มัทธิว 8:29 - ลีเทส่อพ๊าอาเซ เร๊อ เห่ขุทวาลู๊

²⁹ เหย่ซี เอ๊โท เน๊อ, “จอแปแหร่ อาพู๊คู, เร๊อ ซิหยื่อ เม เป ฮู๊เต? จอแปแหร่ อาม๊อเนอ เมจากาคยา อู เออ โต่ แต่ล๋ายโต่ เบ๊อะเนอ, เน เตเร แฮเม แคร๋ เป อิเต?”

Eastern Kayah Shadaw Dialect

²⁹ ꤛꤢꤩ꤬ꤞꤤ꤭ ꤢꤩꤓꤥ꤭ ꤔꤢꤧ, “ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭, ꤔꤢꤧ꤬ ꤞꤤꤛ꤫ꤢꤦ꤬ ꤗꤢꤩ꤬ ꤕꤢꤩ꤬ ꤟꤢꤨꤒꤢꤩ꤭? ꤡꤢꤪꤗꤣꤧ꤬ꤚꤢꤧ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤘꤣꤧꤡꤢ꤭ ꤢꤨ꤭ ꤢ꤬ꤏꤣꤧꤋꤢꤩ꤭ ꤒ꤫ꤥ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤔꤢꤧ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤗꤢꤩ꤬ ꤋꤚꤢꤧ꤮ ꤕꤢꤩ꤬ ꤤ꤬ꤒꤢꤩ꤭?”

มัทธิว 8:29 ပူးပေါင်းရင်းမြစ်များ

ꤗꤢ꤬ꤊꤢꤨ 1:24

เร๊อ อา เอ๊โทแถ่ เน๊อ, “เก๋อ แกแย วีนาซาเร็ธพู๊ เหย่ซู๋, เน ซิหยื่อ เม เป ฮู๊เต? เน เตเร แฮ เมปย๊าเมหลู่ เมเซอเมเหม่ แกลอเฮ๊อ เป ปาแอ? เน หม่า อูเป เนอ หม่า แว ซิเง แพ๊, เน หม่า จอแปแหร่ อาพู๊คู บูโพ๊ เตเพร.”

ꤜꤢꤨꤊꤢ꤬ 4:34

“เก๋อวีนาซาเร็ธ อาพู๊ เหย่ซู๋, เน ซิหยื่อ เม เป ฮู๊เต? เน เซเร แฮ เมปย๊าเมหลู่แก เมเซอเมเหม่ แกลอเฮ๊อ เป ปาแอ? เน หม่า อูเป เนอหม่า แว ซิเง แพ๊, เน หม่า จอแปแหร่ อาพู๊คู โพ๊แปละบูโพ๊ เตเพร.”

ꤡꤛꤢꤩ꤭ꤗꤢ꤬ꤎꤣ꤬ 2:19

เน หยื่อเอ่ เน๊อ แบ่เจ่ จอแปแหร่ โอ่ตื๊อ เตเพรเพร่ว แพ๊. อาแร๊เฮ๊อ. โลเน๊มู๊แหม่รีแจ่ เต๊เห่ เจ๊อเนอ อา หยื่อเอ่ แซ่เกอ ดื่อ ฮู๊เนอเนอ, โท๊โต่ เหย่ซี หยื่อเอ่ เร๊อ อา ซิอิเช แตแนตากยา เจ๊อ.

ꤗꤢ꤬ꤊꤢꤨ 5:7

เร๊อ อา เอ๊โทแถ่ เร๊อ อา เฮ๊ เน๊อ, “เตดุเตทู ตื๊อดื่อ จอแปแหร่ อาพู๊ เหย่ซู๋, เน เตเร แฮเม แคร๋ แว อิเต? แว กุยซิยอ เจ๊อ เน เด๊อ จอแปแหร่ อา เป๊เส่เง เนอ, เมจาเมจือ แต่ แว แต่เหม่ นี๋.”

ꤜꤢꤨꤊꤢ꤬ 8:28

เบ๊อะอา แม๊เถอะ เหย่ซู่ เบ๊อะเนอ, อา จ่าเพรอ เอ๊โท เร๊อ อา จว๊า แด๊งือแล เด๊อ เหย่ซู่ แบ๊เส่เง เร๊อ อา จ่าเพรอ เอ๊โทเฮ๊เบ่ เน๊อ, “เตดุเตทู ตื๊อดื่อ จอแปแหร่ อาพู๊คู เหย่ซู่, เน เตเร แฮเม แคร๋ แว อิเต? แว กุยซิยอ เน, เมจาเมจือ แต่ แว แต่เหม่ นี๋.”

เปโตร เนอบ่า ต๊าบ่า 2:4

ม๊อขุ เตเน่วพู๊ เด๊อ อา เมซื๊อเต เต๊เห่เนอ, จอแปแหร่ แด่ลว๊าแก เหย่ซี โต่. อา วีตาแก เหย่ซี เด๊อ ง่าหร่าปอรากยากู. อา ด๊อโน เหย่ซี เด๊อ เห่กู คี๊ตือรือ เต๊เห่ อากู เร๊อ อา แด่โอ่ โต่ เหย่ซี เด๊อ เตเมจากาคยา อาม๊อเนอ เนอเตอเนอ ปา.

มัทธิว 4:3

เบ๊อะเนออาเค โลเน๊มูแหม่ กู่กล๊อ แฮ เด๊อ ลูโอ่ เร๊อ อา เฮ๊ ลู เน๊อ, “เน เก่ หม่า จอแปแหร่ อาพู๊ เตเพร เฮ๊เรอ, นอตาหล่อ เออเต๊เห่ เร๊อ นอทวาแถ่ อา เร๊อ ค๊อมู เนอ.”

ꤛꤥ꤭ꤟꤢ꤬ 2:4

เร๊อ เหย่ซู่ เฮ๊ฉื่อ ลู เน๊อ, “โม๋, เน จว๊าแฮ เฮ๊โฉ่โต่ แว เมเต? เบ๊อะโต่แต่ เด๊อ แว เก่ เด๊อะโล แว เตโพรเตเตอเรอ แต๋โต่.”

ꤜꤢꤨꤊꤢ꤬ 4:41

เบ๊อะเหย่ซี เอ๊แฮ แกแย เออเต๊เห่ อาเกลเนอ, โลเน๊ เมเบ่ ลู เต๊เห่เนอ อา โอ่ป่าเต่อเกอ โร๊ลู. เร๊อ อา เถ่จว๊าแก เด๊อ แกแย เนอเต๊เห่ อากู เร๊อ อา เอ๊โทแถ่ เน๊อ, “เน หม่า จอแปแหร่ อาพู๊เพรคู” ฮู๊เนอ. เหย่ซี ย๋อ ซิเง แลแค เร๊อ เหย่ซู่ หม่า ครี๊ เด๊อ จอแปแหร่ นว๊าเถ่ ลู เร๊อ อา เก่ เตเมแลเปล๊กา แกแยเห่ขุพู๊ เนอเตเพร อาขว่าอาคยา, เหย่ซู่ ซิพรวา เหย่ซี เร๊อ อา นอเฮ๊เบ่ เหย่ซี ตือมื๋อโต่.

ꤛꤢꤨꤘꤢ꤬ 1:6

ซิเงแถ่เบ่ หนิคยาแซ๊ แลแค ดื่อ เตเน่วพู๊ เด๊อ อา วีแก แก จอแปแหร่ เด๊อ เหย่ซี อาเตเป๊อตี๊หรี่ เออเนอ, เร๊อ เถ่จว๊า โค๊แกลา เร๊อ อา เหล่โอ่เหล่แบ่ เออเนอ เต๊เห่. จอแปแหร่ จอหม่า ลอเฮ๊อ เหย่ซี เร๊อ สู่เปลอต่อเท๊ เร๊อ อา แด่โน เฮ๊อ เหย่ซี เด๊อ เตคี๊เตลอ อากู เฮ๊อ. เร๊อ อา เก่ แด่โอ่ โต่ เหย่ซี เด๊อ เตเมจากาคยาอา ม๊อเนอดุ เนอเตอเนอ ปา.

เพรโด่แนพู๊ เต๊เห่ 16:17

อา ครวาจว๊าเกอ คูเปาโล เร๊อ เป เต๊เห่ เด๊อคยา เร๊อ, อา เอ๊โทแถ่ เน๊อ, “เพรคู เออเต๊เห่ หม่า จอแปแหร่ เด๊อ อาดุอาทู ตื๊อดื่อ เออเตเพร อาหลู่ เต๊เห่ เฮ๊อ. อา แด๊โฉ่โด่แน โล เป่ ซี เน๊อ จอแปแหร่ เมแลเปล๊ กา ซี อาหรี่อาแก เฮ๊อ.”

ꤗꤢ꤬ꤊꤢꤨ 3:11

โลเน๊ เมเบ่ แกแย เออเนอเต๊เห่เนอ, อา แม๊เถอะ เหย่ซู่ บ๊อเกเต๋ เบ่เบ่, อา แลคื๊อตา เด๊อ เหย่ซู่ อา เป๊เส่เง เร๊อ อา เอ๊โท แลแค เน๊อ, “เน หม่า จอแปแหร่ อาพู๊คู เตเพร,” อา เฮ๊ แลแค ฮู๊เนอ.

มัทธิว 8:30

เบ๊อะอายาลา เร๊อ เหย่ซี โต่ เนอ, แท๊ โอ่ ตู๊หมู่ดุ เร๊อ อา เอ่ แลแค อาเฉ่ เบ๊อะเนอ.