มัทธิว 6:18 - ลีเทส่อพ๊าอาเซ เร๊อ เห่ขุทวาลู๊

¹⁸ แซ่ฮู๊ อู เก่ แม๊เถอะซิเง แต่ เร๊อ ซี โด่เอ่เฉ่ แต่เหม่ เนอ, เมฮู๊เนอ. หม่าแน๊เรอ ซีเพ โอ่เด๊อ เตตาดวา เออเตเพรเนอ อา เก่ แม๊เถอะ เตเม เด๊อ อา ตา ดวา เต๊เห่ เร๊อ อา เก่ เด๊อะ ซี เตเมหนิคว๊าเก่ ปา.”

Eastern Kayah Shadaw Dialect

¹⁸ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ꤞꤤꤑꤢꤩ꤭ ꤒ꤫ꤢꤧ꤬ ꤔꤢꤧ ꤞꤤ꤭ ꤘꤥ꤬ꤢꤩ꤬ꤏꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ꤖꤢꤩ꤭ ꤥ꤬ꤘꤣ ꤒꤢꤩ꤬ꤒꤣꤧ꤬ꤘꤝꤢ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤢꤩ꤬ ꤘꤣ ꤢ꤬ ꤒꤣꤧ꤬ꤘꤝꤢ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤕꤢ꤭꤯”

มัทธิว 6:18 ပူးပေါင်းရင်းမြစ်များ

มัทธิว 6:6

หม่าแน๊เรอ ซีเออ, เบ๊อะซี กุยจ๊อเบ เบ๊อะเนอ, กาโน เด๊อ หี่ด๊อกู เร๊อ ซ๊อบิ กู่ดาเนอ. โทเรอ กุยจ๊อเบแถ่ เปเพ เด๊อ อา โอ่ ตาดวา เตเพร อา โอ่ เนอ. ซีเพ เด๊อ อา แม๊เถอะแจ่ เต โอ่ ตา ดวา เตเพร เนอ, อา เก่ เด๊อะ ซี เตเมหนิ คว๊าเก่ปา.

มัทธิว 6:4

ซี เก่ เมฮู๊เนอ เฮ๊เนอ, ซีเพ เด๊อ อา แม๊เถอะ แจ่ ซี เต เด๊อะโห่เด๊อะเซ๊ เตเพรเนอ, อา เก่ เด๊อะ ซี เตเมหนิคว๊าเก่ เต๊เห่ ปา.”

โครินธ์ เนอบ่า ต๊าบ่า 10:18

เมเตเฮ๊เนอ, แกแย เด๊อ อา ถู่เซ๊ เกอเร๊อดื่อ อาเหน่ เต๊เห่เนอ, แบ่เจ่ ซิปล่อโอ่ ลู โต่, แบ่เจ่ ซิปล่อโอ่ แพ๊ตื๊อ แกแย เด๊อ แบ่เจ่ ถู่เซ๊ เกอเร๊อดื่อ ลู เร๊อ อาเหน่ เนอเต๊เห่ แพ๊.

โครินธ์ เนอบ่า ต๊าบ่า 5:9

หม่าแน๊เรอ, เป โอ่ เบ๊อะเต๋ โต๊โผ่ เบ่เบ่, เป โอ่ ปาแพ๊ เบ๊อะเออ เบ่เบ่, เป จว๊า โอ่ เฮ๊อ เด๊อ หี่ม๊อขุ เฮ๊อ ปา เบ่เบ่, เป ซิหยื่อ เมโต แพ๊ จอแปแหร่ อาซิปล่อ แพ๊.

เปโตร อาเหร่อเล๊อ ต๊าบ่า 2:13

เด๊อ แบ่เจ่ เหย่ซู่ ครี๊ เมเป่ เฮ๊อเป อาขว่าอาคยา, อาซิหยื่อ เด๊อ เป เก่ จูเอ่ หนิดาแกแยเห่ขุพู๊ โอ่เร๊อ อาเตอเรอฉว่าชอ เต๊เห่อาโหง่. โท๊โต่ คุ๊ยดุ เด๊อ อา โอ่ เร๊อ อา เตอเรอฉว่าชอ เล๊ออู เต๊เห่เนอ เบ่เบ่ จูเอ่ เกอ แลแค อาโหง่นี๋.

เปโตร อาเหร่อเล๊อ ต๊าบ่า 1:7

เร๊อ ซี เตหยื่อเตแหน่ เออเนอหมา อา หม่าแหน่ แอ? หม่า อา หม่าแหน่ โต่ แอ? เนอ, เตแป่เตเช เก่ ข่าเฮ๊โลปา. เท เด๊อ อา ปย๊าแจ่ เจ๊อ เออเนอ, อู เบ่ โต ทื๊อแม๊ ปา อา หมิ, ฮู๊เนออาขว่าอาคยา, ซี เตหยื่อเตแหน่ เด๊อ อางูดุงูชอ เล๊อ เร๊อ เทเออ, แซ่ฮู๊ อา เก่ เด๊อะโล เร๊อ เตหยื่อ หม่าแหน่ อาเงเนอ, อู โตเบ่ ทื๊อแม๊ เกอ ดื่อ อา ฮู๊เนอ. โทเรอ ช๋า เหย่ซู่ครี๊ แฮ เด๊อะโล แถ่เฮ๊อ อาเหน่ เคปาเนอ, ซี เก่ พย๊าหนิ เตถู่เซ๊แถ่, เตเตอเรอดุเตอเรอทู เน๊อ เตแด่ดุแด่ทู ซี ปา.

ꤚꤥꤗꤢꤩ꤬ 2:6

จอแปแหร่ เก่ เด๊อ อู เตเมหนิคว๊าเก่ ปว๋า เตเพร ฮู๊ อู โอ่เซอเพร เมโทเฮ๊อ เตเนอ เต๊เห่ ปา.