มัทธิว 5:19 - ลีเทส่อพ๊าอาเซ เร๊อ เห่ขุทวาลู๊

¹⁹ อูเปเป๋ เบ่เบ่, เด๊อ อา เคตาลว๊าจว๊าตาแก โหง่เฮ๊แก เด๊อ อา ปีตี๊เล๊ออู ต๊อปล่อ เร๊อ อา เก่ อิซว๊า อู เนอ อู เก่ เคตาลว๊าจว๊าตาแก แซ่เกอฮู๊ เหย่ซีเนอ เก่เฮ๊หม่า เด๊อ ม๊อขุ เทอเลเก่กู ปาเนอ, จอแปแหร่ เก่ แด่ อา ฮู๊ แกแย เด๊อ อา ปีตี๊เล๊อ อู เตเพร ปา. หม่าแน๊เรอ อูเป่เป๋ เบ่เบ่ เด๊อ อาโอ่เซอเพร ครวา เตซว๊าเตแส่ เร๊อ อาอิซว๊าอู เด๊ออูเก่ ครวาเมเกอ ฮู๊เนอ เฮ๊เนอหม่า, เด๊อ ม๊อขุ เทอเลเก่กู เนอ, จอแปแหร่ เก่ แด่ อา เน๊อ แกแย เด๊อ อาดุเล๋อ อู เตเพร ปา.

Eastern Kayah Shadaw Dialect

¹⁹ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤘꤣ ꤢ꤬ ꤡꤝꤢꤒꤣꤧ꤬ꤜꤝꤢꤋꤢꤩ꤭ꤒꤣꤧ꤬ꤕꤜꤢꤩ꤬ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤘꤣ ꤢ꤬ ꤕꤣꤧ꤬ꤒꤤꤜꤣꤢꤨ꤭ ꤒꤣ꤬ꤗꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤤ꤬ꤞꤝꤢ ꤢꤨ꤭ ꤔꤢꤧ ꤢꤨ꤭ ꤊ꤫ꤢꤦ꤬ ꤡꤝꤢꤒꤣꤧ꤬ꤜꤝꤢꤋꤢꤩ꤭ꤒꤣꤧ꤬ꤕꤜꤢꤩ꤬ ꤞꤢꤧꤊꤣꤧ꤭ꤟꤢꤨ ꤛꤢꤩ꤬ꤞꤤ꤭ꤔꤣꤧ꤬ ꤊꤢꤩ꤬ꤟꤢꤩꤗꤢ꤬ ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤕꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ ꤢ꤬ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤕꤣꤧ꤬ꤒꤤꤜꤣ ꤢꤨ꤭ ꤒꤣ꤬ꤖꤚꤢꤩ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤚꤣꤧ꤬ ꤢ꤬ ꤤ꤬ꤞꤝꤢ ꤢꤨ꤭ ꤘꤣ ꤢꤨ꤭ ꤊ꤫ꤢꤦ꤬ ꤋꤚꤝꤢ꤭ ꤗꤢꤩ꤬ꤊꤣꤧ꤭ ꤟꤢꤨꤔꤣꤧ꤬ ꤟꤢꤩꤔꤣꤧ꤬ꤗꤢ꤬, ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ ꤢ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤘꤢꤨ꤬ꤜꤣ꤮ ꤢꤨ꤭ ꤒꤣ꤬ꤖꤚꤢꤩ꤬ ꤕꤢ꤭꤯

มัทธิว 5:19 ပူးပေါင်းရင်းမြစ်များ

มัทธิว 28:20

โทเรอ อิซว๊าอี๊แส่ แลแค เหย่ซี เน๊อ อา เก่ จูเอ่ ครวาเม ลอฮู๊ แว เฮ๊ แก ซีโหง่ เนอเต๊เห่ นี๋. แว เก่ โอ่เต่อเกอ เร๊อ ซี ปว๊า โพ๊ เจ๊อ ปา, โต่ เจ๊อ เด๊อ เห่ขุ ตื๊อดื่อแก เจ๊อปา เบ่เบ่, แว เก่ โอ่ เกอ เร๊อ ดื่อซีปา.”

มัทธิว 11:11

เหย่ซู่ เฮ๊ โป่ เน๊อ, “แว เฮ๊จ๊อจ๊อ ซี, ล๋อ แกแย เด๊อ อา โอ่เป๊เจ่แล เต๊เห่ อาเกลเนอ, อาดุเล๊อ เจ๊อะ เร๊อ เจเทอ คูยอห์น เนอ อา โอ่ เตเพร่ว โต่. หม่าแน๊เรอ แกแย เด๊อ อา ปีตี๊เล๊ออู เด๊อ ม๊อขุ เทอเลเก่กู เตเพร เนอ, อาดุเล๊อ ปา เจ๊อ เน๊อ คูยอห์น เจ๊อ.

ꤒꤤꤒꤢꤨ 3:8

เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.

เตเด๊อะโลแถ่ 2:20

“หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.

ꤚꤥꤗꤢꤩ꤬ 6:15

ฮู๊เนอเรอ เป เก่ โอ่ปา เด๊อ เตซว๊าเตแส่ อาเล โต่ เฮ๊อ, เป โอ่เฮ๊อ เด๊อ เตบุ๊ยเตเตอเรอ อาเล เฮ๊อ เก่เฮ๊เรอ, กู๊แหน่เออ เป เมเตซื๊อ หม่า อาหนิ แพ๊ กอ? ฮู๊เนอ หม่าโต่.

ทิโมธี อาเหร่อเล๊อ ต๊าบ่า 6:11

หม่าแน๊เรอ เน เร๊อ เน ทวาเฮ๊อ จอแปแหร่ อาแกแย เฮ๊อ อาขว่าอาคยา, แกล่จว๊า ตาพาแก เน๊อ ล๋อ เตเออ เต๊เห่ นี๋. แซ่ฮู๊ เน เก่ โอ่ เร๊อ เตจ๊อเตเต, เตหยื่อเอ่ จอแปแหร่, เตหยื่อเตแหน่, เตโมเตเกล, เตข่าเบ๊เต, เตซิโดซิงา ซี เต๊เห่เนอ เร๊อ แอ๊จื๊อ ครวาลือปื่อ เตเออเต๊เห่ นี๋.

ꤚꤥꤗꤢꤩ꤬ 6:1

เก่ เมฮู๊เนอ เฮ๊เรอ, เป เก่ เฮ๊ ฮู๊เต? แซ่ฮู๊ จอแปแหร่ อาบุ๊ยอาเตอเรอ เก่ โอ่เอ๊แถ่ เร๊อ เอ๊แถ่ อาเงเนอเรอ, เป โตเบ่ เม แฮเง ลาโป่ เตซื๊อ แอ?

เปโตร อาเหร่อเล๊อ ต๊าบ่า 5:4

เร๊อ เบ๊อะเพรเกซิหมิ อากู่กล๊อ ดุเล๊อ ครี๊ เออ เก่ แฮ เบ๊อะเนอปาเนอ, อา เก่ เด๊อะ ซี เตเตอเรอดุ เตอเรอทู อากู๊โก่ เด๊อ อาเตอเรอ โอ่เหม่แก เป่ปา โตโพ๋ โต่ เออเนอ ปา.

ꤜꤢꤨꤊꤢ꤬ 11:42

“ฟาริสี ซี๋, เมจากาคยา เก่ เบ่ หม่าแหน่ เจ๊อ ซี ปา, เมเตเฮ๊เรอ ซี พย๊า หล่อแวเหล่, อี๊บ่อเข่เหล่ เร๊อ ล๋อ ส่อตอส่อเหล่ เออเต๊เห่ เนอเรอ ซี หลู่แต เร๊อ จอแปแหร่ ปุ๊ยเฉ๊อ ตีปุ๊ย. หม่าแน๊เรอ ซี แม๊ เบ๊ขุตาโผ่แกเฮ๊อ เตจ๊อเตเต เร๊อ เตโม จอแปแหร่ เต๊เห่ เฮ๊อ. ซี เด๊อ ปุ๊ยเฉ๊อ ตีปุ๊ย เนอหม่า อาหม่า เฮ๊อ. ตื๊อเนอโทโต่, ซี โตเบ่ แด่แกหนิ เตจ๊อเตเต เน๊อ เตโม จอแปแหร่ เออเนอเต๊เห่ โต่.

มัทธิว 19:28

แบ่เจ่ เหย่ซู่ เฮ๊ฉื่อ เหย่ซี เน๊อ, “แว เฮ๊จ๊อจ๊อ ซี๋, เบ๊อะจอแปแหร่ ตี๊หรี่แตแร เห่ขุเซ, เด๊อ เห่ขุเซปา, โทเรอ แกแยอาพู๊คู หม่าเฮ๊อ แวเออ เก่ โอ่แน เด๊อ กู่แกล๊เท แถ่โล ปา. ซี เด๊อ อา ครวา เกอแว เออเต๊เห่ เก่ โอ่แนน๊อ เกอดื่อ เด๊อ กู่แกล๊เท แถ่โล เช๊อเนอเม อาโอ่ เออเนอ ปา, เร๊อ ซี เก่ เมจากาคยา เร๊อ ดื่อ อิสราเอลพู๊ เช๊อเนอโหมะ เออเนอ ปา.

ꤚꤥꤗꤢꤩ꤬ 3:8

เหย่ซี เฮ๊เออ อา เก่ โต เฮ๊เรอ, เป โหล่เฮ๊เกอ เน๊อ, “แซ่ฮู๊ อู เก่ ถู่เซ๊แถ่ จอแปแหร่ เร๊อ อา เมเต เนอ อา โตแพ๊ อาเงเนอ, ตูรู๊ เม แลแค เตซื๊อเนอ,” โหล่เฮ๊เกอ ฮู๊เออแพ๊กอ. แกแย เด๊อ อา เฮ๊ ฮู๊เนอ เต๊เห่หม่า จอแปแหร่ เมจากาคยา ลู เนอ อา โตแพ๊. หม่าแน๊เรอ แกแย เต๊เห่เห่เนอ, อา แด๊ ลอ แวแหย่โย เร๊อ แว อิซว๊า อู ฮู๊เนอ. หม่าแน๊เรอ แว อิซว๊า อู ฮู๊เนอ หม่าโต่.

เพรโด่แนพู๊ เต๊เห่ 1:1

ซ๊าร๊าดุ เธโอฟีลัส, เป๊อแถ่ เบ๊อะแบ่เจ่ เหย่ซู่ เม จอแปแหร่ อาเตเม เนอเตอเนอ เร๊อ อา โต่ เด๊อ จอแปแหร่ เอ๊กา กาแถ่ ลู เนอเตอเนอ อาหรี่อาแก เร๊อ อา เตอิซว๊าอี๊แส่ ล๋อ ปลี เต๊เห่เนอ แว ราม๊าราแด โทลอเฮ๊อ เด๊อ ลี อาเหร่อเล๊อ เนอต๊าบ่า อากู เฮ๊อ.

ꤜꤢꤨꤊꤢ꤬ 9:48

เร๊อ อา เฮ๊ เหย่ซี เน๊อ, “แกแย เด๊อ อา แม๊ แวเป๊เส่ เร๊อ อา เก่ เอ๊โมฉื่อ เป๊เจ่พู๊ แซ่เน๊อ เออเตเพร เตเพร เพรเนอ, อา เอ๊โมฉื่อ เฮ๊อ แว เฮ๊อ. เร๊อ แกแย เตเพร เพร เด๊อ อา เอ๊ฉื่อ แว เนอหม่า, อา เอ๊ฉื่อ เพร เด๊อ อา นอแฮแล แว เออเตเพรเนอ เฮ๊อ. เมเตเฮ๊เรอ, แกแย เด๊อ อา เตเนปีตี๊ แลปีเล๊อ อาเหน่ เด๊อ ซีเกล เตเพร เพร เนอหม่า, แกแย เด๊อ อา ทวาดุเล๊อ อู เฮ๊อ.”

ꤜꤢꤨꤊꤢ꤬ 1:15

อา หม่า อา เก่ ทวา ดุ เด๊อ จอแปแหร่ อา เป๊เส่เง ปา เตเพร. แท๊ทือเส่เทอแย เบ่เบ่, เทอเผร่ เบ่เบ่ อา โตเบ่ เอ่โอหนิ เตอเจ๋อ โต่. อา เก่ เล๊อบา เร๊อ แหย่โยบูโพ๊แบ่เจ่ เด๊อ อา โหมะฮ๊อกู เบ๊อะเนอ เจ๊อ ปา.

มัทธิว 20:26

ซี ลาติ เร๊อ ซี โต เมฮู๊เนอ โต่. เด๊อ ซีเกลเนอ, แกแย เตเพรเพร เก่ ซิหยื่อ ทวาดุ เฮ๊เรอ อา โตเบ่ ทวา ซี หลู่เล๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:4

ล๋อ แกแย เด๊อ อา เม เตซื๊อเตปล๊า เต๊เห่เนอ, อา จว๊าตาลว๊า เคตาแก เฮ๊อ จอแปแหร่ อา เตซว๊าเตแส่ เฮ๊อ. เมเตเฮ๊เรอ เตซื๊อเตปล๊า หม่า หม่าเฮ๊อ เตจว๊าตาลว๊า เคตาแก จอแปแหร่ อา เตซว๊าเตแส่ เออเนอ เฮ๊อ.