มัทธิว 5:29 - ลีเทส่อพ๊าอาเซ เร๊อ เห่ขุทวาลู๊

²⁹ เนเป๊เส่ จ๊อทว๊า ตากยา เก่ นอเม เน เตซื๊อ เก่เฮ๊เรอ, ก๊ออูเถ่แก เร๊อ วีแก แก อา เนอ. เก่เม เนอ พื๋อ อู เก่ วีตาแก ลอ เน ซีเหน่กล่อ ชีเพร ลอ เด๊อ หง่าหร่าปอรากยากู เนอ, เนเป๊เส่ เลปย๊าแก ตากยา หม่า อาแร๊เล๊อ ปา เจ๊อ.

Eastern Kayah Shadaw Dialect

²⁹ ꤔꤢꤧ꤬ꤕꤣꤧꤞꤢꤩ꤬ ꤡꤢꤓꤝꤢ ꤒꤣ꤬ꤊꤛꤢ꤭ ꤊꤢꤩ꤬ ꤔꤢꤪ꤭ꤗꤢꤩ꤬ ꤔꤢꤧ꤬ ꤒꤢꤩ꤬ꤞꤢꤦ ꤊꤢꤩ꤬ꤟꤢꤩꤚꤣꤧ꤬, ꤊꤣꤧ꤬ꤢꤨ꤭ꤓꤢꤩ꤬ꤊꤢꤧ꤭ ꤚꤣꤧ꤬ ꤠꤤ꤭ꤊꤢꤧ꤭ ꤊꤢꤧ꤭ ꤢ꤬ ꤔꤣꤧ꤬꤯ ꤔꤢꤧ꤬ꤕꤣꤧꤞꤢꤩ꤬ ꤜꤢꤩ꤭ꤊꤢꤧ꤭ ꤒꤣ꤬ꤊꤛꤢ꤭ ꤗꤢ꤬ ꤢ꤬ꤚꤢꤧꤜꤣ ꤒꤣꤧ꤬ꤕꤜꤢꤩ꤬꤮ ꤕꤢ꤬ ꤡꤣꤧ ꤔꤢꤧ ꤢꤨ꤭ ꤊ꤫ꤢꤦ꤬ ꤠꤤ꤭ꤒꤢ꤭ꤊꤢꤧ꤭ ꤜꤢꤪ꤭ ꤔꤢꤧ꤬ ꤔ꤫ꤢꤩ꤬ꤊꤜ꤫ꤢꤪ꤬ ꤒꤣ꤬ꤖꤚꤢꤩ꤬ ꤜꤢꤪ꤭ ꤘꤣ ꤍꤢ꤬ꤚꤢ꤬ꤊꤢꤨ꤭ ꤔꤣꤧ꤬ ꤡꤣꤧ꤯

มัทธิว 5:29 ပူးပေါင်းရင်းမြစ်များ

ꤚꤥꤗꤢꤩ꤬ 8:13

เมเตเฮ๊เนอ, เก่ ซี โอ่เซอเพร ฮู๊ ซี พ๊าหย่า อา เตซิหยื่อซิลอ มู๊แหม่ เฮ๊เนอ, ซี เก่ เซอแก ปา. หม่าแน๊เรอ เด๊อ จอแปแหร่ อา แหย่โยบูโพ๊ เมจว่า เฮ๊อ ซี เร๊อ ซี เก่ เมเซอแก เหน่กล่อพ๊าหย่า อา เตซิหยื่อซิลอ มู๊แหม่รีแจ่ เออเต๊เห่ เฮ๊เนอหม่า, ซี เก่ เซอเพร ปา.

โคโลสี 3:5

ฮู๊เนอ อาขว่าอาคยา, วีแก ซี เตโอ่เซอเพร เลอ อา เตซิหยื่อซิลอ หม่าดื่อ, เตจว๊าซื๊อ เพรเหมาะเพรคู, เตโอ่เซอเพร เด๊อ อา โพ๊แปละอาโพ๊อาแปละ โต่ เต๊เห่, ซิปล่อ ปาต๊าเปอเตอ, เตซิหยื่อซิลอ มู๊แหม่รีแจ่, เน๊อ ซิหยื่อ พย๊าหนิ โอ่เอ๊แถ่ โป่ เตดุแหย่แถ่เซ เต๊เห่. เตซิหยื่อพย๊าหนิ เอ๊แถ่โป่ เตดุแหย่แถ่เซ หม่า อาแซ่เน๊อ จ๊อเบ แหย่โย เฮ๊อ.

โครินธ์ อาเหร่อเล๊อ ต๊าบ่า 9:27

ฮู๊เนอเรอ แว ค๊อ, แว แค๊ เกอเร๊อ แว ซิปล่อ อา เตซิหยื่อซิลอ เต๊เห่ เร๊อ แว อิซว๊าจา อิซว๊าจือ แล เกอเร๊อ แวเหน่. แว ย๋อ แด๊โฉ่โด่แน เป่ โทเฮ๊อ อู อาขว่าอาคยา, แว ซิหยื่อ ทวา แกแย เด๊อ อา แลจู่แก อู เหล่ โต่, แว ซิหยื่อ ทวา ฮู๊ แว โตเบ่ ทวา เนอ.

ꤚꤥꤗꤢꤩ꤬ 6:6

เมเตเฮ๊เรอ, แซ่ฮู๊ เตซื๊อ อา เตโพรเตเตอเรอ อาฉว่าอาชอ เออ เก่ เป๊อตี๊หรี่ ปา แต่ เป แต่เหม่, โท๊โต่ แซ่ฮู๊ เป เก่ ทวา ปา แต่ เตซื๊อ อาหลู่เล๊ แต่เหม่เนอ, ซี ซิเงเฮ๊อ เร๊อ เป เตโอ่เซอเพร อาเลอ เออเนอ, จอแปแหร่ มือเซอแถ่ เต่อเกอ โทเฮ๊อ เร๊อ ครี๊ เฮ๊อ.

ꤊꤢ꤬ꤜꤢ꤬ꤒꤤ 5:24

แกแย เด๊อ อา ทวา เหย่ซู่ครี๊ อาเต เต๊เห่ เนอหม่า อา สุ่ยเทอพ๊าหย่า อา เตซิหยื่อซิลอ เป๊อตี๊หรี่ ปา ลู โต่ เฮ๊อ. อา มือเซอแถ่แก เฮ๊อ อา สุ่ยเทอพ๊าหย่า อา เตซิหยื่อซิลอ ล๋อ ปลี เด๊อ อี๊ถื่อดีเต่ อาลู เฮ๊อ.

ꤗꤢ꤬ꤊꤢꤨ 8:36

แกแย เต๊เห่ เก่ พย๊า หนิ ลอ เจ๊อ เห่ขุต๊าบ่า อา เตดุแหย่แถ่เซ เต๊เห่ เจ๊อ, เร๊อ อา เก่ แลจู่แก อา ซิปล่อเซอเพร ตูจูเพร เออ เฮ๊เนอ อาบุ๊ยโอ่ เด๊อ ลูเง อิเต?

มัทธิว 19:12

เมเตเฮ๊เรอ แกแย เต๊เห่เห่ เนอ, อาอ๊าอาเหร่ โอ่โต่ ปา เจ๊อ เด๊อ อา โหมะฮ๊อกู ปา อาขว่าอาคยา, อาพย๊า อาเมโต่. เต๊เห่เห่ เนอ อู ชุ๊ยแก ลูเดอะ. แกแยเต๊เห่เห่ เด๊ออาเบ่หยื่อ เบ่แหน่ จอแปแหร่ อาเทอ อาเก่ อาขว่าอาคยา, อา อ๊าแล เฮ๊อ อาซิปล่อ เร๊อ อาพย๊า ปา อาพู๊อาเม โต่. แกแย เด๊อ อา จูเอ่เบ๊ เตอิซว๊าอี๊แส่ เออเต๊เห่เนอ, นอเม เหย่ซี ฮู๊เนอ.”

มัทธิว 10:28

แกแย เด๊อ อา เมเซอ แจ่ ซี เหน่กล่อ ตื๊อดื่อเรอ อา เมเซอ แจ่ ซี แหย่โยบูโพ๊ โต่ เต๊เห่เนอ, ซิอิเช แต่ อาเหล่ แต่เหม่. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ซี แหย่โยบูโพ๊ เนอเจ่อลอ เออเนอ เด๊อ หง่าหร่าปอรากยากู เนอเตเพร นี๋.

มัทธิว 23:15

“เพรอิซว๊า เตซว๊าเตแส่ อาซ๊าร๊า เน๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. แซ่ฮู๊ ซี เก่ อี๊หล่า กาโนหนิเกอ แกแย เตเพรเนอ, ซี จว๊าเล เด๊อโคขุขุ เด๊อ เทอกูกู เจ๊อ. เร๊อ แม๊ปู แกแยเตเพรเพร ซิหยื่อ เอ่ ครวาเม เกอ เฮ๊อ ซี เนอ, ซี อิซว๊าอี๊แส่ ลู เด๊อ อาเก่ ทวาแถ่ ซีโคเจ่ ตา เด๊อ หง่าหร่าปอรากยากู เร๊อ อาจา อาจือ เล๊อ เร๊อ ซี เนอโผะ เจ๊อ.

มัทธิว 16:26

แกแย เตเพรเพร อา พย๊าหนิ ลอ เจ๊อ เห่ขุต๊าบ่า เตดุแหย่แถ่เซ เต๊เห่ เจ๊อ ตื๊อดื่อเรอ อา เก่ แลจุแก อา ซิปล่อตูจูเพรเออ เฮ๊เนอ อาบุ๊ย เด๊อ ลูเง ฮู๊เต? แกแย เด๊อ อา ซิหยื่อ หนิเบ่ กาคยา คยาแซ๊ อา ซิปล่อเซอ ตูจูเพร เออ เตเพรเพรเนอ, เตดุแหย่แถ่เซ เด๊อ อา เก่ อิพรีเบ๊ เน๊อ อา ซิปล่อเซอเพร เออเนอ อา โอ่ เตอเจ๋อ โต่.

มัทธิว 5:22

หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ.

มัทธิว 23:33

“หรู่มู๊แหม่ซี๋, หรู่ซิ อาพู๊อาเลอ ซี๋, จอแปแหร่ เตเรเมจากาคยา ซี เด๊อ หง่าหร่าปอรากยากู ปาเนอ ซีจว๊า แลเปล๊ เบ๊ แจ่ ฮู๊ เต?

ꤜꤢꤨꤊꤢ꤬ 12:5

ซี โตเบ่ ซิอิเช อูเป เนอ, แว เก่ เด๊อะโล เหร่อเป่ ซี. ซิอิเช แลแค จอแปแหร่ เด๊อ อา เมเซอ แจ่ ซี เหน่กล่อ เร๊อ ช๊าเนอปา ปาเนออาโอ่เต่อ เร๊อ อา เตโพรเตเตอเรอ เด๊อ อา เก่ วีตา ซี เด๊อ หง่าหร่าปอรากยากู ปา เออเนอ เตเพร นี๋. แว เก่ เฮ๊ โป่ คยาแซ๊ ซี เร๊อ ซิอิเช แลแค อา นี๋.

มัทธิว 5:30

เน กู๊ขุ จ๊อทว๊า ตากยา เก่ นอเม เน เตซื๊อ เก่เฮ๊เรอ, ปาตือ เร๊อ วีแก แก อาเนอ. เก่เม เนอ พื๋ออู เก่ วีตาแก ลอ เน ซีเหน่กล่อ ชีเพร ลอ เด๊อ หง่าหร่าปอรากยากู เนอ, เน กู๊ขุ ตือแก โตโค๊ หม่า อาแร๊เล๊อ ปา เจ๊อ.”

มัทธิว 11:6

อู เป๊เป๋ เบ่เบ่ เด๊อ อา เท๊ฉื่อ แวโต่, หยื่อเอ่ แว อา เก่ พย๊าหนิ หม่าแหน่ เจ๊อ เตเด๊อะบุ๊ยเด๊อะเตอเรอ เฮ๊อ.”

มัทธิว 17:27

หม่าแน๊เรอ แซ่ฮู๊ เหย่ซี เก่ ซิปล่อดุ แต่ เป แต่เหม่เนอ, จว๊าบี๊มอ เต๊ว เด๊อ กาลิลี อาเทออ่อกู เน. เต๊วฮู๊ เด๊อ อา หนิ เหร่อเล๊อ เต๊เบ่เนอ, โบแอ แม๊ เด๊อ อาแกกู เนอ นี๋. เน เก่ แม๊เถอะ รือหย่า เต๊เบ่ ปา. พย๊า รือเออ เร๊อ จว๊าเด๊อะ เน๊อ เนเง เน๊อ แวเง เน๊อ เตหลู่แตโฮ อาหมู่อาร๊า อาเงเนอ.”