มัทธิว 8:16 - ลีเทส่อพ๊าอาเซ เร๊อ เห่ขุทวาลู๊

¹⁶ เบ๊อะ เหมาะเฮ๊หม่อตา เบ๊อะเนอ, อู แฮซู โร๊ลู แกแย เด๊อ โลเน๊โลหน่า เมเบ่ ลู เต๊เห่ เด๊อ เหย่ซู่ อา โอ่. อา เฮ๊ตา แพ๊ อาโหง่ ตือมือมือ แพ๊ เร๊อ โลเน๊โลหน่า เถ่จว๊าแก ลอ. เร๊อ อา แหย่โอ่เหม่ เป่ ลอปลี ล๋อ อูชุ๊ยอูเช เนอเต๊เห่.

Eastern Kayah Shadaw Dialect

¹⁶ ꤙꤣꤧ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤒꤢ꤭ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤟꤢꤧ꤭ꤞꤢꤨ꤭ ꤢꤩꤜꤥ꤬ ꤊꤣꤧ꤬ꤛꤢꤧ꤭ ꤘꤣ ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤩ꤬ꤙꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤘꤣ ꤛꤢꤩ꤬ꤏꤛꤢꤨ ꤢ꤬ ꤥ꤬꤯ ꤢ꤬ ꤟꤢꤩꤒꤢ꤭ ꤖꤢꤧ ꤢ꤬ꤍ꤫ꤥ꤬ ꤒꤣ꤬ꤗꤢꤦ꤭ꤗꤢꤦ꤭꤮ ꤟ꤫ꤢꤨ꤬ ꤖꤢꤧ ꤚꤣꤧ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤓꤢꤩ꤬ꤡꤝꤢꤊꤢꤧ꤭ ꤜꤢꤪ꤭꤯ ꤓꤥ꤭ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤜꤢꤪ꤭ ꤢꤨ꤭ꤏꤝꤤꤢꤨ꤭ꤏꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

มัทธิว 8:16 ပူးပေါင်းရင်းမြစ်များ

ꤜꤢꤨꤊꤢ꤬ 4:40

เบ๊อะเหมาะตา เบ๊อะเนอ, แกแย เต๊เห่ เอ๊แฮ ลอปลี อา โคแบ๊ซว๊า เด๊อ อาชุ๊ยอาเช อาเมวเมว อาเจ่อเจ่อ เต๊เห่ เด๊อ เหย่ซู่ อา โอ่ เร๊อ เหย่ซู่ แด่แถ่ อากู๊ขุ เด๊อ เหย่ซี อาเหน่ลู เตเพร โท เตเพร เร๊อ อา แหย่โอ่เหม่แก เป่ ลอปลี เหย่ซี เตชุ๊ยเตเช ปว๋า เตเพร.

มัทธิว 14:14

เบ๊อะแบ่เจ่ เหย่ซู่ เถ่โคขุเออ เบ๊อะเนอ, อา แม๊เถอะ แกแย เบ๊หมู่ดุ จว๊า โอ่ป่อ โอ่หนื่ออื่อ เหร่อ ลอเฮ๊อ เด๊อ เงเฮ๊อ. เบ๊อะอา แม๊เถอะ เหย่ซี เนอ อา ซิยอ เกอเร๊อ เหย่ซี เร๊อ อา แหย่โอ่เหม่ เป่ลอ แกแยชุ๊ย เด๊อ เหย่ซีเกล เนอเต๊เห่.

เพรโด่แนพู๊ เต๊เห่ 5:15

เพรโด่แนพู๊ เต๊เห่ ย๋อ เม อาโค๊ตีกลี๊ เป่ เฮ๊อ อู เตเออเต๊เห่ อาขว่าอาคยา, เบ๊อะคูเปโตร จว๊ารว๊า แกล๊กู เบ๊อะเหย่ซี แก่ช๊า เออ เบ๊อะเนอ, แซ่ฮู๊ อา แหย่โย เก๊โอ่ เก่ตาเบ่ เพรชุ๊ยเพรเช เออเต๊เห่ เนอเรอ, แกแย เต๊เห่ แย๊แฮหนิ แลแค แกแยชู๊ยแกแยเช เต๊เห่ เร๊อ อา แฮ เด๊แล เป่ เหย่ซี อาเหล่เมอ เต๊เห่, เหล่เด เต๊เห่ เด๊อ แกล๊ดุกู.

ꤗꤢ꤬ꤊꤢꤨ 5:8

เมเตเฮ๊เนอเรอ เหย่ซู่ เฮ๊โทเฮ๊อ ลู เน๊อ, “โลเน๊ มู๊แหม่ รีแจ่, เถ่จว๊า ตาพาแก เด๊อ เพรคู เนอเตเพร อาเหน่ลู,” อา เฮ๊โท ลู ฮู๊เนอ เฮ๊อ.

มัทธิว 12:22

โทเรอ เหย่ซี เอ๊แฮหนิ แกแยเพ เด๊อ โลเน๊ เมเบ่ ลู เร๊อ อา เป๊เส่คี๊ เร๊อ อา เป๊ เกอ เร๊อ เออเตเพร เด๊อ แบ่เจ่ เหย่ซู่ อาโอ่. แซ่ฮู๊ อา เก่ เฮ๊เบ่แจ่, แม๊เถอะ แจ่ กาคยา คยาแซ๊ เนอ, อา แหย่โอ่เหม่ เป่ ลู.

ꤗꤢ꤬ꤊꤢꤨ 2:3

เบ๊อะเนอ เพรคู ซิลุย แย๊แฮหนิ แกแยเหน่ เซอชิกยา เด๊อ เหย่ซู่ อา โอ่ เตเพร.

มัทธิว 9:2

แกแย เต๊เห่ แย๊แฮหนิ แกแย เซอชิกยา เตเพร เด๊อ แบ่เจ่ เหย่ซู่ อา โอ่ เร๊อ อา โอ่เมอโอ่ แพ๊ เด๊อ เหล่เมอขุ. เบ๊อะแบ่เจ่ เหย่ซู่ แม๊เถอะ เหย่ซี เตหยื่อ เบ๊อะเนอ, อา เฮ๊ แกแย เซอชิกยา เนอเตเพร เรอ, “แว พู๊เพรคู๋ แด่ฉว่าแด่ชอ แหน่ ซิปล่อ นี๋. แว ปลวาแกเฮ๊อ เน เตซื๊อ เฮ๊อ.”

ꤗꤢ꤬ꤊꤢꤨ 9:25

เบ๊อะเหย่ซู่ แม๊เถอะ เร๊อ แกแย ตู๊หมู่ดุ ตอกล๊อแกล่แฮโตผื่อ เด๊อลูโอ่ เบ๊อะเนอ, อา ซิพรวา โลเน๊ เออเนอ เน๊อ, “เก๋อ โลเน๊ เด๊อ อา เมกอออ แกแย อากู๊หลิโกะ เร๊อ อา เมเป๊ แกแย เออเตเพร, แว นอเถ่จว๊า ตาพาแก เน เด๊อ เป๊เจ่เพรคูฮู๊ เออเตเพร อาเหน่ เฮ๊อ, เน เบ่ กาคยา โนหนิ ปา โตโพ๋ โต่ นี๋,” อา เฮ๊โท ฮู๊เนอ เนอ,

มัทธิว 8:33

เพรเกแท๊ เออเต๊เห่ แกล่กา เด๊อ วีกู เร๊อ แด๊โฉ่โล เป่ อู เร๊อ ล๋อ เตทวาแถ่ อาเหน่ เออเต๊เห่ เน๊อ แกแยเพ ซิเนอเออ ล๋อ ปลี.

มัทธิว 8:15

อา ปื่อ ลูกู๊ขุ เร๊อ อา เตชุ๊ย โอ่เหม่แก. โทเรอ อา ก๊อถ่อ เมเอ่เมโอฉื่อ เป่ เหย่ซู่.

ꤜꤢꤨꤊꤢ꤬ 4:41

เบ๊อะเหย่ซี เอ๊แฮ แกแย เออเต๊เห่ อาเกลเนอ, โลเน๊ เมเบ่ ลู เต๊เห่เนอ อา โอ่ป่าเต่อเกอ โร๊ลู. เร๊อ อา เถ่จว๊าแก เด๊อ แกแย เนอเต๊เห่ อากู เร๊อ อา เอ๊โทแถ่ เน๊อ, “เน หม่า จอแปแหร่ อาพู๊เพรคู” ฮู๊เนอ. เหย่ซี ย๋อ ซิเง แลแค เร๊อ เหย่ซู่ หม่า ครี๊ เด๊อ จอแปแหร่ นว๊าเถ่ ลู เร๊อ อา เก่ เตเมแลเปล๊กา แกแยเห่ขุพู๊ เนอเตเพร อาขว่าอาคยา, เหย่ซู่ ซิพรวา เหย่ซี เร๊อ อา นอเฮ๊เบ่ เหย่ซี ตือมื๋อโต่.

ꤜꤢꤨꤊꤢ꤬ 13:12

เบ๊อะเหย่ซู่ แม๊เถอะ ลู เบ๊อะเนอ อา เอ๊แฮ ลู เด๊อ เง เร๊อ อา เฮ๊ ลู เน๊อ, “เหมาะโหม๋, เน เตเช โอ่เหม่ เฮ๊อ.”