มัทธิว 5:9 - ลีเทส่อพ๊าอาเซ เร๊อ เห่ขุทวาลู๊

⁹ แกแย เด๊อ อา เมเปเมดวา เต เต๊เห่เนอ, อา พย๊าหนิ เตเด๊อะบุ๊ยเด๊อะเตอเรอ. เมเตเฮ๊เรอ จอแปแหร่ เก่ เอ๊ เหย่ซี เน๊อ อาพู๊ เต๊เห่ ปา.

Eastern Kayah Shadaw Dialect

⁹ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤖꤚꤢꤩ꤭ꤗꤢꤩ꤬ꤘꤢꤦ꤭ ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤢꤩ ꤛꤢꤩ꤬ꤞꤤ꤭ ꤔꤢꤧ ꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤕꤢ꤭꤯

มัทธิว 5:9 ပူးပေါင်းရင်းမြစ်များ

ꤟꤤꤙꤚꤢꤨ 12:14

แอ๊จื๊อ โอ่โครโอ่เกล เกอ เน๊อ อู ปว๋า เตเพร นี๋. แอ๊จื๊อ โอ่เซอเพร บูโพ๊ แลแค นี๋. เมเตเฮ๊เรอ เตโอ่เซอเพร บูโพ๊ เก่ โอ่โต่ เฮ๊เนอ, อู แม๊เถอะแจ่ แบ่เจ่ เตเพร่ว โต่.

ꤚꤥꤗꤢꤩ꤬ 12:18

แอ๊จื๊อ โอ่เซอเพร โครเกล เกอ แลแค เร๊อ อู เบ๊อะเนแอ๊จื๊อเบ๊ ตื๊อดื่อ เนอ นี๋.

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

ꤚꤥꤗꤢꤩ꤬ 8:14

เมเตเฮ๊เรอ, แกแย เด๊อ อา โอ่เซอเพร ฮู๊ จอแปแหร่ อา แหย่โยบูโพ๊ ยูแกล๊ยูโกล ลู เต๊เห่ เนอหม่า, หม่าเฮ๊อ จอแปแหร่ อา พู๊เหมาะพู๊คู เต๊เห่ เฮ๊อ.

ꤜꤢꤨꤊꤢ꤬ 6:35

โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

โครินธ์ เนอบ่า ต๊าบ่า 13:11

โคแบ๊ซว๊า ซี๋, แว ซิหยื่อ เฮ๊ ซี เด๊อ คยาตื๊อดื่อ เน๊อ, ซิลอซิอือ แลแค นี๋. เมแร๊กาคยา แลแค ซี เตโอ่เซอเพร นี๋. หนิดา แลแค แว เตกุยซิยอ ซี เออเนอ เต๊เห่ นี๋. โอ่ปล๊อโอ่ปลู, โอ่เพรโอ่ดือ เกอเร๊อดื่อ ลู นี๋. ซี เก่ เมฮู๊เนอ เฮ๊เรอ จอแปแหร่ เด๊อ อา หม่าดื่อ เตโม เร๊อ เตเพรอาดือ อา แก่ช๊าแก่แร เออเตเพร เก่ โอ่ เกอดื่อ เร๊อ ซี ปา.

โคโลสี 3:13

แด่ทูซิปล่อ เป่ แกแย เด๊อ อา เมจาเมจือ แหน่ ซิปล่อ เนอเต๊เห่ นี๋. แกแย เตเพรเพร เก่ เมซื๊อ เน เฮ๊เรอ ปลวาแก ลูเตซื๊อ นี๋. ปลวาแก คยาลู เตซื๊อ เตเพร เร๊อ เตเพร ฮู๊ แบ่เจ่ อาปลวาแกเฮ๊อ ซี เตซื๊อ เออเนอ นี๋.

มัทธิว 5:48

เมฮู๊เนอเรอ, ฮู๊ ซีเพ เด๊อ ม๊อขุ เออเตเพร อา แร๊เล๊อบา เนอ, แร๊เล๊อะบา แซ่เกอ เร๊อ อา เนอ นี๋.”

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

เพรโด่แนพู๊ เต๊เห่ 7:26

อาเนอโอ่ปาเตอเนอเนอ, อา แม๊เถอะ อิสราเอลพู๊ เร๊อ อิสราเอลพู๊ ซิเนอ กย๊า เกอเร๊อ คยาดื่อ ลู เร๊อ อา จว๊า แอ๊จื๊อ เมเปเมดวา เมแร๊ กาคยา เป่ เหย่ซี เร๊อ อา เฮ๊ เหย่ซี เน๊อ, ‘หนิดา แลแค โคแบ๊ซว๊า ซี๋, ซีเร๊อซี เร๊อ ดื่อแพ๊ เร๊อ ซี จว๊า กย๊าเร๊อดื่อ ลู เมเต?’

มัทธิว 5:45

ซี เก่ โมหนิเกอเร๊อ อู ฮู๊เนอ เก่เฮ๊เรอ ซี หม่าเฮ๊อ เพ จอแปแหร่ เด๊อ ม๊อขุ เตเพร อา พู๊เหมาะพู๊คู ซีเต๊เห่ เฮ๊อ, เมเตเฮ๊เรอ, แกแยมู๊แหม่ เต๊เห่ เบ่เบ่, แกแย แร๊ เต๊เห่ เบ่เบ่, จอแปแหร่ นอแถ่แพ๊ ต๊อเหมาะ เต๊เบ่เบ่ แพ๊. แกแยจ๊อ เต๊เห่ เบ่เบ่, แกแย จ๊อโต่ เต๊เห่ เบ่เบ่, จอแปแหร่ นอเก่จือตา เก่เนอ หม่า อา แซ่ลู แพ๊.

โครินธ์ อาเหร่อเล๊อ ต๊าบ่า 6:6

ซี จว๊า เม โค๊ดื่อ แลแค ซีเง ฮู๊เต. ซี เร๊อ ซี จว๊า เอ๊แถ่ เต่อ ลู เด๊อ แกแยดุ หี่ เร๊อ จว๊า นอเมจากาคยา เต่อ เร๊อ แกแย เด๊อ อา หยื่อเอ่ เกออู ครี๊ โต่ เออเต๊เห่ วา!

ฟีลิปปี 4:2

เหมาะยูโอเดีย เร๊อ เหมาะสินทิเค ซี๋, ซี โป่เร๊อแหม่ เฮ๊อ ลู เด๊อ ครี๊ อากู อาขว่าอาคยา, แว กุยซิยอ ซี เร๊อ ซี เก่ ซิปล่อโต เกอลู เตเพร เร๊อ เตเพร.

ꤜꤢꤨꤊꤢ꤬ 20:36

เหย่ซี เก่ แซ่ เร๊อ เตเน่วม๊อขุ เนอเต๊เห่ ปา เร๊อ อา เซอ แจ่ ปา โต่. เหย่ซี ก๊อถ่อ กาคยา เด๊อ เตเซอ ปา อาขว่าอาคยา, เหย่ซี หม่า จอแปแหร่ อาพู๊ เต๊เห่ เฮ๊อ.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

ꤚꤥꤗꤢꤩ꤬ 8:16

แหย่โยบูโพ๊ แบ่เจ่ เร๊อดื่อ อา เด๊อะโล, แด๊โฉ่โล โหร่เต่อ เป่เกอโป่ เร๊อ เป ซิปล่อ เออ เร๊อ เป หม่า จอแปแหร่ อา พู๊เหมาะพู๊คู เต๊เห่, ฮู๊เนอเฮ๊อ.

ꤚꤥꤗꤢꤩ꤬ 8:19

ล๋อ จอแปแหร่ แบ๊แล ส่อเหมาะเหว่โบ, เตมีเตดอ เร๊อ แกแย ปว๋า เตเพร เออเนอ, อา ซิปล่อ ฉว่า โอ่ป่อ แม๊ชือ แหน่ เจ๊อ เร๊อ จอแปแหร่ เก่ เด๊อะโลแถ่ อา พู๊เหมาะพู๊คู เต๊เห่ ปา.