มัทธิว 5:22 - ลีเทส่อพ๊าอาเซ เร๊อ เห่ขุทวาลู๊22 หม่าแน๊เรอ แว เฮ๊ ซี เน๊อ, แกแย เตเพรเพร เด๊อ อา ซิปล่อดุ อา โคแบ๊ซว๊า เต๊เห่เนอ, อู โตเบ่ เมจากาคยา อา. โท๊โต่ แกแย เตเพรเพร เด๊อ อา เฮ๊ แกแยจอครอ อา โคแบ๊ซว๊า เต๊เห่เนอ, อู โตเบ่ เอ๊จว๊า เมจากาคยา ลู. เด๊อ แกแยยิวพู๊ อา กู่กล๊อดุกู๊ฉู่ทู เต๊เห่ อาเป๊เส่เง. หม่าแน๊เรอ แกแย เตเพรเตเพร เก่ เฮ๊ อู เน๊อ, ‘โอ่เล๊อโอ่กลอ’ ฮู๊เนอ เฮ๊เนอหม่า, อา โต รอ เกอเร๊อ อาเหน่, เมเตเฮ๊เรอ อา แฮโต ผื่อเฮ๊อ เร๊อ หง่าหร่าปอรากยา อากูเฮ๊อ. အခန်းကိုကြည့်ပါ။Eastern Kayah Shadaw Dialect22 ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤟꤢꤩ ꤞꤤ꤭ ꤔꤢꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤞꤤꤕꤜꤢꤪ꤬ꤘꤢꤨ꤬ ꤢ꤬ ꤋꤥ꤭ꤙꤢꤧꤞꤝꤢ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤒꤥ꤭ꤙꤢꤩ꤬ ꤘꤣꤧꤡꤢ꤭ ꤢ꤬꤯ ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤢ꤬ ꤋꤥ꤭ꤙꤢꤧꤞꤝꤢ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤒꤥ꤭ꤙꤢꤩ꤬ ꤢꤩꤡꤝꤢ ꤘꤣꤧꤡꤢ꤭ ꤜꤢꤨ꤭ ꤘꤣ ꤛꤢꤨꤘꤢ꤬ꤖꤢꤨ ꤢ꤬ ꤊꤢꤨ꤬ꤊꤜꤢꤪꤘꤢꤨ꤬ꤊꤣꤧꤏꤢꤨ꤬ꤓꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤟꤢꤩ ꤢꤨ꤭ ꤔꤢꤧ, ‘ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭’ ꤟꤢꤨꤔꤣꤧ꤬ ꤟꤢꤩꤔꤣꤧ꤬ꤗꤢ꤬, ꤢ꤬ ꤒꤥ꤭ ꤚꤢꤪ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤟꤢꤧ꤭ꤒꤥ꤭ ꤖꤢꤦ꤬ꤟꤣꤧ ꤔꤢꤧ ꤗꤢꤪꤚꤢ꤬ꤕꤢꤪ꤬ꤒꤢꤧ꤬ ꤢ꤬ꤊꤢꤨ꤭ꤟꤣꤧ꤯ အခန်းကိုကြည့်ပါ။ |
มัทธิว 5:22
93 ပူးပေါင်းရင်းမြစ်များ
แกแย ปลีเนอ อาแซ่เน๊อ หมิ เนอเฮ๊อ. เด๊อ เหน่กล่อ ครือขรว่า อาเกล เนอ, ปลี หม่า อาแซ่เน๊อ เห่ขุ เด๊อ อา เล๊อบา เร๊อ เตมู๊แหม่รีแจ่ เออต๊าบ่า เนอเฮ๊อ. อา เมซอ ลอเฮ๊อ แกแย อาเหน่กล่อ เหน่เชเพร เฮ๊อ. ปลีเออ อา ชื๊ออือ ลอหล่า ตี๊กลิแก ลอ เจ๊อ เป เตโอ่เซอเพร เน๊อ หมิเออ เฮ๊อ เร๊อ หมิ เออเนอหมา อา โอ่ เด๊อ ง่าหร่าปอรากยา อากู แฮ เฮ๊อ.
ซ๊าร๊า เด๊อ อู เอ๊ เร๊อ, เอปิคูเรียนพู๊ เร๊อ สโตอิกพู๊ เต๊เห่ เฮ๊เบ่โด่แน เคร๊แขระ แลแค เร๊อ คูเปาโล. เหย่ซี อาเกล เต๊เห่เห่เนอ, อา เฮ๊ แลแค คูเปาโล เน๊อ, “แกแย เตซิเง โอ่เกออู เตอเจ๋อ โต่ เร๊อ อา จว๊าจ่าเม อาเหน่ ฮู๊ เพรเบ่แจ่เฮ๊แจ่ เออเตเพรเออ อา จว๊า เฮ๊แคร๋ อิเตเต?” เต๊เห่เรอ อา เฮ๊ติ เน๊อ, “อา แซ่เน๊อ อา โด่แน เทอโรเก่กลอ อา จอแปแหร่ เต๊เห่ อาหรี่อาแก,” อา เฮ๊ ฮู๊เนอ. เหย่ซี จว๊าเฮ๊โต่ แลแค ฮู๊เออ เมเตเฮ๊เรอ อา โตเบ๊อะคูเปาโล แด๊โฉ่โด่แน เป่ อู เร๊อ เหย่ซู่ อาหรี่อาแก เร๊อ อาเตเซอ ก๊อถ่อ เซอเพร กาคยา อาหรี่อาแก เบ๊อะเนอ อาขว่าอาคยา อา เฮ๊ แลแค ฮู๊เนอ.
ซี โตเบ่ เมซื๊อหนิ ซี โป่แหว่ ครี๊พู๊ เต๊เห่ เร๊อ เต ฮู๊เนอเต๊เห่ เตเพร่ว โต่. ซี โตเบ่ อี๊หล่า แลโฮเอ่หนิ เด๊อ ซี โป่แหว่ ครี๊พู๊ เต๊เห่ อาขุ เตเพร่ว โต่. แกแย เด๊อ อา เมฮู๊เนอ เต๊เห่เนอ, แบ่เจ่ เก่ เมจากาคยา เหย่ซี ปา. ฮู๊เออ เต๊เห่เนอ เป เฮ๊โฉ่โด่แนโล เป่ โทลอเฮ๊อ ซี, เป เด๊อะรอเด๊อะเร โทลอเฮ๊อ ซี เฮ๊อ.
แกแย เตเพรเพร เก่ แม๊เถอะ อาโป่แหว่ ครี๊พู๊ เตเพรเพร เมเตซื๊อ เด๊อ อา เก่ เด๊อ ทวาแถ่ ลู เตเซอ หม่าโต่ เฮ๊เนอ, อา เก่ กุยเต เด๊อ จอแปแหร่ อา โอ่ เร๊อ จอแปแหร่ เก่ เด๊อ แกแย เด๊อ อา เมเตซื๊อ เออเนอ เตเพร ซิปล่อเซอเพร ปา. หม่าแน๊เรอ เตซื๊อ เด๊อ อา เก่ เด๊อ ทวาแถ่ ลู เร๊อ เตเซอ เฮ๊เนอหม่า, แว ซิหยื่อ เฮ๊ ซี เร๊อ เตซื๊อ ฮู๊เนอ เต๊เห่เนอ ซี โต กุยจ๊อเบแถ่ เป่ ลูเง เด๊อ จอแปแหร่ อา โอ่ โต่.
ฮู๊เนอเร๊อ, แซ่ฮู๊ ซี เก่ ทวา แต่ แกแย เด๊อ อา หนิโฮ จอแปแหร่ อาโหง่พราแถ่ เร๊อ อา เท๊ฉื่อแก จอแปแหร่ เนอเต๊เห่ อาเตเมเนอ, รอหนิ แลแค ซีเหน่ นี๋. เบ๊อะอิสราเอลพู๊ เต๊เห่ หนิโฮ เตเด๊อะรอ เหย่ซี เด๊อ เห่ขุเออ เบ๊อะเนอ, เหย่ซี หนิดา แลแค ลูโหง่ โต่. ฮู๊เนอเร๊อ อา เกล๊ แลเปล๊เบ๊ แลแค เน๊อ เตเมจากาคยาโต่ เก่ เมฮู๊เนอเร๊อ เปเก่ เท๊ฉื่อแก เด๊อ ม๊อขุ เออเตเพร เด๊อะรอเปเออ เก่เฮ๊เรอ, เตเนแม๊มอ, ซี เกล๊ แลเปล๊ เบ๊แจ่ ปา เจ๊อแหน่ เน๊อ จอแปแหร่ อา เตจามือกาคยา ตีกี๋ เจ๊อแหน่โต่เฮ๊อ.
เบ๊อะเหมาะลี ต๊อเหมาะแถ่เฮ๊อ เบ๊อะเนอ, เพรหลู่แต ทวาดุทวาเต เต๊เห่, แกแยยิวพู๊ ทวาดุทวาเต เต๊เห่, เพรอิซว๊า เตซว๊าเตแส่ อาซ๊าร๊า เต๊เห่, เร๊อ แกแย ทวา ทวาดุทวาเต เต๊เห่, โอ่กู๊โอ่แก๊ ลู เร๊อ เหย่ซี ซิปล่อโนกูลู เฮ๊ปลื๊อแก ลอ ลู โหง่ เร๊อ เหย่ซู่ คยา. เหย่ซี จอกลอโท เหย่ซู่ เร๊อ อา จุ่ยจว๊าเด๊อะแก ลู เด๊อ คุ๊ยปีลาต อา อากู๊ยากู.
“โทเรอ อา เก่ เฮ๊ติ แกแย โอ่ เด๊อ อากู๊ขุ จ๊อจิ เต๊เห่ เน๊อ, ‘เถ่จว๊า ตาพาแก เร๊อ แว, ซี หม่า แกแย เด๊อ อา พย๊าหนิ เตอิชอมู๊แหม่ เต๊เห่, จว๊าโน เกอ แลแค เด๊อ อู ตี๊หรี่แตแร โอ่หนื่ออื่อ เป่ โลเน๊มู๊แหม่รีแจ่ กู่กล๊อ เนอโตโด เร๊อ อา โลเน๊โลหน่า เนอเต๊เห่ อาเง เด๊อ เหย่ซี เก่ จว๊าโอ่ เบ๊อะหมิ เด๊อ อา ปีเป่ โตโพ๋ โต่ เนอเต๊เผ่อากู เนอ.
“เพรอิซว๊า เตซว๊าเตแส่ อาซ๊าร๊า เน๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. แซ่ฮู๊ ซี เก่ อี๊หล่า กาโนหนิเกอ แกแย เตเพรเนอ, ซี จว๊าเล เด๊อโคขุขุ เด๊อ เทอกูกู เจ๊อ. เร๊อ แม๊ปู แกแยเตเพรเพร ซิหยื่อ เอ่ ครวาเม เกอ เฮ๊อ ซี เนอ, ซี อิซว๊าอี๊แส่ ลู เด๊อ อาเก่ ทวาแถ่ ซีโคเจ่ ตา เด๊อ หง่าหร่าปอรากยากู เร๊อ อาจา อาจือ เล๊อ เร๊อ ซี เนอโผะ เจ๊อ.
เพรโด่แนพู๊ เต๊เห่ หนิดา ม๊อขุเตเน่วพู๊ เนอเตเพร อาโหง่ เร๊อ, เบ๊อะหม่อลีบู เบ๊อะเนอ, เหย่ซี จว๊าโน แลแค เด๊อ เตหลู่เเตโฮ อา เตเร๊รากู เร๊อ เหย่ซี เป๊อแถ่ อิซว๊าอี๊แส่ ตา ลอ อู เบ๊อะเนอ. เพรหลู่แต กู่กล๊อดุเล๊อ เตเพร เร๊อ แกแย เด๊อ อา ครวาแฮเกอ ลูคยา เต๊เห่ แฮโต่ เร๊อ แฮ เอ๊ปล๊อ ลอยูดาห์กู่กล๊อดุ เต๊เห่ เร๊อ โหมะพรูโหมะเผร่ เต๊เห่ เร๊อ เหย่ซี โอ่กู๊โอ่แก๊ ลอ ลู. โทเร๊อ อา นอจว๊าเอ๊แฮ เพรโด่แนพู๊ เต๊เห่ โอ่ เด๊อ ทอกู เนอเต๊เห่ เด๊อ เหย่ซี เป๊เส่เง.
แกแยยิวพู๊ เต๊เห่ จว๊าแด่โต่ เตซื๊อ เด๊อ คูเปาโล อาลู เมเตเนอ, เกลอฮู๊ตีรี๊ อากู่กล๊อ เออเตเพร ซิหยื่อ ซิเง ตาเตแร๊ อาขว่าอาคยา, เหมาะลีบูเนอ, อา นอจว๊า ฉิโล๊แก สู่เปลอต่อเท๊ เด๊อ คูเปาโล อาลู. โทเรอ อา เด๊อะตา อาโหง่ เน๊อ อา นอโอ่กู๊โอ่แก๊ ลอ ล๋อ แกแย เด๊อ อา ทวา เพรหลู่แต กู่กล๊อ เต๊เห่ เร๊อ แกแยยิวพู๊ เด๊อ อา ทวา ทวาดุทวาเต เนอเต๊เห่. โทเรอ อา เอ๊ คูเปาโล เร๊อ อา นอก๊อถ่อโอ่ ลู เด๊อ เหย่ซี อาเป๊เส่เง.
ကြော်ငြာတွေ