อจ๊อ ซิปล่อเต อากู นี๋. เมเตเฮ๊เรอ, เด๊อ ซี ย๋อ แด่หยื่อแด่แหน่ แลแค จอแปแหร่ อาขว่าอาคยา, ตูรู๊ เมแร๊ แลแค นี๋.

ꤜꤢꤨꤊꤢ꤬ 7:8

หม่าเมเตเรอ แว เฮ๊ ฮู๊เออ เนอหม่า แว เหน่แบ่แจ่ เร๊อดื่อ แว เบ่ หนิดา แกแย เด๊อ อาดุเล๊อ เร๊อ แว เต๊เห่ อาโหง่. ฮู๊เนอเฮ๊อ เกลอฮู๊ เด๊อ อา โอ่ เด๊อ แวเล เต๊เห่เนอ อา เบ่ หนิดา เกอดื่อ แวโหง่ ฮู๊เนอเนอ. เก่ แว เฮ๊ เกลอฮู๊ เตเพรเพร เน๊อ, ‘จว๊ามอ,’ เฮ๊เร๊อหม่า อา เบ่จว๊า แพ๊, เก่ แว เฮ๊ ลาติ เด๊อ อาโรเตเพร เน๊อ, ‘แฮเด๊อะเออ,’ เฮ๊เนอหม่า อา เบ่ แฮ แพ๊. โท๊โต่ แว เก่ เฮ๊ แวหลู่เล๊ เน๊อ, ‘เมเมอเออ,’ เฮ๊เนอหม่า อา เบ่ เม แพ๊, เกลอฮู๊กู่กล๊อนอจว๊า เฮ๊ เป ฮู๊เออ.”

ꤜꤢꤨꤊꤢ꤬ 4:39

เร๊อ เหย่ซู่ จว๊า โอ่ก๊อถ่อ เบ๊อะแกแยชุ๊ย เออเตเพร อาเหล่เมอ อาช๊า เร๊อ อา เฮ๊ ลู เน๊อ, “เน โอ่โม กาคยา แร๊คยาแซ๊ ดื่อนี๋” อา เฮ๊ เร๊อ โตโพ๊โต อาเหน่กู่ ตา เร๊อ อา ก๊อถ่อ เมเอ่เมโอฉื่อ เป่ เหย่ซี.

มัทธิว 8:8

เกลอฮู๊ เตเย อากู่กล๊อ เนอเตเพร เฮ๊ฉื่อ เน๊อ, “แบ่เจ่, เน แฮโนแพ๊ เด๊อ แวหี่กู แพ๊เนอ อาต่า เร๊อ แว โต่. เฮ๊ตาแพ๊ เนโหง่ ตือมือแพ๊ เนอหม่า แวหลู่เล๊ โอ่โมคยา แหน่ ดื่อเฮ๊อ.

มัทธิว 8:10

เบ๊อะแบ่เจ่เหย่ซู่ หนิโฮ เตเฮ๊เบ่ เออ เนอ, อา คย๊าอายื๊อ แหน่เจ๊อ เร๊อ อา เฮ๊ แกแย เด๊อ อา ครอครวา ลูคยา เต๊เห่ เน๊อ, “แว เฮ๊จ๊อจ๊อ ซี, เตหยื่อเตแหน่ แซ่ฮู๊เออ เด๊อ อิสราเอล อาเกลเนอ แว แม๊เถอะน๊อ ล๋ายโต่.

ꤗꤢ꤬ꤊꤢꤨ 1:27

ล๋อ แกแย โอ่เบ๊อะเตจ๊อเบโฮกู เนอเต๊เห่ อาคย๊าอายื๊อ ลอปลี เจ๊อ เร๊อ อา เฮ๊หนิเกอเร๊อ เป่ลู เน๊อ, “เออ หม่า อิเตเต? เออ หม่า เตอิซว๊าอี๊แส่ อาเซ แอ? อาแซ่เน๊อ อา โอ่ เจ๊อ เร๊อ อา เตอเรอฉว่าชอ เนอเจ๊อ. อา เฮ๊ตา แพ๊ อาโหง่ เร๊อ อา นอเถ่จว๊าแก โลเน๊ มู๊แหม่รีแจ่ เออเต๊เห่ แพ๊ เร๊อ อา หนิดา เจ๊อ ลูโหง่โหง่,” เหย่ซี เฮ๊ ฮู๊เนอ.

ꤜꤢꤨꤊꤢ꤬ 9:1

เหย่ซู่ เอ๊แฮ ปล๊อลอ อา โคเจ่ เช๊อซิเนอ เร๊อ แซ่ฮู๊ เพรโด่แนพู๊ เต๊เห่ เออเต๊เห่ อา เหว่เถ่แกเบ๊ ลอ โลเน๊เต๊เห่ เร๊อ อา เก่ แหย่โอ่เหม่เบ๊ ลอ เตชุ๊ยเตเช เต๊เห่ อาเงเนอเนอ, อา เด๊อ เป่ เหย่ซี เตโพรเตเตอเรอ เร๊อ เตเตอเรอฉว่าชอ เต๊เห่.