มัทธิว 6:13 - ลีเทส่อพ๊าอาเซ เร๊อ เห่ขุทวาลู๊

¹³ นอจว๊าโน แต่ เป เด๊อ เตอิลออี๊โหล่ อาเกล เนอ แต่เหม่ นี๋. หม่าแน๊เรอ เมแลเปล๊กา เร๊อเป เด๊อ โลเน๊มู๊แหม่ กู่กล๊อ อา กู๊ยากู เออเนอ นี๋. (เมเตเฮ๊เรอ เทอเก่ เบ่เบ่, เตโพรเตเตอ เรอ เบ่เบ่, เตเตอเรอดุ เตอเรอทู เบ่เบ่ หม่าดื่อเฮ๊อ เนเต ตูจูเพร ตาแลเคร๊ เฮ๊อ. อาเมน.)’

Eastern Kayah Shadaw Dialect

¹³ ꤔꤢꤪ꤭ꤡꤝꤢꤔꤥ꤭ ꤒ꤫ꤢꤧ꤬ ꤕꤢꤩ꤬ ꤘꤣ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤢ꤬ꤊꤜꤢꤩ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤚꤣꤧ ꤕꤢꤩ꤬ ꤘꤣ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ ꤊꤢꤨꤛꤢ꤭ꤊꤢꤨ꤭ ꤣꤧ꤭ꤔꤣꤧ꤬ ꤔꤤ꤮꤯ (ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤓꤣꤧ꤭ꤊ꤫ꤢꤩ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤙꤢꤩ꤬ꤙꤢꤩ꤬, ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤙꤢꤩ꤬ꤙꤢꤩ꤬ ꤗ꤫ꤢ꤬ꤘꤢꤦ꤬ꤟꤣꤧ ꤔꤢꤧ꤬ꤒꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤟꤣꤧ꤯ ꤢ꤬ꤗꤢꤩ꤬꤯)’

มัทธิว 6:13 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 10:13

ล๊อ เตอิลออี๊โหล่ เด๊อ เน แม๊เถอะ แฮเบ่น๊อ เต๊เห่ เนอหม่า อา แซ๊ แพ๊ เร๊อ แกแย เห่ขุพู๊ เด๊อ อาโร เต๊เห่ แม๊เถอะ ซิเต่อเบ่น๊อ เนอเต๊เห่ แพ๊. หม่าแน๊เรอ จอแปแหร่ เนอ อาจ๊อ เร๊อ อาโหง่, เมเตเฮ๊เรอ เตอิลออี๊โหล่ เด๊อ อาฉว่าอาชอ เด๊อ เน ข่าเบ๊ โต่ เต๊เห่เนอ, อา นอข่า เน โต่. เบ๊อะเตเมแม๊ แฮเบ่ เน เบ๊อะเนอ, แซ่ฮู๊ เน เก่ แด่ทูซิปล่อ เบ๊ อา, โท๊โต่ แซ่ฮู๊ เน เก่ เหล่แลเปล๊เบ๊ เน๊อ เตอิลออี๊โหล่ เออ อาเงเนอ, จอแปแหร่ เก่ โบ๊โม เป่ เน แกล๊ ปา.

ꤛꤥ꤭ꤟꤢ꤬ 17:15

แว กุยจ๊อเบ เร๊อ พย๊าเถ่ ตาพาแก เหย่ซี เร๊อ เห่ขุเออ ฮู๊เนอ หม่าโต่. หม่าโต่เรอ, แว กุยจ๊อเบ เร๊อ เน เก่ ตอกอเตเก บี่หนิ เหย่ซี เร๊อ แกแยจา แกแยมู๊แหม่ เด๊อ อู เอ๊ ลู เร๊อ ซาตาน เออเนอ โตโด.

มัทธิว 26:41

แซ่ฮู๊ ซี เก่ จว๊าโน เต่อเกอ แต่ เด๊อ อิลออี๊โหล่ อากู แต่เหม่เนอ, ส่าเซ เร๊อ กุยจ๊อเบ แลแค นี๋. ซี ซิหยื่อ เมเกอแหน่ เจ๊อ ตื๊อดื่อเรอ ซี เหน่กล่อ เออเนอ อา อ๊าเจ่เหร่เจ่ แหน่เจ๊อ.”

เตเด๊อะโลแถ่ 19:1

เตทวาแถ่ โท ฮู๊เนอเรอ แว หนิโฮ โหง่พราแถ่ ตอว๊อตือซือ ฉว่า เด๊อ ม๊อขุ เร๊อ อา เจ๊อ เน๊อ แกแย ตู๊หมู่ดุ เฮ๊เบ่ เนอ, เร๊อ อา เฮ๊ แลแค เน๊อ, “ถู่เซ๊แถ่ แลแค จอแปแหร่! เต เมแลเปล๊กา เร๊อ เตลีเตตาเค เน๊อ เตโพรฉว่าชอ ซีเต๊เห่หม่า เป จอแปแหร่ อาเต ลอ แพ๊.

เธสะโลนิกา เนอบ่า ต๊าบ่า 3:3

หม่าแน๊เรอ แบ่เจ่ เออเนอ อาจ๊อ เร๊อ อาโหง่ เร๊อ อา เก่ เด๊อะฉว่าแถ่ ซี ซิปล่อ อาอ๊าอาเหร่ ปา, เร๊อ อา เก่ ตอกอเตเก ตาตือ เปเร๊อ ซี เร๊อ แกแยมู๊แหม่ เนอเตเพร ปา.

มัทธิว 6:10

เน เก่ แฮ ช๊อโอ่ เร๊อดื่อ เนเทอเนเก่ เบ๊อะเห่ขุ เออ นี๋. ฮู๊ เน เตซิหยื่อซิลอ เล๊อบา โทดื่อ เฮ๊อ เด๊อ ม๊อขุเนอ, นอ เล๊อบา เกอดื่อ อา เบ๊อะเห่ขุ เออนี๋.

เปโตร เนอบ่า ต๊าบ่า 2:9

ฮู๊เนอเรอ แบ่เจ่ จอแปแหร่ เก่ เมแลเปล๊กา แกแย เด๊อ อา เมโต ลูซิปล่อ เร๊อ อา โอ่ เด๊อ เตจาเตจือ อากู เนอเต๊เห่ ฮู๊เต ปาเนอ อา ซิเง แพ๊. โท๊โต่ อา ปื่อโอ่หม่าหนิ แกแยจา เออเต๊เห่ เร๊อ อา เก่ เมจากาคยา แฮเง ตื๊อดื่อลอ เหย่ซี โต่เด๊อ เตเมจากาคยา อาม๊อเนอ เนอเตอเนอ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:10

โทเรอ จอแปแหร่ อาพู๊คู เหย่ซู่ เด๊อ อาเพ เม ก๊อถ่อ เซอเพร กาคยา คยาแซ๊ ลู เด๊อ เตเซอ เออเตเพร เก่ แฮแล คยาแซ๊ เด๊อ ม๊อขุ ปาเนอ, ซี โอ่ป่อแม๊ชือ แลแค ฮู๊เต เนอ เหย่ซี เฮ๊ ลอปลี เป่ เป. เหย่ซู่ หม่า เพร เมแลเปล๊กา เฮ๊อ เป เร๊อ จอแปแหร่ อา เตซิปล่อดุ เด๊อ อา เก่ เมจากาคยา อู ปา เออเนอ เตเพร อา กู๊ยากู เฮ๊อ.

เตเด๊อะโลแถ่ 21:4

จอแปแหร่ เก่ ทื๊อซูแก ลอ เหย่ซี อาเป๊เส่เทอ ปา. เตเซอ โอ่ ปา โต่. เตซิเปล เบ่เบ่, เตโหง่เตเห่ เบ่เบ่, เตเชเหน่เชแบ่ เบ่เบ่ อา โอ่ ปา โต่. เต เด๊อ อา ทวาแถ่น๊อ เด๊อ เห่ขุ อาเลอ เออต๊าบ่า เต๊เห่เนอ, อา โอ่ ปา โต่ เฮ๊อ.”

เตเด๊อะโลแถ่ 3:10

แว เฮ๊แก โหง่ เด๊อ เน เก่ แด่ทูซิปล่อ อาเง เออเนอ, เน โตเตเนหม่า พย๊าหม่า อาขว่าอาคยา, เตแป่เตเช เด๊อ อา เตเร แฮ เด๊อ เห่ขุเออ เร๊อ อา เก่ เมแม๊ ล๋อ แกแย โอ่เด๊อ เห่ขุ เออต๊าบ่า ลอปา เบ๊อะเนอ, แว เก่ ตอกอเตเก เกอเร๊อ เน ปา.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:8

แกแย เตเพรเพร เด๊อ อา เม แฮเง ตื๊อดื่อปา เตซื๊อเตปล๊า เฮ๊เนอหม่า, โลเน๊มู๊แหม่รีแจ่ กู่กล๊อ เป๊อ เกอเร๊อ ปาแพ๊ ลู, เมเตเฮ๊เรอ โลเน๊มู๊แหม่รีแจ่ กู่กล๊อ เออเนอ, อา เมเจ๊อแหน่ เตซื๊อเตปล๊า เด๊อ อาแก่ช๊าเค ปา เจ๊อ, เร๊อ อา เม แฮเง ตื๊อดื่อ โต่ปา เจ๊อ กู๊แหน่ เจ๊อ. แซ่ฮู๊ จอแปแหร่ อาพู๊คูเออ เก่ เมปย๊าแก เต เด๊อ โลเน๊มู๊แหม่รีแจ่ กู่กล๊อ เมโทเฮ๊อ เนอเต๊เห่ อาเงเนอเรอ, อา แฮแล เด๊อ เห่ขุเออ เฮ๊อ.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

เห่ขุทวาลู่ 22:1

เพอับราฮัม โอ่ หน่างยาเลงยา เฮ๊อ เบ๊อะ ฟีลิสเตียเก่กู โทเร๊อ จอแปแหร่ดุ เจแม๊ ลู เตหยื่อเตแหน่ เร๊อ, “อับราฮัม,” อา เอ๊ ลู เร๊อ, “แว โอ่ แพ๊ แบ่เจ่ดุ,” อา เต๊ฉื่อ ลู ฮู๊เนอ.

ꤊꤢ꤬ꤜꤢ꤬ꤒꤤ 1:4

แซ่ฮู๊ ครี๊ เก่ เมแลเปล๊กา เป่ เร๊อ เออตือทือ อา เตมู๊แหม่รีแจ่ เต๊เห่ อาเงเนอ, อา เด๊อะแลแก เฮ๊อ อา ซิปล่อเซอเพร เด๊อ เป่ เตซื๊อเตปล๊า เก่ ปลวาแก อาเง เฮ๊อ. ฮู๊ อา เพ จอแปแหร่ ซิหยื่อ นอเม ลู เต๊เห่เนอ, อา เมกาโทเฮ๊อ.

โครินธ์ เนอบ่า ต๊าบ่า 1:20

แบ่เจ่ เหย่ซู่ เมเล๊อเมบา เป่ ลอ เฮ๊อ ล๋อ จอแปแหร่ อา เตอ๊อแล เนอเต๊เห่ เฮ๊อ. อา เมเล๊อเมบา เป่ จอแปแหร่ อา เตอ๊อแล เออเนอหมา, เป ซิปล่อโต เกอ แพ๊ เร๊อ เป เก่ เฮ๊ เน๊อ, “อาเมน” อาโหง่แลช๊า หม่า “อา หม่าแหน่ เจ๊อ” เร๊อ เป เก่ ถู่เซ๊แถ่ จอแปแหร่ ฮู๊เนอ.

เตเด๊อะโลแถ่ 2:10

เตเด๊อ เน เตเร ข่าเบ่ กู๊แหน่ เออเนอ, ซิอิเช แต่ อาเหล่ ตีกี๋ แต่เหม่ นี๊. โลเน๊มู๊แหม่รีแจ่ กู่กล๊อ ตี๊หรี่แตแร เฮ๊อ อู เด๊อ อู เก่ ทื๊อแม๊ ซี อาขว่าอาคยา, อา เก่ ด๊อโน ซี เด๊อ ทอกู เต๊เห่เห่ ปา. อู เก่ เมจาเมจือ ซี อาเนอเช๊อ อาเซเช๊อ ปา โต่ เจ๊อ เด๊อ เน แม๊เถอะเบ่ เจ๊อ เร๊อ เตเซอ เบ่เบ่, ตูรู๊ จ๊อ เร๊อ แว เนอ, แว เก่ เด๊อะดื่อ เน เตเซอเพร อา กู๊โก่เท ปา.

เตเด๊อะโลแถ่ 1:18

แว หม่า แกแย เด๊อ อา เซอเพร เตเพร. แว เซอ โทเฮ๊อ หม่าแน๊เรอ กู๊แหน่เออ แว เซอเพร ตูจูเพร แตแลเคร๊. แว โอ่เร๊อ เตอเรอฉว่าชอ เร๊อ เตโพร เร๊อ แว เป๊อะลอ เตเซอ เร๊อ โลเน๊มู๊แหม่รีแจ่ดอ เต๊เห่.

มัทธิว 5:37

เน เฮ๊เบ่ เบ๊อะเนอ, อาหม่าเร๊อ ‘อาหม่า’ เฮ๊เนอ, อาหม่าโต่เร๊อ ‘อาหม่าโต่’ เฮ๊เนอ, ล๋อ เตเฮ๊เล๊อะเฮ๊กลอ เนอเต๊เห่ หม่า อา แฮ เด๊อ โลเน๊มู๊แหม่ กู่กล๊อ อา โอ่ แพ๊.”

โครินธ์ อาเหร่อเล๊อ ต๊าบ่า 14:16

เฮ๊โก๊หลื่อ, เน เก่ เฮ๊บุ๊ยเฮ๊เตอเรอ ถู่เซ๊แถ่ ตื๊อแพ๊ จอแปแหร่ เร๊อ โหง่โค๊ตีกลี๊ เออ เก่เฮ๊เรอ, แกแย เด๊อ อา แฮจ๊อเบ เกอ เน เออเต๊เห่ อาเกล เตเพรเพร ย๋อ ซิเง เกอ เนโหง่ โต่ อาขว่าอาคยา, อา ครวา เฮ๊บุ๊ยเฮ๊เตอเรอแถ่ แจ่ เกอ เน จอแปแหร่ โต่.

มัทธิว 28:20

โทเรอ อิซว๊าอี๊แส่ แลแค เหย่ซี เน๊อ อา เก่ จูเอ่ ครวาเม ลอฮู๊ แว เฮ๊ แก ซีโหง่ เนอเต๊เห่ นี๋. แว เก่ โอ่เต่อเกอ เร๊อ ซี ปว๊า โพ๊ เจ๊อ ปา, โต่ เจ๊อ เด๊อ เห่ขุ ตื๊อดื่อแก เจ๊อปา เบ่เบ่, แว เก่ โอ่ เกอ เร๊อ ดื่อซีปา.”

เตเด๊อะโลแถ่ 19:4

โหมะพรูโหมะเผร่ เนอเชอ เร๊อ ซิลุย เร๊อ เตเซอเพร เนอ ลุยโด เนอ, อา แด๊งือ จ๊อบู่จ๊อเบแถ่ แบ่เจ่ จอแปแหร่ เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โลอาขุ เนอเตเพร เร๊อ เหย่ซี เฮ๊ แลแค เน๊อ, “อาเมน! ถู่เซ๊แถ่ จอแปแหร่!”

เตเด๊อะโลแถ่ 5:13

เร๊อ แว หนิโฮ ล๋อ เต เด๊อ อาซิปล่อเซอเพร โอ่ เนอเต๊เห่ เด๊อ อา โอ่ เด๊อ ม๊อขุ เต๊เห่ เบ่เบ่, เด๊อ เห่ขุ เต๊เห่ เบ่เบ่, เด๊อ เห่เล เต๊เห่ เบ่เบ่, เด๊อ เทอดุซาวา อาเล เต๊เห่ เบ่เบ่, ล๋อ เต โอ่ เด๊อ ม๊อเล เต๊เห่เนอ เบ่เบ่, อา อิโรแถ่ เร๊อ อา เฮ๊ แลแค ฮู๊เออ, “เตถู่เซ๊แถ่, เตเมลีเมตาเค, เตแด่ดุแด่ทู เร๊อ เตโพรฉว่าชอ เนอ อา เก่ โอ่ เกอดื่อ เร๊อ แกแย เด๊อ อา โอ่แนโอ่ เด๊อ จ๊อแผ่ กู่แกล๊เท แถ่โล อาขุ เนอเตเพร เร๊อ ซิหมิพู๊ เนอโตโด ตูจูเพร แตแลเคร๊ นี๋.”

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.

ꤟꤤꤙꤚꤢꤨ 11:36

เต๊เห่เห่เนอ, อู เม ซิเตเร ลอปลี เหย่ซี, อู เป๊อเจ่ออิแช๊ ลอปลี เหย่ ซี, เร๊อ อู มือ เหย่ซี เร๊อ สู่เปลออิปลี๊, เต๊เห่เห่เนอ อู จอ เหย่ซี เร๊อ สู่เปลอต่อเท๊, เร๊อ อู ด๊อโน เหย่ซี เด๊อ ทอกู.

ทิโมธี อาเหร่อเล๊อ ต๊าบ่า 1:17

แกแย ปว๋า เตเพร เก่ ถู่เซ๊แถ่ ดื่อ คุ๊ย เด๊อ อา เป๊อตี๊หรี่เต ตูจูเพร ตาแลเคร๊ เร๊อ อา เซอแจ่โต่ เออเตเพร นี๋. อา หม่า จอแปแหร่ เด๊อ อู แม๊เถอะแจ่ ลู โต่. จอแปแหร่ หม่าตื๊อ อา เตเพร แพ๊. แกแย ปว๋า เตเพร เก่ แด่ดุแด่ทูดื่อ อา, อู เก่ เมลีเมเตเค แถ่ดื่อ อา ปว๊าตือทือ นี๋. อาเมน.