มัทธิว 8:22 - ลีเทส่อพ๊าอาเซ เร๊อ เห่ขุทวาลู๊

²² หม่าแน๊เรอ แบ่เจ่ เหย่ซู่ เฮ๊ฉื่อ ลู เน๊อ, “ครอครวา เจ๊อ เกอแว กู๊แหน่เออ, แกแย เด๊อ อา ครวาเกอ จอแปแหร่โต่ เต๊เห่ เนอหม่า อาแซ่ เร๊อ แกแยเซอ เออเนอเฮ๊อ. นอโล๊ เกอ เร๊อดื่อ แกแยเซอ เออเนอ เร๊อ เหย่ซีเนอ.”

Eastern Kayah Shadaw Dialect

²² ꤗꤢ꤬ꤔꤢꤧꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤋꤚꤝꤢ꤭ꤊꤣꤧ꤭ ꤡꤣꤧ ꤠꤢꤧ꤭ꤋꤛꤢ꤭ ꤊꤢꤨꤔ꤫ꤢꤧ꤬ꤣꤧ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ꤞꤣꤧ꤭ ꤣꤧ꤭ꤔꤣꤧ꤬ꤟꤣꤧ꤯ ꤔꤢꤪ꤭ꤜꤥ ꤚꤣꤧꤘꤢꤦ꤬ ꤊꤣꤧ꤬ꤛꤢꤧ꤭ꤞꤣꤧ꤭ ꤣꤧ꤭ꤔꤣꤧ꤬ ꤔꤢꤧ ꤛꤢꤩ꤬ꤞꤤ꤭ꤔꤣꤧ꤬꤯”

มัทธิว 8:22 ပူးပေါင်းရင်းမြစ်များ

ꤜꤢꤨꤊꤢ꤬ 15:32

หม่าแน๊เรอ เน โป่เพรคู เออเนอ อาแซ่เน๊อ อา เซอโทเฮ๊อ เร๊อ กู๊แหน่เออ อา เซอเพร กาคยา เนอเฮ๊อ, อาแซ่เน๊อ อา โอ่เหม่ เร๊อ แม๊เถอะ กาคยา คยาแซ๊ อา เออเตอเนอ เนอเฮ๊อ อาขว่าอาคยา, เป โตเบ่ เมป่วยเมลา เกอเร๊อ อา, เร๊อ เป โตเบ่ ซิครือซิลอ โอ่ปล๊อโอ่ปลูโหร่ลู กอกอ.’”

โคโลสี 2:13

เบ๊อะซี หยื่อเอ่ แตแล๋ เหย่ซู่ครี๊ โต่ เบ๊อะเนอ, เด๊อ ซี เตซื๊อ อาขว่าอาคยาเร๊อ, ซี แซ่เน๊อ แกแยเด๊อ อาเซอ เด๊อ แหย่โย ตากยา เฮ๊อ. โท๊โต่ ซี แลเปล๊เถ่เบ๊ เน๊อ ซี เหล่โกล เมเตซื๊อ อา เพรโพรฉว่าชอ เออเนอ โต่. หม่าแน๊เรอ กู๊แหน่เออ จอแปแหร่ เม ก๊อถ่อเซอเพร กาคยา เต่อเกอ เฮ๊อ ซี เน๊อ ครี๊ เฮ๊อ. จอแปแหร่ ปลวาแก ลอเฮ๊อ เป เตซื๊อ ล๋อ ปลี เฮ๊อ

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

เอเฟซัส 2:5

เบ๊อะเนอเค เป จูเอ่ เกอ เจ๊อ อาโหง่ โต่, เป แซ่เจ๊อ เร๊อ แกแยเซอ เนอ เจ๊อ ตื๊อดื่อเรอ อา เด๊อะ เต่อเกอ เฮ๊อ เป เตโอ่เซอเพร อาอาเซ เร๊อ ครี๊ เฮ๊อ. จอแปแหร่ อาบุ๊ยดุอาเตอเรอทู อาขว่าอาคยาเร๊อ, เป พย๊าหนิเฮ๊อ เตแลเปล๊กา เฮ๊อ.

เอเฟซัส 2:1

เด๊อ อาเหร่อเค เนอหม่า, ซี ย๋อ หนิดา จูเอ่ เกออู จอแปแหร่ อาโหง่ โต่, ซี เม เตซื๊อ อาขว่าอาคยา, เด๊อ แหย่โย ตากยา เนอ, ซี แซ่เน๊อ แกแย เซอโทเฮ๊อ เนอเต๊เห่ เฮ๊อ.

ทิโมธี อาเหร่อเล๊อ ต๊าบ่า 5:6

หม่าแน๊เรอ เพรเหมาะโอ่แคร๊ เตเพร เด๊อ อา แม๊ปูหนิ อา เตซิหยื่อซิลอ อา เตเมโมแล เกอเร๊อ อาเหน่ เตเพร เนอ, อา เซอเพร หม่าแน๊เรอ อา เซอ โทเฮ๊อ.

ꤛꤥ꤭ꤟꤢ꤬ 1:43

อาเนอ เตอเนอ เหมาะลี เบ๊อะเนอ, เหย่ซู่ แด่แล เฮ๊อ อาซิปล่อ เด๊อ อา เก่ จว๊า เด๊อ กาลิลีเก่. อา แม๊เถอะ คูฟีลิป เร๊อ อา เฮ๊ ลู เน๊อ, “จว๊า! ครวาเกอ แวคยา เร๊อ ทวาแถ่เกอ แว โคเจ่ แห.”

มัทธิว 9:9

เบ๊อะแบ่เจ่ เหย่ซู่ เถ่จว๊าแก เบ๊อะเนอ, อา แม๊เถอะ แกแย เตเพร อามุย เร๊อ คูมัทธิว โอ่แนโอ่ แรเต เด๊อ เหล่กุย อาหมู่อาร๊า หี่กู. แบ่เจ่ เหย่ซู่ เฮ๊ ลู เน๊อ, “จว๋า, ครวาเกอ แวคยา เร๊อ ทวาเกอ แว โคเจ่.” เร๊อ คูมัทธิว ก๊อถ่อจว๊า เร๊อ ครวาเกอ ลูคยา.

มัทธิว 8:21

อา โคเจ่ เด๊อ อาโรเตเพร เฮ๊ ลู เน๊อ, “แบ่เจ่, ปลวา กา เหร่อ แว เด๊อ แว กา โล๊ โก๊เหร่อ แวเพ นี๋.”

ꤗꤢ꤬ꤊꤢꤨ 2:14

เบ๊อะอา จว๊า เบ๊อะเนอ, อา แม๊เถอะ เพอัลเฟอัส อาพู๊ คูเลวี. อา หม่า เพรกวา อาหมู่อาร๊า เตเพร. อา แม๊เถอะ อา โอ่แนโอ่ เด๊อ เหล่กวา อาหมู่อาร๊า อาหี่กู เร๊อ แบ่เจ่ เหย่ซู่ เฮ๊ ลู เน๊อ, “ครอครวา เกอแว,” เร๊อ คูเลวี ก๊อถ่อ ครวาจว๊าเกอ ลูคยา.

ꤜꤢꤨꤊꤢ꤬ 9:59

อา เฮ๊ เกอลาติ แกแย เด๊อ อาโรเตเพร เน๊อ, “ครวา เกอแวคยา เร๊อ ทวาเกอ แว โคเจ่.” หม่าแน๊เรอ เออเตเพร เฮ๊ฉื่อ ลู เน๊อ, “แบ่เจ่, เด๊อะเหร่อ แว เบ๊อะแว เก่ กา โล๊เหร่อ โก๊ดื่อ แวเพ นี๋.”

ꤜꤢꤨꤊꤢ꤬ 9:60

เหย่ซู่ เฮ๊ฉื่อ ลู เน๊อ, “แกแยเซอ เออเต๊เห่เนอ, นอโล๊ เกอเร๊อดื่อ เร๊อ แกแย เด๊อ อา หนิดา เกอจอแปแหร่อาโหง่โต่ เด๊ออาแซ่ เร๊อ แกแยเซอ เด๊อ แหย่โยตาคยา เนอเต๊เห่. หม่าแน๊เรอ เนเออ, จว๊า แด๊โฉ่โด่แน เป่เหร่อ อู เร๊อ จอแปแหร่ อาเทอ เก่ อาหรี่อาแก.”

ꤜꤢꤨꤊꤢ꤬ 15:24

เมเตเฮ๊เรอ อา หม่า อาแซ่เน๊อ แวพู๊คู เด๊อ อา เซอโทเฮ๊อ เตเพร, เร๊อ อา เซอเพร กาคยา คยาแซ๊ เออเตอเนอ เฮ๊อ. อา หม่า อาแซ่เน๊อ แวพู๊คู เด๊อ อา โอ่เหม่ เร๊อ แม๊เถอะ กาคยา คยาแซ๊ เฮ๊อ อา เออเตอเนอ เตเพร เนอเฮ๊อ.’ ฮู๊เนอเรอ เหย่ซี เป๊อแถ่ เมป่วยเมลา, โตโครแต๊แขระ เอ่โอ โหร่ลอ ลู.

ꤛꤥ꤭ꤟꤢ꤬ 21:19

แบ่เจ่ เหย่ซู่ เฮ๊ ลู ฮู๊เออ เนอหม่า, อา ซิ แด๊โฉ่โล ลู เร๊อ คูเปโตร เก่ เซอ ฮู๊เต ปา เร๊อ จอแปแหร่ อาลีอาเตเค เก่ โอ่โลแม๊เถอะ ฮู๊เต ปา อาเงเนอ แพ๊. โทเรอ แบ่เจ่ เหย่ซู่ เฮ๊ ลู เน๊อ, “ครวา แวคยา.”

ꤛꤥ꤭ꤟꤢ꤬ 21:22

แบ่เจ่ เหย่ซู่ เฮ๊ฉื่อ ลู เน๊อ, “แว เก่ ซิหยื่อ นอโอ่เซอเพร โต่ ลู เด๊อ แว แฮปา เก่เฮ๊เรอ, จู๊ดื่อ แว แพ๊. เนอหม่า เน เตเม หม่าโต่, เน เตเม หม่า เน เบ่ ครวาเกอ แว แพ๊,” อา เฮ๊ ลู ฮู๊เนอ.