มัทธิว 7:7 - ลีเทส่อพ๊าอาเซ เร๊อ เห่ขุทวาลู๊

⁷ “กุย มอ แลแค, ซี เก่ พย๊าหนิ ปา. แม๊ปู มอ แลแค, ซี เก่ แม๊เถอะ ปา. ด่อมอ แลแค, กู่ดาเนอ, จอแปแหร่ เก่ บ๊าโม เป่ดื่อ ซี ปา.

Eastern Kayah Shadaw Dialect

⁷ “ꤊꤝꤤ꤭ ꤗꤣꤧ꤭ ꤜꤢ꤭ꤋꤢꤧ꤭, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭! ꤗꤢꤧꤕꤢꤨ꤭ ꤗꤣꤧ꤭ ꤜꤢ꤭ꤋꤢꤧ꤭, ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤕꤢ꤭꤯ ꤘꤢꤪ꤬ꤗꤣꤧ꤭ ꤜꤢ꤭ꤋꤢꤧ꤭ ꤊꤣꤧ꤬ꤘꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤙꤢꤗꤥ꤭ ꤕ꤫ꤢꤩ꤬ꤘꤢꤦ꤬ ꤞꤤ꤭ ꤕꤢ꤭꤯

มัทธิว 7:7 ပူးပေါင်းရင်းမြစ်များ

มัทธิว 21:22

ซี เก่ หยื่อเอ่ เนอ, ซี กุยเต เด๊อ เพ จอแปแหร่ อา โอ่ อิเตเต๋ เบ่เบ่ ซี พย๊าหนิ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:22

โท๊โต่ เป ย๋อ จูเอ่ อาโหง่เฮ๊แก เร๊อ เป ย๋อ เมโต ลูซิปล่อ อาขว่าอาคยา, เป กุย เต อิเตเต๋ เบ่เบ่ เนอ, เป เก่ พย๊าหนิ เต เด๊อ อา โอ่ เนอเต๊เห่ ปา.

ꤛꤥ꤭ꤟꤢ꤬ 15:7

ซี เก่ โอ่จิจือหมะ เด๊อ แวกู, เร๊อ แวลาแวโหง่ เก่ โอ่จิจือหมะ เด๊อ ซีกู เก่เฮ๊เรอ ซี ซิหยื่อกุย อิเตเต๋ เบ่เบ่ เนอ, แว เก่ เด๊อะ ซี ปา.

ꤗꤢ꤬ꤊꤢꤨ 11:24

ฮู๊เนอ อาคยา แว เฮ๊ ซี, ซี กุยเต เด๊อ เพ จอแปแหร่ อา โอ่ อิเตเต๋ เบ่เบ่เนอ หยื่อเอ่ เร๊อ ซี พย๊าหนิเฮ๊อ เนอ, เร๊อ ซี เก่ พย๊าหนิ หม่าแหน่แหน่ปา.

มัทธิว 6:33

แม๊ปู เหร่อ แลแค จอแปแหร่ อาเทออาเก่ เน๊อ เตจ๊อ เตเต เต๊เห่เนอ, เร๊อ ล๋อ เตเด๊อ ซี โหล่ เออเต๊เห่เนอ, จอแปแหร่ เก่ เด๊อะ เกอโป่ดื่อ ซี ปา.

มัทธิว 7:8

เมเตเฮ๊เรอ ล๋อ แกแย เด๊อ อา กุยเต เต๊เห่เนอ, อา เก่ พย๊าหนิ ปา, เร๊อ ล๋อ แกแย เด๊อ อา แม๊ปู เต เต๊เห่เนอ, อา เก่ แม๊เถอะ ปา, เร๊อ ล๋อ แกแย เด๊อ อา ด่อ กู่ดา เต๊เห่เนอ, จอแปแหร่ เก่ บ๊าโม เป่ ลู ปา.

ꤛꤥ꤭ꤟꤢ꤬ 15:16

ซี นว๊าแถ่ แว หม่าโต่. แว นว๊าแถ่ ซี เร๊อ แว แด่แถ่เฮ๊อ ซี เด๊อ ซี เก่ เถ่จว๊า แลแค เร๊อ จว๊า เส่แถ่อาโพแถ่ เอ๊ แลแค. แว แด่แถ่เฮ๊อ ซี เร๊อ ซี เก่ เส่จิจือหมะ แลแค เด๊อ อาตื๊อดื่อ. ซี เก่ เมฮู๊เนอ ตื๊อหม่า ซี กุย อิเตเต๊ เบ่เบ่, ซี เก่ กุย เร๊อ แวมุย เฮ๊เนอ, เพ เก่ เด๊อ ซี ปา.

ꤟꤤꤙꤚꤢꤨ 11:6

เตหยื่อ เก่ โอ่โต่ เนอ, เตเพร่ว หม่า อู เมโตเบ๊ จอแปแหร่ อาซิปล่อ โต่, เมเตเฮ๊เรอ, ล๋อ แกแย เด๊อ อา แฮ เด๊อ จอแปแหร่ อา โอ่ เต๊เห่เนอ, อา เบ่ หยื่อเอ่ เน๊อ จอแปแหร่ เนอ อา โอ่เซอเพร. เร๊อ แกแย เด๊อ อา ซิปล่อฉว่า แม๊ปู ลู เต๊เห่เนอ, อา เบ่ หยื่อเอ่ เร๊อ จอแปแหร่ เก่ เด๊อ เหย่ซี เตเมหนิคว๊าเก่ ปา ฮู๊เนอ.

ꤛꤥ꤭ꤟꤢ꤬ 4:10

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

มัทธิว 18:19

“แว เฮ๊ โป่ ซี, เด๊อ เห่ขุ เออเนอ, แกแย ซิเนอ เก่ ซิปล่อ แซ่ลู เฮ๊เรอ, กุยจ๊อเบ เต อิเตเต๋ เบ่เบ่เนอ, แวเพ โอ่ เด๊อ ม๊อขุ เออเตเพร เก่ เด๊อะเป่ ล๊อปลี เหย่ซี กุย เนอเต๊เห่ ปา.

ꤡꤛꤢꤩ꤭ꤗꤢ꤬ꤎꤣ꤬ 5:15

เตหยื่อเตแหน่ อา เตกุยจ๊อเบ เออ อา เก่ แหย่โอ่เหม่แก แกแยชู๊ย เออเตเพร ปา. แบ่เจ่ เก่ แหย่โอ่เหม่ กาคยา คยาแซ๊ ลู ปา เร๊อ อา เก่ เมซื๊อ เต เฮ๊เรอ แบ่เจ่ เก่ ปลวาแก คยาแซ๊ ลู เตซื๊อ ปา.

ꤜꤢꤨꤊꤢ꤬ 18:1

โทเรอ เหย่ซู่ ซิหยื่อ เร๊อ อา โคเจ่ เต๊เห่ เก่ กุยจ๊อเบ แลแค ปว๋า โตโพ๊. เร๊อ เหย่ซี เก่ ซิปล่อปย๊า แต่ ตีกี๋ แต่เหม่ เนอเรอ, อา แด๊ค๊าโข่ เป่ อา โคเจ่ เต๊เห่ เน๊อ โหง่ ตือมือ.

มัทธิว 7:11

ซี หม่า แกแย เด๊อ มู๊แหม่ รีแจ่ เต๊เห่ แพ๊ ตื๊อดื่อเรอ ซี ซิเง เด๊อะเอ่ ซีพู๊ซีเลอ เต๊เห่ เร๊อ เตเด๊อ อาแร๊ เต๊เห่ เจ๊อ เก่เฮ๊เรอ, เตเนแม๊มอ แลแค ซีเพ เด๊อ ม๊อขุ เออเตเพร เนอ, อา เก่ เด๊อ ตาเต หม่าแหน่ เป่ เจ๊อ เตแร๊ เต๊เห่ เร๊อ แกแย เด๊อ อา กุยแถ่ ลู เนอเต๊เห่ ปา.

ꤚꤥꤗꤢꤩ꤬ 2:7

แกแย เต๊เห่เห่ เนอ, อา เด๊อะโล อา เตซิหยื่อ หม่าแหน่ เน๊อ จอแปแหร่ เก่ ถู่เซ๊แถ่ หนิ เหย่ซี ปา. เร๊อ อา เก่ เด๊อะ ลู เตอเรอดุเตอเรอทู ปา, โท๊โต่ อา เก่ เด๊อะ เหย่ซี เตเซอเพร เด๊อ อา เซอแจ่ปาโต่ เออเนอ ปา อา แม๊ชือ แลแค ฮู๊เนอเรอ เหย่ซี แอ๊จื๊อแอ๊เหร่ เม แฮเง ตื๊อดื่อ แลแค เตแร๊. ฮู๊เนอเรอ จอแปแหร่ เก่ เด๊อะ ซิปล่อเซอเพร ตูจูเพร เออเนอ เร๊อ แกแย ฮู๊เนอเต๊เห่ ปา.

ꤚꤥꤗꤢꤩ꤬ 3:11

แกแย เด๊อ อา โอ่ เร๊อ ลีแมลีเพ๊ เต๊เห่ เบ่เบ่, แกแย เด๊อ อา แม๊ปู จอแปแหร่ เต๊เห่ เบ่เบ่, อา โอ่ เตเพร่ว โต่.

ꤜꤢꤨꤊꤢ꤬ 13:25

หี่แบ่เจ่ อา เก่ ก๊อถ่อ เมบี๊แกเผ่ ซี กู๊ดา โตโพ๊ ปา. เบ๊อะเนอโตโพ๊ ปา ซี เก่ ก๊อถ่อ โอ่ เด๊อ อากลอ ปา เร๊อ ซี เก่ ด่อ กู๊ดา ปา. เร๊อ ซี เก่ เฮ๊ เน๊อ, ‘แบ่เจ่ บ๊อโม เป่เร๊อ เป กู่ดา.’ “เร๊อ อา เก่ เฮ๊ฉื่อ ซี เน๊อ, ‘ซี หม่า แกแย โตเบ๊อะเนอ, แว ซิเงน๊อ ซี โต่.’

เห่ขุทวาลู่ 26:32

เบ๊อะเนอ เตอเนอ เฮ๊อ, เพอิสอัค อาหลู่ เต๊เห่ กาเฮ๊โฉ่ ลู เน๊อ เหย่ซี เว เทอกลื่อ อาหรี่อาแก. เร๊อ อา กา เฮ๊ ลู เน๊อ, “เป แม๊เถอะเฮ๊อ เทอเถ่ขู่ เฮ๊อ!”