มัทธิว 5:14 - ลีเทส่อพ๊าอาเซ เร๊อ เห่ขุทวาลู๊

¹⁴ “ซี เต๊เห่ หม่า อาแซ่เน๊อ เห่ขุ อาเตลี เนอเฮ๊อ. วี โอ่เด๊อ โฉ่ขุ ตีวี เนอ อู เม ตาดวาบี๊แจ่ อา โต่.

Eastern Kayah Shadaw Dialect

¹⁴ “ꤞꤤ꤭ ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ꤞꤢꤧꤔꤢꤧ ꤟꤢꤩ꤬ꤋꤢꤨ꤬ ꤢ꤬ꤒꤢꤩ꤬ꤜꤤ꤭ ꤔꤣꤧ꤬ꤟꤣꤧ꤯ ꤠꤤ꤭ ꤥ꤬ꤘꤣ ꤏꤥ꤬ꤜꤥ꤬ ꤒꤣ꤬ꤠꤤ꤭ ꤔꤣꤧ꤬ ꤢꤨ꤭ ꤗꤢꤩ꤬ ꤒꤣꤧ꤬ꤘꤝꤢ꤭ꤙꤤꤡ꤫ꤢꤧ꤬ ꤢ꤬ ꤒꤥ꤬꤯

มัทธิว 5:14 ပူးပေါင်းရင်းမြစ်များ

ꤛꤥ꤭ꤟꤢ꤬ 8:12

แบ่เจ่ เหย่ซู่ เฮ๊ คยาแซ๊ แกแย เนอเต๊เห่ เน๊อ, “แว หม่า เห่ขุ อาเตลี. แกแย เด๊อ อา ครวา แวคยา เตเพรเพร เนอ, อา จว๊า ปา เด๊อ เตคี๊ อาเกล แตแค๋ โต่. อา เก่ พย๊าหนิ เตลี เด๊อ อา เด๊อ ลู ซิปล่อเซอเพร อาเซ เออเนอ ปา.”

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:5

ล๋อ ซีเออ เต๊เห่ เนอหม่า เตลี อาพู๊คู เร๊อ เหมาะเชเกล อาพู๊คู เต๊เห่. เป หม่า แกแย เหมาะคี๊เหมาะเนพู๊ หม่าโต่โต่, เตคี๊เตลอพู๊ หม่าโต่โต่.

ꤛꤥ꤭ꤟꤢ꤬ 12:36

แซ่ฮู๊ ซี เก่ ทวาแถ่ เตลีพู๊ เต๊เห่เนอ, เบ๊อะเตลี โอ่เกอปา เร๊อ ซี อาเคเออ, หยื่อเอ่ แลแค อา นี๋.” อา เฮ๊เบ่ โท ฮู๊เนอ เร๊อ อา เถ่จว๊า ตาพา โอ่โค๊แก เร๊อ เหย่ซี.

โครินธ์ เนอบ่า ต๊าบ่า 6:14

โป่แหว่ ซี, ฮู๊ ปู่ ก่า อิเอ๊ เนอ, ก่าจือ เต่อ แต่ อิเอ๊ เร๊อ แกแย เด๊อ อา หยื่อเอ่เกอ เป แบ่เจ่ เหย่ซู่ โต่ เนอเต๊เห่ แต่เหม่ นี๋. เมเตเฮ๊เรอ อาจ๊อ เร๊อ อาตากา เนอ อา แด๊งาหม่า จิจือแจ่ ลู โต่. อา ลี เร๊อ อา คี๊ เนอ เบ่เบ่, อา โอ่เต่อแจ่ ลู โต่โต่.

ꤛꤥ꤭ꤟꤢ꤬ 5:35

คูยอห์น เนอ อา ลีเตเคแถ่ แซ่เร๊อ หมิเคว๊กอ เตเม เด๊อ อา แกแถ่ เนอ. ซี ซิหยื่อ อาเตลี แตแปล๊เตอเปลอ แพ๊, อาโหง่แลช๊า เนอหม่า, อา ซิเฮ๊ เร๊อ ซี ซิหยื่อ แฮ หนิดา อา เตอิซว๊า แตแปล๊เตอเปลอ แพ๊ อา ซิเฮ๊ ฮู๊เนอ.

เตเด๊อะโลแถ่ 1:20

เฉ่ โซซว๊าเตเม เด๊อ เน แม๊เถอะ อา โอ่ เด๊อ แว กู๊ขุ จ๊อทว๊า อากู เออเนอ เร๊อ หมิกอเท โซซว๊าเตเมเออ อาโหง่แลช๊า อาจ่ออาแย หม่า ฮู๊เตเฮ๊เร๊อ เฉ่ โซซว๊าเตเม อาโหง่แลช๊า เนอหม่า หม่าเฮ๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ อา เตเน่วพู๊ เต๊เห่ เร๊อ หมิเคว๊กอ โซซว๊าเตเม อาโหง่แลช๊า หม่า หม่าเฮ๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เออเต๊เห่เนอ เฮ๊อ.”

ꤛꤥ꤭ꤟꤢ꤬ 9:5

เบ๊อะแว โอ่ปา เบ๊อะเห่ขุเออ เบ๊อะเนอ, แว หม่า เห่ขุ อาเตลี เร๊อ แว เด๊อ แกแยเห่ขุพู๊ เต๊เห่ อา เตซิคว๊าซิเง เฮ๊อ,” อา เฮ๊ เหย่ซี ฮู๊เนอ.

เตเด๊อะโลแถ่ 2:5

เน จว๊า ตาพายาแก เจ๊อ เร๊อ เน เตโม เด๊อ กูลู่เคเนอ บ๋า เต เจ๊อเนอ เตเน แม๊มอ. ถู่แหล่แต๊แกละ กาคยา เนซิปล่อ เร๊อ เมคยา แซ่ฮู๊ เน เม เด๊อ กูลู่เคเนอ. เน เก่ ถู่แหล่แต๊แกละ กาคยา เนซิปล่อ โต่ เฮ๊เนอหม่า แว เก่ แฮ เด๊อ เนโอ่ เร๊อ แว เก่ แฮพย๊า ตาพาแก เน หมิกอเนอ เด๊อ อาเหล่โอ่ เออเนอ ปา.