มัทธิว 7:21 - ลีเทส่อพ๊าอาเซ เร๊อ เห่ขุทวาลู๊

²¹ “ล๋อ แกแย เด๊อ อา เอ๊ แว เน๊อ, ‘แบ่เจ๋ แบ่เจ่เนอ’ อา โน หนิลอ เด๊อ ม๊อขุ เทอเลเก่กู ปว๋า เตเพร หม่าโต่. อา โนหนิ ตื้อแพ๊ ดื่อ แกแย เด๊อ อา เมโตเมเบ่ แวเพ เด๊อ ม๊อขุ เตเพร อาซิปล่อ เนอเต๊เห่ แพ๊.

Eastern Kayah Shadaw Dialect

²¹ “ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩ ꤠꤢꤧ꤭ ꤔꤢꤧ, ‘ꤙꤢꤧ꤬ꤡꤢꤩ꤬꤮ ꤙꤢꤧ꤬ꤡꤢꤩ꤬’ ꤔꤣꤧ꤬, ꤢ꤬ ꤔꤥ꤭ ꤔ꤫ꤤ꤬ꤜꤢꤪ꤭ ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗ꤫ꤢ꤬ꤒꤥ꤬꤯ ꤢ꤬ ꤔꤥ꤭ꤔ꤫ꤤ꤬ ꤖꤢꤧꤒꤢꤦ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤒꤥ꤭ꤗꤢꤩ꤬ꤙꤢꤩ꤬ ꤠꤢꤧ꤭ꤖꤢꤩ꤭ ꤘꤣ ꤗꤢꤪꤋꤢꤨ꤬ ꤒꤣ꤬ꤖꤚꤢꤩ꤬ ꤢ꤬ꤞꤤꤕꤜꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯

มัทธิว 7:21 ပူးပေါင်းရင်းမြစ်များ

ꤚꤥꤗꤢꤩ꤬ 2:13

จอแปแหร่ แด่จ๊อแด่เต แกแย เร๊อ อา หนิโฮน๊อ เตซว๊าเตแส่ ขว่าคยาเนอ หม่าโต่. จอแปแหร่ แด่จ๊อแด่เต แกแย เร๊อ อา ครวาเมเกอ ฮู๊ เตซว๊าเตแส่ เฮ๊แก โหง่ เนอเต๊เห่ แพ๊.

ꤜꤢꤨꤊꤢ꤬ 6:46

“ตือมื๋อ ซี หนิดา แวโหง่ โต่ เร๊อ ซี จว๊า เอ๊โต่ แว เร๊อ ‘แบ่เจ๋ แบ่เจ่,’ ฮู๊เนอหม่า เมเต?

ꤡꤛꤢꤩ꤭ꤗꤢ꤬ꤎꤣ꤬ 1:22

ซี หนิดา แพ๊ตื๊อ จอแปแหร่ อาลาอาโหง่ เร๊อ ซี เก่ จูเอ่ ครวาเมเกอ ฮู๊ อา เฮ๊เนอ โต่. เฮ๊เนอหม่า, ซี แลโฮ แล เกอ เร๊อ ดื่อ เฮ๊อ ซีเหน่ เฮ๊อ. ซี โตเบ่ หนิดา ครวาเม เกอ ฮู๊ จอแปแหร่ อาลาอาโหง่ เฮ๊เนอ.

ꤜꤢꤨꤊꤢ꤬ 11:28

หม่าแน๊เรอ เหย่ซู่ เฮ๊ฉื่อ ลู เน๊อ, “แกแย เด๊อ อา พย๊าหนิ หม่าแหน่เจ๊อ เตเด๊อะบุ๊ยเด๊อะเตอเรอ เนอหม่า หม่าเฮ๊อ แกแย เด๊อ อา หนิโฮ จอแปแหร่ อาลาอาโหง่ เร๊อ อา จูเอ่ เนอเต๊เห่ แพ๊.”

ꤒꤤꤒꤢꤨ 1:16

เหย่ซี เฮ๊ เร๊อ อา ซิเง จอแปแหร่ ตื๊อดื่อเรอ แรเต เด๊อ เหย่ซี เม เต๊เห่เนอ อา โอ่โลแถ่ เร๊อ เหย่ซี ซิเง จอแปแหร่ เตกี๋ โต่. เหย่ซี เนอเต๊เห่หม่า เล๊ซิหย่อซิบี, โทเรอ แกแย เด๊อ อา หนิดา เกออู โหง่ โต่ เต๊เห่, เหย่ซี เตเร แรเต อาแร๊ เต๊อเจ่อเจ่อเนอ อา เมเบ๊ เกออู โต่.

ꤟꤤꤙꤚꤢꤨ 4:6

แกแย เด๊อ อา โนหนิปา เด๊อ จอแปแหร่ อา เหล่โอ่โก๊ เตเบ๊ซิพร๊า เออเนอ, อา โอ่แกปา เต๊เห่เห่. หม่าแน๊เรอ แกแย เด๊อ มู๋ หนู่เค เต๊เห่ เด๊อ อา หนิโฮ โทเฮ๊อ เตซิครือมีลา เต๊เห่เนอ, อา ย๋อ หนิดา เกอ แลแค จอแปแหร่ อาโหง่ โต่ อาขว่าอาคยา, อา พย๊าหนิ เกอปา อู เหล่โอ่โก๊ เตเบ๊ซิพร๊า เออเนอ โต่ เฮ๊อ.

ꤛꤥ꤭ꤟꤢ꤬ 6:40

เมเตเฮ๊เรอ, แวเพ อา เตซิหยื่อ หม่า หม่าเฮ๊อ ล๋อ แกแย เด๊อ อา แม๊เถอะ อาพู๊คู เออ เร๊อ อา หยื่อเอ่ เต๊เห่เนอ, อา เก่ พย๊าหนิ ซิปล่อเซอเพร ตูจูเพร, เร๊อ แว เก่ เม ก๊อถ่อเซอเพร กาคยา เหย่ซี ช๋า ม๊อเนอ เด๊อคยา ตื๊อดื่อเล๊อ เนอเตอเนอ ปา.”

เตเด๊อะโลแถ่ 3:5

แกแย เด๊อ อา เมเป่เต เต๊เห่เนอ อู เก่ เด๊อะกือเด๊อะแซ๊ แถ่เกอดื่อ เหย่ซี เร๊อ เห่อบูจาโพ๊ ฮู๊เออเนอ ปา. โทเรอ อามุย เด๊อ อา โอ่ เด๊อ ลีเซอเพร อากู เออเต๊เห่เนอ, แว ทื๊อปลีแก ลู โต่โต่. เด๊อ แวเพ เร๊อ อา ม๊อขุเตเน่วพู๊ เต๊เห่ อา เป๊เส่เง ปาเนอ, แว เก่ แด๊โฉ่โลแถ่โปล เป่ เหย่ซี เออเต๊เห่เนอ เนอ, เหย่ซี หม่า แวแกแย แพ๊, ฮู๊เนอ ปา.

เปโตร อาเหร่อเล๊อ ต๊าบ่า 4:2

ฮู๊เนอเรอ เป๊อแถ่ กู๊แหน่เออ ตาแฮเง เนอ, ซี ม๊อเนอม๊อเซ เด๊อ อา โอ่แกปา เด๊อ เห่ขุเออ เต๊เห่เนอ ซี เบ่ โอ่เซอเพร ฮู๊ จอแปแหร่ อา เตซิหยื่อ เนอ. ซี เบ่ โอ่เซอเพร หนิ ปา ฮู๊ แกแย อา เตซิหยื่อ มู๊แหม่ เนอเต๊เห่ โต่เฮ๊อ.

มัทธิว 12:50

เมเตเฮ๊เรอ แกแย เด๊อ อา เมโต ฮู๊ แวเพ เด๊อ ม๊อขุ เตเพร อา เตซิหยื่อ เนอเต๊เห่ หม่า, หม่าเฮ๊อ แวโป่แวแหม่ เต๊เห่ เร๊อ แวโหมะเฮ๊อ.”

เตเด๊อะโลแถ่ 22:14

“จอแปแหร่ เก่ เตเด๊อะบุ๊ยเด๊อะเตอเรอ แกแย เด๊อ อา โฉ่ปลี อาจาจวา เนอเต๊เห่ ปา. เหย่ซี เก่ โน บ่าเอ่ หนิเกอ ส่อเส่ เด๊อ อา เด๊อะ อู ซิปล่อเซอเพร เออเนอ เต๊เห่ ปา. โทเรอ เหย่ซี เก่ โน หนิเกอ เด๊อวี กู่ดาดุ เนอเต๊เห่ อากู ปา.

ꤛꤥ꤭ꤟꤢ꤬ 3:5

เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ เน๊อ เทอ เร๊อ จอแปแหร่ อาแหย่โยบูโพ๊ โต่ เต๊เห่เน๊อ, อา โนหนิ แจ่ เด๊อ จอแปแหร่ อาเทออาเก่กู โต่.

มัทธิว 18:3

เร๊อ อา เฮ๊ เหย่ซี เน๊อ, “แว เฮ๊จ๊อจ๊อ ซี๋, ซี เก่ ถู่แหล่ เต๊เปล่ ซี ซิปล่อ โต่, ซี เก่ ทวาแถ่ แซ่เน๊อ เป๊เจ่ฮู๊ เออเต๊เห่ โต่, ซี โนหนิ แจ่ เด๊อ ม๊อขุ เทอเลเก่กู แตแค๋ โต่.

ꤛꤥ꤭ꤟꤢ꤬ 7:17

แกแย เตเพรเพร เก่ ซิหยื่อ ลือเมโต จอแปแหร่ อาซิปล่อ เฮ๊เนอ, เตอิซว๊าอี๊แส่ เออเต๊เห่ เนอหม่า อา โอ่ เด๊อ จอแปแหร่ อา โอ่แฮ แอ? หม่าโต่เรอ แว เฮ๊เบ่ เกอเร๊อดื่อ เน๊อ แว เตอเรอฉว่าชอ แอ, เนอ อาเกล๊ ซิเง แหน่ แพ๊.

ꤚꤥꤗꤢꤩ꤬ 12:2

โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.

ꤗꤢ꤬ꤊꤢꤨ 3:35

แกแย เด๊อ อา เมโต ฮู๊ จอแปแหร่ อา เตซิหยื่อ เนอเต๊เห่หม่า หม่าเฮ๊อ แวโป่ แว แหว่ เร๊อ แวโหมะ เฮ๊อ,” อา เฮ๊ ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

อา ทวาแถ่ ฮู๊เตเต๋ เบ่เบ่, ตูรู๊ เฮ๊บุ๊ยเฮ๊เตอเรอ แลแค จอแปแหร่ ปว๋า โตโพ๊ นี๋. เมเตเฮ๊เรอ, เด๊อเหย่ซู่ครี๊ อาขว่าอาคยา, จอแปแหร่ ซิปล่อโอ่ เด๊อ ซี โต เม ฮู๊เนอ.

เอเฟซัส 6:6

แซ่ฮู๊ อา เก่ ถู่เซ๊หนิ ซี เร๊อ ซี หนิดา แพ๊ เหย่ซีโหง่ ตื๊อแพ๊ เบ๊อะอา โอ่ป่อแม๊ ซี เบ๊อะเนอ แต่เหม่ นี๋. เมเตเฮ๊เรอ ซี หม่า ครี๊ อาหลู่ เต๊เห่ อาขว่าอาคยา, เม ลอซิปล่อ เชเม เป่ เหย่ซี ฮู๊ จอแปแหร่ ซิหยื่อ นอเม ซี เนอ นี๋.

เปโตร อาเหร่อเล๊อ ต๊าบ่า 2:15

จอแปแหร่ ซิหยื่อ นอเม ซี เตแร๊, เมเตเฮ๊เรอ อา ซิหยื่อ เด๊อ ซี เก่ เม โอ่โส่โอ่เครแก แกแย เด๊อ อา เฮ๊เบ่บอ เฮ๊เบ่บย่า เร๊อ เตเน กาคยา แฮเง เป่ เกออู โต่ เนอเต๊เห่.

มัทธิว 25:21

“อาแบ่เจ่ เฮ๊ฉื่อ ลู เน๊อ, ‘อ่อ, อาแร๊ แหน่เจ๊อ, เน หม่า เพรแรเต เด๊อ อาแร๊ เร๊อ อาจ๊อ เร๊อ แว. เน จ๊อ เร๊อ แว เด๊อะเน เตปีตี้วแพ๊ เออเต๊เห่ อาขว่าอาคยา, แว เก่ เด๊อะ โอ่เอ๊แถ่ เล๊อ โป่ เน เตแร เด๊อ เน เก่ เป๊อตี๊หรี่ เอ๊เล๊อ โป่ เร๊อ เออเนอ ปา. แฮ ซิครือซิลอ โหร่เกอดื่อ เร๊อ แว!’

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:3

จอแปแหร่ ซิหยื่อ เร๊อ ซี เตก๊อถ่อโอ่แหน่ ซีเต๊เห่ เก่ อาโพ๊อาแปละ เร๊อ เบ่ จว๊าซื๊อหนิ เพรเหมาะเพรคู ตีกี๋ โต่.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

ꤜꤢꤨꤊꤢ꤬ 13:25

หี่แบ่เจ่ อา เก่ ก๊อถ่อ เมบี๊แกเผ่ ซี กู๊ดา โตโพ๊ ปา. เบ๊อะเนอโตโพ๊ ปา ซี เก่ ก๊อถ่อ โอ่ เด๊อ อากลอ ปา เร๊อ ซี เก่ ด่อ กู๊ดา ปา. เร๊อ ซี เก่ เฮ๊ เน๊อ, ‘แบ่เจ่ บ๊อโม เป่เร๊อ เป กู่ดา.’ “เร๊อ อา เก่ เฮ๊ฉื่อ ซี เน๊อ, ‘ซี หม่า แกแย โตเบ๊อะเนอ, แว ซิเงน๊อ ซี โต่.’

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

ꤜꤢꤨꤊꤢ꤬ 18:25

ตีซิโบดุ โตโด เตเร ปย๊าโน เด๊อ เท๊หลิกูเนอ อายู เล๊อปา เจ๊อ เร๊อ แกแย ดุแหย่แถ่เซ เตเพร เตเร โน เด๊อ ม๊อขุ เทอเลเก่กู เนอ เจ๊อ.”

ꤗꤢ꤬ꤊꤢꤨ 9:47

เป๊เส่ปล่อ เก่ นอเม เร๊อ เตซื๊อ เฮ๊เรอ ก๊ออูเถ่แก เร๊อ วีแก แก อาเนอ เป๊เส่ปล่อ โอ่แพ๊ ตากยา เร๊อ เน กาโนเบ๊ เด๊อ ม๊อขุ เนอ อาแร๊เล๊อ ปา เจ๊อ เร๊อ เป๊เส่ปล่อ โอ่ปวาโอ่ดวา ลอเนอโค๊ เร๊อ อู เบ่ วีตาแก เน เด๊อ ปอรากยากู ปาเนอ เจ๊อ.

มัทธิว 19:24

แว เฮ๊ โป่ ซี๋, ตีซิโบดุ โตโด เตเร ปย๊าโน เด๊อ เท๊หลิกูเนอ อายู เล๊อปา เจ๊อ เร๊อ แกแย ดุแหย่แถ่เซ เตเพร เตเร โน เด๊อ ม๊อขุ เทอเลเก่กู เนอ เจ๊อ.”

มัทธิว 18:35

เร๊อแบ่เจ่ เหย่ซู่ เฮ๊ ตื๊อดื่อแกเนอ, “ซี เก่ ปลวาแก ลอซิปล่อสู่เทอ แหน่แหน่ ซี โป่แหว่ โต่ เฮ๊เนอหม่า, เพ จอแปแหร่ เด๊อ ม๊อขุ เตเพร เก่ เม เกอ ซี แซ่ฮู๊เนอ ปา.”

ꤛꤥ꤭ꤟꤢ꤬ 15:23

แกแย เด๊อ อา ซิเถ่ แว เนอ อา ซิเถ่ โต่เกอเฮ๊อ แวเพ เฮ๊อ.

มัทธิว 26:42

อา จว๊า โป่แซ๊ โตโพ๊เนอ เร๊อ อา กุยจ๊อเบ เน๊อ, “เก๋อ แว เพ๋, แว เบ่ โอ่แหน่ เฮ๊อ เตจาเตจือ เบหล่อเออ เออเต๊เบ่ เออ, พย๊าตาพาแกโต่ เก่ เฮ๊เรอ, จู๋ ดื่อ แพ๊ เน ซิปล่อ นี๋.”

มัทธิว 16:17

เร๊อ แบ่เจ่ เหย่ซู่ เฮ๊ฉื่อ ลู เน๊อ, “เพโยนาห์ อาพู๊, คูซีโมน, จอแปแหร่ เด๊อะบุ๊ยเด๊อะเตอเรอ เฮ๊อ เน, เมเตเฮ๊เรอ เออ หม่า แกแยเห่ขุพู๊ เด๊อะซิเง แถ่โล เน หม่าโต่, หม่าดื่อ เพ จอแปแหร่ เด๊อ ม๊อขุ เตเพร เด๊อะซิเง แถ่โล เน แพ๊.

ꤛꤥ꤭ꤟꤢ꤬ 14:7

ซี เก่ ซิเง ตาเตเฮ๊อ แว เฮ๊เนอ, ซี ซิเง โต่เกอ ดื่อเฮ๊อ แวเพ เฮ๊อ. เป๊อแถ่ กู๊แหน่เออ ตาเป่แฮเนอ, ซี เกล๊ ซิเง แหน่เจ๊อ แวเพ เฮ๊อ เร๊อ ซี เกล๊ แม๊เถอะน๊อ แหน่ เฮ๊อ อา เฮ๊อ.”

ꤛꤥ꤭ꤟꤢ꤬ 5:17

เหย่ซู่ เฮ๊ฉื่อ เหย่ซี เน๊อ, “แวเพ เม แรเต ปว๋า โพ๊, อา โอ่โก๊ โตโพ๋ โต่ เร๊อ แว โตเบ่ เมเกอ ฮู๊เนอ.”

มัทธิว 26:39

อา จว๊า เป่แฮโป่ เด๊อ เง ตี๊กิแพ๊ เร๊อ อา โอ่เมอ โตโกลตา เด๊อ เห่ขุ เร๊อ อา กุยจ๊อเบ เร๊อ อา เฮ๊ เน๊อ, “เก๋อ เพ เก่ หม่าแน๊เรอ เน เก่ พย๊า ตาพาแก เป่ แว เบหล่อ เตจาเตจือ เออเต๊เบ่ เด๊อแวโอ่ หม่า อาหนิ แพ๊ หม่าแน๊เรอ แว ซิหยื่อ เม จู๊ ดื่อ แว ซิปล่อ โต่ จู๊ ดื่อแพ๊ เน ซิ ปล่อ นี๋.”

มัทธิว 18:10

“รอหนิ แลแค ซีเหน่ นี๋. จว๊า เตเน ปีตี๊ แต่ เป๊เจ่ ปีตี๊เล๊อ เด๊อ ซีเกล เนอเต๊เห่ แต่เหม่ นี๋, เมเตเฮ๊เรอ แว เฮ๊ เฮ๊อ ซี, เป๊เจ่เออเต๊เห่ อาเตเน่ว ม๊อขุพู๊ เด๊อ อา โอ่ป่อ แม๊ หนิ เหย่ซี เต๊เห่เนอ, อา โอ่ผื่อ เน๊อ เพ จอแปแหร่ เด๊อ ม๊อขุ ปว๋า โตโพ๊เจ๊อ.

มัทธิว 18:19

“แว เฮ๊ โป่ ซี, เด๊อ เห่ขุ เออเนอ, แกแย ซิเนอ เก่ ซิปล่อ แซ่ลู เฮ๊เรอ, กุยจ๊อเบ เต อิเตเต๋ เบ่เบ่เนอ, แวเพ โอ่ เด๊อ ม๊อขุ เออเตเพร เก่ เด๊อะเป่ ล๊อปลี เหย่ซี กุย เนอเต๊เห่ ปา.

มัทธิว 25:10

“เบ๊อะเหย่ซี จว๊าปาแพ๊ เด๊อ แกล๊ลู เบ๊อะเนอ, กาฉู่แด่เพรคู แฮโต่เบ่ เล๊เฮ๊อ, เพรเหมาะลีแม เด๊อ อา โอ่ ตี๊หรี่แตแร อาเหน่ เต๊เห่ แฮโน เต่อเกอ เร๊อ กาฉู่แด่เพรคู เด๊อ กาฉู่เมฉู่แด่ อา เตเอ่เตโอ เหล่โอ่ เร๊อ อู เมบี๊แก กู่ดา.