มัทธิว 6:24 - ลีเทส่อพ๊าอาเซ เร๊อ เห่ขุทวาลู๊

²⁴ “อู เมแจ่ เตแร เด๊อ แบ่เจ่ ซิเนอ โอ่ เตเพร่ว โต่. อา เก่ ซิโตโคแก เกอเร๊อ เตเพร ปา, เร๊อ อา เก่ โม เกอเร๊อ เตเพร ปา. อา เก่ ซิปล่อโนกู เกอเร๊อ เตเพร ปา, เร๊อ อา เก่ เมโตโมเต๊เก่ ฉื่อแก เกอเร๊อ เตเพร ปา. ซี แรเต เป่ จอแปแหร่ อาเงเง, รือ อาเงเง เนอเจ่อลอ เนอ, อาหนิ โต่.”

Eastern Kayah Shadaw Dialect

²⁴ “ꤢꤨ꤭ ꤗꤢꤩ꤬ꤡ꤫ꤢꤧ꤬ ꤒꤢꤩ꤬ꤗꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤞꤤꤔꤣꤧ꤭ ꤢ꤬ꤒꤢꤩ꤬ꤔꤢꤪ꤭ ꤢ꤬ꤜꤢꤩ꤭ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤢ꤬ ꤊ꤫ꤢꤦ꤬ ꤞꤤꤒꤣꤧ꤬ꤋꤥ꤭ꤊꤢꤧ꤭ ꤚꤣꤧꤘꤢꤦ꤬ ꤒꤣ꤬ꤖꤚꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤥ꤬ ꤚꤣꤧꤘꤢꤦ꤬ ꤒꤣ꤬ꤖꤚꤢꤩ꤬ ꤕꤢ꤭꤯ ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤊ꤫ꤢꤦ꤬ ꤞꤤꤕꤜꤢꤪ꤬ꤡ꤫ꤢꤩ꤬ꤡꤢꤦ꤭ ꤚꤣꤧꤘꤢꤦ꤬ ꤒꤣ꤬ꤖꤚꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤏꤢꤦ꤬ꤊꤢꤧ꤭ ꤚꤣꤧꤘꤢꤦ꤬ ꤒꤣ꤬ꤖꤚꤢꤩ꤬ ꤕꤢ꤭꤯ ꤞꤤ꤭ ꤗꤢꤩ꤬ ꤕ꤫ꤢꤩ꤬ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭ꤑꤢꤩ꤭, ꤚꤢꤦ꤭ ꤢ꤬ꤑꤢꤩ꤭ꤑꤢꤩ꤭ ꤔꤣꤧ꤭ꤡꤣ꤬ꤜꤢꤪ꤭ ꤔꤣꤧ꤬, ꤢ꤬ꤔ꤫ꤤ꤬ ꤒꤥ꤬꤯”

มัทธิว 6:24 ပူးပေါင်းရင်းမြစ်များ

ꤜꤢꤨꤊꤢ꤬ 16:13

“หลู่เล๊ เตเพร เมแจ่ แรเต เด๊อ แบ่เจ่ ซิเนอ อาเตนอ อาเลเนอ อา โอ่ เตเพร่ว โต่. อา เก่ ซิโตโคแก เกอเร๊อ เตเพร ปา, เร๊อ อา เก่ โม เกอเร๊อ เตเพร ปา. หม่าโต่เร๊อ อา เก่ ซิปล่อจิจือ เกอเร๊อ เตเพร ปา, เร๊อ อา เก่ เมโตโมเต๊เก่ ฉื่อแก เกอเร๊อ เตเพร ปา. ซี เม เป่ ลอ จอแปแหร่ อาเงเง, รือ อาเงเง เนอเจ่อลอ เนอ, อาหนิ โต่.”

ꤡꤛꤢꤩ꤭ꤗꤢ꤬ꤎꤣ꤬ 4:4

แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.

ꤊꤢ꤬ꤜꤢ꤬ꤒꤤ 1:10

แว เฮ๊ ฮู๊เออ เนอหม่า อาแซ่เน๊อ แว แอ๊จื๊อ ครวาลือ เกอ แกแยเห่ขุพู๊ อาซิปล่อ ฮู๊เนอ แอ? แว ซิหยื่อ ครวาลือ เกอ แกแยเห่ขุพู๊ อาซิปล่อ ฮู๊เนอ หม่าโต่. แว ซิหยื่อ ครวาลือเกอ ฮู๊ จอแปแหร่ อาซิปล่อ เนอแพ๊. แว เก่ แอ๊จื๊อ ครวาลือ เมโม ตื๊อดื่อปา แพ๊ แกแยเห่ขุพู๊ เต๊เห่ อาซิปล่อ แพ๊ เฮ๊เนอหม่า, แว หม่า ครี๊ อาหลู่ เตเพร หม่าโต่.

มัทธิว 4:10

โทเรอ เหย่ซู่ เฮ๊ ลู เน๊อ, “โลเน๊มู๊แหม่ กู่กล๋อ! จว๊า ตาพายาแก ลีเทส่อพ๊า เฮ๊ เน๊อ, ‘จ๊อเบแถ่ ตื้อแพ๊ เน แบ่เจ่ จอแปแหร่ เร๊อ เมแพ๊ตื้อ อาเตเม แพ๊ นี๋,’” อา เฮ๊ ฮู๊เนอ.

ꤜꤢꤨꤊꤢ꤬ 16:11

เก่ เมฮู๊เนอ เฮ๊เรอ, ซี เก่ จ๊อเต เน๊อ เตแม๊ตู่ เห่ขุ อา เตดุแหย่แถ่เซ โต่ เฮ๊เรอ, ม๊อขุ เตดุแหย่แถ่เซ หม่าแหน่ เออเนอ, อู หยื่อเอ่ แจ่ ซี โต่.

ทิโมธี อาเหร่อเล๊อ ต๊าบ่า 6:17

เฮ๊แก เนโหง่ เน๊อ แกแย ดุแหย่แถ่เซ เด๊อ เห่ขุ เออเต๊เห่เนอ, เร๊อ เฮ๊ เหย่ซี เน๊อ พย๊าแด่ดุแถ่โล แต่ ซีเหน่ แต่เหม่, ซิเลแถ่ หนิ แต่ ซี เตดุแหย่แถ่เซ เนอเต๊เห่ แต่เหม่. เตดุแหย่แถ่เซ เออเต๊เห่เนอ, อา โอ่โล แพ๊ เตอเปลอฮู๊ ปา เร๊อ อา เก่ โอ่เหม่แก ปา เฮ๊ เหย่ซี ฮู๊เนอ นี๋. หม่าแน๊เรอ เหย่ซี โตเบ่ แม๊ชือแถ่ เด๊อ จอแปแหร่ อา โอ่. แซ่ฮู๊ เป เก่ ซิครือซิลอ อาเงเนอ, จอแปแหร่ เด๊อ ตาปอตาเป เป่ เจ๊อ เป ปว๋า โตโพ๊ เจ๊อ.

ꤜꤢꤨꤊꤢ꤬ 16:9

โทเร๊อ เหย่ซู่ เฮ๊ เน๊อ, “ฮู๊เนอ อาขว่าอาคยา แว แด๊โฉ่ ซี, แซ่ฮู๊ เน เก่ หนิ โหร่ เอ๊ เนซว๊าเนโค เต๊เห่ เด๊อ อา เก่ ทวา เนเต เนอ, นอจ่อ เนเห่ขุ เตดุแหย่แถ่เซ เออเต๊เห่เนอ. ฮู๊เนอเรอ ช๋า เน เตดุแหย่แถ่เซ ลอเฮ๊อ ปาเนอ, อู เก่ เอ๊ฉื่อ ดื่อ เน เด๊อ เตเซอพร ตูจูเพร เด๊อ ม๊อขุ อาเทออาเก่กู เนอ ปา.

ทิโมธี เนอบ่า ต๊าบ่า 4:10

เมเตเฮ๊เรอ, คูเดมาส โมหนิเร๊อ เต, ปว๋า เต๊อเจ่อ เด๊อ เห่ขุเออ อาขว่าอาคยา, อา จว๊า ตาพาแก เฮ๊อ เน๊อ แว เฮ๊อ, เร๊อ อา จว๊าเฮ๊อ เด๊อ วีเธสะโลนิกา เฮ๊อ. คูเครสเซนส์ เร๊อ อา จว๊าเฮ๊อ เด๊อ กาลาเทียเก่ เร๊อ คูติตัส เร๊อ อา จว๊าเกอลาติ เด๊อ ดาลมาเทียเก่ เฮ๊อ.

เห่ขุทวาลู่ 47:17

ฮู๊เนอ อาขว่าอาคยา, เหย่ซี ปื่อแฮ แลแค เหย่ซีเตมีเตดอ เต๊เห่ เด๊อ เพโยเซฟ โอ่, เร๊อ เพโยเซฟ ถู่แหล่ เป่ เหย่ซี ตีซิ, ซิหมิ, เป่, ปู่เป๊เหน่, แมอ๊อแหล่ เนอเต๊เห่ เน๊อ เฉ่เอ่เฉ่โอ. เบ๊อะเนอ ต๊าหน๋า แฮ อากู เร๊อ อา ถู่แหล่ เอ่ เป่ เหย่ซี เฉ่เอ่เฉ่โอ เน๊อ เหย่ซี เตมีเตดอ เต๊เห่.