มัทธิว 6:16 - ลีเทส่อพ๊าอาเซ เร๊อ เห่ขุทวาลู๊

¹⁶ “เบ๊อะซี โด่เอ่เฉ่ เบ๊อะเนอ, แอ๊โน๊ แอ๊กา แต่ ซีเป๊เส่ ฮู๊ แกแย จ่าจ๊อจ่าเต อาเหน่ เนอเต๊เห่ แต่เหม่ นี๋. แซ่ฮู๊ อู เก่ ซิเง เร๊อ เหย่ซี โด่เอ่เฉ่ เนอเรอ อา แอ๊โน๊ แอ๊กา อาเป๊เส่. แว เฮ๊จ๊อจ๊อ ซี, เด๊อ อู ถู่เซ๊ เหย่ซี อาขว่าอาคยา, เหย่ซี พย๊าหนิ เล๊อบา ลอเฮ๊อ อาคว๊าอาเก่เออ เฮ๊อ. คว๊าเก่ เด๊อ อาโร เนอ อา พย๊าหนิ ปาโต่เฮ๊อ.

Eastern Kayah Shadaw Dialect

¹⁶ “ꤙꤣꤧ ꤞꤤ꤭ ꤘꤥ꤬ꤢꤩ꤬ꤏꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢꤧꤒꤣꤧ꤬ꤛꤝꤤꤒꤣꤧ꤬ꤕꤣꤧ꤬ ꤒ꤫ꤢꤧ꤬ ꤞꤤ꤭ꤕꤣꤧꤞꤢꤩ꤬ ꤟꤢꤨ ꤊꤣꤧ꤬ꤛꤢꤧ꤭ ꤢꤧꤡꤢꤪꤢꤧꤒꤢꤩ꤬ ꤢ꤬ꤔ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤞꤤꤑꤢꤩ꤭ ꤔꤢꤧ ꤛꤢꤩ꤬ꤞꤤ꤭ ꤘꤥ꤬ꤢꤩ꤬ꤏꤢꤩ꤬ ꤔꤣꤧ꤬ꤚꤣꤧ꤬ ꤢ꤬ ꤢꤧꤒꤣꤧ꤬ꤛꤝꤤꤒꤣꤧ꤬ꤕꤣꤧ꤬ ꤢ꤬ꤕꤣꤧꤞꤢꤩ꤬꤯ ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤘꤣ ꤢꤨ꤭ ꤓꤢꤨ꤬ꤞꤢꤩ ꤛꤢꤩ꤬ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤔ꤫ꤤ꤬ꤙꤢꤩ꤬ ꤜꤣꤙꤢ꤭ ꤜꤢꤪ꤭ꤟꤣꤧ ꤢ꤬ꤋꤝꤢꤢ꤬ꤊꤢꤩ꤬ꤣꤧ꤭ ꤟꤣꤧ꤯ ꤋꤝꤢꤊꤢꤩ꤬ ꤘꤣ ꤢ꤬ꤚꤥ꤬ ꤔꤣꤧ꤬ ꤢ꤬ ꤔ꤫ꤤ꤬ꤙꤢꤩ꤬ ꤕꤢ꤬ꤒꤥ꤬ꤟꤣꤧ꤯

มัทธิว 6:16 ပူးပေါင်းရင်းမြစ်များ

ꤜꤢꤨꤊꤢ꤬ 18:12

โซซว๊าเตอเนอ อากูเนอ, แว โด่เอ่ เหล่เอ่เหล่โอ เนอเนอ ปว๋า โตโพ๊ เจ๊อ, โทเร๊อ ล๋อ แว พย๊าหนิ เต เต๊เห่เนอ, แว เด๊อ กาคยา เจ๊อ เน ปุ๊ยเฉ๊อ ตีปุ๊ย เจ๊อ.’

ꤗꤢ꤬ꤊꤢꤨ 2:18

เบ๊อะเนอ ตื๊อหื่อ คูยอห์น อา โคเจ่ เร๊อ ฟาริสี เต๊เห่ อา โด่เอ่โด่โอ แลแค เร๊อ แกแย เบ๊อะเนอ จว๊า แด๊เฮอ เหย่ซู่ เน๊อ, “คูยอห์น อา โคเจ่ เร๊อ ฟาริสี อา โคเจ่ เต๊เห่ โด่เอ่ เหล่เอ่เหล่โอ, หม่าแน๊เรอ เน โคเจ่ เต๊เห่เนอ อา โด่เอ่ เกออู ดี เร๊อ เหล่เอ่เหล่โอ โต่ เมเต?” อา จว๊า แด๊เฮอ ลู ฮู๊ เนอ.

เพรโด่แนพู๊ เต๊เห่ 14:23

เด๊อ เพรหยื่อเอ่ตู๊หมู่ตอกล๊อ ตู๊หมู่ เร๊อ ตู๊หมู่ อากูเนอ, คูเปาโล เร๊อ คูบารนาบัส นว๊าแถ่ เป่ เหย่ซี โหมะพรูโหมะเผระ เด๊อ อา เบ่ ทวา ทวาดุทวาเต เต๊เห่. เร๊อ อา กุยจ๊อเบ เป่ เหย่ซี, โทเรอ อา โด่เอ่ เหล่เอ่เหล่โอ, อา เมโท ฮู๊เนอเรอ อา เด๊อะตาแก แกแย เออเต๊เห่ เด๊อ แบ่เจ่ เด๊อ เหย่ซี หยื่อเอ่ เกอเร๊อ เออเตเพร อา กู๊ยากู.

มัทธิว 6:5

“เร๊อ เบ๊อะซี กุยจ๊อเบ เบ๊อะเนอ, เม แต่ ฮู๊ แกแย เกล จ่าจ๊อจ่าเต อาเหน่ เต๊เห่ แต่เหม่, เมเตเฮ๊เรอ, แซ่ฮู๊ อู เก่ แม๊เถอะ เหย่ซี เนอ, เหย่ซี ซิหยื่อ โอ่ ก๊อถ่อ กุยจ๊อเบ แลแค เด๊อ ยูดาห์ เตจ๊อเบโฮกู เน๊อ แกล๊ ทือแกล๊เด ฮู๊เนอ. แว เฮ๊จ๊อจ๊อ ซี, เหย่ซี พย๊าหนิ เล๊อบา โท ลอเฮ๊อ เตเมหนิคว๊าเก่ เต๊เห่เฮ๊อ.

มัทธิว 6:2

“เมฮู๊เนอเรอ, เบ๊อะซี เมหลู่เมแต แกแย โซพ๊าโซแรพู๊ เต๊เห่ เนอ, เอ๊โทเอ๊โม เร๊อ แอ๊เป๊อ แซ่ ฮู๊ แกแย เกล จ่าจ๊อจ่าเต เนอเต๊เห่ เมเนอ แต่เหม่ นี๋. เมเตเฮ๊เรอ แซ่ฮู๊ อู เก่ แด่ดุหยื่อแหน่ เหย่ซี อาเงเนอ, เหย่ซี เมหลู่เมแต แกแย โซพ๊าโซแรพู๊ เต๊เห่ เด๊อ แกแยยิวพู๊ เตจ๊อเบ โฮกู เร๊อ เด๊อ แกล๊เดกู. แว เฮ๊จ๊อจ๊อ ซี, เหย่ซี พย๊าหนิ เล๊อบา โท เฮ๊อ อา เตเมหนิคว๊าเก่ เต๊เห่เฮ๊อ.

โครินธ์ เนอบ่า ต๊าบ่า 11:27

แว เบ่ เอ่แร ซิพร๊า เร๊อ แว เบ่ จ่าเพรอจ่าหร่อ แร แลแด๊แลดา เจ๊อ แวเหน่. แว โอ่เมอหนิ โต่ เนอหม่า โตโมโม เจ๊อ. แว โต่เจ๊อ เด๊อ เตแลแด๊เอ่ แลแด๊โอ หม่า อา โอ่โอ่. เอ่ก๊อโอบา โต่ โตโมโม เจ๊อ. แว เห่อจา เหล่กือเหล่แซ๊ โอ่ เล๊อบาโต่ เร๊อ แว เบ่ ข่าเบ่ เก่โหร่เก่ชุ๊ย เจ๊อ.

โครินธ์ อาเหร่อเล๊อ ต๊าบ่า 7:5

เม เร๊อ เว อา เตซิหยื่อซิลอ เตเพร เร๊อ เตเพร เนอ, เบ่ โย เกอเร๊อ ลู โต่. หม่าแน๊เรอ เบ๊อะซี ซิหยื่อ กุยจ๊อเบ โส่ครื๊อโส่เคร ตื๊อดื่อ เบ๊อะเนอ, ซี เก่ ซิปล่อโต ลู เด๊อ ซี เก่ โอ่เมอ ตาพา โค๊ งยาลา ลู โต่ เก่เฮ๊เนอหม่า อาหนิ แพ๊. หม่าแน๊เรอ ซี กุยจ๊อเบ โทเนอ, ซี เบ่ โอ่เมอเต่อ คยาลู, เมเตเฮ๊เรอ เก่ ซี ค๊อเป่ เร๊อ ซี ซิปล่อ โต่ เฮ๊เนอ, โลเน๊มู๊แหม่รีแจ่ กู่กล๊อ เก่ อิลออี๊โหล่ หนิ ซี ปา.

ꤜꤢꤨꤊꤢ꤬ 2:37

อาเว เซอแก ลูเหล่ เร๊อ อา โอ่แคร๊แก เร๊อดื่อ แพ๊. กู๊แหน่เรอ อาหน่า โอ่ เฮ๊อ เชอลุยซว๊า เร๊อ ลุยหน่า เฮ๊อ. อา เถ่จว๊า โตโพ๋ โต่, อา โอ่แพ๊ เบ๊อะเตหลู่แตโฮกูเนอ แพ๊. อา จ๊อบู่จ๊อเบแถ่ จอแปแหร่ เด๊อ เตเตหลู่แตโฮกู เหมาะคี๊คี๊ เหมาะเชเกลเกล เจ๊อ, โท๊โต่ อา โด่เอ่ เหล่เอ่เหล่โอ เร๊อ อา กุยจ๊อเบ ปวาเนอปวาเซ เจ๊อ.

โครินธ์ เนอบ่า ต๊าบ่า 6:5

อูมืออูปอ เจ๊อ เป. อู ด๊อตา เป เด๊อ ทอกู. อู เม ตอปลอตือซือ เป เร๊อ อู เหว่เถ่จว๊าแก เป, เป เอ่แร ซิพร๊าแลแด๊ ปวาเนอปวาเซ เจ๊อ, เตเซ๋ เตเซ โอ่เมอน๊อ โต่ เนอ อาโอ่ อาเซ เอ๊ ลา, โทเรอ เอ่น๊อโอน๊อ โต่ เนอหม่า อา โอ่โอ่.

เพรโด่แนพู๊ เต๊เห่ 10:30

เร๊อ เพโครเนลิอัส เฮ๊ เป่ ลู เน๊อ, “เบ๊อะอา ตาลว๊าแก โซเซ เหมาะเฮ๊แล โซมือ อาแซ่เน๊อ กู๊แหน่เค เออเนอเฮ๊อ, แว กุยจ๊อเบ เต. เบ๊อะเนอโตโพ๊, แกแย กือแซ๊หนิ เห่อจา เตเคแปล๊ลีซิ เตเพร แฮก๊อถ่อโอ่ คย๊า เด๊อ แว เป๊เส่เง.

มัทธิว 6:1

รอหนิ แลแค ซีเหน่ เด๊อ ซี เก่ เมแร๊ แพ๊ เด๊อ แกแย เห่ขุพู๊ เป๊เส่เง เนอ เหม่นี๋. ซีเก่ เมฮู๊เนอ เฮ๊ หม่า เพจอแปแหร่ เด๊อ ม๊อขุ เตเพร เด๊อะ เป่ซี เตหนิ คว๊า เก่ โต่.