มัทธิว 5:12 - ลีเทส่อพ๊าอาเซ เร๊อ เห่ขุทวาลู๊

¹² ซิครือซิลอ แลแค, ซิกอล๊อแกแน แลแค นี๋, เมเตเฮ๊เรอ ซี เตเมหนิคว๊าเก่ เด๊อ ม๊อขุ เนอ อาดุ แหน่ แหน่ เจ๊อ เพรโพร เด๋อ หนู่เค เต๊เห่เนอ อู เมจาเมจือ โทเฮ๊อ เหย่ซี ฮู๊เนอเฮ๊อ.”

Eastern Kayah Shadaw Dialect

¹² ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭, ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤜꤢ꤭ꤋꤢꤧ꤭ ꤔꤤ꤮, ꤞꤤ꤭ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤢ꤬ꤘꤢꤨ꤬ ꤔꤢꤧ꤬ꤔꤢꤧ꤬ ꤡꤣꤧ꤯ ꤖꤚꤢꤩ꤬ꤖꤚꤥ꤬ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ꤟꤣꤧ꤯”

มัทธิว 5:12 ပူးပေါင်းရင်းမြစ်များ

ꤜꤢꤨꤊꤢ꤬ 6:23

เมเตเฮ๊เรอ เหย่ซี อาเพออาโพ เด๋อ งย๊าเค เต๊เห่เนอ, อา เมจาเมจือ โทลอเฮ๊อ เพรโพร เต๊เห่ ฮู๊เนอ เฮ๊อ. เบ๊อะซี แม๊เถอะ เบ่เฮ๊อ ฮู๊เนอ ปา อาเบ๊อะเนอ, ซิครือซิลอ แลแค นี๋. เตซิครือซิลอ อี๊ฉ่าอี๊เปล๊อ แลแค นี๋, เมเตเฮ๊เรอ เด๊อ ซีเงเนอ, จอแปแหร่ แด่หนื่ออื่อ เป่เฮ๊อ ซี เตเหม่หนิคว๊าเก่ เด๊อ ม๊อขุ เนอ อาดุ หม่าแหน่ เจ๊อ.

ꤡꤛꤢꤩ꤭ꤗꤢ꤬ꤎꤣ꤬ 1:2

แว โป่แหว่ ซี๋, เบ๊อะซี๋ แม๊เถอะ ป่อชิเต่อเบ่ เร๊อ เตแป่เตเช เตอิลออี๊โหล่ ปว๋า เต๊อเจ่อ กาเบ่ ซี เบ๊อะเนอ, แด่ อา ฮู๊ เตซิครือ อาดุ เต๊อเจ่อ เด๊อ ซิเง เนอ นี๋.

โคโลสี 3:24

เมแร๊ แลแค ซี เตเม นี๋, เมเตเฮ๊เรอ ซี ซิเง เร๊อ แบ่เจ่ เก่ เด๊อ ซี อู่เจเต๊เหย่ ฮู๊ ซี เมเนอ ปา. แบ่เจ่ เด๊อ ซี เม เป่ ลู เออเตเพร เนอหม่า แบ่เจ่ ครี๊ เออเนอเฮ๊อ.

เปโตร อาเหร่อเล๊อ ต๊าบ่า 4:13

หม่าแน๊เรอ, ช๋า ครี๊ แฮแล โอ่โลแถ่ เฮ๊อ เร๊อ เตอเรอดุเตอเรอทู ปาเนอ, แซ่ฮู๊ ซี เก่ ซิครือซิลอ เอ๊โทเอ๊โม เกออู ปา อาเง เนอเรอ, เต เด๊อ ซี ข่าจาข่าจือ เต่อเกอ เร๊อ ครี๊ ฮู๊เออ เต๊เห่เนอ, ตูรู๊ ซิครือ แลแค นี๋.

โคโลสี 1:24

แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.

ꤚꤥꤗꤢꤩ꤬ 5:3

เป แม๊ชือ ตื๊อแพ๊ เออเนอ หม่าโต่, เบ๊อะเป แม๊เถอะ เร๊อ เตจาเตจือ, เตแป่เตเช เบ๊อะเนอ เบ่เบ่, เป ซิครือซิลอ แพ๊, เมเตเฮ๊เรอ เป ซิเง เร๊อ เต เออเต๊เห่เนอ อา เด๊อะ เอ๊แถ่ เป่ โป่ เป เตข่าเบ่ เตจาเตจือ แพ๊.

มัทธิว 16:27

เมเตเฮ๊เร๊อ แกแยเห่ขุ อาพู๊คู หม่าเฮ๊อ แว เออ เก่ แฮคยาแซ๊ เกอเร๊อ อาเพ อาเตอเรอดุเตอเรอทู ปา, เร๊อ อาม๊อขุ เตเน่ว เต๊เห่ ปา เร๊อ อา เก่ เด๊อะเลอ กาคยาฉื่อคยา อู ปว๋า เตเพร ฮู๊ เหย่ซี เมโทเฮ๊อ เนอเต๊เห่ ปา.

ꤟꤤꤙꤚꤢꤨ 11:6

เตหยื่อ เก่ โอ่โต่ เนอ, เตเพร่ว หม่า อู เมโตเบ๊ จอแปแหร่ อาซิปล่อ โต่, เมเตเฮ๊เรอ, ล๋อ แกแย เด๊อ อา แฮ เด๊อ จอแปแหร่ อา โอ่ เต๊เห่เนอ, อา เบ่ หยื่อเอ่ เน๊อ จอแปแหร่ เนอ อา โอ่เซอเพร. เร๊อ แกแย เด๊อ อา ซิปล่อฉว่า แม๊ปู ลู เต๊เห่เนอ, อา เบ่ หยื่อเอ่ เร๊อ จอแปแหร่ เก่ เด๊อ เหย่ซี เตเมหนิคว๊าเก่ ปา ฮู๊เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:15

แกแยยิวพู๊ เต๊เห่ หม่า เพรเมเซอ แบ่เจ่ เหย่ซู่ เร๊อ เพรโพร เต๊เห่, โท๊โต่ อา เหว่เถ่แก เป. อา เมโต จอแปแหร่ ซิปล่อ โต่, โทเรอ อา ซิเถ่ซิฮา ลอ เจ๊อ อูปว๋า เตเพร เจ๊อ.

ฟีลิปปี 2:17

เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.

โครินธ์ เนอบ่า ต๊าบ่า 4:17

เมเตเฮ๊เรอ เตแป่เตเช เด๊อ เป ข่าเบ่ อา เบ๊อะเห่ขุ เออเต๊เห่ เนอหม่า แตแปล๊เตอเปลอฮู๊ แพ๊. เป เก่ โต๊โหล่แม๊ เร๊อ เตตว่าเตแร๊ เด๊อ เป เก่ พย๊าหนิ อา ช๋า โหน่ปา ตือทือ ปา เต๊เห่ เฮ๊เนอหม่า, อาหม่า เร๊อ เตอเจ๋อ ล๋ายโต่. เบ๊อะเห่ขุเออ เป ข่าเบ่ เจ๊อ เตแป่เตเช เออเต๊เห่ หม่าแน๊เรอ เด๊อ ม๊อขุ ปาเนอ เตลีเตเตเค ตูจูเพร เด๊อ อาตว่าอาแร๊ เล๊อ, เร๊อ อาดุอาโถ่ เล๊อ เจ๊อ เร๊อ เตแป่เตเช เด๊อ เป ข่าเบ่ เด๊อ เห่ขุ เออเนอ, เป เก่ พย๊าหนิ ปา.

เพรโด่แนพู๊ เต๊เห่ 5:41

เพรโด่แนพู๊ เต๊เห่ เหย่ซีซิครือซิลอ เถ่จว๊าแก เด๊อ แกแยยิวพู๊ ทวาดุทวาเต เออเต๊เห่ อา เป๊เส่เง, เมเตเฮ๊เรอ เด๊อ เหย่ซู่ อาขว่าอาคยาเร๊อ, จอแปแหร่ แด่โอ่ แหน่ เฮ๊อ เหย่ซี เร๊อ อา โต แหน่ เฮ๊อ เร๊อ อา เบ่ ป่อชิเต่อ อู เมเตเร เหย่ซี ฮู๊เออ เนอหมา อา อาต่า แหน่ เฮ๊อ ฮู๊เนอ แพ๊.

มัทธิว 6:16

“เบ๊อะซี โด่เอ่เฉ่ เบ๊อะเนอ, แอ๊โน๊ แอ๊กา แต่ ซีเป๊เส่ ฮู๊ แกแย จ่าจ๊อจ่าเต อาเหน่ เนอเต๊เห่ แต่เหม่ นี๋. แซ่ฮู๊ อู เก่ ซิเง เร๊อ เหย่ซี โด่เอ่เฉ่ เนอเรอ อา แอ๊โน๊ แอ๊กา อาเป๊เส่. แว เฮ๊จ๊อจ๊อ ซี, เด๊อ อู ถู่เซ๊ เหย่ซี อาขว่าอาคยา, เหย่ซี พย๊าหนิ เล๊อบา ลอเฮ๊อ อาคว๊าอาเก่เออ เฮ๊อ. คว๊าเก่ เด๊อ อาโร เนอ อา พย๊าหนิ ปาโต่เฮ๊อ.

โครินธ์ อาเหร่อเล๊อ ต๊าบ่า 3:8

เพร เด๊อ อา โหล่ตา เตกลุย เออ เร๊อ เพร เด๊อ อา ยือเทอ เออ ซิเนอ ลอ เนอ, อา เตเตเน แม๊ชือ หนื่ออื่อ เต๊เห่ เนอหม่า อา แซ่ลู แพ๊, อาดุเล๊อ ลู โต่. ฮู๊ เหย่ซี เตเพร เร๊อ เตเพร แอ๊จื๊อแอ๊เหร่ เมโทเฮ๊อ เตเต๊เห่เนอ, จอแปแหร่ เก่ เด๊อะ เหย่ซี เตแร หนิคว๊าเก่ ปา.

ꤜꤢꤨꤊꤢ꤬ 6:35

โตเบ่ เมหนิ ฮู๊เนอ โต่! โมหนิเรอ แกแย เด๊อ อา ซิเถ่ ซี เนอเต๊เห่ เร๊อ เมแร๊ เหย่ซี เนอ, เด๊อะบ่อ เต เร๊อ แม๊ชือ พย๊าหนิ กาคยา เต เตเต๊อเจ๋อ แต่เหม่. ซี เก่ เมฮู๊เนอ เฮ๊เรอ จอแปแหร่ เก่ เด๊อะบุ๊ยเด๊อะเตอเรอ ตาป่อตาเป เจ๊อ ซี ปา. ซี เก่ เด๊อะบ่อ อู เร๊อ ซี เก่ แม๊ชือ พย๊าหนิ กาคยา คยาแซ๊ เต เตอเจ๋อ โต่ เฮ๊เนอหม่า, อู เก่ แม๊เถอะ ซี เร๊อ เตดุเตทูตื๊อดื่อ จอแปแหร่ อาพู๊ ซีเต๊เห่ ปา. เมเตเฮ๊เรอ จอแปแหร่ เมแร๊ฉื่อ แกแย เด๊อ อา ซิเง ฉื่อ เกอ อูบุ๊ยอูเตอเรอ โต่ เนอเต๊เห่ เร๊อ แกแย เด๊อ อาจาอาจือตื๊อดื่อ ดื่อเง เนอเต๊เห่.

เห่ขุทวาลู่ 15:1

เบ๊อะ คูอับราม เมแลเปล๊ หนิแก คูโลท โทเนอ, อา แม๊เถอะลว๊า เต เต๊อเจ่อ เร๊อ จอแปแหร่ ตูจูเพร เฮ๊เบ่ตา ลู เน๊อ, “เก๋อ คูอับราม, ซิอิเช แต่ เตอเจ๋อ แต่เหม่ นี๋. แว เก่ ตอกอเตเก เร๊อดื่อ เน ปา, โท๊โต่ แว เก่ เด๊อะโป่ เน เตเมหนิ คว๊าเก่ เด๊อ อาแร๊ดุเล๊อ เออเนอ ปา.”

เพรโด่แนพู๊ เต๊เห่ 16:25

เบ๊อะเหมาะเนเคเนอ, คูเปาโล เร๊อ คูสิลาส กุยจ๊อเบ เร๊อ อิโร ถู่เซ๊แถ่ จอแปแหร่ อาเค, แกแย โอ่ เด๊อ ทอกู เต๊เห่ หนิดา แลแค เหย่ซี เตกุยจ๊อเบ เต๊เห่ เร๊อ เหย่ซี เตอิโร เต๊เห่.

ꤜꤢꤨꤊꤢ꤬ 13:34

“เก๋อ วีเยรูซาเล็ม, เมอเยรูซาเล๋ม เพรโพร เด๊อ อู นอแฮ เหย่ซี เด๊อ เนโอ่ เต๊เห่เนอ, เต๊เห่เห่เร๊อ เน เมเซอแก เหย่ซี, เต๊เห่เห่เร๊อ เน ต่า เหย่ซี เร๊อ หล่อ. ฮู๊ ชาโหมะ ตอกอเตเกบี๊ เกอเร๊อ อาพู๊ เด๊อ อาด๊าเล เนอ, แว แอ๊จื๊อตอกอเตเกบี๊ หนิ โตโมโม เจ๊อ เน ตื๊อดื่อเรอ เน ซิหยื่อ นอเตเกบี๊ หนิ แว เร๊อ เนเหน่ โต่.

ꤟꤤꤙꤚꤢꤨ 11:26

คูโมเสส แด่แล เฮ๊อ อาซิปล่อ เน๊อ, ข่าเบ่ เตเป๊อเจ่ออิแซ๊ เด๊อ ครี๊ อาเงเนอ, อางูดุงูชอ เล๊อปา เจ๊อ เร๊อ อียิปต์เก่ อา เตดุแหย่แถ่เซ เต๊เห่ เจ๊อ, เมเตเฮ๊เรอ อา โอ่ป่อแม๊ชือ เน๊อ จอแปแหร่ เก่ เด๊อะ ลู อา เตเมหนิคว๊าเก่ ช๋า เนอปา.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.

ꤟꤤꤙꤚꤢꤨ 10:34

ซี ซิยอเร๊อ แกแย เด๊อ อู ด๊อตา ลู เด๊อ ทอกู เนอเต๊เห่. อู เป่เอ่เป่โอ ปื่อเผ่ จว๊าแก ลอ ซี ตาหมื่อตาเต เจ๊อ หม่าแน๊เรอ, ซี แด่ ซิครือ แลแค แพ๊ ซี ซิปล่อ, เมเตเฮ๊เรอ ซี ซิเง เน๊อ ซี ตาหมื่อตาเต เด๊อ อาแร๊เล๊อ เร๊อ อา โอ่หม่าโอ่กลอ ตูจูเพร เออเนอ อา โอ่ เอ๊ลูปา เด๊อ ม๊อขุ อาขว่าอาคยา, ซี ซิครือซิลอ แลแค แพ๊.

ꤟꤤꤙꤚꤢꤨ 11:33

เด๊อ เตหยื่อ อาขว่าอาคยาเร๊อ, เหย่ซี เออเต๊เห่เนอ, อา ช๊าเป่ เทอเก่ เต๊เห่. เหย่ซี เป๊อเต จ๊อจ๊อเตเต เร๊อ อา พย๊าหนิ เต เด๊อ จอแปแหร่ อ๊อแล เหย่ซี เนอเต๊เห่. อา เมเป่ แลแค แอ๊ซี เร๊อ แอ๊ซี เต๊เห่เนอ อา อ่า เหย่ซี โต่.

ꤡꤛꤢꤩ꤭ꤗꤢ꤬ꤎꤣ꤬ 5:10

แว โป่แหว่ ซี๋, ซิเหน่แถ่เบ่ โต่ แลแค เพรโพร เด๊อ อา เฮ๊เบ่ เด๊อ แบ่เจ่ อามุย อากู เนอเต๊เห่ นี๋. เบ๊อะซี แม๊เถอะ ป่อชิเต่อเบ่ เร๊อ เตจาเตจือ เบ๊อะเนอ, แม๊บือเกอ เหย่ซี แด่ทูซิปล่อเบ๊ โทเฮ๊อ เตจาเตจือ เนอเต๊เห่ นี๋.