มัทธิว 6:9 - ลีเทส่อพ๊าอาเซ เร๊อ เห่ขุทวาลู๊9 “ซี โตเบ่ กุยจ๊อเบ ฮู๊เต เฮ๊เนอหม่า, กุย แลแค ฮู๊เออ, ‘เก๋อ เปเพ จอแปแหร่ โอ่เด๊อ ม๊อขู อู เก่ แด่ดุแด่ทู เบ่ แด่หยื่อแด่แหน่ เร๊อ ดื่อ เนมุย บูโพ๊ เออนี๋. အခန်းကိုကြည့်ပါ။Eastern Kayah Shadaw Dialect9 “ꤞꤤ꤭ ꤒꤥ꤭ꤙꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤟꤢꤨꤒꤢꤩ꤭ ꤟꤢꤩꤔꤣꤧ꤬ꤗꤢ꤬, ꤊꤝꤤ꤭ ꤜꤢ꤭ꤋꤢꤧ꤭ ꤟꤢꤨꤣꤧ꤭, ‘ꤊꤣ꤮ ꤕꤢꤩ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤘꤣ ꤗꤢꤪꤋꤢꤨ꤬꤮ ꤢꤨ꤭ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤚꤣꤧꤘꤢꤦ꤬ ꤔꤢꤧ꤬ꤗꤝꤤ꤭ ꤣꤧ꤭ ꤔꤤ꤮꤯ အခန်းကိုကြည့်ပါ။ |
เมเตเฮ๊เรอ แหย่โยบูโพ๊ แบ่เจ่ เด๊อ จอแปแหร่ เด๊อ ซี เออเนอ, อา นอโต๊โหร่ ซี, อา นอซิอิเช คยาแซ๊ ซี ฮู๊ หลู่เล๊ เนอ หม่าโต่. หม่าแน๊เรอ, แหย่โยบูโพ๊ แบ่เจ่ เมทวาแถ่ เป่โทเฮ๊อ ซี เน๊อ ซี ทวาเฮ๊อ จอแปแหร่ อา พู๊เหมาะพู๊คู อาขว่าอาคยา, อา แด่ เฮ๊อ ซี ฮู๊ อา พู๊เหมาะพู๊คู เต๊เห่เนอ เฮ๊อ. เด๊อ แหย่โยบูโพ๊ แบ่เจ่ อาขว่าอาคยาเร๊อ, เป เอ๊ จอแปแหร่ เน๊อ, “อับบา, เพ” ฮู๊ ซีเพ เน๊อซีเหน่ เตเพร เนอหม่า อาหนิ เฮ๊อ.
เบ๊อะซี กุยจ๊อเบแถ่ จอแปแหร่ เบ๊อะเนอ, “เพ” ซี เอ๊ แลแค ลู ฮู๊เนอ. แกแย ปว๋า เตเพร เมโทเฮ๊อ เตอิเตเต๋ เบ่เบ่ เนอ, จอแปแหร่ เมจากาคยา จ๊อจ๊อเตเต แพ๊, อา แม๊ดุแม๊ปีตี๊ โต่. ฮู๊เนอเรอ เบ๊อะซี โอ่เซอเพร ปา ฮู๊ ซิเผระ เด๊อ เห่ขุเออ เบ๊อะเนอ, โอ่เซอเพร แลแค เด๊อ เตซิอิเซ แด่หยื่อแด่แหน่ จอแปแหร่ อากู นี๋.
แว หม่า คูเปาโล, ลีเออต๊าบ่า หม่า แว รา แพ๊. แว หม่า เพรโด่แน เตเพร. แกแย ตู๊หมู่หมู่ นอทวาแถ่ แว เร๊อ เพรโด่แน หม่าโต่. โท๊โต่, แว ทวาแถ่ เพรโด่แน เด๊อ แกแย เตเพรเพร อา กู๊ยากู หม่า โต่โต่. เหย่ซู่ครี๊ เร๊อ เพ จอแปแหร่ เด๊อ อา เมเซอเพร กาคยา เหย่ซู่ครี๊ เด๊อ เตเซอ เนอเตเพร นอทวาแถ่ แว เร๊อ เพรโด่แน เตเพร แพ๊. โทเรอ โป่แหว่ ครี๊พู๊ ล๋อ ปลี เด๊อ อา โอ่ เกอ เร๊อ แว เบ๊อะเออ เต๊เห่, ซูแฮ เป่ อา เตเฮ๊โมเฮ๊แร๊ เออเต๊เห่ เด๊อ กาลาเทียเก่ เพรหยื่อเอ่เออ ตู๊หมู่ตอกล๊อ เต๊เห่ อา โอ่.
เร๊อ แบ่เจ่ เหย่ซู่ เฮ๊ ลู เน๊อ, “ปื่อ แต่ แว เหม่, เมเตเฮ๊เรอ แว กา เด๊อ แวเพ โอ่ ล๋ายโต่. จว๊า เด๊อ แว โป่แหว่ เนอเต๊เห่ อา โอ่ เร๊อ จว๊าเฮ๊ เป่ เหย่ซี เน๊อ, ‘แว เก่ กากี๊แถ่ เด๊อ แวเพ หม่า อาหม่าหม่า, เหย่ซี อาเพ หม่า อาหม่าหม่า, แว จอแปแหร่ หม่า อาหม่าหม่า, เหย่ซี จอแปแหร่ หม่า อาหม่าหม่า เออเตเพร อา โอ่ปา,’” อา เฮ๊ ลู ฮู๊เนอ.