มัทธิว 5:11 - ลีเทส่อพ๊าอาเซ เร๊อ เห่ขุทวาลู๊

¹¹ “เบ๊อะอู เป๊อเจ่ออิแช๊ ซี, อู เมจาเมจือ ซี, อู เกบูเกบย่า ซี เร๊อ อู เฮ๊ มู๊แหม่รีแจ่ ซี เด๊อ แวขว่าแวคยา เต๊เห่เนอ, ซี พย๊าหนิ เตเด๊อะบุ๊ยเด๊อะเตอเรอ.

Eastern Kayah Shadaw Dialect

¹¹ “ꤙꤣꤧ ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤞꤤ꤭, ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭, ꤢꤨ꤭ ꤊꤢꤩ꤬ꤙꤢꤪ꤭ꤊꤢꤩ꤬ꤙꤛꤢ꤬ ꤞꤤ꤭ ꤚꤣꤧ꤬ ꤢꤨ꤭ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯

มัทธิว 5:11 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 4:14

เก่ ซี ข่าเบ่ เตเป๊อเจ่ออิแช๊ เด๊อ ซี ครวาเกอ ครี๊ อาคยา เก่เฮ๊เรอ ซี พย๊าหนิ เตเด๊อะบุ๊ยเด๊อะเตอเรอ, เมเตเฮ๊เรอ จอแปแหร่ อา แหย่โยบูโพ๊ เด๊อ เตอเรอดุเตอเรอทู เออเนอ, อา โอ่เต่อเกอ เร๊อ ซี เฮ๊อ.

ꤜꤢꤨꤊꤢ꤬ 21:17

เด๊อ แวขว่าแวคยา เร๊อ แกแย ปว๋า เตเพร อา ซิโตโค ลอ ซี ปา.

มัทธิว 24:9

“โทเรอ อู เก่ปื่อ เก่จอ ลอ ซี ปา, อู เก่มือ เก่ปอ ลอ ซีปา, โท๊โต่ อูเก่ เมเซอ ซี ปา. เด๊อ ซี จ๊อ เร๊อแว อาขว่าอาคยา, เร๊อ แกแย ปว๋า เตเพร ซิโตโค ซี ปา.

ꤜꤢꤨꤊꤢ꤬ 6:22

ซี ย๋อหยื่อเอ่ แกแยพู๊คู หม่าเฮ๊อ แวเออ อาขว่าอาคยา, เร๊อ อู ซิเถ่ ซี, อู เอ๊โมฉื่อ ซี โต่, อู เป๊อเจ่ออิแช๊ ซี เร๊อ อู เฮ๊ มู๊แหม่รีแจ่ ซี อาขว่าอาคยา, ซี เก่ พย๊าหนิ หม่าแหน่ เจ๊อเฮ๊อ เตเด๊อะบุ๊ยเด๊อะเตอเรอ เฮ๊อ.

เปโตร อาเหร่อเล๊อ ต๊าบ่า 2:23

เบ๊อะอู เป๊อเจ่ออิแช๊ อา เบ๊อะเนอ, อา เป๊อเจ่ออิแช๊ กาคยาฉื่อ อู โต่. เบ๊อะอู เมจาเมจือ อา เบ๊อะเนอ, อา เมซิอิเช กาคยาฉื่อ อู โต่. หม่าแน๊เรอ เตเมจาเมจือ เออเต๊เห่เนอ อา เด๊อะตาแก เด๊อ จอแปแหร่ อา กู่ยากู. เร๊อ อา หยื่อเอ่หนิ เร๊อ จอแปแหร่ เมจากาคยาเต จ๊อจ๊อเตเต แพ๊.

ꤛꤥ꤭ꤟꤢ꤬ 15:21

ซี ทวา แว โคเจ่ อาขว่าอาคยา แกแย เห่ขุพู๊ เต๊เห่ เก่ เมจาเมจือ ซี ปา, เมเตเฮ๊เรอ เหย่ซี ซิเง แลแค เพ เด๊อ อา นอแฮ แว เออเนอ เตเพร่ว โต่.

มัทธิว 10:22

เด๊อ แวขว่าแวคยา เนอ, อู ปว๋า เตเพร เก่ ซิเถ่ ลอ ซี ปา. หม่าแน๊เรอ แกแย เด๊อ อา ก๊อถ่อแตแน โอ่กลอช๊อหม่า เด๊อ อา เตหยื่อเตแหน่ อากู โต่เด๊อ อาตื๊อดื่อ เต๊เห่เนอ, จอแปแหร่ เก่ เมแลเปล๊กา เหย่ซี ปา.”

มัทธิว 10:39

แกแย เตเพรเพร เด๊อ อา ซิโล เกอเร๊อ อาซิปล่อ เซอเพร เนอ, อา เก่ แลจุ แก อาซิปล่อ เซอเพร ปา. แกแย เด๊อ อา ชิโล เกอ เร๊อ อา เหล่ เซอเพร โต่ เด๊อ แวเงเนอ, อา เก่ พย๊าหนิ เหล่ เซอ เพร ตูจูเพร เง ปา.

เตเด๊อะโลแถ่ 2:3

เด๊อ แวมุย อาขว่าอาคยาเร๊อ, เน เมแคเมแอ่ เน ข่าเบ่ เตจาเตจือ เร๊อ เน ซิปล่อ ปย๊าโต่ เนอหม๋า ซิเงเง.

มัทธิว 19:29

โท๊โต่ อูเปเป๋ เบ่เบ่, เด๊อ แวขว่า แวคยาเรอ, อา แด่แก อาหี่อาเพร๊ เบ่เบ่, อาโป่อาแหม่ เต๊เห่ เบ่เบ่, อาโหมะอาเพ เบ่เบ่, อาพู๊ อาเลอ เต๊เห่ เบ่เบ่, อา เก่ พย๊าหนิ เอ๊เล๊อ ปา เจ๊อ เร๊อ อา แด่แก เนอเต๊เห่ อาโพ๊ เด๊อ อาเยกู ปา, โทเรอ อา เก่ พย๊าหนิ ซิปล่อเซอเพร ตูจูเพร ปา.

โครินธ์ เนอบ่า ต๊าบ่า 4:11

เป เตโอ่เซอเพร เออตือทือ แกแย เนอ, เป ย๋อ ครวา เหย่ซู่ คยา อาขว่าอาคยา, เป เบ่ แม๊เถอะเบ่ เน๊อ เตต๊อหร่อเซ๊ ซิอิเช เด๊อ อู เก่ เมเซอ เจ๊อ เป เจ๊อ. แซ่ฮู๊ อู เก่ แม๊เถอะ เร๊อ ครี๊ โอ่เซอเพร เด๊อ เปเหน่กล่อ เด๊อ เตอเนอเค ปา อา เซอแจ่เออ อากูเนอ, เป เบ่ แม๊เถอะเบ่ ฮู๊เออ แพ๊.

โครินธ์ อาเหร่อเล๊อ ต๊าบ่า 4:10

เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.

ꤚꤥꤗꤢꤩ꤬ 8:36

ลีเทส่อพ๊ากู เฮ๊ เนอ, “เด๊อ ซีขว่าซีคยา เร๊อ, เป แม๊เถอะเบ่ เร๊อ เตเซอ เตอเน๋อ เหมาะเฮ๊ เจ๊อ. อู เตเน เป เร๊อ เปเออ อาแซ่เน๊อ ซิหมิ เด๊อ อู เตเร เมเซอ ลู เนอ,” อา เฮ๊ ฮู๊เนอ.

ꤜꤢꤨꤊꤢ꤬ 21:12

“หม่าแน๊เรอ เบ๊อะเตเออเต๊เห่ ทวาแถ่ แต่ล๋ายโต่ เบ๊อะเนอ, เด๊อ แวมุย อาขว่าอาคยาเร๊อ, อู เก่ ปื่อ ซี อู เก่ เมจาเมจือ ซี ปา. อู เก่ ซูจว๊า ซี เด๊อ เตจ๊อเบโฮกู ปา เร๊อ อู เก่ เจแม๊ ซี ปา, อู เก่ ด๊อตา ซี เด๊อ ทอกู ปา. โทเรอ อู เก่ ซูจว๊า ซี เด๊อ คุ๊ย เร๊อ จ๊อแผ่ เต๊เห่ อา เป๊เส่เง ปา.

ꤜꤢꤨꤊꤢ꤬ 9:24

เมเตเฮ๊เรอ แกแย เด๊อ อา ซิหยื่อ เตเมแลเปล๊แก เกอ เร๊อ อา ซิปล่อเซอเพร เตเพร เพร เนอ, อา ซิปล่อเซอเพร เก่ โอ่เหม่แก ปา, หม่าแน๊เรอ เด๊อ แวขว่าแวคยา เร๊อ แกแย เตเพร เพร เก่ เด๊อะแลแก อา ซิปล่อเซอ เพร เร๊อดื่อ เฮ๊เนอ, อา เก่ พย๊าหนิ ซิปล่อเซอเพร ตูจูเพร ปา.

ꤗꤢ꤬ꤊꤢꤨ 8:35

เมเตเฮ๊เรอ แกแย เด๊อ อา ซิหยื่อ เมแลเปล๊กา เกอเร๊อ อา ซิปล่อเซอเพร เตเพรเพร เนอ, อา เก่ แลจู่ แก อาซิปล่อ เซอเพร ปา. หม่าแน๊เรอ เด๊อ แวคยา เร๊อ แกแย เตเพรเพร เก่ เด๊อะแลแก อา ซิปล่อเซอเพร เร๊อ เตซิครือมีลา เออเนอ เด๊อ แวเง เฮ๊เนอ, อา เก่ พย๊าหนิ ซิ ปล่อเซอเพร ตูจูเพรเง ปา.

มัทธิว 10:25

โคเจ่ เตเพร เก่ แจ่ บ๊า อาซ๊าร๊า เนอ, เร๊อ หลู่ เตเพร เก่ แจ่ บ๊า อาแบ่เจ่ เนอ เฮ๊หม่า โป่เฮ๊อ. แว ทวา เจ๊อ หี่กู่กล๊อ เตเพร เร๊อ เหย่ซี เก่ เอ๊ แว เร๊อ โลเน๊โลหน่า อา กู่กล๊อดุ เด๊อ อามุย เร๊อ เบเอลเซบูล เออ เก่เฮ๊เรอ ซี เด๊อ อา ทวา แพ๊ หี่พู๊แพพู๊ เต๊เห่เนอ, อา เก่ เอ๊ จา เอ๊ มู๊แหม่ เล๊อ ปา เจ๊อ ซีมุย ปา.

เพรโด่แนพู๊ เต๊เห่ 9:16

ล๋อ เตจาเตจือ เด๊อ อา โตเบ่ ข่าจา เด๊อ แวขว่าแวคยา เต๊เห่เนอ, แว เก่ เด๊อะโล ซิเง เจ๊อดื่อ ลู เร๊อ แวเหน่ ปา.”

ꤗꤢ꤬ꤊꤢꤨ 13:9

“ซี เบ่ รอหนิ แลแค ซีเหน่. เด๊อ แวขว่าแวคยา เร๊อ อู อา ปื่อ ซี ปา, เร๊อ อู เก่ ซูแถ่ ซี เด๊อ เพรเฮ๊เบ่เมโตเต เด๊อ ทวาดุทวาเต เต๊เห่ อา เป๊เส่เง ปา. อู เก่ มือปอ ซี เด๊อ เตจ๊อเบโฮกู ปา. ซี เบ่ ก๊อถ่อโอ่ เด๊อ เพรเป๊อเต เต๊เห่ เร๊อ จ๊อแผ่ เต๊เห่ อาเป๊เส่เง ปา. เร๊อ อา เก่ แด๊เฮอ เจแม๊ ซี ปา เร๊อ ซี เก่ ข่าเฮ๊โล หนิเป่ เหย่ซี เร๊อ เตซิครือมีลา อาหรี่อาแก ปา.

มัทธิว 27:39

แกแย เด๊อ อา จว๊าผื่อ กาผื่อ แลแค เบ๊อะอาช๊า เนอเต๊เห่ เฮ๊เบ่ล๊า เฮ๊เบ่ เล เร๊อเนอตา แลแค อากู่กล๊อ, เป๊อเจ่ออิแช๊ เร๊อ อาเฮ๊แลแคลูเน๊อ,

ꤗꤢ꤬ꤊꤢꤨ 4:17

หม่าแน๊เรออาหรุ่ย ย๋อ ตาแย โต่ อาขว่าอาคยา, อา เซอเพร เตอเปลอฮู๊ แพ๊. อา หยื่อเอ่ จอแปแหร่ อาลาอาโหง่ หม่าแน๊เรอ เบ๊อะเตจาเตจือ เตมู๊แหม่รีแจ่ กา เบ่ เหย่ซี เบ๊อะเนอ, โตโพ๊โต อาซิปล่อ ลูจว๊าโค๊แก เร๊อ อา แลคื๊อ แก คยาแซ๊ แพ๊.

มัทธิว 10:18

เด๊อ แวขว่าแวคยา เร๊อ อู เก่ จุ่ยตู๊หรู่ แฮ ซี เด๊อ เพรเป๊อเต เด๊อ อา ทวา กู่กล๊อ เต๊เห่ เน๊อ คุ๊ยเต๊เห่ อา โอ่ ปา. ซี เบ่ แด๊โฉ่โด่แน เด๊อะ โล หนิเป่ เหย่ซี เร๊อ แกแยยิวพู๊ หม่าโต่ เต๊เห่ เน๊อ แวหรี่แวแก ปา.

ꤛꤥ꤭ꤟꤢ꤬ 9:28

เออโตโพ๊เรอ, เหย่ซี ซิปล่อดุ, เฮ๊ โตโมจู๊แก่ ลู เน๊อ, “เน หม่า อาโคฮู๊เจ่ เป หม่า คูโมเสส อา โคเจ่ ดื่อ,” อา เฮ๊ ลู ฮู๊เนอ.

ฟีลิปปี 1:29

เมเตเฮ๊เรอ, จอแปแหร่ เด๊อ ตื๊อแพ๊ ซี เตเด๊อะบุ๊ยเด๊อะเตอเรอ เด๊อ ซี เก่ หยื่อเอ่ ครี๊ เออเนอ หม่าโต่, อา ซิปล่อโอ่ เกอดื่อ เร๊อ ซี เก่ ข่าเกอ เตเมจาเมจือ เด๊อ ครี๊ อาเงเง.